Ozée 4:7 - MAWUXÓWÉMA

⁷ Yě fɔ́n bó ɖo jiji wɛ ɔ́, hwɛhuhu yětɔn nɔ́ ɖo jijɛ jí wɛ. Un ná zé susu e yě ɖó ɔ́ dó húzú hɛ̌n.

Ozée 4:7 Iomraidhean Croise

Ɛsidlási 9:7

Sín tɔ́gbó mǐtɔn lɛ́ɛ hwenu káká wá jɛ din ɔ́, togun mǐtɔn hu hwɛ gěgé. Énɛ́ ɔ́ wú ɔ́, mǐ kpó axɔ́sú mǐtɔn lɛ́ɛ kpó, kpódó vɔ̌sánú-xwlémawutɔ́ mǐtɔn lɛ́ɛ kpó ɔ́, axɔ́sú to ɖěvo mɛ tɔn lɛ́ɛ hú gǎn mǐ; yě fun ahwan xá mǐ, yě wlí kannumɔ mǐtɔn hɛn yi. Yě bɛ̌ nǔ mǐtɔn lɛ́ɛ, bó dó winnyá mǐ lě e é lɛ́ nyí gbɔn nú mǐ égbé é.

Ozée 10:1

Izlayɛ́li to ɔ́, vǐwungbo ɖé wɛ bɔ ayǐ nyɔ́ n'i ɖ'ayǐ; é nɔ́ sɛ́n kpɔ́ gégé ɖ'ayǐ. Lo ɔ́, lě e sínsɛ́n tɔn lɛ́ɛ ɖo kpɔ́ su gbɔn wɛ ɔ́, mɔ̌ jɛ́n é nɔ́ ɖo vɔ̌sákpe lɛ́ɛ mɛ gbɔn wɛ. Lě e nǔ bǐ ɖo nyǐnyɔ́ nú to ɔ́ gbɔn wɛ ɔ́, mɔ̌ jɛ́n é nɔ́ ba acɔ́ nú awǐnnya e yě sɔ́ dó ɖó vodún bó nɔ sɛn lɛ́ɛ gbɔn.

Ozée 10:6

È nǎ zé vodún ɔ́ yi Asilíi, bó ná ná Axɔ́sú Đaxó. Eflayímu ná flú, winnyá ná hu Izlayɛ́li ɖó ali énɛ́ ɔ́ e é sɔ́ ɔ́ wú.

Ozée 13:14

Bɔ nyɛ Mawu Mavɔmavɔ ɔ́, un ɖó ná yí mɛ énɛ́ lɛ́ɛ sín kú fɛn mɛ wɛ a? Un ná ɖe yě sín kútomɛ wɛ a? Kú e, fítɛ́ ahwanfunnú towe lɛ́ɛ ɖe? Kú e, ɖe acɛ towe e a nɔ dó hu mɛ ná ɔ́ xlɛ́. Un ɖo nǔbláwǔ ná kú nú mɛɖé wɛ ǎ.

Ozée 13:6

Mi yi ama ɖu gbé lě tlóló ɔ́, mi nɔ gɔ́ xo. Adɔgo mitɔn gɔ́ lě kpowun ɔ́, mi nɔ jɛ go yí jí. Nǔ e wútu mi wɔn mì ɔ́ nɛ́.

Ozée 4:10

Yě ná nɔ ɖu nǔ káká, bó ká ná nɔ́ gɔ́ xo ǎ. Yě ná nɔ lɛ aga káká, yě ká ná ji vǐ ǎ. Đó yě jó mì dó, yě jó nyɛ Mawu Mavɔmavɔ ɔ́ dó bó jɛ aga lɛ jí.

