Ozée 5:3 - MAWUXÓWÉMA

³ Un tunwun Eflayímunu lɛ́ɛ, un dán Izlayɛ́linu lɛ́ɛ ǎ, ɖó din ɔ́, Eflayímu dó afɔ gbě, Izlayɛ́li ɖu su.

Ozée 5:3 Iomraidhean Croise

Ezayíi 7:16

Cóbónú vǐ súnnuví ɔ́ ná tunwun nǔ nyanya ɖo nǔ ɖagbe mɛ ɔ́, axɔ́sú we e ɖo xɛsi dó nú we lɛ́ɛ ɔ́, mɛ e ɖo to yětɔn lɛ́ɛ mɛ lɛ́ɛ bǐ ná jó to yětɔn lɛ́ɛ dó, bɔ to lɛ́ɛ bǐ ná jɛ vɔ̌.

Ezayíi 7:17

Amɔ̌, hwi kpó togun towe kpó mɛ e ɖo xwé towe gbe lɛ́ɛ kpó ɔ́, Mawu Mavɔmavɔ ná sɛ́ nǔɖé lɛ́ɛ dó mi; nǔ énɛ́ ɖě kó sɔ́ jɛ sín gbe e gbe axɔ́súɖuto Izlayɛ́li tɔn jɛ vo nú axɔ́súɖuto Judáa tɔn é ǎ. Nǔ e axɔ́sú Asilíi tɔn ná wa é wú ɖɔ xó dó wɛ è ɖe mɔ̌.”

Ezayíi 7:5

Un tunwun ganjí ɖɔ Silíinu lɛ́ɛ kpó nyaví Hlemaliyahu ví ɔ́ kpó, kpódó yě mɛ e ɖó gɔnu ɖó Eflayímu lɛ́ɛ kpó, ɖo gbě towe blá wɛ bɔ é syɛ́n ɖésú.’ Yě ɖɔ:

Ozée 1:2

Azɔn nukɔn nukɔntɔn e Mawu Mavɔmavɔ ɖɔ xó nú Ozée ɔ́, é ɖɔ n'i ɖɔ: “Yi da agalɛtɔ́ ɖokpó . Vǐ e é ná ji nú we lɛ́ɛ ná nyí agaví, ɖó mɛ e ɖo to ɔ́ mɛ lɛ́ɛ bǐ ɖo aga lɛ wɛ, yě jó nyɛ Mawu Mavɔmavɔ ɔ́ dó!”

Ozée 12:1

Mawu Mavɔmavɔ ɖɔ: “Togun Eflayímu tɔn nɔ ɖó adingban lɛ́ lɛ̌ dó mì. Akɔta Izlayɛ́li tɔn ɔ́ nɔ́ blɛ́ mɛ lɛ́ lɛ̌ dó mì. Akɔta Judáa tɔn ɔ́ ká kpo ɖo xwixwedó nyɛ Mawu wɛ, bó ɖo gbejí nú nyɛ mɛ e nyí Mǐmɛ́ bǐ ɔ́ é.

Ozée 13:1

Eflayímunu lɛ́ɛ ɖo xó ɖɔ wɛ ɖ'ayǐ ɔ́, ado wɛ nɔ hu mɛ bǐ. Aɖǔsó wɛ yě nyí ɖo Izlayɛ́li. Lo ɔ́, é wá sɛn vodún Baalu bó kú.

Ozée 13:5

Hwenu e mi ɖo gbětótló mɛ, ɖo ayǐkúngban xúxú ɖé jí ɔ́, nyɛ wɛ nɔ nukɔn nú mi.

Ozée 5:11

È dǒ ya nú akɔta Eflayímu tɔn ɔ́, bɔ hwɛ e è ɖǒ n'i ɔ́ zɔ́n bɔ é gba bǐ, ɖó é wa nǔ e jló e lɛ́ɛ.

Ozée 5:13

Akɔta Eflayímu tɔn ɔ́ mɔ azɔn e jɛ wɛ é ɖe ɔ́. Akɔta Judáa tɔn ɔ́ mɔ akpa e ɖo wǔ tɔn ɔ́. Énɛ́ ɔ́, Eflayímu yi Asilíi bó ɖɔ xó nú Axɔ́sú Đaxó ɔ́; lo ɔ́, axɔ́sú énɛ́ ɔ́ sixú gbɔ azɔn nú mi ǎ, é ká sixú mɔ nǔɖé dó hu akpa mitɔn lɛ́ɛ ná ǎ.

