Ozée 5:2 - MAWUXÓWÉMA

² bó nyí do gɔngɔn ɖo Citímu. Amɔ̌, nyɛ ɔ́, un ná kplɔ́n mi mɛ bǐ.

Ozée 5:2 Iomraidhean Croise

Ezayíi 1:5

Ée mi ka fɔ́n ɔ́, mi nɔ ɖo gǔ fɔ́n wɛ ɔ́, fítɛ́ mi ka jló ɖɔ Mawu ní lɛ́ dó nǔ mi dó? Ta mitɔn bǐ wɛ kó nyí akpa, bɔ ayi mitɔn lɔ ko xo akpa.

Ezayíi 29:15

Heelú mɛ énɛ́ lɛ́ɛ e nɔ ɖo nǔ wa dó nǔglɔ́ wɛ lɛ́ɛ; yě mɛ e nɔ hwlá tito yětɔn lɛ́ɛ dó Mawu Mavɔmavɔ, bó nɔ́ ɖo nǔ wa dó nǔglɔ́ wɛ lɛ́ɛ ɔ́, heelú yě. Yě nɔ́ lin ɖɔ mɛ ɖé kún sixú mɔ émí ó; mɛɖé kún sixú tunwun nǔ e wa wɛ émí ɖe ɔ́ ó.

Jelemíi 18:18

Énɛ́ ɔ́ gúdo ɔ́, mɛ ɖé lɛ́ɛ nɔ ɖɔ ɖo yěɖée tɛ́ntin ɖɔ: “Mi wá mǐ blá Jelemíi gbé. Vɔ̌sánú-xwlémawutɔ́ e ná kplɔ́n sɛ́n ɔ́ mǐ ɔ́ hán ǎ. Nǔnywɛ́tɔ́ e ná kplɔ́n nǔ mǐ ɔ́ hán ǎ. Gbeyíɖɔ e ná ɖɔ Mawuxó nú mǐ ɔ́ hán ǎ. Mi wá mǐ ní kpa xó ɖɔ dó nu tɔn, dó ba xó e. Mǐ nǎ ké ya nú xó e wlí ɖɔ wɛ é nɔ́ ɖe lɛ́ɛ ǎ.”

Jelemíi 5:3

Mawu Mavɔmavɔ, nǔgbó ba wɛ a ɖe ǎ cé? A xo yě, é ká nyí nǔɖé nú yě ǎ. A hɛn nǔ gblé dó yě wǔ, yě ká yí gbe nú xó e ɖɔ nú yě wɛ a ɖe lɛ́ɛ ǎ. Ta wɛ yě lɛ́ syɛ́n d'é jí bó gbɛ́ ɖɔ émí kún ná lɛ́ kɔ wá hwi gɔ̌n ó.

Jelemíi 6:28

Jelemíi ɖɔ: “Yě bǐ wɛ nɔ fɔ́n gǔ, yě bǐ wɛ nɔ́ ɖɔ mɛ nú, yě bǐ wɛ syɛ́n ɖo azɔ̌ énɛ́ ɔ́ mɛ ganvɔ ɖɔhun; yě bǐ wɛ nɔ xo dǎka.

Ozée 4:2

Nu jɛ́n yě nɔ́ dó nɔzo yětɔn, yě nɔ́ ɖó adingban, yě nɔ́ hu mɛ, yě nɔ́ ja ajo, yě nɔ́ lɛ aga. Asú wɛ yě nɔ́ fán mɛ; yě fɔ́n ɔ́, mɛ hu wɛ jɛ́n yě nɔ́ ɖe.

Ozée 6:5

Énɛ́ ɔ́ wú wɛ un zé xó e un ɖɔ gbɔn gbeyíɖɔ ce lɛ́ɛ jí ɔ́ dó dɔn tó nú yě. Un zé xó e nɔ́ tɔ́n sín nu ce mɛ lɛ́ɛ dó hu yě. Hwɛ e un ɖó nú yě lɛ́ɛ gba kpé wěziza ɖɔhun.

Ozée 6:9

Vɔ̌sánú-xwlémawutɔ́ lɛ́ɛ tɔwu ɖo Sikɛ́mu sín ali jí ajotɔ́ axánsúnxó ɖɔhun, bó ɖo mɛ hu wɛ. Heelúnú e dó sin wɛ yě ɖe lɛ́ɛ nɛ́.

Ozée 9:15

Mawu Mavɔmavɔ ɖɔ: “Adǎnú e yě wa ɔ́ bǐ jɛ wěxo ɖo Gilugalu. Sín fínɛ́ wɛ un jɛ wǎn gbɛ́ nú yě ɖe jí. Hǔn, un ná nya yě sín xwé ce gbe, ɖó nǔ nyanya e yě wa lɛ́ɛ wú. Un sɔ́ ná yí wǎn nú yě ɖě ǎ. Gǎn yětɔn lɛ́ɛ bǐ wɛ nyí gǔfɔ́ntɔ́.

Nǔɖexlɛ́mɛ 3:19

Mɛ e un yí wǎn ná lɛ́ɛ ɔ́, un nɔ gbɛ́ nǔ nú yě bǐ, bó nɔ kplɔ́n nǔ yě bǐ. Hǔn, bo ɖe bǐbí dó nǔ wú towe xlɛ́, bó lɛ́ kɔ sín hwɛ towe lɛ́ɛ gúdo.