Ozée 4:16 - MAWUXÓWÉMA

¹⁶ Izlayɛ́linu lɛ́ɛ fɔ́n gǔ nyibúsixwɛ e è ma sixú dé ǎ é ɖɔhun. Amɔ̌, din ɔ́, nyɛ Mawu Mavɔmavɔ ná kplá ɛ yi ama ɖu gbé lɛ̌ngbɔ́ví ɖé ɖɔhun ɖo ayǐkúngban wɛnjɛ ɖé jí.

Ozée 4:16 Iomraidhean Croise

Ɖɛhan 78:8

bó má wá cí tɔ́gbó yětɔn lɛ́ɛ ɖɔhun ó, bó má nyí gbɛtɔ́ tótlítɔ́, gǔfɔ́ntɔ́ ó, gbɛtɔ́ e ayi tɔn ma nɔ́ nɔ fí ɖokpó ǎ é, gbɛtɔ́ e má ɖo gbejí nú Mawu ǎ é ó.

Ezayíi 22:18

bó ná nyi we, bɔ a nǎ blí bɔ̌lu ɖɔhun gbɔn to gblogblo ɖé mɛ, bó ná kú jɛ fínɛ́; hwi mɛ e ɖo hɛ̌n dó gǎn towe xwé wɛ ɔ́, fínɛ́ wɛ hwi kpó ahwankɛkɛ́ví towe ɖagbe ɖagbe lɛ́ɛ kpó ná dɔn cí.

Ezayíi 30:23

Énɛ́ ɔ́, Mawu ná ná jǐ dó gle towe mɛ, bɔ jinukún e ayǐkúngban ɔ́ ná ná ɔ́ ná nyɔ́ bó ná sukpɔ́ ɖésú. Hwenɛ́nu ɔ́, kanlin towe lɛ́ɛ ná mɔ gběhan faɖaɖa, bó ná byɔ́ mɛ bó ɖu ama.

Ezayíi 5:17

Gbɔ̌ lɛ́ɛ ná wá ɖu ama ɖo nǔ e gúdú ɖo toxo ɔ́ mɛ lɛ́ɛ mɛ, amagbo mɛ wɛ yě ɖe ɖɔhun, gbɔ̌ví e è ɖo nǔɖuɖu ná wɛ ganjí lɛ́ɛ lɔ ná wá ba nǔɖuɖu yětɔn ɖo fínɛ́.

Jelemíi 14:7

Togun ɔ́ ɖɔ: “Mawu Mavɔmavɔ, ényí nǔ e mǐ wa nyi do lɛ́ɛ na bó ɖó hwɛ nú mǐ hǔn, kɛnklɛ́n bó kpɔ́n dó nyǐkɔ towe wú, bó bló gbɔn ɖě nú mǐ, ɖó agɔ e mǐ jɛ dó we lɛ́ɛ gégé; hwɛ wɛ mǐ hu dó we.

Jelemíi 3:11

Mawu Mavɔmavɔ ɖɔ nú mì ɖɔ: “Nú è sɔ́ Izlayɛ́li gbejímánɔtɔ́ ɔ́ kpó Judáa afɔdógbětɔ́ ɔ́ kpó ɖó te ɔ́, è nǎ mɔ ɖɔ Izlayɛ́li kún wa nǔ nyi do sɔ mɔ̌ ó.

Jelemíi 3:6

Hwenu e Joziyási ɖo axɔ́sú ɖu wɛ ɔ́, Mawu Mavɔmavɔ ɖɔ nú mì ɖɔ: “A mɔ nǔ e Izlayɛ́li gbejímánɔtɔ́ ɔ́ bló é a? É dó afɔ gbě gbɔn só bǐ jí, gbɔn atínmú bǐ sá.

Jelemíi 3:8

Un nya Izlayɛ́li gbejímánɔtɔ́ ɔ́, ɖó afɔ e é dó gbě ɔ́ wú, lobo wlán wěma dó así n'i ɖɔ un gbɛ́ ɛ, có nɔví tɔn Judáa ɔ́ ɖi xɛsi ǎ mɛ! É lɔ yi dó afɔ gbě Izlayɛ́li ɖɔhun.

