Ozée 5:9 - MAWUXÓWÉMA

⁹ È nǎ vɔ akɔta Eflayímu tɔn ɔ́ ɖo tódɔnnúmɛ zǎn ɔ́ gbe. Nǔ e ɖɔ nú akɔta Izlayɛ́li tɔn lɛ́ɛ wɛ un ɖe ɔ́ ná jɛ nǔgbó.

Ozée 5:9 Iomraidhean Croise

Jɔ̌bu 12:14

Nǔ e Mawu hɛn gblé ɔ́, mɛɖé sixú vɔ́ bló ɖó ǎ; mɛ e é wlí dó gan ɔ́, mɛɖé nɔ́ ɖe nyi te ǎ.

Ezayíi 37:3

Yě jɛ dɔ̌n ɔ́, yě ná ɖɔ n'i ɖɔ: “Wɛn e axɔ́sú ɔ́ dó sɛ́ dó we ɔ́ ɖíe: Azǎn égbé tɔn ɔ́, aluwɛ zán ɖé wɛ, tódɔnnúmɛ zán ɖé wɛ, bó nyí hɛ̌n zán. Mǐ cí nyɔ̌nu e jɛ flú mɛ bó má ká ɖó hlɔ̌nhlɔ́n bó ná zɛn ǎ é ɖɔhun.

Ezayíi 46:10

Un ko ɖɔ nǔ e ná wa wɛ un ɖe ɔ́ sín do. Nǔ e má kó jɛ ǎ, bó ká ná wá jɛ ɔ́, un ko ɖɔ ɖ'ayǐ sín tɛgbɛ. Un ɖɔ: nǔ e ná bló wɛ un ɖe ɔ́ ɖíe, bɔ é ká ná jɛ. Nǔ e jló mì lɛ́ɛ ɔ́, un nɔ bló bǐ.

Ezayíi 48:3

“Nǔ nukɔntɔn e jɛ lɛ́ɛ ɔ́, un ko ɖɔ yě sín tɛgbɛ; un ko ɖɔ xó tɔn; un ɖɔ bɔ è se; Ée é wá yá é ɔ́, un sí te d'é wú cɛ́jú mɛ, bɔ nǔ énɛ́ lɛ́ɛ bǐ jɛ.

Ezayíi 48:5

Énɛ́ ɔ́ wú wɛ un ko ɖɔ nǔ énɛ́ lɛ́ɛ nú mi ɖ'ayǐ xóxó; un ko ɖɔ nú mi cóbɔ nǔ énɛ́ lɛ́ɛ ná jɛ. Un ɖɔ nú mi bónú mi ma wá ɖɔ vodún émítɔn wɛ bló nǔ énɛ́ lɛ́ɛ ó; bónú mi ma wá ɖɔ bǒcyɔ émítɔn e è sɔ́ kpo dó kpa é, abǐ ée è sɔ́ gan dó kɔn ná é wɛ bló ó.

Ezayíi 7:16

Cóbónú vǐ súnnuví ɔ́ ná tunwun nǔ nyanya ɖo nǔ ɖagbe mɛ ɔ́, axɔ́sú we e ɖo xɛsi dó nú we lɛ́ɛ ɔ́, mɛ e ɖo to yětɔn lɛ́ɛ mɛ lɛ́ɛ bǐ ná jó to yětɔn lɛ́ɛ dó, bɔ to lɛ́ɛ bǐ ná jɛ vɔ̌.

Ozée 5:12

Un ná cí lakpálakpá ɖɔhun nú akɔta Eflayímu tɔn ɔ́. Un ná cí akpa e vó ɔ́ ɖɔhun nú Judáanu lɛ́ɛ.

Ozée 5:14

Kinnikínní ɖɔhun wɛ un ná cí nú akɔta Eflayímu tɔn ɔ́, bó ná cí kinnikínníví ɖɔhun nú Judáanu lɛ́ɛ. Nyɛ Mawu Mavɔmavɔ ɔ́, nyɛ ɖésúnɔ wɛ ná vúnvún yě bó ná yi. Un ná bɛ́ yě yi, bɔ mɛ ɖěbǔ ná sixú yí yě sín así ce ǎ.”

Ozée 7:12

Nú yě ɖidó ɔ́, un nɔ nyi ɖɔ ce cyɔ́n yě. Un nɔ ɖe gbe bɔ yě nɔ́ kɔn nyi kɔ́ mɛ xɛ ɖɔhun. Un nɔ dɔn tó nú yě bɔ é nɔ́ sɔgbe xá nǔ nyanya e yě wa bɔ è ɖo ɖiɖɔ wɛ é.

