Ozée 6:3 - MAWUXÓWÉMA

³ Mǐ ní tunwun Mawu Mavɔmavɔ, mǐ ní dó gǎn bó ná tunwun i. Wǐwá tɔn ɖó gblǎ ǎ, lě e ayǐtéhɔ̌nnu má nɔ gɔn susu ǎ é ɖɔhun. É ná wá gɔ̌n mǐtɔn jǐ ɖɔhun, é ná wá lě e xwejí nɔ ja, bó nɔ́ hú sin nú ayǐkúngban é ɖɔhun.”

Ozée 6:3 Iomraidhean Croise

2 Samuwɛ́li 23:4

é cí hwe e tɔ́n kpó wěziza kpó é ɖɔhun, bɔ è nɔ mɔ akpɔ́kpɔ́ ɖěbǔ ɖo jǐxwé ǎ. É cí hwe e jǐ ja ɔ́, é nɔ tɔ́n, bɔ ama nɔ wú é ɖɔhun.”

Jɔ̌bu 29:23

Mɛ lɛ́ɛ nɔ́ nɔ te kpɔ́n mì, lě e è nɔ nɔ te kpɔ́n jǐ é ɖɔhun; un ɖo xó ɖɔ wɛ ɔ́, yě nɔ́ yí xó ce lě e è nɔ hun nu bó nɔ́ yí atán nukɔntɔn e xwetají ɖe ɔ́ dó nu mɛ ɔ́ ɖɔhun.

Ɖɛhan 19:4

Xó wɛ yě nɔ́ ɖɔ bɔ è nɔ se ǎ; nu wɛ yě nɔ́ kɛ bó nɔ ɖɔ xó ǎ; tó wɛ nɔ́ se xó yětɔn ǎ.

Ɖɛhan 19:6

Zǎnzǎn ɔ́, hwe nɔ tɔ́n dɔ̌nkpɛvú e da asi yɔ̌yɔ́ ɔ́ tɔ́n sín xɔ mɛ ɖɔhun. A nǎ ɖɔ wezunnyɔ́kántɔ́ e zlɔ́n ɖidó kpó xomɛhunhun kpó ɔ́ wɛ.

Ɖɛhan 63:8

Đó hwi wɛ nyí alɔgɔ́númɛtɔ́ ce, bɔ un ɖo xó sú wɛ kpó awǎjijɛ kpó ɖo awa towe lɛ́ɛ glɔ́.

Ɖɛhan 65:9

Mɛ e ɖo ayǐkúngban ɔ́ jí é bǐ ɖo xɛsi jí káká yi fí e gbɛ ɔ́ kponu ɖó é, ɖó nǔjíwǔ e a nɔ bló lɛ́ɛ wú. A nɔ dó xomɛhunhun nú gbɛtɔ́ lɛ́ɛ, sín zǎnzǎn hwe jí káká yi gbada hwe jí.

Ɖɛhan 72:6

É ní cí jǐ e ɖo jija dó gle mɛ wɛ é ɖɔhun. É ní cí jǐ ɖaxó e nɔ ja bɔ ayǐkúngban nɔ fá é ɖɔhun.

Nǔnywɛ́xó 4:18

Mɛ e nɔ wa nǔ jlɔ́jlɔ́ lɛ́ɛ sín ali cí wěziza zǎnzǎn tɔn ɖɔhun; é nɔ́ ɖo hǐnhɔ́n wɛ, é nɔ́ ɖo hǐnhɔ́n wɛ káká bó nɔ́ wá hɔ́n bǐ, bó nɔ́ cí wěziza hwemɛ tɔn ɖɔhun.

Ezayíi 2:3

Akɔta gěgé ná jɛ ali ɖidó dɔ̌n bó ná ɖɔ: “Mi wá mǐ yi Mawu Mavɔmavɔ só ɔ́ ta, mi wá mǐ yi Mawu Jakɔ́bu tɔn xwé. É ná kplɔ́n nǔ e é jló ɖɔ mǐ nǎ wa é mǐ, bɔ mǐ nǎ xwedó ali e é ɖe nú mǐ é.” Nǔgbó ɔ́, Sinyɔ́ɔ wɛ Mawu Mavɔmavɔ sɛ́n ɔ́ ná gosín, Jeluzalɛ́mu wɛ Mawu Mavɔmavɔ xó ɔ́ ná gosín wá nú mǐ.

Ezayíi 32:15

Ayǐ ɖokpó ná wá hɔ́n, bɔ Mawu ná kɔn yɛ tɔn dó mǐ jí. Énɛ́ ɔ́, fí e nyí axéko jí é ná húzú atínsínsɛ́ngbo, bɔ atínsínsɛ́ngbo ná húzú zungbó.

