Ozée 4:2 - MAWUXÓWÉMA

² Nu jɛ́n yě nɔ́ dó nɔzo yětɔn, yě nɔ́ ɖó adingban, yě nɔ́ hu mɛ, yě nɔ́ ja ajo, yě nɔ́ lɛ aga. Asú wɛ yě nɔ́ fán mɛ; yě fɔ́n ɔ́, mɛ hu wɛ jɛ́n yě nɔ́ ɖe.

Ozée 4:2 Iomraidhean Croise

Bǐbɛ́mɛ 4:8

Mawu Mavɔmavɔ ɖɔ mɔ̌ nú Kanyɛ́ɛ có, Kanyɛ́ɛ ɖɔ nú nɔví tɔn Abɛ́li ɖɔ ní wá mǐ yi gle mɛ. Ée yě yi jɛ dɔ̌n ɔ́, Kanyɛ́ɛ zɔn nɔví tɔn Abɛ́li jí bó hu.

Ezayíi 24:5

Gbɛtɔ́ lɛ́ɛ ɖu su nú ayǐkúngban ɔ́ ɖó yě gba sɛ́n; yě hɛn nǔ e Mawu to lɛ́ɛ gba; yě hɛn akɔ mavɔ mavɔ e Mawu jɛ xá yě ɔ́ gba.

Ezayíi 48:1

Jakɔ́bu togun e mi, mi ɖótó; mi nɔ ɖɔ Izlayɛ́li ví wɛ émí nyí, bó jɔ ɖo Judáa kún mɛ. Mi nɔ xwlé nǔ dó Mawu Mavɔmavɔ nyíkɔ mɛ, mi nɔ xomlá Mawu Izlayɛ́li tɔn ɖo ɖɛ mitɔn lɛ́ɛ mɛ. Lo ɔ́, nǔ e ɖɔ wɛ mi ɖe ɔ́ ká yi xo mitɔn mɛ ǎ, mi nɔ wa nǔ ɖó sɛ́nxwi jí ǎ.

Jelemíi 51:5

Đó hwɛ e yě hu dó nyɛ Mawu Izlayɛ́li tɔn, nyɛ Mawu ɖokpó géé e tíin ɔ́ wɛ gɔ́ to yětɔn. Lo ɔ́, Mawu Mavɔmavɔ, Mawu Nǔbǐwúkpétɔ́ ɔ́ ɖo nukún kpé dó Izlayɛ́li kpó Judáa kpó wú wɛ.”

Jelemíi 6:7

É nɔ́ ɖe adǎkaxixo tɔn tɔ́n lě e tɔjɔtɛn nɔ ɖe sin tɔ́n gbɔn é! A se è ɖo xó sú wɛ ɖo toxo ɔ́ mɛ hǔn, tunwun ɖɔ alǎnnú wa wɛ è ɖe abǐ è ɖo nǔ hɛn gblé wɛ. Mɛ e ɖo wǔvɛ́ mɔ wɛ lɛ́ɛ kpó mɛ e gblé wǔ wɛ è ɖe lɛ́ɛ kpó nɔ́ ɖo jijɛ jí wɛ bɔ un nɔ ɖo mimɔ wɛ hwebǐnu.

Gbɛvíhan 4:13

Hwɛ e gbeyíɖɔ lɛ́ɛ hu lɛ́ɛ wɛ zɔ́n bɔ nǔ baɖabaɖa énɛ́ ɔ́ jɛ; nǔ e vɔ̌sánú-xwlémawutɔ́ lɛ́ɛ dó sin lɛ́ɛ wɛ zɔ́n bɔ nǔ baɖabaɖa énɛ́ ɔ́ jɛ; yě kɔn hwɛjijɔnɔ lɛ́ɛ sín hun kɔn nyi ayǐ ɖo toxo ɔ́ mɛ.

Ezekiyɛ́li 7:23

Mi bló wlɔ e è nǎ dó mi lɛ́ɛ, ɖó mɛhutɔ́ kɛ́ɖɛ́ wɛ ɖo to ɔ́ mɛ. Yě ɖo alǎnnú wa wɛ gbɔn fí bǐ ɖo toxo ɔ́ mɛ.

