Ozée 4:1 - MAWUXÓWÉMA

¹ Mawu Mavɔmavɔ ɖo hwɛ dó mɛ e ɖo to ɔ́ mɛ lɛ́ɛ wɛ. Izlayɛ́li ví lɛ́ɛ mi, mi bo ɖótó xó e Mawu Mavɔmavɔ ɖɔ é; é ɖɔ: “Gbejínɔtɔ́ ɖě sɔ́ ɖo to ɔ́ mɛ ǎ, xomɛnyɔ́tɔ́ ɖě sɔ́ ɖo to ɔ́ mɛ ǎ, mɛɖé ká sɔ́ tunwun nyɛ Mawu ɖo to ɔ́ mɛ ǎ.

Ozée 4:1 Iomraidhean Croise

1 Axɔ́sú 22:19

Micée ka ɖɔ n'i ɖɔ: “Se nǔ e Mawu Mavɔmavɔ ɖɔ ɔ́. Un mɔ Mawu Mavɔmavɔ ɖo ayǐjínjɔ́n ɖo axɔ́súzinkpo tɔn jí, bɔ mɛsɛntɔ́ sɛ́xwé tɔn lɛ́ɛ bǐ ɖo gɔ̌n tɔn. Mɛ hǎbǔ ɖo ɖisí tɔn xwé, bɔ hǎbǔ ɖo amyɔ tɔn xwé.

Ɖɛhan 81:9

Togun ce, ɖǒtó mì, un ná gba akpá ɖé nú we. Izlayɛ́li, tó wɛ a lo kó ɖó mì.

Ezayíi 1:10

Mi Sodɔ́mu gán e mi, mi ɖótó xó e ɖɔ wɛ Mawu Mavɔmavɔ ɖe é. Mi Gomɔ́ɔ togun e mi, mi wlí tó Mawu Mavɔmavɔ mǐtɔn sín nǔkplɔ́nmɛ lɛ́ɛ wú.

Ezayíi 1:18

Mawu Mavɔmavɔ ɖɔ: “Mi wá nú mǐ nǎ se nǔ jɛ mǐɖée gbe mɛ. Ényí hwɛ mitɔn lɛ́ɛ na bo myá cɛ́cɛ́ ɔ́, yě ná wé tété avɔkanfún ɖɔhun. Yě ná bó myá káká bó wi d'é mɛ ɔ́, yě ná wé la ɖɔhun.

Ezayíi 28:14

Fanfúnɖɔtɔ́ e ɖo Jeluzalɛ́mu toxo ɔ́ nu lɛ́ɛ mi, mi ɖótó xó e Mawu Mavɔmavɔ ɖɔ é.

Ezayíi 34:1

Akɔta akɔta lɛ́ɛ mi, mi wá bó wá se! Togun lɛ́ɛ mi, mi ɖótó ganjí! Ayǐkúngban ɔ́ ní se, bónú nǔ e ɖo ayǐkúngban ɔ́ jí lɛ́ɛ bǐ ní se! Gbɛ ɔ́ ní se, bónú nǔ e ɖo gbɛ ɔ́ mɛ lɛ́ɛ bǐ ní se!

Ezayíi 34:8

Hlɔn sín azǎn ɖé wɛ azǎn énɛ́ ɔ́ nyí nú Mawu Mavɔmavɔ; mɛ e nɔ nya xɛ ɖo Sinyɔ́ɔ jí ɔ́, nǔ e kɛntɔ́ wa nyi do nú togun tɔn ɔ́, é ná sú axɔ́ tɔn ɛ xwe énɛ́ xwe.

Ezayíi 5:3

Énɛ́ ɔ́, xɔ́ntɔn ce ɖɔ: “Din ɔ́, mi mɛ e nɔ́ nɔ Jeluzalɛ́mu lɛ́ɛ, mi mɛ Judáanu lɛ́ɛ ɔ́, mi wɛ ná gbo hwɛ nú nyi kpó vǐwungle ce kpó.

Ezayíi 59:4

Mi yi hwɛ ylɔ́ mɛ gbé ɔ́, adingban wɛ mi nɔ yi ɖó. Mi nɔ xwedó nǔgbó dó jɛ ahwan mɛ jí ǎ. Xó ma ɖó ta ɖé lɛ́ɛ wú wɛ mi nɔ gán jɛ, bó nɔ́ ɖo adingban ɖó wɛ. Nǔ nyanya xo wɛ mi mɔ, bo ji awě.

