Ozée 4:10 - MAWUXÓWÉMA

¹⁰ Yě ná nɔ ɖu nǔ káká, bó ká ná nɔ́ gɔ́ xo ǎ. Yě ná nɔ lɛ aga káká, yě ká ná ji vǐ ǎ. Đó yě jó mì dó, yě jó nyɛ Mawu Mavɔmavɔ ɔ́ dó bó jɛ aga lɛ jí.

Ozée 4:10 Iomraidhean Croise

2 Tan 24:17

Ée Yexoyada zán wá kú ɔ́, Judáa sín gǎn lɛ́ɛ wá axɔ́sú ɔ́ gɔ́n, bó kan xwé byɔ́. Bɛ́ sín hwenɛ́nu ɔ́, é nɔ́ bló nǔ e yě nɔ́ ɖɔ n'i lɛ́ɛ é.

Ɖɛhan 125:5

Lo ɔ́, mɛ e ɖo ali gɔ́ndɔ́n gɔ́ndɔ́n jí lɛ́ɛ ɔ́, Mawu Mavɔmavɔ, za yě kpó mɛ e nɔ wa nǔ nyanya lɛ́ɛ kpó. Mawu Mavɔmavɔ ní ná fífá Izlayɛ́li!

Ɖɛhan 36:3

É nɔ́ mɔ ɖɔ émí kó nyɔ́ dín, bó sɔ́ nɔ́ mɔ nǔ e é nɔ́ wa nyi do é, bó ná gbɛ́ wǎn ná ǎ.

Nǔnywɛ́xó 13:25

Hwɛjijɔnɔ nɔ ɖu nǔ, bɔ é nɔ jɛ mɛ n'i; lo ɔ́, mɛdídá ɔ́, adɔ nɔ dó ya n'i.

Jelemíi 34:15

Amɔ̌, midɛɛ lɛ́ɛ ɔ́, zǐnzán mitɔn gbɔn vo nú yětɔn. Mi mɛ ɖokpó ɖokpó kó jó kannumɔ mitɔn lɛ́ɛ dó bɔ yě jɛ yěɖée sí, káká bɔ mi jɛ akɔ ɖokpó dó nǔ énɛ́ tamɛ, ɖo xwé e è sɔ́ ɖó vo nú mì ɔ́ gbe.

Jelemíi 9:12

Énɛ́ ɔ́, Mawu Mavɔmavɔ yí gbe ɖɔ: “Sɛ́n ce e un ná yě ɔ́ wɛ yě jǒ dó wú wɛ nǔ cí mɔ̌. Yě ɖótó gbe ce ǎ. Yě xwedó xó ce ǎ.

Ezekiyɛ́li 18:24

Lo ɔ́, é nyí hwɛjijɔnɔ lɛ́ kɔ sín walɔ tɔn ɖagbe ɔ́ gúdo, bó jɛ hwɛ hu jí, bó jɛ nǔ baɖabaɖa bǐ dó sin jí mɛ nyanya ɖɔhun ɔ́, é ná nɔ gbɛ wɛ a? Gbeɖé kpɔ́n! È sɔ́ ná kpɔ́n nǔ ɖagbe e é kó wa lɛ́ɛ ǎ; é ná kú, ɖó é sɔ́ ɖo gbejí ǎ, é jɛ hwɛ hu jí.

Ezekiyɛ́li 22:9

Mɛ ɖé lɛ́ɛ ɖo ayǐkúngban towe jí, bó nɔ́ ɖɔ xó nyanya dó nɔzo yětɔn lɛ́ɛ wú, bó ná hu yě. Mɛ towe lɛ́ɛ nɔ́ ɖu nǔ e è xwlé vodún é, gbɔn só jí só jí; nǔ baɖabaɖa wɛ mɛ lɛ́ɛ nɔ́ dó sin ɖo ayǐkúngban towe jí.

Ozée 4:14

Lo ɔ́, un ná dɔn tó nú vǐ mitɔn nyɔ̌nu lɛ́ɛ ɖó aga e yě nɔ́ lɛ ɔ́ wú ǎ. Un ná dɔn tó nú vǐ mitɔn sín asi lɛ́ɛ ɖó afɔ e yě nɔ́ dó gbě ɔ́ wú ǎ. Mi vɔ̌sánú-xwlémawutɔ́ lɛ́ɛ wɛ un ná dɔn tó ná, ɖó mi nɔ kplá agalɛtɔ́ lɛ́ɛ yi jɛ vo; mi kpó agalɛtɔ́ lɛ́ɛ kpó nɔ́ yi sá vɔ̌. È nɔ dó lǒ ɖé ɖɔ: Togun e ma tunwun nǔ ɖagbe ɖo nǔ nyanya mɛ ǎ ɔ́, éɖée wɛ é zé nyi gbě.

Ozée 7:4

Yě bǐ wɛ dó afɔ gbě. Yě cí myɔkpó e wɔ̌xúxúɖatɔ́ xo zo dó, bɔ é sɛ́ káká bó má sɔ́ byɔ́ ɖɔ é ní xo zo dó sín hwenu e é nya linfín ɔ́ dó káká bɔ é wá fɔ́n ǎ é ɖɔhun.

Levíi ví 26:26

Un ná tɛ nǔɖuɖu mi. Nyɔ̌nu wǒ wɛ ná ɖa wɔ̌xúxú mitɔn ɖo myɔkpó ɖokpó géé mɛ, bó ná bɛ́ wá nú mi, bɔ mi ná má, bɔ é ná hwe káká, bɔ mi ɖu ɔ́, mi ná gɔ́ xo ǎ.

Micée 6:14

A nǎ ɖu nǔ, a ka ná gɔ́ xo ǎ, adɔ ná wa nǔ xá we káká ɖó lě do. Nǔ e a sɔ́ ɖó vo ɔ́ ná sixú nɔ ayǐ ǎ. A ká sɔ́ nǔɖé ɖó ayǐ jɛ́n wɛ ɔ́, un ná sɛ́ kɛntɔ́ towe lɛ́ɛ dó, bɔ yě ná tɔ́n ahwan mi, bó hɛn bǐ gblé.

Sofoníi 1:6

Un ná sú mɛ e dó gǔdo mì, bó má nɔ ba alɔdó ce ǎ, bó má nɔ ba ná ɖó xó te nú mì ǎ lɛ́ɛ sín kún dó.”

Ajée 1:6

Mi nɔ dó jinukún gěgé, nǔkún kpɛɖé jɛ́n mi ka nɔ mɔ ya. Mi nɔ ɖu nǔ, mi ka nɔ gɔ́ xo ǎ. Mi nɔ nu sin, kɔ ka nɔ lɛ́ kpo ɖo mi xú wɛ. Mi nɔ cyɔ́n avɔ, é ka nɔ glɔ́n jɔhɔn nú mi ǎ. Azɔ̌watɔ́ nɔ́ yí azɔ̌kwɛ́ tɔn, lobo ka nɔ bɛ́ kɔn dó adɔ̌kpo gbo ɖo yonu mɛ.