Ozée 6:1 - MAWUXÓWÉMA

¹ Mawu Mavɔmavɔ ɖɔ: “Énɛ́ ɔ́, mi ná ɖɔ: Mi wá nú mǐ ná lɛ́ kɔ yi Mawu Mavɔmavɔ gɔ́n, ɖó é wɛ gblé wǔ mǐ, é ká ná gbɔ azɔn nú mǐ. É wɛ vúnvún mǐ, é jɛ́n ká ná kpé nukún dó mǐ wú.

Ozée 6:1 Iomraidhean Croise

2 Tan 30:6

Mɛ e axɔ́sú ɔ́ sɛ́ dó lɛ́ɛ yi gbɔn Izlayɛ́li to ɔ́ bǐ mɛ bó gbɔn Judáa to ɔ́ bǐ mɛ kpó wěma e axɔ́sú ɔ́ kpó azaglɔ́gán tɔn lɛ́ɛ kpó wlán lɛ́ɛ kpó. Bɔ yě xwedó gbeta e axɔ́sú ɔ́ ná yě ɔ́, bó ɖɔ: “Izlayɛ́li ví lɛ́ɛ mi, mi lɛ́ kɔ wá Mawu Mavɔmavɔ, Mawu Ablaxámu tɔn, Izáki tɔn kpó Izlayɛ́li tɔn ɔ́ kpó gɔ́n, bónú é ná lɛ́ kɔ wá mi mɛ e gán ɖo axɔ́sú Silíi tɔn ɔ́ sí lɛ́ɛ gɔ́n.

Jɔ̌bu 16:9

Mawu sin xomɛ dó mì, bɔ un húzú kanlin e é ná wlí ɖu é. É jɛ gǒ mɛ nú mì, é tɛ aɖǔma dó jǐ ce; é mɛ e nyí kɛntɔ́ ce ɔ́, nukún tɔn bǐ ɖo wǔ ce.

Jɔ̌bu 22:23

Ényí a lɛ̌ kɔ wá Nǔbǐwúkpétɔ́ ɔ́ gɔ́n ɔ́, é ná lɛ́ sɔ́ we ɖó lě e a ɖe gbɔn ɖ'ayǐ é; ɖe nǔ nyanya bǐ sín xwé towe gbe.

Jɔ̌bu 34:29

Nú Mawu ka nɔ abwɛ̌ ɔ́, mɛ̌ wɛ ná dó hwɛ ɛ? Nú é sɔ́ éɖée hwlá ɔ́, mɛ̌ ká ná sixú mɔ ɛ? Có é nɔ́ kpé nukún dó akɔta lɛ́ɛ kpó gbɛtɔ́ lɛ́ɛ kpó wú,

Jɔ̌bu 5:18

Mawu nɔ́ gblé wǔ mɛ, é ká nɔ́ lɛ́ blá akpa nú mɛ. É wɛ nɔ́ dó akpa wǔ nú mɛ, é jɛ́n ká nɔ́ zé alɔ tɔn dó klɔ́ akpa nú mɛ.

Ɖɛhan 30:7

Un nɔ mɔ ɖɔ ayi ce ko j'ayǐ, bó nɔ́ ɖɔ: “Adǎn ɖě ná gbo mì gbeɖé ǎ.”

Ɖɛhan 6:2

Mawu Mavɔmavɔ, ma ɖo xomɛsin jí, bó dɔn tó nú mì ó. Ma ɖo adǎn jí bó kplɔ́n mì ó.

Ɖɛhan 71:20

A sɔ́ nǔ xlɛ́ mì: adǎn gbo mì, awě xo mì, amɔ̌, hwi jɛ́n ná lɛ́ ɖe mì sín mɛ. A nǎ wá ɖe mì tɔ́n sín do gɔngɔn mɛ.

Nǔnywɛ́tɔ́xó 3:3

Hwenu e è nǎ hu mɛ dó ɔ́ ɖe, bɔ hwenu e è nǎ gbɔ azɔn nú mɛ dó é ɖe. Hwenu e è nǎ mu xɔ dó ɔ́ ɖe, bɔ hwenu e è nǎ mɛ xɔ dó é ɖe.

Ezayíi 17:7

Gbe énɛ́ gbe ɔ́, gbɛtɔ́ ná lílɛ́ bó kpan nukɔn mɛ e ɖó e ɔ́, bɔ nukún tɔn bǐ ná ɖo Mawu mímɛ́ Izlayɛ́li tɔn ɔ́ wú.

Ezayíi 2:3

Akɔta gěgé ná jɛ ali ɖidó dɔ̌n bó ná ɖɔ: “Mi wá mǐ yi Mawu Mavɔmavɔ só ɔ́ ta, mi wá mǐ yi Mawu Jakɔ́bu tɔn xwé. É ná kplɔ́n nǔ e é jló ɖɔ mǐ nǎ wa é mǐ, bɔ mǐ nǎ xwedó ali e é ɖe nú mǐ é.” Nǔgbó ɔ́, Sinyɔ́ɔ wɛ Mawu Mavɔmavɔ sɛ́n ɔ́ ná gosín, Jeluzalɛ́mu wɛ Mawu Mavɔmavɔ xó ɔ́ ná gosín wá nú mǐ.