Ozée 8:8

È sú Izlayɛ́linu lɛ́ɛ sín kún dó. Zɛ̌n e má nyí nǔɖé wa nú ǎ é ɖɔhun wɛ yě ɖe din ɖo akɔta lɛ́ɛ tɛ́ntin.

Ozée 9:7

Hwenu e Mawu Mavɔmavɔ ná dɔn tó nú mɛ ɔ́ kó su, hwenu e Mawu Mavɔmavɔ ná kan nǔ e mɛ ɖokpó ɖokpó wa ɔ́ byɔ́ ɛ ɔ́ kó su. Izlayɛ́linu lɛ́ɛ ní tunwun ɖɔ é kó yá. Mi nɔ ɖɔ: “Gbeyíɖɔ Mawu tɔn ɔ́ hun taɖu. Mɛ e Mawu nɔ́ ɖɔ xó dó ayi mɛ ná ɔ́ ɖo gblǒ ɖɔ wɛ.” Hwɛ e mi hu lɛ́ɛ wɛ sukpɔ́ dín, gǔ e mi fɔ́n dó jǐ ce ɔ́ syɛ́n dín.

Amɔ́si 3:7

Đó Aklúnɔ Mavɔmavɔ nɔ wa nǔɖé ma ɖe nǔbúdo tɔn xlɛ́ mɛsɛntɔ́ tɔn gbeyíɖɔ lɛ́ɛ ǎ.

Amɔ́si 7:17

É ɖɔ: ‘Asi towe ná kpo nú agalilɛ, ɖo toxo ɖaxó ɔ́ mɛ. È nǎ zé hwǐ dó hu vǐ towe súnnu kpó nyɔ̌nu kpó. È nǎ má ayǐkúngban towe nú mɛ ɖěvo lɛ́ɛ. Hwɛ ɔ́, a nǎ yi kú jɛ mɛ e má nyí akɔta towe ǎ lɛ́ɛ sín to mɛ. È nǎ bɛ́ Izlayɛ́li ví lɛ́ɛ yi kannumɔgbénu, bɔ yě ná lín dó toxo yětɔn.’ ”

Amɔ́si 7:9

Un ná gba Izáki ví lɛ́ɛ sín vodún lɛ́ɛ. Un ná gba tɛn mímɛ́ Izlayɛ́li tɔn lɛ́ɛ hánnyá, bó ná tɔ́n ahwan mɛ e ná wá yí axɔ́sú Jelobowámu sín zinkpo jí lɛ́ɛ bǐ.”

Micée 6:13

A hu hwɛ; énɛ́ ɔ́ wú wɛ un ko jɛ tó dɔn nú we jí, bɔ tó e dɔn nú mi wɛ un ɖe ɔ́ ná zɔ́n, bɔ ajɔ̌ mitɔn ná jɛ ayǐ.

Zakalíi 1:6

É ká ɖo mɔ̌ có xó ɖěɖě un ɖɔ gbɔn mɛsɛntɔ́ ce gbeyíɖɔ lɛ́ɛ jí é, kpódó nǔ e un zɔ́n yě lɛ́ɛ kpó ɔ́, tɔ́gbó mitɔn lɛ́ɛ wá mɔ nǔ jɛ mɛ, bó húzú ninɔmɛ. Yě wá tunwun ɖɔ lě e un ɖɔ gbɔn ɔ́ wɛ nyi wa nǔ xá émí gbɔn; lě e gbɛ e zán wɛ émí ɖe ɔ́ kpódó nǔ e émí wa lɛ́ɛ kpó byɔ́ gbɔn ɔ́ wɛ nyɛ Mawu Mavɔmavɔ ɔ́ wa nǔ xá émí gbɔn.’ ” Mawu Mavɔmavɔ wɛ ɖɔ mɔ̌.

Jǎan 16:4

Hǔn, un ɖo xó élɔ́ lɛ́ɛ ɖɔ nú mi wɛ, bónú gan tɔn wá xo ɔ́, mi ná flín ɖɔ un ko ɖɔ xó énɛ́ lɛ́ɛ nú émí ɖ'ayǐ.” “Un ɖɔ xó élɔ́ lɛ́ɛ nú mi sín do ǎ, ɖó un ɖo kpɔ́ xá mi.