Ozée 4:12 - MAWUXÓWÉMA

¹² Togun ce yi kan nǔ ɖo atín vodún tɔn ɔ́ gɔ́n; é ɖɔ vodún ɔ́ ní ɖɔ xó nú émí. Aga jɔhɔn dɔn yě bú. Yě klán sín nyɛ Mawu yětɔn ɔ́ wú, yě dó afɔ gbě.

Ozée 4:12 Iomraidhean Croise

2 Axɔ́sú 17:7

È ɖe Izlayɛ́li ví lɛ́ɛ sín to yětɔn mɛ, ɖó yě hu hwɛ dó Mawu Mavɔmavɔ, Mawu yětɔn e kplá yě sín Ejípu, bɔ yě gosín Ejípu xɔ́sú ɔ́ sín acɛ mɛ é. Awě énɛ́ ɔ́ xo yě, ɖó yě nɔ́ sɛn vodún.

2 Tan 21:13

Izlayɛ́li xɔ́sú lɛ́ɛ ɖɔhun wɛ a wa nǔ. A wa nǔ yě ɖɔhun ɖó a dɔn Jeluzalɛ́munu lɛ́ɛ kpó Judáanu ɖě lɛ́ɛ kpó, bɔ yě jɛ vodún sɛn jí Akábu hɛ́nnu ɔ́ ɖɔhun. É víví hwe, bɔ a hu nɔví hwi ɖésúnɔ tɔn súnnu e nyɔ́ hú we lɛ́ɛ.

Ɖɛhan 106:39

Nǔ énɛ́ lɛ́ɛ hɛn yě blí; yě nɔ gbejí nú Mawu ǎ nyɔ̌nu e dó afɔ gbě ɔ́ ɖɔhun.

Ɖɛhan 73:27

Éɖíe! Mɛ e nɔ́ nɔ zɔ nú we lɛ́ɛ ɔ́, dɔn wɛ yě nɔ́ dɔn. Mɛ e ma nɔ nɔ gbejí nú we ǎ lɛ́ɛ ɔ́, a nɔ sɛ́ yě dó maɖɔnǔxwɛ.

Jelemíi 10:8

Yě bǐ wɛ jɔ xlo, bó jɔ yɛyi. Vodún sinsɛn ɔ́, nǔ yǎyá kpowun wɛ.

Jelemíi 2:27

Izlayɛ́li, a nɔ ɖɔ nú bǒcyɔ ɖɔ: ‘Hwi wɛ nyí tɔ́ ce’, bó nɔ́ ɖɔ nú awǐnnya ɖɔ: ‘Hwi wɛ ná gbɛ mì!’ A nɔ jló ná kpɔ́n gɔ̌n ce ǎ; a nɔ dó gǔdo mì. Adǎn ká wá gbo we ɔ́, a nǎ sú xó ylɔ́ mì, bó ná ɖɔ: ‘Sí te, bó hwlɛ́n mì gán.’

Jelemíi 23:13

Mawu ɖɔ: “Gbeyíɖɔ Samalíi tɔn lɛ́ɛ ɔ́, nǔ wa zɛ jlɛ́ wǔ wɛ un mɔ ɖo yě sí. Vodún Baalu sí wɛ yě nɔ́ yí xó ɖe, bó nɔ́ ɖɔ lobo nɔ́ dɔn togun ce Izlayɛ́li bú ali.

Ezekiyɛ́li 20:32

Mi nɔ ɖɔ: Mǐ jló ná cí togun ɖě lɛ́ɛ ɖɔhun, mǐ ná cí akɔta e ɖo to ɖěvo mɛ lɛ́ɛ ɖɔhun, mǐ lɔ ná nɔ́ ɖo atín sɛn wɛ, bó ná nɔ́ ɖo awǐnnya sɛn wɛ; lo ɔ́, nǔ e lin wɛ mi ɖe ɔ́ ná jɛ gbeɖé ǎ.

Ezekiyɛ́li 21:21

Hwǐ ɖíɖá, hu mɛ ɖo aɖisí, hu mɛ ɖo amyɔ, hu gbɔn fí bǐ.

Ozée 14:3

Mi lɛ́ kɔ wá Mawu Mavɔmavɔ gɔ́n, bó ɖɔ n'i ɖɔ: “Sɔ́ hwɛ mǐtɔn lɛ́ɛ bǐ kɛ mǐ, bó yí mǐ ganjí. É sɔ́ ná nyí nyibúsú wɛ mǐ ná nɔ́ dó sá vɔ̌ nú we ǎ, nu mǐtɔn wɛ mǐ ná nɔ́ dó kpa susu nú we.

Ozée 5:4

Nǔ e wa wɛ yě ɖe lɛ́ɛ lɔn nǔ nú yě bónú yě ná lɛ́ kɔ wá Mawu yětɔn gɔ́n ǎ, ɖó agayixa ɖo tɛ́ntin yětɔn. Đó yě tunwun Mawu Mavɔmavɔ ǎ.

