Ozée 6:9 - MAWUXÓWÉMA

⁹ Vɔ̌sánú-xwlémawutɔ́ lɛ́ɛ tɔwu ɖo Sikɛ́mu sín ali jí ajotɔ́ axánsúnxó ɖɔhun, bó ɖo mɛ hu wɛ. Heelúnú e dó sin wɛ yě ɖe lɛ́ɛ nɛ́.

Ozée 6:9 Iomraidhean Croise

Bǐbɛ́mɛ 12:6

yě gbɔn to ɔ́ mɛ dín, bó yi zun Mɔlée tɔn kɔn, ɖo to e è nɔ ylɔ́ ɖɔ Sikɛ́mu ɔ́ mɛ. Kanáanu lɛ́ɛ ká ɖo to ɔ́ mɛ hwenɛ́nu.

1 Axɔ́sú 12:25

Jelobowámu mɛ ahohó lɛ́ lɛ̌ dó Sikɛ́mu toxo ɔ́, ɖo Eflayímu sókan mɛ, bó nɔ fínɛ́. Ée é yá ɔ́, é wá gosín fínɛ́, bó yi mɛ ahohó lɛ́ lɛ̌ dó Pɛnuwɛ́li toxo ɔ́.

Ɛsidlási 8:31

Đo sun nukɔn tɔn ɔ́ sín azǎn wěwegɔ́ ɔ́ gbe ɔ́, mǐ gosín tɔsisa Axawa tɔn ɔ́ kɔn, bó ɖidó Jeluzalɛ́mu. Ée mǐ ɖo alixo ɔ́, Mawu mǐtɔn cyɔ́n alɔ jǐ mǐtɔn, bɔ kɛntɔ́ mǐtɔn lɛ́ɛ wa nǔ ɖěbǔ nú mǐ ǎ; yě ká ɖó mɔ nú mǐ bó fɔ nǔ e mǐ hɛn lɛ́ɛ ǎ.

Jelemíi 11:9

Mawu Mavɔmavɔ ɖɔ nú mì ɖɔ: “Judáa ví lɛ́ɛ kpó Jeluzalɛ́munu lɛ́ɛ kpó blá sé ɖé.

Ezekiyɛ́li 22:25

Gbeyíɖɔ yětɔn lɛ́ɛ nɔ́ ɖó gbe kpɔ́ bó nɔ́ dó nǔ sin; yě cí kinnikínní e wlí lan bó ɖo vǔnvún ɖu wɛ, bó ɖo gbe dó ɖ'é kɔn wɛ é ɖɔhun; yě nɔ́ hu mɛ lɛ́ɛ, yě nɔ́ yí dɔkun mɛ lɛ́ɛ tɔn kpó nǔ xɔ akwɛ́ mɛ lɛ́ɛ tɔn kpó; yě nɔ́ ɖo mɛ lɛ́ɛ hu wɛ bɔ asúkúsi ɖo kpɔ́.

Ezekiyɛ́li 22:27

Togun ɔ́ sín gǎn lɛ́ɛ cí hla e wlí lan bó ɖo vǔnvún ɖu wɛ é ɖɔhun. Yě nɔ́ kɔn kanjɔ kɔn nyi ayǐ; yě nɔ́ hu mɛ lɛ́ɛ bó nɔ́ bɛ́ nǔ yětɔn.

Ezekiyɛ́li 22:9

Mɛ ɖé lɛ́ɛ ɖo ayǐkúngban towe jí, bó nɔ́ ɖɔ xó nyanya dó nɔzo yětɔn lɛ́ɛ wú, bó ná hu yě. Mɛ towe lɛ́ɛ nɔ́ ɖu nǔ e è xwlé vodún é, gbɔn só jí só jí; nǔ baɖabaɖa wɛ mɛ lɛ́ɛ nɔ́ dó sin ɖo ayǐkúngban towe jí.

Ezekiyɛ́li 23:27

Un wa mɔ̌ xá we ɔ́, nǔ blíblí e wa wɛ a ɖe lɛ́ɛ, kpó aga e a bɛ̌ lilɛ sín Ejípu ɔ́ kpó ɔ́, un ná ɖó bǐ te. Énɛ́ ɔ́, súnnu ɖě sɔ́ ná jló we ǎ, a ka sɔ́ ná flín Ejípunu lɛ́ɛ ɖě ǎ.

Ozée 2:10

É tunwun ɖɔ nyɛ wɛ nɔ ná émí jinukún, kpó vɛ̌ɛn yɔ̌yɔ́ kpó, kpódó ami kpó ɖ'ayǐ ǎ. Bɔ kpatágan kpó siká kpó e un nɔ ná ɛ ɔ́, é nɔ́ fɔ ná vodún Baalu.

