Ozée 4:9 - MAWUXÓWÉMA

⁹ Amɔ̌, nǔ e gbo togun ɔ́ wɛ ná gbo mɛ e nɔ xwlé vɔ̌sánú mì lɛ́ɛ. Lě e yě zán gbɛ gbɔn ɔ́ sín tó wɛ un ná dɔn nú yě.

Ozée 4:9 Iomraidhean Croise

Nǔnywɛ́xó 11:31

Mɛ e nɔ wa nǔ ɖó sɛ́nxwi jí ɔ́ nɔ́ ɖu nǔ e é wa ɔ́ sín le ɖo ayǐkúngban jí fí; hǔn mɛdídá kpó hwɛhutɔ́ kpó lɔ ná ɖu nǔ e yě wa ɔ́ sín le dandan.

Nǔnywɛ́xó 12:14

Xó e nɔ́ tɔ́n sín mɛ nu mɛ ɔ́ hɛn ɔ́, é ná dó dɔkun nú mɛ; azɔ̌ e è wa ɔ́ wɛ è nɔ ɖu.

Nǔnywɛ́xó 5:22

Mɛ e nɔ wa nyanya ɔ́, nǔ nyanya e é nɔ́ wa lɛ́ɛ jɛ́n nɔ́ wa nǔ xá ɛ; nǔ nyanya e é nɔ́ wa lɛ́ɛ wɛ nɔ́ nyí mɔ bɔ é nɔ́ sɔ́.

Ezayíi 24:2

Nǔ ɖokpó ɔ́ wɛ ɖo te kpɔ́n vɔ̌sánú-xwlémawutɔ́ kpó mɛ e nɔ dó alɔ ɛ é kpó, gǎn kpó mɛsɛntɔ́ kpó, nyɔ̌nu xwési kpó vǐ ɖo mɛ gɔ́n kpó, nǔsatɔ́ kpó nǔxɔtɔ́ kpó, akwɛ́satɔ́ kpó akwɛ́nyatɔ́ kpó, axɔ́tɔ́nɔ kpó axɔ́ɖutɔ́ kpó.

Ezayíi 3:10

Mi hɛn ɔ́, mi ná ɖɔ: nǔ bǐ nɔ́ yi linsinlinsin nú nǔjlɔ́jlɔ́watɔ́ lɛ́ɛ. Nǔ e yě wa ɔ́, yě nɔ́ ɖu.

Jelemíi 5:31

Gbeyíɖɔ lɛ́ɛ nɔ ɖó adingban, vɔ̌sánú-xwlémawutɔ́ lɛ́ɛ ɔ́, ɖuɖu jɛ́n yě nɔ́ ba ɖo nǔ bǐ mɛ. Bɔ nǔ énɛ́ lɛ́ɛ ká nyɔ́ togun ce nukún mɛ. Mi ka zán gbɛ mɔ̌ káká yi fó ɔ́, nɛ̌ mi ná wa nǔ gbɔn?”

Ezekiyɛ́li 44:10

“Levíi ví e xwedó Izlayɛ́li ví ɖě lɛ́ɛ e jó mì dó, bó ɖo vodún yětɔn lɛ́ɛ sɛn wɛ lɛ́ɛ ɔ́, nǔ e yě wa ɔ́ ji nǔɖé ɔ́, yě ná kpan.

Ezekiyɛ́li 44:12

Lo ɔ́, yědɛɛ lɛ́ɛ wɛ nɔ nukɔn nú togun ɔ́ bɔ é sɛn vodún; yě wɛ dɔn Izlayɛ́li ví lɛ́ɛ dó hwɛ mɛ; énɛ́ wú ɔ́, xó e nyɛ Aklúnɔ Mavɔmavɔ ɖɔ ɔ́ ɖíe: Un ná wa nǔ xá yě; nǔ e yě wa ɔ́ ji nǔɖé ɔ́, yě ná sɔ́ kpan.

Ozée 1:4

Bɔ Mawu Mavɔmavɔ ɖɔ nú Ozée ɖɔ: “Sun nyǐ vǐ ɔ́ ɖɔ Izleyɛ́li, ɖó é nɔ zaanɖé din ɔ́, un ná dɔn tó nú Jehu sín kúnkan lɛ́ɛ, ɖó mɛ e yě hu ɖo Izleyɛ́li lɛ́ɛ é wú; un ná ɖó xwédo Izlayɛ́li tɔn ɔ́ sín axɔ́súɖuɖu te.

Ozée 10:10

Hwenu e è nǎ dǒ wlɔ yě ɖó hwɛ e yě nɔ́ fɔ́n bó nɔ ɖo huhu wɛ ɔ́ wú ɔ́, un ná dɔn tó nú yě lě e é jló mì gbɔn é; togun gěgé ná ɖó gbe kpɔ́ bó húzú kpan nukɔn yě.