Ozée 10:13

Lo ɔ́, nǔ nyanya sín gle wɛ mi lɛ, hǔn hwɛhuhu wɛ mi ná ya, ayi ɖó nú mɛ ka nyí sínsɛ́n e mi ɖu é. Đó Izlayɛ́linu lɛ́ɛ mi, mi ɖeji dó tito mi ɖésúnɔ tɔn lɛ́ɛ kpó ahwanfuntɔ́ gěgé e mi ɖó lɛ́ɛ kpó wú.

Ozée 10:4

Yě ɖo akɔ jɛ wɛ ɔ́, xó gbló wɛ yě nɔ́ ɖɔ, adingban wɛ yě nɔ́ ɖó bó nɔ́ xwlé nǔ d'é jí. Mɔ̌ ɖokpó ɔ́, nǔjlɔ́jlɔ́wiwa ɔ́, gběhan aɖǐvɛ́nɔ e wú ɖo hwɛnxlo mɛ ɔ́ ɖɔhun wɛ é cí nú yě.

Ozée 12:14

Mawu Mavɔmavɔ gbɔn gbeyíɖɔ tɔn lɛ́ɛ ɖokpó jí, bó ɖe Izlayɛ́li ví lɛ́ɛ tɔ́n sín Ejípu. Gbeyíɖɔ tɔn lɛ́ɛ ɖokpó wɛ é zɔ́n ɖɔ é ní kpé nukún dó togun émítɔn ɔ́ wú.

Ozée 5:2

bó nyí do gɔngɔn ɖo Citímu. Amɔ̌, nyɛ ɔ́, un ná kplɔ́n mi mɛ bǐ.

Ozée 6:8

Nǔ nyanyawatɔ́ lɛ́ɛ sín toxo wɛ nyí Galadi toxo ɔ́. Yě gbɔn fí ɖěbǔ dín ɖo toxo ɔ́ mɛ ɔ́, hun jɛ́n nɔ kɔn nyi ayǐ.

Ozée 6:9

Vɔ̌sánú-xwlémawutɔ́ lɛ́ɛ tɔwu ɖo Sikɛ́mu sín ali jí ajotɔ́ axánsúnxó ɖɔhun, bó ɖo mɛ hu wɛ. Heelúnú e dó sin wɛ yě ɖe lɛ́ɛ nɛ́.

Ozée 7:1

Mawu Mavɔmavɔ ɖɔ: “Hwenu e un jló ná gbɔ azɔn nú togun Izlayɛ́li tɔn ɔ́, hwɛ e akɔta Eflayímu tɔn ɔ́ hu lɛ́ɛ kpódó dǎka e Samalíinu lɛ́ɛ xo ɔ́ kpó wɛ un mɔ. Ajotɔ́ lɛ́ɛ byɔ́ xwé lɛ́ɛ gbe, ajotɔ́ axánsúnxó lɛ́ɛ ɖo ajo gbo mɛ wɛ gbɔn alixo alixo.

Ozée 7:3

Yě nɔ́ ɖɔ xó víví dó dó xomɛhunhun nú axɔ́sú yětɔn. Yě nɔ́ ɖó adingban dó dó xomɛhunhun nú gǎn yětɔn lɛ́ɛ.

Ozée 7:4

Yě bǐ wɛ dó afɔ gbě. Yě cí myɔkpó e wɔ̌xúxúɖatɔ́ xo zo dó, bɔ é sɛ́ káká bó má sɔ́ byɔ́ ɖɔ é ní xo zo dó sín hwenu e é nya linfín ɔ́ dó káká bɔ é wá fɔ́n ǎ é ɖɔhun.

Micée 3:2

Mi ka gbɛ́ wǎn nú ɖagbewiwa, bó yí wǎn nú nǔ nyanya wiwa. Mi nɔ kɔ́n anyǔ sín mɛ ce lɛ́ɛ wú, bó nɔ ɖe lan e ɖo xú yětɔn wú lɛ́ɛ síin.

Micée 3:9

Izlayɛ́li mɛxó hwɛɖɔtɔ́ lɛ́ɛ e mi, mi ɖɔ xó ná wɛ un ɖe. Mi gbɛ́ wǎn nú nǔ ɖagbe wiwa, bó nɔ gba sɛ́n.