Ozée 4:2

Nu jɛ́n yě nɔ́ dó nɔzo yětɔn, yě nɔ́ ɖó adingban, yě nɔ́ hu mɛ, yě nɔ́ ja ajo, yě nɔ́ lɛ aga. Asú wɛ yě nɔ́ fán mɛ; yě fɔ́n ɔ́, mɛ hu wɛ jɛ́n yě nɔ́ ɖe.

Ozée 5:1

“Vɔ̌sánú-xwlémawutɔ́ lɛ́ɛ mi, mi ɖótó xó élɔ́! Izlayɛ́li sín gǎn lɛ́ɛ mi, mi lɔmɔ̌ ní ɖótó. Mi mɛ e ɖo axɔ́sú ɔ́ sín hɔnmɛ lɛ́ɛ mi, mi lɔmɔ̌ ní ɖótó. Midɛɛ lɛ́ɛ wɛ ɖó ná ɖɔ hwɛ jlɔ́jlɔ́. Lo ɔ́, fɛ́ca wɛ mi nyí nú togun ce ɖo Misipa, bó nyí ɖɔ bɔ è ɖǒ n'i ɖo Tabɔ́ɔ só jí,

Ozée 5:2

bó nyí do gɔngɔn ɖo Citímu. Amɔ̌, nyɛ ɔ́, un ná kplɔ́n mi mɛ bǐ.

Ozée 7:1

Mawu Mavɔmavɔ ɖɔ: “Hwenu e un jló ná gbɔ azɔn nú togun Izlayɛ́li tɔn ɔ́, hwɛ e akɔta Eflayímu tɔn ɔ́ hu lɛ́ɛ kpódó dǎka e Samalíinu lɛ́ɛ xo ɔ́ kpó wɛ un mɔ. Ajotɔ́ lɛ́ɛ byɔ́ xwé lɛ́ɛ gbe, ajotɔ́ axánsúnxó lɛ́ɛ ɖo ajo gbo mɛ wɛ gbɔn alixo alixo.

Micée 3:9

Izlayɛ́li mɛxó hwɛɖɔtɔ́ lɛ́ɛ e mi, mi ɖɔ xó ná wɛ un ɖe. Mi gbɛ́ wǎn nú nǔ ɖagbe wiwa, bó nɔ gba sɛ́n.

Micée 7:2

Gbɛtɔ́ e ɖo gbejí nú Mawu ɔ́ ɖě sɔ́ ɖo to ɔ́ mɛ ǎ; ayijlɔ́jlɔ́nɔ ɖě sɔ́ ɖo to ɔ́ mɛ ǎ. Lě e yě ná wa gbɔn bó ná hu mɛ ɔ́ jɛ́n nɔ ɖo ayi mɛ nú yě bǐ, bɔ yě nɔ́ ɖo yěɖée cɔ́ wɛ.

Sofoníi 3:3

Gǎn e ɖo toxo ɔ́ mɛ lɛ́ɛ cí kinnikínní e ɖo adǎn jí é ɖɔhun. Hwɛɖɔtɔ́ e ɖo toxo ɔ́ mɛ lɛ́ɛ cí hla e xovɛ́ sin, bɔ é yi zǎngbé, bɔ adɔ ma lɔn nǔ n'i nú é ɖu nǔɖé kpo nú zǎnzǎn ǎ é ɖɔhun.

Maki 14:1

Dǐndínwáyi sín xwe kpódó wɔ̌xúxú e mɛ è ma dó tɔ́n ǎ ɔ́ kpó sín xwe kpo sɔ. Vɔ̌sánú-xwlémawutɔ́gán lɛ́ɛ kpódó sɛ́nkplɔ́nmɛtɔ́ lɛ́ɛ kpó ká ɖo lě e yě ná ɖó yɛ gbɔn, bó wlí Jezu, bó hu i ɔ́ sín wě ɖe wɛ.

Jǎan 11:47

Bɔ vɔ̌sánú-xwlémawutɔ́gán lɛ́ɛ kpódó Falizyɛn lɛ́ɛ kpó ylɔ́ kplé toxóɖɔtɔ́ lɛ́ɛ tɔn, bó ɖɔ: “Nɛ̌ mǐ ká ná bló gbɔn nú nya élɔ́? Éɖíe ɖo nǔ gěgé jlɛ́ wɛ e.

Mɛsɛ́dó 4:24

Ée gbɛ̌ yětɔn lɛ́ɛ se xó énɛ́ lɛ́ɛ ɔ́, yě bǐ ɖó gbe kpɔ́, bó ɖɔ nú Mawu ɖɔ: “Aklúnɔ! Hwi wɛ bló jǐxwé kpódó ayǐkúngban kpán, bó lɛ́ bló xu kpódó nǔ e ɖ'é mɛ lɛ́ɛ bǐ sésé kpán.