Ozée 4:11 - MAWUXÓWÉMA

¹¹ Aga kpó vɛ̌ɛn xóxó kpó vɛ̌ɛn yɔ̌yɔ́ kpó gba tamɛ nú togun ce.

Ozée 4:11 Iomraidhean Croise

Nǔnywɛ́xó 20:1

Vɛ̌ɛn nɔ zɔ́n goyíyí mɛ; ahan syɛ́nsyɛ́n nɔ́ zɔ́n zǐngídiɖúɖú mɛ; mɛ e nɔ nu mú é ɖě ná ɖó nǔnywɛ́ gbeɖé ǎ.

Nǔnywɛ́xó 31:4

Lemuwɛ́li, axɔ́sú lɛ́ɛ ɖó ná nu vɛ̌ɛn ǎ. Gǎn e ɖo to nu ɔ́ ɖó ná nu ahan syɛ́nsyɛ́n ǎ.

Nǔnywɛ́xó 6:32

Mɛ e ba mɛsi ɔ́, tamɛ tɔn sɔgbe ǎ; mɛ e jló ná dɔn ɔ́ wɛ nɔ́ wa nǔ gbɔn mɔ̌.

Nǔnywɛ́tɔ́xó 7:7

Nǔnywɛ́tɔ́ e nɔ kpa acɛ gannaganna nú mɛ ɔ́ hɛn ɔ́, é ná wa nǔ xlonɔ ɖɔhun; akpaɖuɖu nɔ́ zɔ́n bɔ é nɔ́ húzú ahizinɔ.

Ezayíi 28:7

Gbeyíɖɔ Mawu tɔn lɛ́ɛ kpó vɔ̌sánú-xwlémawutɔ́ lɛ́ɛ kpó lɔ nu vɛ̌ɛn mú, bó nɔ́ ɖo gblǒ ɖɔ wɛ. Yě nɔ́ nu ahan mú bó nɔ́ ɖo sa fún wɛ. Vɔ̌sánú-xwlémawutɔ́ lɛ́ɛ kpó gbeyíɖɔ Mawu tɔn lɛ́ɛ kpó nɔ́ nu ahan mú, bó nɔ́ ɖo gblǒ ɖɔ wɛ. Yě nɔ́ nu vɛ̌ɛn mú, bɔ ayi yětɔn sɔ́ ɖo te ǎ. Yě nɔ́ nu ahan mú bó nɔ́ ɖo sa fún wɛ. Mawu ɖe nǔ xlɛ́ yě bónú yě ja ɖiɖɔ gbé ɔ́, gblǒ wɛ yě nɔ́ ɖɔ. Yě ɖo hwɛ ɖɔ wɛ ɔ́, xó yětɔn nɔ xwe ali ǎ.

Ezayíi 5:12

Yě nɔ́ nu ahan mú, bó nɔ́ dó hǔn gbe, bó nɔ́ j'awǎ; yě nɔ́ xo kanhún, bó nɔ́ xo gbǎhún, yě nɔ́ kún kpete. Lo ɔ́, yě nɔ́ tunwun ɖɔ Mawu Mavɔmavɔ ɖo azɔ̌ wa wɛ ǎ; yě nɔ́ mɔ azɔ̌ e wa wɛ é ɖe ɔ́ ǎ.

Jelemíi 23:13

Mawu ɖɔ: “Gbeyíɖɔ Samalíi tɔn lɛ́ɛ ɔ́, nǔ wa zɛ jlɛ́ wǔ wɛ un mɔ ɖo yě sí. Vodún Baalu sí wɛ yě nɔ́ yí xó ɖe, bó nɔ́ ɖɔ lobo nɔ́ dɔn togun ce Izlayɛ́li bú ali.

Ozée 4:12

Togun ce yi kan nǔ ɖo atín vodún tɔn ɔ́ gɔ́n; é ɖɔ vodún ɔ́ ní ɖɔ xó nú émí. Aga jɔhɔn dɔn yě bú. Yě klán sín nyɛ Mawu yětɔn ɔ́ wú, yě dó afɔ gbě.

Ozée 5:4

Nǔ e wa wɛ yě ɖe lɛ́ɛ lɔn nǔ nú yě bónú yě ná lɛ́ kɔ wá Mawu yětɔn gɔ́n ǎ, ɖó agayixa ɖo tɛ́ntin yětɔn. Đó yě tunwun Mawu Mavɔmavɔ ǎ.

Ozée 7:11

Eflayímunu lɛ́ɛ cí ahwannɛ́ xlonɔ ɖé ɖɔhun, ayixa ɖěbǔ ɖo xo yětɔn mɛ ǎ. Ejípu wɛ yě ylɔ́, Asilíi wɛ yě yi.

Levíi ví 10:9

“Hwi kpó vǐ towe súnnu lɛ́ɛ kpó ɔ́, nú mi ná yi Mawu Mavɔmavɔ xwé gbe hǔn, mi ma nu vɛ̌ɛn ó, mi ma nu ahan syɛ́nsyɛ́n ɖěbǔ ó. É má nyí mɔ̌ ǎ ɔ́, mi táá kú. Sɛ́n tɛgbɛ tɔn ɖé wɛ é ná nyí nú kúnkan mitɔn lɛ́ɛ,

Luki 21:34

“Mi bo cɔ́ miɖée, bónú nǔ ɖu díngan, ahan nu díngan, kpódó gbɛmɛ tagba lɛ́ɛ kpán má wá cyɔ́n ayi mitɔn jí, lobo nú azǎn énɛ́ ɔ́ wá fyán mi ó;

1 Samuwɛ́li 25:36

Hwenu e Avigayilu ɖo xwé gbe wá wɛ ɔ́, Navalu ko ylɔ́ agɔ̌ ɖaxó ɖokpó axɔ́sú ɖé ɖɔhun. É kó nu ahan bo mú bǐ, bɔ xomɛ ɖo hunhun i wɛ ɖo gbɛmɛ. Avigayilu ka ɖɔ xó ɖěbǔ n'i ǎ. É tín nǔ ɖěbǔ mɛ n'i káká cóbɔ ayǐ hɔ̌n ǎ.