Ezayíi 30:22

Vodún towe e è kɔn kpatágan dó lɛ́ɛ, kpó bǒcyɔ towe e è kɔn siká dó lɛ́ɛ kpó ɔ́, a nǎ nɔ́ mɔ yě dó mɔ nǔ blíblí; a nǎ bɛ̌ yě nyi gbě nǔ e ko nyɔ é ɖɔhun, bó ná ɖɔ: “Cí”.

Ezayíi 30:26

Azǎn e gbe Mawu Mavɔmavɔ ná blá akpa nú togun tɔn ɔ́, hwenu e akpa tɔn lɛ́ɛ ná kú é ɔ́, sun ná za wě hwe ɖɔhun, hwe ná za wě lě e é nɔ́ za gbɔn ɔ́ donu tɛ́nwe.

Ezayíi 55:7

Mɛdídá lɛ́ɛ ní jó walɔ nyanya dó, mɛ nyanya lɛ́ɛ ní jó linlin baɖabaɖa dó. Yě bǐ ní lɛ́ kɔ wá Mawu Mavɔmavɔ gɔ́n, ɖó é ná kú nǔbláwǔ nú yě. Yě bǐ ní wá Mawu mǐtɔn gɔ́n, ɖó Mawu mǐtɔn ɔ́, hwɛsɔ́kɛmɛ nɔ cikɔ n'i ǎ.

Jelemíi 3:22

Vǐ gbejímánɔtɔ́ e mi, mi lɛ́ kɔ wá! Gbejímánɔ sín azɔn e jɛ wɛ mi ɖe ɔ́, un ná gbɔ nú mi!” Togun ɔ́ ɖɔ: “Mǐ ɖíe! Mǐ ja gɔ̌n towe ɖó hwi wɛ nyí Mawu Mavɔmavɔ, Mawu mǐtɔn.

Jelemíi 30:12

Mawu Mavɔmavɔ ɖɔ: “Jeluzalɛ́mu, wǔ e a gblě ɔ́ syɛ́n dín; akpa towe ɔ́ jɔmakú wɛ.

Jelemíi 30:17

Amɔ̌, un ná klɔ́ akpa towe lɛ́ɛ nú we, un ná hu akpa towe lɛ́ɛ nú we, ɖó yě nɔ́ ylɔ́ we ɖɔ: Mɛ e sín kan mɛ è ɖe alɔ sín é, Sinyɔ́ɔ e jɛ jí mɛɖé má nɔ́ kpɔ́n ǎ é.” Mawu Mavɔmavɔ wɛ ɖɔ mɔ̌.

Jelemíi 33:5

Mi má xaji ɖɔ émí ná fun ahwan xá Babilɔ́nunu e wá tɔ́n ahwan mi lɛ́ɛ é ó; mi bló mɔ̌ ɔ́, un ná hu gbɛtɔ́ tɛ́ gbɔn toxo ɔ́ mɛ ɖó nǔ nyanya e mi wa bɔ xomɛ mitɔn sin mì lɛ́ɛ wú. Jeluzalɛ́munu lɛ́ɛ dó nǔ nyanya sin káká bɔ un ɖe alɔ sín toxo yětɔn wú.

Jelemíi 33:6

“É ká ɖo mɔ̌ có un ná kpé nukún dó toxo ɔ́ wú lě e è nɔ kpé nukún dó mɛ e gblé wǔ é wú ɔ́ ɖɔhun. Un ná gbɔ azɔn n'i, bɔ é ná jɛ te. Un ná ná fífá kpó ayij'ayǐ kpó mɛ e ɖo toxo ɔ́ mɛ lɛ́ɛ.

Jelemíi 50:4

Azǎn énɛ́ lɛ́ɛ mɛ ɔ́, Izlayɛ́linu lɛ́ɛ kpó Judáanu lɛ́ɛ kpó ná zɔn kpɔ́ sín dɔ̌n wá. Yě ná ɖo zɔnlin jí bó ná ɖo avǐ ya wɛ, bó ná ɖo nyɛ Mawu Mavɔmavɔ, Mawu yětɔn ɔ́ ba wɛ.

Jelemíi 50:5

Yě ná kan ali e yě ná gbɔn bó lɛ́ kɔ yi Sinyɔ́ɔ byɔ́, bó ná wlí ali ɔ́ tunta dɔ̌n, ma zɛ dó ɖisí ma zɛ dó amyɔ; yě ná ɖɔ: mi wá mǐ ní zunfán Mawu Mavɔmavɔ, Mawu mǐtɔn; mi jɛ akɔ e è ma ná wɔn gbeɖé ǎ ɔ́ xá ɛ.