Ozée 6:10

Un mɔ nǔɖé lɛ́ɛ ɖo akɔta Izlayɛ́li tɔn ɔ́ mɛ, nǔ lɛ́ɛ dó xɛsi: Eflayímu ɖo aga lɛ wɛ ɖo fínɛ́, Izlayɛ́li ɖo su ɖu wɛ.

Ozée 9:1

Izlayɛ́linu lɛ́ɛ mi, mi ma xaji ɖu xwe bo j'awǎ togun ɖě lɛ́ɛ ɖɔhun ó, ɖó mi lɛ aga bó ɖo zɔ nú nyɛ Mawu mitɔn ɔ́. Đó mi ɖo akwɛ́ kwíji kwíji gbé mɛ, bó nɔ́ ɖo aga lɛ wɛ gbɔn kɔ́xota kɔ́xota fí e è nɔ só jinukún ɖe lɛ́ɛ bǐ.

Levíi ví 17:7

Énɛ́ ɔ́, yě sɔ́ ná nɔ́ sá vɔ̌ nú nǔɖoyɛswímɛ e ɖo gběhan mɛ, bɔ yě nɔ́ sɛn gɔ́ nú mì lɛ́ɛ ǎ. Sɛ́n énɛ́ ɔ́ ná nɔ ayǐ nú yě kpódó kúnkan yětɔn lɛ́ɛ kpó káká sɔ́yi.

Levíi ví 20:5

nyɛ Mawu Mavɔmavɔ ɔ́ ɖésú ná sí te dó mɛ ɔ́ jí, bó ná sí te dó xwédo tɔn jí. Un ná ɖe e sín Izlayɛ́li togun ɔ́ mɛ; un ná ɖe mɛ e kpó é kpó nɔ́ sɛn vodún Mɔlɛ́ki lɛ́ɛ bǐ sín Izlayɛ́li togun ɔ́ mɛ.

Micée 2:11

Ényí mɛɖé wá xwetɔ́n, bó ɖo xó ɖɔ dó jɔhɔn mɛ wɛ, bó ɖó adingban nú mi ɖɔ vɛ̌ɛn kpó ahan syɛ́nsyɛ́n kpó ná sa ɖo to élɔ́ mɛ ɔ́, xówlíɖɔtɔ́ mɔ̌hunkɔtɔn wɛ jɛ xá togun élɔ́.

Xabakúku 2:19

Mi mɛ e nɔ ɖɔ nú kpo énɛ́ ɖɔ é ní sí te lɛ́ɛ, heelú mi! Mi mɛ e nɔ ɖɔ nú awǐnnya ɖɔ é ní fɔ́n sí te lɛ́ɛ heelú mi! Awǐnnya ká nɔ kɛ nu bo nɔ sixú ɖe nǔɖé xlɛ́ mɛ wɛ a? Énɛ́ è bɛ̌ siká kpódó kpatágan kpó dó va nɛ́! Yɛ e nɔ ná gbɛ mɛ ɔ́ ká ɖ'é mɛ ǎ.

Kɛ́nsísɔ́ 15:39

Hǔn mi ná nɔ́ dó awu e dó kɛyɛ lɛ́ɛ é. Nú mi kpɔ́n kɛyɛ énɛ́ lɛ́ɛ ɔ́, mi ná nɔ́ flín sɛ́n ce lɛ́ɛ, bó ná nɔ́ nyi. Énɛ́ ɔ́, mi sɔ́ ná nɔ́ xwedó nǔ e ayi mitɔn ɖɔ nú mi lɛ́ɛ kpó nǔ e mɔ wɛ nukún mitɔn lɛ́ɛ ɖe ɔ́ kpó, bó ná jɛ nǔ ɖěvo lɛ́ɛ sɛn jí ǎ.

Sɛ́nflínmɛ 31:16

Mawu Mavɔmavɔ ɖɔ nú Mɔyízi ɖɔ: “Zaanɖé din ɔ́, a nǎ yi su tɔ́gbó towe lɛ́ɛ. Hwenu e a ma sɔ́ ná ɖo fí ǎ é ɔ́, Izlayɛ́li togun ɔ́ ná jɛ nǔmɛsɛn e ɖo to e mɛ yě xwe lɛ́ɛ sɛn jí. Yě ná jó mì dó, bó ná hɛn akɔ e un jɛ xá yě ɔ́ gblé.

Hwɛɖɔtɔ́ 18:5

Yě ká ɖɔ n'i ɖɔ: “É nyɔ́! Bo kan nǔ byɔ́ Mawu nú mǐ, mǐ jlǒ ná tunwun nú to mɛ e yi wɛ mǐ ɖe ɔ́ ná nyɔ́ nú mǐ a jí.”