Biblia Todo Logo
Bìoball air-loidhne

- Sanasan -




Ozée 4:8 - MAWUXÓWÉMA

8 Vɔ̌ e togun ce nɔ wá sá nú mì ɖó hwɛ e yě hu ɔ́ tamɛ ɔ́ wɛ nyí nǔɖuɖu yětɔn. Hǔn, nǔ ɖokpó e nɔ́ myá nukún nú yě ɔ́ wɛ nyí ɖɔ togun ce ní fɔ́n bó ɖo hwɛ hu wɛ .

Faic an caibideil Dèan lethbhreac




Ozée 4:8
18 Iomraidhean Croise  

Yě mɛ énɛ́ lɛ́ɛ e lɔ mɛ è zě akwɛ́ ɔ́ dó lɛ́ɛ ɔ́, è ba do nú lě e yě ɖo axɔ́ sú azɔ̌watɔ́ lɛ́ɛ gbɔn wɛ é ǎ, ɖó yě nɔ́ hízí nǔ ǎ.


Mɛ e ma nɔ wa nǔ nyanya ǎ, mɛ e ayixa tɔn mɛ́, mɛ e ma nɔ ɖó adingban ǎ, mɛ e ma nɔ xwlé nǔ dó blɛ́ mɛ ǎ ɔ́ wɛ.


Davídi sín han. Mawu Mavɔmavɔ, hwi wɛ un sɔ́ ayi ce jó ná.


Cukú wɛ nú yě; nǔ e yě mɔ ɔ́ bǐ wɛ yě nɔ́ vún ɖu; nǔɖuɖu nɔ́ kpé yě gbeɖé ǎ. Nǔ ɖo mɔ̌ bɔ yě ká ɖo togun ce nu; yě tunwun ɖagbe ɖo nyanya mɛ ǎ; nǔ e jló yě lɛ́ɛ kɛ́ɖɛ́ wɛ yě nɔ́ bló; mɛ ɖokpó ɖokpó nɔ́ ɖo ɖagbe é ɖésúnɔ tɔn ba wɛ; yě ɖě hwe ɖ'é mɛ ǎ.


“Hwɛ gbɛtɔ́ ɔ́, hwi ɖɔ xó ná wɛ un ɖe; yě mɛ énɛ́ lɛ́ɛ ɔ́, vodún yětɔn lɛ́ɛ jí jɛ́n ayi yětɔn ɖe. Nǔ e dɔn yě dó hwɛ mɛ lɛ́ɛ wɛ yě jó yěɖée dó ná. Un ná jó nyiɖée dó bɔ yě ná nɔ́ wá kan nǔ byɔ́ mì wɛ yě vɛdó a?


“Ɖó ényí Izlayɛ́li ví ɖé abǐ jǒnɔ e ɖo Izlayɛ́li to ɔ́ mɛ lɛ́ɛ ɖě jó mì dó, bó sɔ́ ayi tɔn ɖó vodún tɔn lɛ́ɛ jí, bó jó éɖée dó nú nǔ e nɔ dɔ́n ɛ dó hwɛ mɛ lɛ́ɛ ɖě wá gbeɖé, bó wá kan nǔ byɔ́ gbeyíɖɔ ce lɛ́ɛ ɖě, bó ná tunwun jlǒ ce ɔ́, nyɛ Mawu Mavɔmavɔ ɖésú wɛ ná yí gbe n'i!


Lo ɔ́, nǔ nyanya sín gle wɛ mi lɛ, hǔn hwɛhuhu wɛ mi ná ya, ayi ɖó nú mɛ ka nyí sínsɛ́n e mi ɖu é. Đó Izlayɛ́linu lɛ́ɛ mi, mi ɖeji dó tito mi ɖésúnɔ tɔn lɛ́ɛ kpó ahwanfuntɔ́ gěgé e mi ɖó lɛ́ɛ kpó wú.


Togun Eflayímu tɔn ɔ́ cí ajɔ̌tɔ́ e hɛn nǔdagan e má sɔgbe ǎ alɔ mɛ é ɖɔhun. É yí wǎn nú mɛblɛ́ɖu.


È nǎ dɔn tó nú Samalíinu lɛ́ɛ ɖó yě fɔ́n gǔ dó Mawu yětɔn jí. Ahwan ná gba yě; è nǎ hu vǐ yětɔn lɛ́ɛ bó ná zɛ nyɔ̌nu yětɔn e ɖo xo lɛ́ɛ.