Ezayíi 59:8

Mi tunwun ali e jí è nɔ gbɔn bó nɔ́ mɔ fífá é ǎ; nǔ wa ɖó sɛ́nxwi jí ɖě ká ɖo ali e mi nɔ́ gbɔn ɔ́ jí ǎ. Ali e mi nɔ gbɔn ɔ́, ali gɔ́ndɔ́n gɔ́ndɔ́n jɛ́n é nɔ́ nyí. Mɛ ɖé mlɛ́ ali énɛ́ ɔ́, mɛ ɔ́ nɔ́ mɔ fífá ǎ.

Ezayíi 66:5

Mi mɛ e se Mawu Mavɔmavɔ xó ɔ́, mi nɔ ɖó sísí ná lɛ́ɛ ɔ́, mi ɖótó xó e Mawu Mavɔmavɔ ɖɔ é: “Nɔví mitɔn e gbɛ́ wǎn nú mi ɖó nyǐkɔ ce wú, bó nɔ́ ɖo mi nya wɛ lɛ́ɛ nɔ́ ɖo slǎmɛ ɖɔ mi wú wɛ ɖɔ: ‘Mawu Mavɔmavɔ ní bó ɖe susu tɔn xlɛ́ bó! Énɛ́ ɔ́, nǔ ná víví nú mi bɔ mǐ ná mɔ.’ Amɔ̌, yě mɛ e ɖo mɔ̌ ɖɔ wɛ lɛ́ɛ ná ɖu winnyá.”

Jelemíi 11:7

Đó un kó ɖɔ bó tɛ ɖɛ̌ jí ɖésú nú tɔ́gbó mitɔn lɛ́ɛ, sín gbe e gbe un kplá yě sín Ejípu, bó fɔ́n bó lɛ́ ɖo ɖiɖɔ nú mi lɔmɔ̌ wɛ káká wá jɛ égbé ɖɔ: Mi ɖótó xó ce lɛ́ɛ.

Jelemíi 19:3

A nǎ ɖɔ: Judáa xɔ́sú e mi, Jeluzalɛ́munu e mi, mi ɖótó xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ ɔ́, é ɖɔ: Un ná dó nǔ nyanya ɖé sin ɖo to élɔ́ mɛ, bɔ mɛɖé se ɔ́ tó tɔn ná sú gbɔn.

Jelemíi 2:4

Jakɔ́bu ví e mi! Mi ɖótó nyɛ Mawu Mavɔmavɔ! Hɛ̌nnu e ɖo Izlayɛ́li tomɛ lɛ́ɛ mi, mi bǐ ɖótó mì.

Jelemíi 2:9

Énɛ́ ɔ́ wú wɛ un ɖo hwɛ dó mi wɛ, bó ná lɛ́ dó hwɛ vǐ mitɔn lɛ́ɛ. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 25:31

Zǐngídi e jí é ɖe é hun káká yi fí e gbɛ ɔ́ kponu ɖó é, ɖó Mawu Mavɔmavɔ wɛ ɖo hwɛ dó akɔta lɛ́ɛ wɛ. É ɖo hwɛ ɖɔ xá gbɛtɔ́ lɛ́ɛ bǐ wɛ; é jó mɛdídá lɛ́ɛ nú hwǐ, ɖɔ hwǐ ní wa nǔ yětɔn. Xó e Mawu Mavɔmavɔ ɖɔ ɔ́ nɛ́.’ ”

Jelemíi 34:4

“Axɔ́sú Sedesíyasi, nǔ ka ɖo mɔ̌ có, ényí a wa nǔ e un ɖɔ nú we ɔ́, a nǎ kú hwǐ kú ǎ. Nyɛ Mawu Mavɔmavɔ ɔ́ wɛ ɖɔ mɔ̌ nú we.

Jelemíi 4:22

Mawu ɖɔ: “Dandan mɛ ɔ́, togun ce ɔ́, taɖu wɛ é hun; é tunwun mì ǎ. Vǐ ɖé lɛ́ɛ wɛ yě nyǐ bó ɖó tamɛ ǎ. Yě bǐ ǎ; nǔ nyanya kɔn wɛ yě nɔ́ yá alɔ ɖe. Yě nyɔ́ nǔ ɖagbe wa ǎ.”

Jelemíi 4:28

Énɛ́ wɛ zɔ́n bɔ to ɔ́ ɖo aluwɛ mɛ, bɔ jǐxwé dó ablu. Đó un ko ɖɔ lě e un ba gbɔn ɔ́ nɛ́. É ná wá vɛ́ nú mì ǎ, un sɔ́ ná lɛ́ wá jí ǎ.”