Ozée 12:2

Eflayímunu lɛ́ɛ nɔ sa ami nú Ejípunu lɛ́ɛ. Xɔ́ntɔn zun wɛ yě ɖe gbɔn mɔ̌ nɛ́. Xɔ́ntɔn énɛ́ lɛ́ɛ e zun wɛ yě ká ɖe ɔ́, nǔ wa dó jɔhɔn mɛ wɛ yě ɖe. Asilíinu lɛ́ɛ e nu alɛ xá wɛ yě nɔ́ ɖe ɔ́, jɔhɔn e nɔ xú nǔ bǐ ɔ́ wɛ yě nyǐ, bɔ yě ɖo gǔdo yětɔn ayǐhɔ́ngbe ayǐhɔ́ngbe. Yě nɔ́ fɔ́n, bó nɔ ɖo adingban ɖó wɛ, bó nɔ́ ɖo dǎka xo wɛ.”

Ozée 12:3

Mawu Mavɔmavɔ ɖo hwɛ ɖɔ xá akɔta Judáa tɔn ɔ́ wɛ. É ná dɔn tó nú togun Jakɔ́bu tɔn ɔ́, ɖó gbɛ nyanya e é zán ɔ́ wú. Nǔ nyanya e é wa ɔ́ sín ya wɛ Mawu Mavɔmavɔ ná dó n'i.

Ozée 7:2

Yě lɛ̌n gbeɖé ɖɔ un ɖo dǎka e émí xo lɛ́ɛ bǐ flín wɛ ǎ. Din ɔ́, nǔ nyanya e yě wa lɛ́ɛ lɛ́ lɛ̌ dó yě. Un mɔ bǐ.

Ozée 8:13

Yě nɔ́ hu kanlin dó sá vɔ̌ ɖó lan ná ɖu wú, bɔ é nyí nyɛ sá vɔ̌ ná wɛ yě ɖe. Nǔ énɛ́ lɛ́ɛ wɛ nɔ́ hun xomɛ nú nyɛ Mawu Mavɔmavɔ ɔ́ ǎ. Nyɛ Mawu Mavɔmavɔ ɔ́, un flín hwɛ e yě hu lɛ́ɛ din, bó ná dɔn tó tɔn nú yě: yě ná lɛ́ kɔ yi Ejípu.

Ozée 9:15

Mawu Mavɔmavɔ ɖɔ: “Adǎnú e yě wa ɔ́ bǐ jɛ wěxo ɖo Gilugalu. Sín fínɛ́ wɛ un jɛ wǎn gbɛ́ nú yě ɖe jí. Hǔn, un ná nya yě sín xwé ce gbe, ɖó nǔ nyanya e yě wa lɛ́ɛ wú. Un sɔ́ ná yí wǎn nú yě ɖě ǎ. Gǎn yětɔn lɛ́ɛ bǐ wɛ nyí gǔfɔ́ntɔ́.

Ozée 9:9

Yě kpo nú nǔ kwíji kwíji wiwa kɛ́ɖɛ́ lě e yě bló gbɔn ɖo Giveya ɖ'ayǐ xóxó ɔ́ ɖɔhun. Mawu Mavɔmavɔ ná flín nǔ e yě wa nyi do ɔ́. É ná dɔn hwɛ e yě hu ɔ́ sín tó nú yě.

Zakalíi 1:6

É ká ɖo mɔ̌ có xó ɖěɖě un ɖɔ gbɔn mɛsɛntɔ́ ce gbeyíɖɔ lɛ́ɛ jí é, kpódó nǔ e un zɔ́n yě lɛ́ɛ kpó ɔ́, tɔ́gbó mitɔn lɛ́ɛ wá mɔ nǔ jɛ mɛ, bó húzú ninɔmɛ. Yě wá tunwun ɖɔ lě e un ɖɔ gbɔn ɔ́ wɛ nyi wa nǔ xá émí gbɔn; lě e gbɛ e zán wɛ émí ɖe ɔ́ kpódó nǔ e émí wa lɛ́ɛ kpó byɔ́ gbɔn ɔ́ wɛ nyɛ Mawu Mavɔmavɔ ɔ́ wa nǔ xá émí gbɔn.’ ” Mawu Mavɔmavɔ wɛ ɖɔ mɔ̌.

Matíe 15:14

Mi jó yě dó; nukúntíntɔ́nnɔ lɛ́ɛ wɛ ɖo yěɖée kplá wɛ; ényí nukúntíntɔ́nnɔ ɖě ɖo ali xlɛ́ ɖě wɛ ɔ́, yě mɛ we lɛ́ɛ bǐ wɛ nɔ yi jɛ do mɛ.”