Ozée 6:4 - MAWUXÓWÉMA

⁴ Eflayímu e, nɛ̌ un ná wa nǔ towe gbɔn? Judáa e, nɛ̌ un ná wa nǔ towe gbɔn? Sísí e mi ɖó nú mì ɔ́ cí akpɔ́kpɔ́ zǎnzǎn tɔn ɖɔhun. É cí amǔ e sú, bɔ zaanɖé din ɔ́, é ná kɛn ɔ́ ɖɔhun.

Ozée 6:4 Iomraidhean Croise

Jelemíi 3:10

Nǔ ɖo mɔ̌ có nɔví tɔn Judáa afɔdógbětɔ́ ɔ́ lɛ́ kɔ wá gɔ̌n ce kpó ayi tɔn bǐ kpó ǎ. Yɛmɛnú wɛ é wa.” Xó e Mawu Mavɔmavɔ ɖɔ ɔ́ nɛ́.

Jelemíi 3:19

Mawu ɖɔ: “Đ'ayǐ ɔ́, un nɔ ɖɔ un ná zé we bɔ hwi lɔ ná nyí vǐ nú mì, bɔ un ná ná we gbɛɖuto, to e nyɔ́ hú nǔ bǐ ɖo gbɛ ɔ́ mɛ e. Un nɔ ɖɔ a nǎ ylɔ́ mì ɖɔ tɔ́; un nɔ ɖɔ a kún sɔ́ ná lɛ́ kɔ sín gǔdo ce ɖě ó.

Jelemíi 34:15

Amɔ̌, midɛɛ lɛ́ɛ ɔ́, zǐnzán mitɔn gbɔn vo nú yětɔn. Mi mɛ ɖokpó ɖokpó kó jó kannumɔ mitɔn lɛ́ɛ dó bɔ yě jɛ yěɖée sí, káká bɔ mi jɛ akɔ ɖokpó dó nǔ énɛ́ tamɛ, ɖo xwé e è sɔ́ ɖó vo nú mì ɔ́ gbe.

Jelemíi 5:23

Midɛɛ lɛ́ɛ ɔ́, togun ɖé wɛ mi nyí bó se tónú ǎ; gǔ wɛ mi fɔ́n. Mi jó agɔ, lobo ɖi dó.

Jelemíi 5:7

Mawu ɖɔ: “Jeluzalɛ́mu, étɛ́wú un ka ná sɔ́ hwɛ kɛ we? Vǐ towe lɛ́ɛ ɖíe ko jó mì dó e. Yě nɔ́ xwlé vodún, vodún ká nyí Mawu ǎ. Un na nǔ bǐ yě, yě ká lɛ́ dó afɔ gbě. Ahwan wɛ yě nɔ́ dó gbě yi agalɛtɔ́ xwé.

Jelemíi 5:9

Un na dɔn tó nú yě ɖó nǔ énɛ́ lɛ́ɛ wú ǎ cé? Togun mɔ̌hunkɔ ɔ́, un ná wa nǔ xá ɛ ǎ cé? Xó e nyɛ Mawu Mavɔmavɔ ɖɔ ɔ́ nɛ́.

Jelemíi 9:7

Đɛ̌ yětɔn cí aɖǐgá ɖɔhun. Adingban jɛ́n yě nɔ́ ɖó. Yě nɔ́ ɖɔ xó ɖagbe nú nɔzo yětɔn, ayi yětɔn mɛ ɔ́, mɔ ɖó n'i wɛ yě ká ɖe.”

Ozée 11:8

“Eflayímu e, nɛ̌ un ná wa nǔ towe gbɔn? Izlayɛ́li e, un ná jó we dó wɛ a? Nǔ e un wa xá Adima toxo ɔ́ wɛ un ná wa xá we a? Lě e un ɖó Sevoyímu toxo ɔ́ nyi ɔ́ wɛ un ná ɖó we nyi a? Ayi ce ɖo hun xo xá mì wɛ. Nǔ towe ɖo wǔ blá nú mì wɛ.

Ozée 13:3

Énɛ́ ɔ́ wú wɛ yě ná cí akpɔ́kpɔ́ zǎnzǎn tɔn ɖɔhun, yě ná cí amǔ e nɔ́ sú bɔ zaanɖé ɔ́, é nɔ́ kɛn ɔ́ ɖɔhun; yě ná cí nǔywɛ́ e jɔhɔn dó alɔ mɛ, bó fún sín kɔ́xota fí e è nɔ só jinukún ɖe ɔ́ ɖɔhun. Yě ná cí azizɔ e nɔ ɖo tíntɔ́n sín azɔgonu wɛ é ɖɔhun.

Ozée 7:1

Mawu Mavɔmavɔ ɖɔ: “Hwenu e un jló ná gbɔ azɔn nú togun Izlayɛ́li tɔn ɔ́, hwɛ e akɔta Eflayímu tɔn ɔ́ hu lɛ́ɛ kpódó dǎka e Samalíinu lɛ́ɛ xo ɔ́ kpó wɛ un mɔ. Ajotɔ́ lɛ́ɛ byɔ́ xwé lɛ́ɛ gbe, ajotɔ́ axánsúnxó lɛ́ɛ ɖo ajo gbo mɛ wɛ gbɔn alixo alixo.

Matíe 13:21

lo ɔ́, é ka dó ɖɔ do ǎ; é syɛ́nlǐn ǎ, bɔ hwenu e è nɔ wá ɖo tagba dó nú mɛ wɛ, abǐ è nɔ ɖo mɛ ɖe dó wɛ ɖó Mawuxó ɔ́ wútu ɔ́, nǔɖiɖi tɔn nɔ́ jɛ ayǐ.

Hwɛɖɔtɔ́ 3:12

Izlayɛ́li ví lɛ́ɛ lɛ́ wa nǔ e ma nyɔ́ Mawu Mavɔmavɔ nukún mɛ ǎ é. Énɛ́ ɔ́ wú wɛ Mawu Mavɔmavɔ dɔn axɔ́sú Mɔwabu tɔn Eglɔ́ni dó yě jí.