Jelemíi 5:4

Un nɔ ɖɔ: ‘Mɛ kpaa wɛ nú yě, yě nɔ́ lin tamɛ kpɔ́n cóbó nɔ́ wa nǔ ǎ; yě tunwun jlǒ Mawu Mavɔmavɔ tɔn ǎ, yě tunwun Mawu yětɔn sín sɛ́n lɛ́ɛ ǎ.

Jelemíi 51:5

Đó hwɛ e yě hu dó nyɛ Mawu Izlayɛ́li tɔn, nyɛ Mawu ɖokpó géé e tíin ɔ́ wɛ gɔ́ to yětɔn. Lo ɔ́, Mawu Mavɔmavɔ, Mawu Nǔbǐwúkpétɔ́ ɔ́ ɖo nukún kpé dó Izlayɛ́li kpó Judáa kpó wú wɛ.”

Jelemíi 6:13

Đó yě bǐ wɛ dɔkun gbo vɛ̌, bɛ́ sín yɔkpɔ́vú lɛ́ɛ jí, káká yi mɛxó lɛ́ɛ jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo.

Jelemíi 7:28

Énɛ́ ɔ́ wú ɔ́, gbɔ bo ɖɔ nú yě ɖɔ: togun e ma nɔ ɖótó Mawu Mavɔmavɔ, Mawu tɔn ǎ ɔ́ wɛ mi nyí; togun e ma nɔ se nǔ e Mawu tɔn gbɛ́ n'i lɛ́ɛ ǎ ɔ́ wɛ mi nyí. Nǔgbó ɖiɖɔ vɛ́ mi. Nǔgbó ɖě ɖo nu mitɔn ǎ.”

Jelemíi 9:20

‘Kú fán dǒ mǐtɔn; kú byɔ́ xwé mǐtɔn ɖagbe ɖagbe lɛ́ɛ gbe. Kú hu yɔkpɔ́vú lɛ́ɛ kɔn nyi alixo alixo; é hu dɔ̌nkpɛvú lɛ́ɛ kɔn nyi tokplétɛn lɛ́ɛ.’ ”

Jelemíi 9:3

Mɛ ɖokpó ɖokpó ní cɔ́ éɖée dó xɔ́ntɔn tɔn wú; è ma ka gán jɛ nɔví mɛ tɔn wú ó, ɖó nɔví ɖo nɔví tɔn ba ná flú wɛ, bɔ xɔ́ntɔn ɖo xɔ́ntɔn tɔn nǔ ɖɔ kpé wɛ.

Jelemíi 9:7

Đɛ̌ yětɔn cí aɖǐgá ɖɔhun. Adingban jɛ́n yě nɔ́ ɖó. Yě nɔ́ ɖɔ xó ɖagbe nú nɔzo yětɔn, ayi yětɔn mɛ ɔ́, mɔ ɖó n'i wɛ yě ká ɖe.”

Ezekiyɛ́li 16:35

“Énɛ́ ɔ́ wú ɔ́, Jeluzalɛ́mu agalɛtɔ́, se xó e ɖɔ nú we wɛ nyɛ Mawu Mavɔmavɔ ɖe é.

Ozée 12:2

Eflayímunu lɛ́ɛ nɔ sa ami nú Ejípunu lɛ́ɛ. Xɔ́ntɔn zun wɛ yě ɖe gbɔn mɔ̌ nɛ́. Xɔ́ntɔn énɛ́ lɛ́ɛ e zun wɛ yě ká ɖe ɔ́, nǔ wa dó jɔhɔn mɛ wɛ yě ɖe. Asilíinu lɛ́ɛ e nu alɛ xá wɛ yě nɔ́ ɖe ɔ́, jɔhɔn e nɔ xú nǔ bǐ ɔ́ wɛ yě nyǐ, bɔ yě ɖo gǔdo yětɔn ayǐhɔ́ngbe ayǐhɔ́ngbe. Yě nɔ́ fɔ́n, bó nɔ ɖo adingban ɖó wɛ, bó nɔ́ ɖo dǎka xo wɛ.”

Ozée 12:3

Mawu Mavɔmavɔ ɖo hwɛ ɖɔ xá akɔta Judáa tɔn ɔ́ wɛ. É ná dɔn tó nú togun Jakɔ́bu tɔn ɔ́, ɖó gbɛ nyanya e é zán ɔ́ wú. Nǔ nyanya e é wa ɔ́ sín ya wɛ Mawu Mavɔmavɔ ná dó n'i.