Mɛ e nyí súnnu ɖo hɛ̌nnu e nɔ wa vɔ̌sánú-xwlémawutɔ́ zɔ́ lɛ́ɛ mɛ lɛ́ɛ kɛ́ɖɛ́ wɛ ná ɖu kanlin ɔ́ sín lan. Nǔ mímɛ́ titewungbe ɖokpó wɛ é nyí.


Hwɛɖɔtɔ́ lɛ́ɛ ɔ́, mɛ e dó nǔ nu nú yě ɔ́ sín hwɛ wɛ nɔ jɔ. Vɔ̌sánú-xwlémawutɔ́ lɛ́ɛ nɔ yí akwɛ́ ɖo mɛ sí, cóbó nɔ kplɔ́n Mawusɛ́n lɛ́ɛ mɛ. Gbeyíɖɔ Mawu tɔn lɛ́ɛ nɔ yí akwɛ́ ɖo mɛ sí cóbó nɔ dó Mawu sín wɛn mɛ. Nǔ ɖo mɔ̌ bɔ yě bǐ ká nɔ glá bó nɔ ɖɔ Mawu Mavɔmavɔ tɔn wɛ émí nyí, ɖɔ Mawu Mavɔmavɔ ɖo kpɔ́ xá émí, ɖɔ nǔ nyanya ɖěbǔ kún ná wa émí ó.


Ényí mi ɖokpó gbɔ bó yi sú sinsɛnxɔ ɔ́ sín hɔn lɛ́ɛ ɔ́, é ná nyɔ́ hú. Énɛ́ ɔ́, mi sɔ́ ná nɔ́ yi flɔ́ myɔ dó wǔvɔ́, ɖo vɔ̌sákpe ce jí ǎ. Nú un ná ɖɔ xó nǔgbó nú mi ɔ́, mi nɔ nyɔ́ mɔ nú mì ǎ, vɔ̌sánú e mi nɔ xwlé mì lɛ́ɛ nɔ́ nyɔ́ nukún ce mɛ ǎ. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.


Đó gbɛtɔ́ mɔ̌hunkɔtɔn lɛ́ɛ ɖo azɔ̌ wa nú Klísu Aklúnɔ mǐtɔn ɔ́ wɛ ǎ; lo ɔ́, adɔgo yě ɖésúnɔ tɔn wa azɔ̌ ná wɛ yě ɖe. Yě nɔ ɖɔ xó víví, bó nɔ ɖɔ mɛblɛ́ɖuxó dó flú xomɛvɔ́nɔ lɛ́ɛ sín ayixa.


È ɖǒ ná xwe nu yětɔn dó xɔ, ɖó yě ɖo hunnyahunnya dó hɛ̌nnu lɛ́ɛ bǐ sésé mɛ wɛ, bɔ nǔ e è ma ɖó ná kplɔ́n mɛ ǎ ɔ́, yě nɔ kplɔ́n mɛ lɛ́ɛ, bó ná dó mɔ akwɛ́.


Nǔkplɔ́nmɛtɔ́-nyíjɛtɔ́ énɛ́ lɛ́ɛ ná nɔ ɖo akwɛ́ gbé mɛ, bó ná nɔ kpa xó ɖɔ nú mi, bó dó xo mi ɖu. Amɔ̌, mɛ e ná ɖó hwɛ nú yě ɔ́ ko ɖo te kpɔ́n yě sín tɛgbɛ, bó ná ɖó hwɛ nú yě, bɔ vivɔ yětɔn sixú gblá gbeɖé ǎ.


Bɔ étɛ́wú mi ká nɔ sɔ́ vɔ̌ e un ná gbe bɔ è nɔ sá nú mì lɛ́ɛ kpó nǔ e è nɔ ná mì lɛ́ɛ kpó dó xo kɔ́? Nɛ̌ ká gbɔn bɔ a nɔ sɔ́ vǐ towe lɛ́ɛ su hú nyɛ? Nǔ e togun ce Izlayɛ́li ɔ́ nɔ hɛn wá nú mì ɔ́, mi wɛ nɔ sɔ́ ɖ'é mɛ dó nukɔn bo nɔ ɖu dó dó jǒ.


Lean sinn:

Sanasan


Sanasan