Ozée 5:4 - MAWUXÓWÉMA

⁴ Nǔ e wa wɛ yě ɖe lɛ́ɛ lɔn nǔ nú yě bónú yě ná lɛ́ kɔ wá Mawu yětɔn gɔ́n ǎ, ɖó agayixa ɖo tɛ́ntin yětɔn. Đó yě tunwun Mawu Mavɔmavɔ ǎ.

Ozée 5:4 Iomraidhean Croise

Ɖɛhan 78:8

bó má wá cí tɔ́gbó yětɔn lɛ́ɛ ɖɔhun ó, bó má nyí gbɛtɔ́ tótlítɔ́, gǔfɔ́ntɔ́ ó, gbɛtɔ́ e ayi tɔn ma nɔ́ nɔ fí ɖokpó ǎ é, gbɛtɔ́ e má ɖo gbejí nú Mawu ǎ é ó.

Ɖɛhan 9:10

Mawu Mavɔmavɔ wɛ nyí bibɛtɛn nú mɛ e táfú wɛ è ɖe é, é wɛ nyí ahohó adǎngbomɛ hwenu.

Jelemíi 24:7

Un na ná ayixa yě, bɔ yě ná tunwun ɖɔ nyi wɛ nyí Mawu Mavɔmavɔ; yě ná lɛ́ kɔ wá gɔ̌n ce kpó ayi yětɔn bǐ kpó; énɛ́ ɔ́, yě ná nyí togun ce bɔ un ná nyí Mawu yětɔn.

Jelemíi 50:38

Tɔ e ɖo to ɔ́ mɛ lɛ́ɛ bǐ ní xú, bǐ ní mɛ. Đó vodún wɛ yě nɔ́ sɛn ɖo to ɔ́ mɛ; vodún xɛblɛ́nú énɛ́ lɛ́ɛ wɛ gba ta mɛ nú yě.

Jelemíi 9:24

Mawu Mavɔmavɔ ɖɔ: “Éɖíe, azǎn ɔ́ jǎwe, bɔ un ná dɔn tó nú mɛ e gbo ada, bo ká jɛ ada gbigbo nyí kpowun lɛ́ɛ.

Jelemíi 9:6

Énɛ́ wú wɛ Mawu Mavɔmavɔ Nǔbǐwúkpétɔ́ ɔ́ ɖɔ: “Un ná zé myɔ dó slá wǔ nú yě bó ná kpɔ́n nǔ e yě nyí é. Lě e un sixú wa nǔ xá togun ce gbɔn é jɛ́n nɛ́.

Ozée 13:13

Yě ná mɔ wǔvɛ́ nyɔ̌nu ɖo ajidonu ɖɔhun. Vǐ xlonɔ wɛ nú yě: hwenu e é ná jɛ te dó ɔ́ su ɔ́, é nɔ gbɛ́ ɖɔ émí kún ná tɔ́n sín nɔ émítɔn xomɛ ó .

Ozée 4:1

Mawu Mavɔmavɔ ɖo hwɛ dó mɛ e ɖo to ɔ́ mɛ lɛ́ɛ wɛ. Izlayɛ́li ví lɛ́ɛ mi, mi bo ɖótó xó e Mawu Mavɔmavɔ ɖɔ é; é ɖɔ: “Gbejínɔtɔ́ ɖě sɔ́ ɖo to ɔ́ mɛ ǎ, xomɛnyɔ́tɔ́ ɖě sɔ́ ɖo to ɔ́ mɛ ǎ, mɛɖé ká sɔ́ tunwun nyɛ Mawu ɖo to ɔ́ mɛ ǎ.

Ozée 4:11

Aga kpó vɛ̌ɛn xóxó kpó vɛ̌ɛn yɔ̌yɔ́ kpó gba tamɛ nú togun ce.

Ozée 4:12

Togun ce yi kan nǔ ɖo atín vodún tɔn ɔ́ gɔ́n; é ɖɔ vodún ɔ́ ní ɖɔ xó nú émí. Aga jɔhɔn dɔn yě bú. Yě klán sín nyɛ Mawu yětɔn ɔ́ wú, yě dó afɔ gbě.

Ozée 4:14

Lo ɔ́, un ná dɔn tó nú vǐ mitɔn nyɔ̌nu lɛ́ɛ ɖó aga e yě nɔ́ lɛ ɔ́ wú ǎ. Un ná dɔn tó nú vǐ mitɔn sín asi lɛ́ɛ ɖó afɔ e yě nɔ́ dó gbě ɔ́ wú ǎ. Mi vɔ̌sánú-xwlémawutɔ́ lɛ́ɛ wɛ un ná dɔn tó ná, ɖó mi nɔ kplá agalɛtɔ́ lɛ́ɛ yi jɛ vo; mi kpó agalɛtɔ́ lɛ́ɛ kpó nɔ́ yi sá vɔ̌. È nɔ dó lǒ ɖé ɖɔ: Togun e ma tunwun nǔ ɖagbe ɖo nǔ nyanya mɛ ǎ ɔ́, éɖée wɛ é zé nyi gbě.

Ozée 4:6

Togun ce gba, ɖó é tunwun mɛ alɔkpa e un nyí ɔ́ ǎ wú. Amɔ̌, hwi lɔmɔ̌ ɔ́, a ko ba ná tunwun nǔ ɖěbǔ dó wǔ ce ǎ. Énɛ́ ɔ́ wú wɛ un ma sɔ́ ba we ǎ. A sɔ́ ná nɔ xwlé vɔ̌sánú ɖě mì ǎ. Nǔkplɔ́nmɛ ce lɛ́ɛ e a wɔn ɔ́ wú wɛ nyi lɔmɔ̌ ná wɔn vǐ towe lɛ́ɛ.

Ozée 7:11

Eflayímunu lɛ́ɛ cí ahwannɛ́ xlonɔ ɖé ɖɔhun, ayixa ɖěbǔ ɖo xo yětɔn mɛ ǎ. Ejípu wɛ yě ylɔ́, Asilíi wɛ yě yi.

Ozée 8:11

Eflayímunu lɛ́ɛ mɛ vɔ̌sákpe kɔn nyi kpɔ́, bó ná dó súnsún hwɛ yětɔn lɛ́ɛ; lo ɔ́, vɔ̌sákpe énɛ́ lɛ́ɛ wɛ dɔn yě dó hwɛ mɛ.

Jǎan 16:3

Yě ná wa nǔ gbɔn mɔ̌, ɖó yě tunwun Tɔ́ ce ǎ; yě ká tunwun nyɛ lɔmɔ̌ ǎ.

Jǎan 8:55

có mi ka tunwun i ǎ; nyɛ ɔ́, un tunwun i. Ényí un ɖɔ un kún tunwun i ó ɔ́, un ná nyí nǔvúɖótɔ́ mi ɖɔhun. Lo ɔ́, nyɛ tunwun i, bó nɔ́ bló xó tɔn lɛ́ɛ ɖ'é jí.

1 Samuwɛ́li 2:12

Eli ví lɛ́ɛ ɔ́, nǔvɔ́nɔ wɛ nú yě; yě ké ya nú Mawu Mavɔmavɔ ǎ.