Ezayíi 44:3

Đó un ná ná sin to e mɛ akú ɖó ɖe ɔ́, un ná ɖe gbe bɔ tɔsisa ná gbɔn ayǐkúngban xúxú jí. Un ná gba yɛ ce kɔn nyi vǐ towe lɛ́ɛ jí, bó ná gba nyɔ̌ná ce kɔn nyi vǐvú towe lɛ́ɛ bǐ jí.

Ezayíi 5:6

Un ná jó e dó bɔ bǐ ná nyí gběhan; mɛɖé ná xwa ǎ, mɛɖé ná kpé nukún d'é wú ǎ, wunkan ná vun blá ɛ bǐ; un ná gbɛ́, bɔ akpɔ́kpɔ́ ɖěbǔ ná ɖó, bɔ jǐ ná ja d'é jí ǎ.”

Ezayíi 54:13

Un ná kplɔ́n nǔ vǐ towe lɛ́ɛ bǐ; yě bǐ ná vo bɔ nǔ ná nyɔ́ nú yě tawun.

Jelemíi 24:7

Un na ná ayixa yě, bɔ yě ná tunwun ɖɔ nyi wɛ nyí Mawu Mavɔmavɔ; yě ná lɛ́ kɔ wá gɔ̌n ce kpó ayi yětɔn bǐ kpó; énɛ́ ɔ́, yě ná nyí togun ce bɔ un ná nyí Mawu yětɔn.

Ezekiyɛ́li 36:25

Un ná kɔn sin mímɛ́ dó mi jí, bɔ mi ná húzú mɛ mímɛ́. Un ná lɛ mi sín nǔ blíblí e mi wa lɛ́ɛ kpó vodún e mi sɛn lɛ́ɛ kpó mɛ.

Ozée 10:12

Mi dó wǎn yíyí ɔ́, mi ná ya gbejíninɔ. Mi xo gle yɔ̌yɔ́ ɖé nú miɖée: hwenu su bɔ mi ná ba nyɛ Mawu Mavɔmavɔ ɔ́ káká jɛ hwenu e un ná wá kɔn hwlɛngán ɔ́ nyi mi jí dó é.

Ozée 14:5

Mawu Mavɔmavɔ ɖɔ: “Un ná sɔ́ afɔ e Izlayɛ́linu lɛ́ɛ dó gbě ɔ́ kɛ yě. Un ná yí wǎn nú yě titewungbe. Đó un sɔ́ ná sin xomɛ dó yě ǎ.

Ozée 14:6

Un ná cí ahǔn ɖɔhun nú Izlayɛ́linu lɛ́ɛ, yě ná gba sɛ́ folówa e è nɔ ylɔ́ ɖɔ lǐi ɔ́ ɖɔhun. Yě ná dó ɖɔ do Libáan sín atín lɛ́ɛ ɖɔhun.

Ozée 2:20

Gbe énɛ́ ɔ́ gbe ɔ́, un ná bló bɔ yě ná jɛ akɔ xá gběkanlin lɛ́ɛ, kpó xɛ lɛ́ɛ kpó, kpódó kanlin e nɔ sá gbɔn kɔ́ mɛ lɛ́ɛ kpó. Un ná bɛ́ gǎ kpó hwǐ kpó, kpódó ahwanfunnú bǐ kpó sín to ɔ́ mɛ, bó ná bló bɔ togun ce ná dɔ́ amlɔ bo vo.

Micée 4:2

Akɔta lɛ́ɛ ná nyi ahwan yi dɔ̌n, bó ná nɔ ɖɔ: “Mi wá nú mǐ ní yi xá Mawu Mavɔmavɔ só ɔ́ jí. Mi wá mǐ yi Mawu Jakɔ́bu tɔn sín xwé gbe, bónú é ná kplɔ́n nǔ e é jló ɖɔ mǐ ní wa lɛ́ɛ mǐ, bɔ mǐ na gbɔn ali tɔn lɛ́ɛ jí.” Đó Sinyɔ́ɔ wɛ Mawu Mavɔmavɔ sín nǔkplɔ́nmɛ nɔ gosín; Jeluzalɛ́mu wɛ xó tɔn nɔ gosín wá nú mǐ.

Micée 5:2

Énɛ́ ɔ́ wú wɛ Mawu Mavɔmavɔ ná jó togun tɔn dó nú kɛntɔ́ lɛ́ɛ káká jɛ hwenu e nyɔ̌nu e ɖo ajidonu ɔ́ ná ji vǐ dó é. Yě mɛ e ná kpo ɖo gbɛ ɖo kannumɔgbénu lɛ́ɛ ná lɛ́ kɔ wá gɔ́ nú Izlayɛ́li ví e kpo ɖo xwé lɛ́ɛ.