Gbɛvíhan 3:11

É dó gbɛya bǐ nú mì, é hu mì ɖó akpo; un sɔ́ ɖó gbe ǎ.

Ozée 11:10

Vǐ ce lɛ́ɛ ná xwedó nyɛ Mawu Mavɔmavɔ ɔ́; un ná dó gbe kinnikínní ɖɔhun dó ylɔ́ yě bɔ yě ná kán wezun sín xu mɛ wá.

Ozée 12:6

Mawu Mavɔmavɔ wɛ nyí Mawu Nǔbǐwúkpétɔ́. Nyǐkɔ tɔn nyí Mawu Mavɔmavɔ.

Ozée 14:1

È nǎ dɔn tó nú Samalíinu lɛ́ɛ ɖó yě fɔ́n gǔ dó Mawu yětɔn jí. Ahwan ná gba yě; è nǎ hu vǐ yětɔn lɛ́ɛ bó ná zɛ nyɔ̌nu yětɔn e ɖo xo lɛ́ɛ.

Ozée 14:4

Asilíinu lɛ́ɛ wɛ ná sixú hwlɛ́n mǐ gán ǎ. Mǐ sɔ́ ná nɔ́ xá ahwansɔ́ jí ɖě ǎ. Mǐ sɔ́ ná nɔ́ ylɔ́ nǔ e mǐ sɔ́ alɔ mǐ ɖésúnɔ tɔn dó bló lɛ́ɛ ɖě ɖɔ Mawu mǐtɔn ǎ, ɖó hwi wɛ nɔ kú nǔbláwǔ nú tɔ́cyɔvǐ lɛ́ɛ.”

Ozée 3:5

Énɛ́ ɔ́ gúdo ɔ́, Izlayɛ́li ví lɛ́ɛ ná lɛ́ kɔ wá. Yě ná ba Mawu Mavɔmavɔ, Mawu yětɔn kpódó Davídi axɔ́sú yětɔn ɔ́ kpó mɔ. Nú é wá yá ɔ́, kpó sísí kpó wɛ yě ná ba Mawu Mavɔmavɔ ɔ́ kpó ɖagbe e é nɔ́ wa nú mɛ lɛ́ɛ kpó.

Levíi ví 14:48

“Ée é vɔ́ dǒ ɔ́ tlɛ́ ɔ́, nú vɔ̌sánú-xwlémawutɔ́ ɔ́ lɛ́ kɔ yi xɔ ɔ́ mɛ, bó mɔ ɖɔ nǔ ɔ́ ɖě kún sɔ́ tɔ́n ɖo dǒ ɔ́ wú ó ɔ́, é ná ɖɔ xɔ ɔ́ nyí nǔ mímɛ́, ɖó è sú nǔ e tɔ́n ɖo dǒ ɔ́ wú ɔ́ sín kún dó.

Sofoníi 2:1

Akɔta e ma ɖó winnyá lɛ́ɛ mi, mi nɔ tɛ́nkpɔ́n bó nɔ́ lin tamɛ kpɛɖé vɔ́vɔ́, mi byɔ́ miɖée mɛ.

Sɛ́nflínmɛ 32:39

Mi mɔ din ɖɔ nyɛ ɖokpó géé wɛ nyí Mawu. Mi mɔ din ɖɔ nǔ e è ɖǒ ná sɛn ɔ́ ɖě kún tíin zɛ nyɛ wú ó. Un nɔ hɛn mɛ ɖó gbɛ, un nɔ hu mɛ. Un nɔ gblé wǔ mɛ, un nɔ hu akpa nú mɛ. Mɛɖé nɔ yí mɛ sín alɔ ce mɛ ǎ.

1 Samuwɛ́li 2:6

Mawu Mavɔmavɔ wɛ ɖó acɛ bó ná hu mɛ, é wɛ ká lɛ́ ɖó acɛ bó ná hɛn mɛ ɖó gbɛ. É wɛ ɖó acɛ bo ná sɔ́ mɛ dó do gɔngɔn mɛ ɖo kúxwé; é wɛ lɛ́ ɖó acɛ bo ná fɔ́n mɛ sín kú.

1 Samuwɛ́li 7:3

Samuwɛ́li ka ɖɔ nú Izlayɛ́li to ɔ́ bǐ kplékplé ɖɔ: “Ényí mi ɖésú jɛ́n kpɔ́n ayi mitɔn mɛ, bó lɛ́ kɔ wá Mawu Mavɔmavɔ gɔ́n hǔn, mi bo ɖe vodún Asitaatée kpó nǔmɛsɛn togun ɖě lɛ́ɛ tɔn lɛ́ɛ bǐ kpó sín xwé mitɔn lɛ́ɛ gbe. Mi sɔ́ ayi mitɔn ɖó Mawu Mavɔmavɔ ɖokpó jí, bó sɛn é ɖokpónɔ géé. Énɛ́ ɔ́, é ná hwlɛ́n mi ɖo Filisitɛ́ɛn lɛ́ɛ sí.”