Ozée 4:5 - MAWUXÓWÉMA

⁵ A nǎ klɛ́n afɔ bo jɛ ayǐ kéze ɖéɖé, bɔ hǎgbɛ́ towe gbeyíɖɔ ɔ́ lɔmɔ̌ ná klɛ́n afɔ bo jɛ ayǐ zǎn mɛ. Un ná sú nɔ towe sín kún dó.

Ozée 4:5 Iomraidhean Croise

Ezayíi 50:1

Xó e Mawu Mavɔmavɔ ɖɔ ɔ́ ɖíe: “Mi nɔ ɖɔ nyi nya nɔ émítɔn Jeluzalɛ́mu. É nyɔ́, mi bo xlɛ́ wěma e un wlán dó así n'i, bó gbɛ́ ɛ, lobo nya ɛ ɔ́ mì. Mi nɔ ɖɔ nyi sa émí kannumɔ ɖɔhun, bó ná sɔ́ akwɛ́ ɔ́ dó sú axɔ́ e un ɖu ɔ́ ná. É nyɔ́, mi bo ɖɔ mɛ e un sa mi xá ɔ́ nú mì. Ényí un sa mi hǔn, nǔ e mi wa nyi do lɛ́ɛ wú wɛ un sa mi; ényí un nya nɔ mitɔn hǔn, hwɛ e mi hu lɛ́ɛ wú wɛ un nya ɛ.

Jelemíi 15:8

Asúkúsi towe lɛ́ɛ sukpɔ́ hú kɔ́ e ɖo xutó é. Hwemɛ cíɖíɖí wɛ awě xo nyɔ̌nu e ɖó vǐ wínnyáwínnyá bɔ yě yi ahwan fun gbe lɛ́ɛ. Un dó xɛsi ɖaxó ɖé yě ajijimɛ.

Jelemíi 23:9

Xó e è ɖɔ dó gbeyíɖɔ Mawu tɔn nyí jɛ tɔ́ lɛ́ɛ wú lɛ́ɛ: Ayi ce bǐ wɛ gbadó ɖo xomɛ; xú ce bǐ xo to ɖo lanmɛ. Un cí ahannumúnɔ ɖɔhun, mɛ e nu ahan gɔ́ xo e ɖɔhun. Un cí mɔ̌, ɖó Mawu Mavɔmavɔ wú, ɖó xó e Mawu Mavɔmavɔ ɖɔ lɛ́ɛ wú. Nǔ e è nɔ ɖɔ dó gbeyíɖɔnyíjɛtɔ́ lɛ́ɛ wu ɔ́ ɖíe:

Jelemíi 50:12

Amɔ̌, din ɔ́, ayǐkúngban mitɔn ɖu winnyá; ayǐkúngban e jí mi ɖe ɔ́ sín wi kɔ́n. Akɔta mitɔn húzú gǔdonú ɖo akɔta lɛ́ɛ mɛ. Xɛ sɔ́ ɖo to ɔ́ mɛ ǎ, ayǐkúngban bǐ xú.”

Ezekiyɛ́li 14:3

“Hwɛ gbɛtɔ́ ɔ́, hwi ɖɔ xó ná wɛ un ɖe; yě mɛ énɛ́ lɛ́ɛ ɔ́, vodún yětɔn lɛ́ɛ jí jɛ́n ayi yětɔn ɖe. Nǔ e dɔn yě dó hwɛ mɛ lɛ́ɛ wɛ yě jó yěɖée dó ná. Un ná jó nyiɖée dó bɔ yě ná nɔ́ wá kan nǔ byɔ́ mì wɛ yě vɛdó a?

Ozée 2:2

Judáanu lɛ́ɛ kpódó Izlayɛ́linu lɛ́ɛ kpó ná kplé bó ná sɔ́ gǎn ɖokpó, bó ná kpa acɛ nú to ɔ́. Đó azǎn ɖaxó ɖé wɛ Izleyɛ́li sín azǎn ɔ́ ná nyí.

Ozée 2:5

É má nyí mɔ̌ ǎ ɔ́, un ná ɖe e nyi mɛ̌, un ná ɖe e nyi mɛ̌ jɔgbe. Un ná sɔ́ ɛ dó húzú gbětótló, un ná sɔ́ ɛ dó húzú axéko, un ná ɖó sinnugblá n'i káká, bɔ é ná wɛ́n vɛ̌.

Ozée 5:5

Go e yí wɛ togun Izlayɛ́li tɔn ɔ́ ɖe ɔ́ kó ɖe nǔ e é nyí ɔ́ xlɛ́. Togun Izlayɛ́li tɔn kpó akɔta Eflayímu tɔn ɔ́ kpó ná klɛ́n afɔ ɖó hwɛ e yě hu lɛ́ɛ wú. Akɔta Judáa tɔn ɔ́ lɔmɔ̌ ná klɛ́n afɔ kpó yě kpó.

Zakalíi 11:8

Un zé sun ɖokpó ɖó te bo ɖe ɖɛ lɛ̌ngbɔ́nyitɔ́ yětɔn atɔn lɛ́ɛ. Un sɔ́ ɖó suúlu ɖěbǔ dó yě wú ǎ. Yě lɔmɔ̌ ká sɔ́ ba xó ce ɖě ǎ.

Zakalíi 13:2

Hwenɛ́nu ɔ́, Mawu Mavɔmavɔ Nǔbǐwúkpétɔ́ ɔ́ ɖɔ: “Un ná sú vodún lɛ́ɛ sín kún dó ɖo to ɔ́ mɛ, bɔ mɛ ɖěbǔ sɔ́ ná nɔ́ flín yě ǎ. Mɔ̌ ɖokpó ɔ́, un ná sú mɛ e nɔ ylɔ́ yěɖée ɖɔ gbeyíɖɔ ce lɛ́ɛ sín kún dó, bó ná ɖe nǔ e nɔ́ zɔ́n bɔ mi nɔ yí wǎn nú vodún sinsɛn ɔ́ sín ayi mitɔn mɛ.

Galatinu 4:26

Jeluzalɛ́mu sɛ́xwé tɔn ɔ́ ɖo é ɖésúnɔ sí; é wɛ nyí nɔ mǐtɔn.