Jelemíi 31:18

Togun ce Eflayímu ɖo alě ná wɛ bɔ un se céɖécéɖé; yě ɖo alě ná wɛ ɖɔ: ‘Mawu Mavɔmavɔ, a dɔn tó nú mǐ, nyibúsú e má se xwe ǎ é ɖɔhun. Lɛ̌ kɔ nú mǐ, bónú mǐ ná lɛ́ kɔ wá gɔ̌n towe nǔgbó, ɖó hwi wɛ nyí Mawu Mavɔmavɔ, Mawu mǐtɔn.

Jelemíi 5:6

Énɛ́ ɔ́ wú wɛ kinnikínní zungbó mɛ tɔn wlí yě ɖu. Hla já yě. Kpɔ ɖo wudo mɛ ɖo toxo yětɔn lɛ́ɛ sín hɔntogbó lɛ́ɛ jí. Mɛ e tɔ́n sín toxo lɛ́ɛ mɛ é bǐ wɛ kpɔ vúnvún, ɖó hwɛ yětɔn lɛ́ɛ sukpɔ́ dín, nǔwanyido yětɔn nɔ́ ɖo jijɛ jí wɛ.”

Jelemíi 7:24

Yě ká se ǎ, yě ɖǒtó xó ce ǎ. Nǔ e yě xwe ɔ́ wɛ yě wa; linlin nyanya yětɔn lɛ́ɛ wɛ yě xwedó. Gǔdo wɛ yě yi, yě yi nukɔn ǎ.

Jelemíi 8:5

Bɔ étɛ́wú Jeluzalɛ́mu togun ɔ́ ka bú ali, bó ká ná lɛ́ kɔ bɔ é gló? Yě kpo ɖo yěɖée blɛ́ wɛ ɖo vodún yětɔn lɛ́ɛ gúdo bó gbɛ́ kɔ lɛ́ wá gɔ̌n ce.

Ozée 10:11

Eflayímu ɔ́, nyibúsixwɛ e è dě ganjí, bɔ é yí wǎn nú jinukún cicɔ é ɖɔhun wɛ é cí ɖ'ayǐ. Bɔ nyɛ ɔ́, ée un mɔ ɖɔ kɔ tɔn tlí ganjí ɔ́, un sin mɔ e è nɔ dó lɛ gle ná ɔ́ dó kɔ n'i. Énɛ́ ɔ́, Judáa ná nɔ́ lɛ gle ɔ́, bɔ Izlayɛ́li ná nɔ́ dɔn nǔ e è nɔ dó gba kɔ́gó ná é.

Ozée 11:6

Énɛ́ ɔ́ wú wɛ ahwanfunfun ná syɛ́n ɖo toxo yětɔn ɖaxó ɖaxó lɛ́ɛ mɛ, bó ná sú kún dó nú nǔ e wú yě gǎn jɛ lɛ́ɛ, bó ná vɔ nǔ lɛ́ɛ bǐ, ɖó tito yětɔn lɛ́ɛ wú.

Ozée 11:7

Togun ce jɛ kú ɖɔ émí ná nɔ zɔ nú mì. È ylɔ̌ ɛ ɖɔ ní lɛ́ kɔ wá nyɛ Ajalɔ̌nlɔn ɔ́ gɔ́n, yě mɛ ɖěbǔ ká se ǎ.

Levíi ví 26:33

Midɛɛ lɛ́ɛ ɔ́, un ná gba mi dó gbɔn akɔta lɛ́ɛ mɛ, bɔ ahwan ná ɖo mi nya kpé wɛ. È nǎ gba to mitɔn, bɔ toxo mitɔn lɛ́ɛ ná jɛ vɔ̌.

Zakalíi 7:11

Mɛ lɛ́ɛ ká gbɛ́ ɖɔ émí kún ná se ó, yě nyɛ́ abɔ̌ d'é mɛ, bó sú tó, ɖó yě táá wá se.

1 Samuwɛ́li 15:11

“Sawúlu e un sɔ́ axɔ́sú ɔ́ vɛ́ nú mì, ɖó é jó mì dó; é bló nǔ e un ɖɔ lɛ́ɛ ǎ.” Bɔ Samuwɛ́li sin xomɛ bó sa vo nú Mawu Mavɔmavɔ zǎn ɔ́ mɛ káká bɔ ayǐ hɔ́n.