Ozée 5:9

È nǎ vɔ akɔta Eflayímu tɔn ɔ́ ɖo tódɔnnúmɛ zǎn ɔ́ gbe. Nǔ e ɖɔ nú akɔta Izlayɛ́li tɔn lɛ́ɛ wɛ un ɖe ɔ́ ná jɛ nǔgbó.

Ozée 6:10

Un mɔ nǔɖé lɛ́ɛ ɖo akɔta Izlayɛ́li tɔn ɔ́ mɛ, nǔ lɛ́ɛ dó xɛsi: Eflayímu ɖo aga lɛ wɛ ɖo fínɛ́, Izlayɛ́li ɖo su ɖu wɛ.

Ozée 6:4

Eflayímu e, nɛ̌ un ná wa nǔ towe gbɔn? Judáa e, nɛ̌ un ná wa nǔ towe gbɔn? Sísí e mi ɖó nú mì ɔ́ cí akpɔ́kpɔ́ zǎnzǎn tɔn ɖɔhun. É cí amǔ e sú, bɔ zaanɖé din ɔ́, é ná kɛn ɔ́ ɖɔhun.

Ozée 8:11

Eflayímunu lɛ́ɛ mɛ vɔ̌sákpe kɔn nyi kpɔ́, bó ná dó súnsún hwɛ yětɔn lɛ́ɛ; lo ɔ́, vɔ̌sákpe énɛ́ lɛ́ɛ wɛ dɔn yě dó hwɛ mɛ.

Amɔ́si 3:2

É ɖɔ: Midɛɛ lɛ́ɛ kɛ́ɖɛ́ wɛ un sɔ́ ɖo hɛ̌nnu e ɖo ayǐkúngban jí lɛ́ɛ bǐ mɛ; énɛ́ ɔ́ wú ɔ́, nǔ nyanya e mi wa lɛ́ɛ bǐ sín tó wɛ un ná dɔn nú mi.

Amɔ́si 5:12

Mawu ká ɖɔ: nyɛ Mawu ɔ́, nǔ nyanya tobutóbú e mi wa lɛ́ɛ ɔ́, un dán ɖěbǔ ǎ; un tunwun lě e nǔ e mi wa nyi do lɛ́ɛ syɛ́n sɔ é: xomɛvɔ́nɔ lɛ́ɛ sín kɛntɔ́ wɛ mi nyí. Mi nɔ yí gbe bɔ è nɔ dó ajɔ mi. Mi jɛ hwɛɖɔxɔsá ɔ́, mi nɔ lɔn nú è na ɖe xlɛ́ ɖɔ wamamɔnɔ lɛ́ɛ sín hwɛ jɔ ǎ.”

Sɛ́nflínmɛ 33:17

Jɛlijɛli nú Jozɛ́fu! É dó hlɔ̌nhlɔ́n nyibúsú ɖɔhun. É ɖó zo jangan jangan we agbo ɖɔhun, bó nɔ́ zé dó xo akɔta lɛ́ɛ ná, bó nɔ́ nya togun lɛ́ɛ sín ayǐkúngban ɔ́ jí káká yi fí e gbɛ ɔ́ kponu ɖó é. Zo lɛ́ɛ ɖokpó nyí Eflayímu ví wɔ̌buwɔ́bú lɛ́ɛ, zo wegɔ́ ɔ́, Manasée sín ahwangɔnu tobutóbú lɛ́ɛ wɛ.”

Eblée 4:13

Nǔ ɖěbǔ tíin bɔ è sixú sɔ́ hwlá dó Mawu ǎ. Nǔ e Mawu bló lɛ́ɛ ɖěbǔ ɖo hwlǎhwlá n'i ǎ; nǔ lɛ́ɛ bǐ wɛ é nɔ mɔ ɖo mɛ̌, bó nɔ mɔ yě ɖo wěxo; é wɛ mǐ bǐ ɖó ná ɖó gbe ná.

Nǔɖexlɛ́mɛ 3:15

Un tunwun nǔ e a wa ɔ́ bǐ; un tunwun ɖɔ a kún fá ó, a kún ka hun zo ó; é jló mì ɖésú ɖɔ a nǐ nyí ɖokpó ɖo we lɛ́ɛ mɛ.