Ozée 5:1

“Vɔ̌sánú-xwlémawutɔ́ lɛ́ɛ mi, mi ɖótó xó élɔ́! Izlayɛ́li sín gǎn lɛ́ɛ mi, mi lɔmɔ̌ ní ɖótó. Mi mɛ e ɖo axɔ́sú ɔ́ sín hɔnmɛ lɛ́ɛ mi, mi lɔmɔ̌ ní ɖótó. Midɛɛ lɛ́ɛ wɛ ɖó ná ɖɔ hwɛ jlɔ́jlɔ́. Lo ɔ́, fɛ́ca wɛ mi nyí nú togun ce ɖo Misipa, bó nyí ɖɔ bɔ è ɖǒ n'i ɖo Tabɔ́ɔ só jí,

Ozée 6:9

Vɔ̌sánú-xwlémawutɔ́ lɛ́ɛ tɔwu ɖo Sikɛ́mu sín ali jí ajotɔ́ axánsúnxó ɖɔhun, bó ɖo mɛ hu wɛ. Heelúnú e dó sin wɛ yě ɖe lɛ́ɛ nɛ́.

Ozée 9:11

Susu e Eflayímunu lɛ́ɛ ɖó ɔ́ ná zɔn yi xɛ ɖɔhun. Mɛ ɖé sɔ́ ná ji vǐ ǎ, mɛɖé sɔ́ ná mɔ xo ǎ, sun sɔ́ ná nɔ te nú mɛɖé ǎ.

Xabakúku 2:16

Winnyá wɛ mi nǎ ɖu, susu wɛ mi ná xɔ ǎ. Mi lɔmɔ̌ ɔ́, mi nu ahan bó jɛ mɛ̌. Mawu Mavɔmavɔ ná kpé winnyá kɔ́fu e ɖo aɖisí tɔn mɛ é nú mi gǎnnugǎnnu, bɔ winnyá e mi ná ɖu ɔ́ ná hɛn susu e mi xɔ ɔ́ xo kɔ́.

Malacíi 2:9

É lɛ́ ɖɔ: “Nyɛ ɔ́, un ná fɔ́n Izlayɛ́li togun ɔ́ bǐ dó mi jí, bɔ é ná gbɛ́ wǎn nú mi, bó dó winnyá mi, ɖó jlǒ ce e mi ma nɔ́ wa ǎ, kpó gbɛtɔ́ jí e mi nɔ́ nɔ bó má nɔ́ nɔ xó jí ǎ é kpó wú.”

Sɛ́nflínmɛ 32:15

Ée Yeculunu ɖu nǔ gɔ́ xo bó kló, bó nyɔ́ wǔ ɔ́, é fɔ́n gǔ; é jó Mawu e ɖó e ɔ́ dó; é dó winnyá só tɔn, hwlɛngán tɔn ɔ́.

Filípunu 3:19

Fí e yě ná yi dɔn ɖe ɔ́ wɛ yě kán wezun xwe; ɖó nǔ ɖokpó e yě nɔ sɛn ɔ́ wɛ nyí adɔgo yětɔn ; yě nɔ xɔ susu ɖo nǔ e ɖó ná hu winnyá nú yě ɔ́ mɛ, bɔ gbɛ mɛ fí sín nǔ lɛ́ɛ kɛ́ɖɛ́ jí jɛ́n ayixa yětɔn nɔ ɖe.

1 Samuwɛ́li 2:30

Énɛ́ ɔ́ wútu ɔ́, nǔ e Mawu Mavɔmavɔ, Mawu Izlayɛ́li tɔn ɖɔ ɔ́ ɖíe: Un ɖɔ xwédo towe kpó tɔ́gbó towe xwédo kpó ná nyí vɔ̌sánú-xwlémawutɔ́ ce káká sɔ́yi. Amɔ̌, din ɔ́, nǔ sɔ́ sixú nyí mɔ̌ gbeɖé ǎ. Đó mɛɖé sɔ́ mì su ɔ́, un ná sɔ́ ɛ su; mɛɖé ka dó vɛ̌ nú mì lɛ́ɛ ɔ́, un ná dó vɛ̌ nú yě.