Ozée 4:3 - MAWUXÓWÉMA

³ Énɛ́ ɔ́ wú wɛ mɛ e ɖo to ɔ́ mɛ lɛ́ɛ ná jɛ aluwɛ mɛ; mɛ e nɔ nɔ to ɔ́ mɛ lɛ́ɛ bǐ ná blá wǔ; yě kpó gběkanlin lɛ́ɛ kpó, kpódó xɛ lɛ́ɛ kpó bǐ wɛ ná blá wǔ, hweví lɛ́ɛ lɔ ná sú kún dó.”

Ozée 4:3 Iomraidhean Croise

Ezayíi 33:9

To ɔ́ ɖo aluwɛ mɛ; sin ɖo vivɔ sín to ɔ́ mɛ wɛ. Akú hɛn Libáan só ɔ́, bɔ winnyá hu i. Calɔ́ni gbé ɔ́ jí bǐ ba sin kpo bó cí gbětótló ɖé ɖɔhun. Atín e ɖo Basáni só ɔ́ jí lɛ́ɛ kpó ée ɖo Kaamɛ́li só ɔ́ jí lɛ́ɛ kpó bǐ ɖo ɖa lúnlún wɛ.

Jelemíi 12:4

Káká jɛ hwetɛ́nu to ɔ́ ká ná nɔ aluwɛ mɛ yi jɛ? Káká jɛ hwetɛ́nu gběhan ká ná nɔ xúxú ɖo gle mɛ yi jɛ? Mɛ e ɖo to ɔ́ mɛ lɛ́ɛ ɔ́, dídá yětɔn zɔ́n bɔ kanlin kpó xɛ kpó bǐ ɖo kúkú wɛ. Yě nɔ́ ɖɔ: “Mawu nǎ mɔ fí e mǐ na yi vɔ dó ɔ́ ǎ.”

Jelemíi 23:10

“Mɛ e nɔ dó afɔ gbě lɛ́ɛ wɛ gɔ́ to ɔ́. To ɔ́ bǐ ɖo aluwɛ mɛ, ɖó Mawu dó nu to ɔ́. Ayǐkúngban wɛnjɛ e ɖo gbětótló mɛ é bǐ xú; nǔ nyanya wiwa wɛ yě nɔ́ hwlɛ́n dó, nǔ nyanya wiwa kɛ́ɖɛ́ wú jɛ́n yě nɔ́ ván kan dó.”

Jelemíi 4:25

Un kpɔ́n fí bǐ lɛ̌ dó, bɔ gbɛtɔ́ ɖěbǔ sɔ́ ɖe ǎ, xɛ lɛ́ɛ bǐ hɔn yi.

Jelemíi 9:10

Mawu ɖɔ: “Un ná sɔ́ Jeluzalɛ́mu dó húzú dǒglin; un ná sɔ́ dó húzú nɔtɛn nú ayǐsájɛ lɛ́ɛ. Un ná sɔ́ Judáa toxo ɖě lɛ́ɛ dó húzú gbětótló, mɛɖé ná nɔ fínɛ́ ǎ.”

Jelemíi 9:9

Un ya avǐ bó ná alě ɖó só lɛ́ɛ tamɛ. Un dó gbɛvíhan ɖó fí e kanlin lɛ́ɛ nɔ́ ɖu ama ɖe lɛ́ɛ tamɛ. Gběhan lɛ́ɛ bǐ wɛ ji zo; mɛɖé sɔ́ nɔ gbɔn fínɛ́ ǎ, kanlin ɖě sɔ́ nɔ́ sú xó ɖo fínɛ́ ǎ; xɛ kpó kanlin kpó bǐ wɛ hɔn bó yi.

Ezekiyɛ́li 38:20

Hweví e ɖo xu mɛ lɛ́ɛ, xɛ e nɔ zɔn gbɔn jɔ mɛ lɛ́ɛ, gběkanlin lɛ́ɛ, dan e nɔ ɖíɖí gbɔn kɔ́ mɛ lɛ́ɛ kpó gbɛtɔ́ lɛ́ɛ bǐ kpó ná sísɔ́ ɖo nukɔn ce. Só lɛ́ɛ ná mu, awǐnnya e ɖo xutó lɛ́ɛ ná jɛ ayǐ, dǒ lɛ́ɛ bǐ ná mu kɔn nyi ayǐ.