Micée 6:10

Un ná sixú yí gbe bɔ mɛdídá ná kplé nǔ e é xo yí lɛ́ɛ dó xwé gbe wɛ a? Un sixú yí gbe bɔ è na nɔ zé jlɛ̌nú e ma sɔgbe ǎ dó sa nǔ nú mɛ ǎ.

Micée 7:2

Gbɛtɔ́ e ɖo gbejí nú Mawu ɔ́ ɖě sɔ́ ɖo to ɔ́ mɛ ǎ; ayijlɔ́jlɔ́nɔ ɖě sɔ́ ɖo to ɔ́ mɛ ǎ. Lě e yě ná wa gbɔn bó ná hu mɛ ɔ́ jɛ́n nɔ ɖo ayi mɛ nú yě bǐ, bɔ yě nɔ́ ɖo yěɖée cɔ́ wɛ.

Sofoníi 3:1

Heelú Jeluzalɛ́mu toxo, toxo gǔfɔ́ntɔ́, ahizinɔ, acɛ gannaganna kpa nú mɛ tɔ́, heelú Jeluzalɛ́mu.

Zakalíi 5:3

Bɔ é ɖɔ nú mì ɖɔ: “Nu e è dǒ to ɔ́ bǐ é sín wěma wɛ. É wlán dó wěma ɔ́ sín akpá ɖé xwé ɖɔ è ná nya ajotɔ́ lɛ́ɛ bǐ sín to ɔ́ mɛ, bó wlán dó akpá ɖě ɔ́ xwé ɖɔ è nǎ nya mɛ e nɔ ɖó adingban bo nɔ xwlé nǔ d'é jí lɛ́ɛ lɔ bǐ sín to ɔ́ mɛ.”

Zakalíi 7:9

“Mi ɖɔ hwɛ jlɔ́jlɔ́, mi yí wǎn nú miɖée, bó nyɔ́ xomɛ dó miɖée wú.

Matíe 23:35

Mi ná wa mɛ énɛ́ lɛ́ɛ nú gbɔn mɔ̌, bónú xomɛvɔ́nɔ e è hu ɖo ayǐkúngban jí lɛ́ɛ bǐ sín hwɛ ná jɛ kɔ nú mi, bɛ́ sín Abɛ́li hwɛjijɔnɔ ɔ́ jí, káká yi jɛ Zakalíi, Bɛlɛ́kya ví e mi hu ɖo sinsɛnxɔ mɛ, ɖo tɛn mímɛ́ ɔ́ kpódó vɔ̌sákpe ɔ́ kpán tɛ́ntin é jí.

Mɛsɛ́dó 7:52

Gbeyíɖɔ tɛ́ tɔ́gbó mitɔn lɛ́ɛ má ka dó ya ná ǎ? Yě hu mɛ e wá ɖɔ ɖ'ayǐ ɖɔ hwɛjijɔnɔ ɔ́ ná wá lɛ́ɛ é. Hwɛjijɔnɔ énɛ́ wɛ midɛɛ lɛ́ɛ mi sa, lobo hu din.

Sɛ́nflínmɛ 5:11

Ma zé nyɛ Mawu Mavɔmavɔ, Mawu towe ɔ́ sín nyǐkɔ dó da ayihún ó, ɖó nyɛ Mawu Mavɔmavɔ ɔ́, un nɔ gɔn tó dɔn nú mɛ e ná zé nyǐkɔ ce dó da ayihún ná é ǎ.

Sɛ́nflínmɛ 5:18

Ma lɛ aga ó.

Sɛ́nflínmɛ 5:19

Ma ja ajo ó.

1 Tɛsalonikinu 2:15

Jwifu lɛ́ɛ wɛ hu Aklúnɔ Jezu, lobo hu gbeyíɖɔ Mawu tɔn lɛ́ɛ, bó nya mǐ. Yě dó xomɛsin nú Mawu, bó nyí kɛntɔ́ gbɛtɔ́ lɛ́ɛ bǐ tɔn.

Nǔɖexlɛ́mɛ 17:6

Un mɔ ɖɔ mɛɖeɖóvo Mawu tɔn lɛ́ɛ kpódó kúnnuɖetɔ́ Jezu tɔn e è hu lɛ́ɛ kpó sín hun mú nyɔ̌nu ɔ́. Ée un mɔ nyɔ̌nu ɔ́, é kpácá mì ɖésú.