Ozée 5:1

“Vɔ̌sánú-xwlémawutɔ́ lɛ́ɛ mi, mi ɖótó xó élɔ́! Izlayɛ́li sín gǎn lɛ́ɛ mi, mi lɔmɔ̌ ní ɖótó. Mi mɛ e ɖo axɔ́sú ɔ́ sín hɔnmɛ lɛ́ɛ mi, mi lɔmɔ̌ ní ɖótó. Midɛɛ lɛ́ɛ wɛ ɖó ná ɖɔ hwɛ jlɔ́jlɔ́. Lo ɔ́, fɛ́ca wɛ mi nyí nú togun ce ɖo Misipa, bó nyí ɖɔ bɔ è ɖǒ n'i ɖo Tabɔ́ɔ só jí,

Ozée 5:4

Nǔ e wa wɛ yě ɖe lɛ́ɛ lɔn nǔ nú yě bónú yě ná lɛ́ kɔ wá Mawu yětɔn gɔ́n ǎ, ɖó agayixa ɖo tɛ́ntin yětɔn. Đó yě tunwun Mawu Mavɔmavɔ ǎ.

Jowɛ́li 1:2

É ɖɔ: Tomɛxó lɛ́ɛ mi, mi ɖótó xó élɔ́! Judáanu lɛ́ɛ e mi, mi bǐ ní hun tó mitɔn lɛ́ɛ bó se! Nǔ e ɖo jijɛ wɛ din ɔ́, mɔ̌hunkɔtɔn ɖě jɛ ɖo hwe mitɔn nu, abǐ tɔ́gbó mitɔn lɛ́ɛ sín hwenu kpɔ́n a?

Amɔ́si 3:1

Izlayɛ́li ví lɛ́ɛ mi, mi mɛ e nyí hɛ̌nnu e Mawu Mavɔmavɔ ɖe tɔ́n sín Ejípu lɛ́ɛ bǐ, mi ɖótó xó élɔ́ e Mawu Mavɔmavɔ ɖɔ dó mi wú é!

Amɔ́si 7:16

Bɔ hwɛ ka wá ɖo sɛ́n dó nú mì wɛ ɖɔ nyɛ ní ma yi dó wɛn e Mawu ɖɔ nyɛ ní dó Izlayɛ́li ɔ́ ó; nyɛ ní ma ka sɔ́ ɖɔ xó ɖě dó Izáki ví lɛ́ɛ wú ó. É nyɔ́! Bo ɖótó xó e Mawu Mavɔmavɔ ɖɔ dó wǔtu towe é.

Micée 6:2

Só lɛ́ɛ e mi, mi ɖótó mì; dodó syɛ́nsyɛ́n e jí ayǐkúngban ɔ́ jínjɔ́n ɔ́ lɛ́ɛ e mi, mi ɖótó mì. Mawu Mavɔmavɔ ɖo hwɛ dó togun tɔn wɛ. É ɖo byɔ̌byɔ́ yě wɛ ɖɔ yě ní ɖɔ nǔ e émí wa nyi do nú yě ɔ́ nú émí.

Jǎan 8:55

có mi ka tunwun i ǎ; nyɛ ɔ́, un tunwun i. Ényí un ɖɔ un kún tunwun i ó ɔ́, un ná nyí nǔvúɖótɔ́ mi ɖɔhun. Lo ɔ́, nyɛ tunwun i, bó nɔ́ bló xó tɔn lɛ́ɛ ɖ'é jí.

Hlɔ̌manu 1:28

Ée yě gbɛ̌ ɖɔ émí kún ná tunwun Mawu ó é ɔ́, Mawu jǒ yě dó bɔ yě nɔ wa nǔ e linlin masɔgbe yětɔn jló lɛ́ɛ é, bó nɔ́ ɖo nǔ e yě má ɖó ná wa ǎ é wa wɛ.

1 Kɔlɛ́ntinu 15:34

Mi byɔ́ miɖée mɛ lě e é jɛ xá gbɔn é, bó gɔn hwɛ hu. Mɛ ɖé lɛ́ɛ ɖo mi mɛ, bó tunwun Mawu ǎ; winnyá ní hu mi.

Nǔɖexlɛ́mɛ 2:11

“Mɛ e ɖó tó bó ná dó se nǔ ɔ́ ní se nǔ e ɖɔ nú agun lɛ́ɛ wɛ Yɛsinsɛn ɖe ɔ́ ganjí! “Mɛ e ná ɖu ɖ'é jí ɔ́ ná kú kú wegɔ́ ɔ́ ǎ.”

Nǔɖexlɛ́mɛ 2:29

“Mɛ e ɖó tó, bó ná dó se nǔ ɔ́ ní se nǔ jɛ nǔ e ɖɔ nú agun lɛ́ɛ wɛ Yɛsinsɛn ɖe ɔ́ mɛ ganjí!”