Ozée 6:2 - MAWUXÓWÉMA

² É ná sɔ́ azǎn we ɖó te, bó ná dó vɔ́ gbɛ ná mǐ, bɔ azǎn atɔngɔ́ ɔ́ gbe ɔ́, é ná zé mǐ sí te, bɔ mǐ ná nɔ gbɛ ɖo gɔ̌n tɔn.

Ozée 6:2 Iomraidhean Croise

Bǐbɛ́mɛ 17:18

Énɛ́ ɔ́, é ɖɔ nú Mawu ɖɔ: “Mawu ce, Isimayɛ́li ní vɛ́ kó nɔ gbɛ, bónú a xo ɖɛ dó jǐ tɔn kpowun.”

2 Axɔ́sú 20:5

“Lɛ̌ kɔ bo yi Ezekiyási e ɖo togun ce nu ɔ́ gɔ́n, bó ɖɔ n'i ɖɔ nyɛ Mawu Mavɔmavɔ, Mawu tɔ́gbó tɔn Davídi tɔn ɖɔ: ‘Un se ɖɛ towe, bó mɔ avǐ e ya wɛ a ɖe é. Kpɔ́n, un ná gbɔ azɔn nú we. Azǎn atɔn gbe ɔ́, a nǎ yi xwé ce gbe.

Ɖɛhan 61:7

Dǒ azǎn azǎn jí nú axɔ́sú ɔ́; xwe ní jɛ xwe jí n'i káká sɔ́yi.

Ɖɛhan 71:20

A sɔ́ nǔ xlɛ́ mì: adǎn gbo mì, awě xo mì, amɔ̌, hwi jɛ́n ná lɛ́ ɖe mì sín mɛ. A nǎ wá ɖe mì tɔ́n sín do gɔngɔn mɛ.

Nǔnywɛ́tɔ́xó 3:3

Hwenu e è nǎ hu mɛ dó ɔ́ ɖe, bɔ hwenu e è nǎ gbɔ azɔn nú mɛ dó é ɖe. Hwenu e è nǎ mu xɔ dó ɔ́ ɖe, bɔ hwenu e è nǎ mɛ xɔ dó é ɖe.

Ezayíi 26:19

Mawu Mavɔmavɔ, mɛ towe e kú lɛ́ɛ ná fɔ́n; togun ce sín mɛ e kú lɛ́ɛ ná fɔ́n. Mi mɛ e ɖo kɔ́ glɔ́ lɛ́ɛ mi, mi fɔ́n; mi j'awǎ, ɖó Mawu Mavɔmavɔ, a nǎ sɛ́ wěziza towe dó ahǔn ɖɔhun, bɔ ayǐkúngban ɔ́ nɔ́ ná gbɛ mɛ e kú lɛ́ɛ.

Ezayíi 30:26

Azǎn e gbe Mawu Mavɔmavɔ ná blá akpa nú togun tɔn ɔ́, hwenu e akpa tɔn lɛ́ɛ ná kú é ɔ́, sun ná za wě hwe ɖɔhun, hwe ná za wě lě e é nɔ́ za gbɔn ɔ́ donu tɛ́nwe.

Ozée 13:14

Bɔ nyɛ Mawu Mavɔmavɔ ɔ́, un ɖó ná yí mɛ énɛ́ lɛ́ɛ sín kú fɛn mɛ wɛ a? Un ná ɖe yě sín kútomɛ wɛ a? Kú e, fítɛ́ ahwanfunnú towe lɛ́ɛ ɖe? Kú e, ɖe acɛ towe e a nɔ dó hu mɛ ná ɔ́ xlɛ́. Un ɖo nǔbláwǔ ná kú nú mɛɖé wɛ ǎ.

Ozée 7:2

Yě lɛ̌n gbeɖé ɖɔ un ɖo dǎka e émí xo lɛ́ɛ bǐ flín wɛ ǎ. Din ɔ́, nǔ nyanya e yě wa lɛ́ɛ lɛ́ lɛ̌ dó yě. Un mɔ bǐ.

Jǎan 14:19

Zaanɖé din ɔ́, mɛ e nyí gbɛ ɔ́ tɔn lɛ́ɛ sɔ́ ná mɔ mì ǎ; amɔ̌, midɛɛ lɛ́ɛ ɔ́, mi ná mɔ mì; ɖó un ɖo gbɛ, bɔ mi lɔmɔ̌ mi ná nɔ gbɛ.

Hlɔ̌manu 14:8

Ényí mǐ kú ɔ́, mǐ kú nú Aklúnɔ. Énɛ́ ɔ́, nú mǐ ɖo gbɛ oo, mǐ kú oo, Aklúnɔ tɔn wɛ mǐ nyǐ.

1 Kɔlɛ́ntinu 15:4

È ɖi i, bɔ azǎn tɔn atɔngɔ́ ɔ́ gbe ɔ́, è fɔ́n ɛ sín kú lě e Mawuxówéma ɔ́ kó ɖɔ gbɔn é.