Jowɛ́li 1:18

Kanlin lɛ́ɛ ɖo azɔn wɛn wɛ lóóo! Wǔ kú nyibú lɛ́ɛ ɖó yě sɔ́ mɔ nǔ ɖu ǎ. Lɛ̌ngbɔ́ lɛ́ɛ lɔmɔ̌ ɖo wǔvɛ́ mɔ wɛ.

Amɔ́si 1:2

Amɔ́si ɖɔ: “Mawu Mavɔmavɔ ɖo adǎn jǐ ɖo Jeluzalɛ́mu, è ɖo gbe tɔn se wɛ sín Sinyɔ́ɔ. Gběhan e kanlin lɛ́ɛ nɔ ɖu ɔ́ bǐ wɛ fyɔ́; akú ɖó ɖo Kaamɛ́li só ta.”

Amɔ́si 5:16

Mawu Mavɔmavɔ, Mawu Nǔbǐwúkpétɔ́, Aklúnɔ ɖɔ: “Énɛ́ ɔ́ wú wɛ è nǎ nɔ́ ya gbɛvíhan ɖo tokplétɛn lɛ́ɛ bǐ; è nǎ nɔ sú xó ɖo toligbó lɛ́ɛ xo ɖɔ: ‘Heelúnú tɛ́ ɖíe! Heelúnú tɛ́ ɖíe!’ È nǎ ylɔ́ glesi lɛ́ɛ, bó ná dɔn yě dó aluwɛ mɛ, bó ná ylɔ́ mɛ e nɔ dó gbɛvíhan lɛ́ɛ, bɔ yě ná wá ji gbɛvíhan.

Amɔ́si 8:8

Énɛ́ ɔ́ wú ɔ́, ayǐkúngban ná dán wǔ. Mɛ e ɖo ayǐkúngban ɔ́ jí lɛ́ɛ bǐ ná jɛ aluwɛ mɛ. Ayǐkúngban ɔ́ ná fɔ́n yi jǐ bǐ dégbédégbé, bó ká ná lɛ́ hwíhwɛ́ tɔsisa ɖaxó Nilu e ɖo Ejípu ɔ́ ɖi sin ɖɔhun.

Naxúmu 1:4

É nɔ́ wa adǎn dó xu bɔ é nɔ́ mɛ. É nɔ́ ɖe gbe bɔ tɔ lɛ́ɛ nɔ xú, bɔ gběhan e ɖo Basáni é kpó éé ɖo Kaamɛ́li só ɔ́ jí é kpó bǐ nɔ fyɔ́, bɔ folówa Libáan tɔn lɛ́ɛ nɔ mlú.

Sofoníi 1:3

Un ná hu gbɛtɔ́ kpó kanlin kpó; un ná hu xɛ lɛ́ɛ bǐ, un ná hu hweví lɛ́ɛ bǐ. Un ná hu adǎkaxotɔ́ lɛ́ɛ bǐ, bó ná sú nǔ baɖabaɖa e yě zě alɔ yětɔn dó bló ná lɛ́ɛ bǐ sín kún dó. Un ná jó mɛ ɖěbǔ dó nyi gbɛ ɖo ayǐkúngban ɔ́ jí ǎ.”

Zakalíi 5:4

Mawu Mavɔmavɔ Nǔbǐwúkpétɔ́ ɔ́ ɖɔ émí ɖésú wɛ ná sɛ́ nudómɛ énɛ́ ɔ́ dó. Nudómɛ énɛ́ ɔ́ ná gba nǔ ɖo ajotɔ́ lɛ́ɛ ɖokpó ɖokpó xwé, bó ná gba ɖo mɛ e nɔ ɖó adingban bo nɔ xwlé nyǐkɔ ce d'é jí lɛ́ɛ ɖokpó ɖokpó xwé. Nudómɛ énɛ́ ɔ́ ná nɔ to ɔ́ mɛ, bó ná hɛn nǔ bǐ gblé. Xɔtín kpódó awǐnnya e è dǒ gbá xɔ lɛ́ɛ ná lɛ́ɛ kpó bǐ wɛ ná hánnyá.