Micée 5:7

Izlayɛ́li ví e kpo ɖo gbɛ ɖo akɔta gěgé tɛ́ntin lɛ́ɛ ná dó hlɔ̌nhlɔ́n kinnikínní ɖɔhun, ɖo kanlin e ɖo zungbó mɛ lɛ́ɛ tɛ́ntin, abǐ ée ɖo lɛ̌ngbɔ́hwan tɛ́ntin é ɖɔhun. É gbɔn fí ɖěbǔ ɔ́, é nɔ́ wlí nǔ, bó nɔ ɖo vǔnvún ɖu wɛ; mɛ ɖěbǔ ká sixú yí nǔ e é wlí ɔ́ sín así tɔn ǎ.

Zakalíi 10:1

Mi byɔ́ jǐ Mawu Mavɔmavɔ, mi byɔ́ xwejí. É wɛ nɔ́ bló bɔ jɔhɔn nɔ́ nyi. É ná ná jǐ mi, bɔ é ná ja ɖésú kpó zǐngídi kpó. É ná bló bɔ jinukún ná wú ganjí bɔ ji ná jɛ ɖo mɛ ɖokpó ɖokpó sín gle mɛ.

Matíe 13:11

Jezu yí gbe nú yě ɖɔ: “Axɔ́súɖuɖu sɛ́xwé tɔn sín nǔbúdo lɛ́ɛ ɔ́, midɛɛ lɛ́ɛ wɛ è hun xlɛ́; è ka xlɛ́ yědɛɛ lɛ́ɛ ǎ.

Luki 1:78

Đó Mawu mǐtɔn ɔ́, nǔbláwǔkúnúmɛtɔ́ wɛ, bó ká lɛ́ fá xomɛ; é ná bló bɔ hwlɛngán sín wěziza ɔ́ ná hɔ́n dó mǐ jí sín jǐxwé hwesivɔ́ ɖɔhun;

Jǎan 17:3

Gbɛ mavɔ mavɔ ɔ́ wɛ nyí ɖɔ yě ní tunwun we, bó tunwun ɖɔ hwi wɛ nyí Mawu nǔgbó ɖokpó e tíin é, bó lɛ́ tunwun Jezu Klísu e a sɛ́ dó gbɛ ɔ́ mɛ é.

Jǎan 7:17

Mɛ e ɖó jlǒ, bó ná wa jlǒ Mawu tɔn ɔ́, ényí nǔkplɔ́nmɛ ce ɔ́, Mawu gɔ́n wɛ é gosín abǐ acɛ nyɛ ɖésúnɔ tɔn wɛ ɔ́, é ná mɔ do ná.

Mɛsɛ́dó 17:11

Jwifu e ɖo fínɛ́ lɛ́ɛ nyɔ́ xomɛ hú éé ɖo Tɛsaloniki lɛ́ɛ; yě yí Mawuxó se kpódó jlǒ ɖagbe kpán. Ayǐhɔ́ngbe ayǐhɔ́ngbe ɔ́, yě nɔ́ kíjé Mawuxówéma ɔ́, bó nɔ kpɔ́n ɖɔ xó e ɖɔ nú yě wɛ mɛsɛ́dó lɛ́ɛ ɖe ɔ́ ka sɔgbe ají.

Sɛ́nflínmɛ 32:2

Kplɔ́n ce lɛ́ɛ ní ja jǐ ɖɔhun. Xó ce lɛ́ɛ ní ja ahǔn ɖɔhun. Ní gba, fo ɖo gbigba kɔn nyi gbě jí wɛ ɖɔhun. Ní ja kwín kloklo, jǐ ɖo jija wɛ katakata kɔn nyi gběhan jí wɛ ɖɔhun.

Eblée 3:14

Nǔgbó ɔ́, ényí mǐ hɛn jiɖiɖe e mǐ ɖó sín bǐbɛ́mɛ ɔ́ syɛ́nsyɛ́n káká yi fó hǔn, mǐ nyí hǎgbɛ́ Klísu tɔn.

2 Piyɛ́ɛ 1:19

Énɛ́ ɔ́ zɔ́n bɔ mǐ lɛ́ ɖó jiɖiɖe dó wɛn e gbeyíɖɔ Mawu tɔn lɛ́ɛ dó ɔ́ wú ganjí. Ényí mi wlí tó wú ganjí ɔ́, é ná nyɔ́, ɖó é cí zogbɛ́n e ɖo ɖɛ̌ ɖi wɛ ɖo zǐnflú mɛ káká bɔ ayǐ ná hɔ́n, bɔ sunví zǎnzǎn tɔn ná ná wěziza dó ayi mitɔn mɛ ɔ́ ɖɔhun.

Nǔɖexlɛ́mɛ 22:16

“Nyɛ Jezu ɔ́, un sɛ́ wɛnsagun ce dó mi, nú é ná ɖɔ nǔ énɛ́ lɛ́ɛ bǐ nú mi ɖo agun lɛ́ɛ mɛ. Davídi sín hɛ̌nnu mɛ wɛ un jɔ ɖe; un nyí sunví zǎnzǎn tɔn e nɔ kɔ́n é.”