Ozée 3:4 - MAWUXÓWÉMA

⁴ Đó Izlayɛ́li ví lɛ́ɛ ná nɔ axɔ́sú kpó gǎn kpó má ɖó xɔ xwe gěgé; yě ná gɔn vɔ̌ sá xɔ xwe gěgé, bó ná gɔn awǐnnya e yě sɔ́ dó ɖó vodún ná ɔ́ sɛn xɔ xwe gěgé. Yě ná gɔn nǔ e è nɔ dó kan nǔ byɔ́ Mawu lɛ́ɛ ɖó xɔ xwe gěgé.

Ozée 3:4 Iomraidhean Croise

Bǐbɛ́mɛ 31:19

Labáan ka ɖo fínɛ́ hwenɛ́nu ǎ; é yi fún kpa nú gbɔ̌ tɔn lɛ́ɛ gbé, bɔ vǐ tɔn Hlacɛ́li fin bǒcyɔ tɔn lɛ́ɛ .

Bǐbɛ́mɛ 31:34

Hlacɛ́li wɛ ka fin bǒcyɔ lɛ́ɛ, bó bɛ́ dó zinkpo e nɔ nɔ lǎkúnmí jí ɔ́ glɔ́, lobo jínjɔ́n jí. Labáan kíjé goxɔ tɔn bǐ, bó mɔ nǔ ɖěbǔ ǎ.

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

2 Samuwɛ́li 6:14

Davídi nɔ dó hlɔ̌nhlɔ́n bó nɔ́ ɖú we dó sɔ́ Mawu Mavɔmavɔ su. Lɛ̌ɛnkanvɔ e mɛ vɔ̌sánú-xwlémawutɔ́ lɛ́ɛ nɔ nɔ ɔ́ mɛ jɛ́n wɛ é ɖe, bó ɖo we ɖú wɛ.

2 Axɔ́sú 23:24

Mɔ̌ ɖokpó ɔ́, bó ná dó bló nǔ e è wlǎn dó wěma e vɔ̌sánú-xwlémawutɔ́ ɖaxó Ilukya mɔ ɖo Mawu Mavɔmavɔ xwé gbe ɔ́ mɛ ɔ́, Joziyási hu mɛ e nɔ kan bo lɛ́ɛ, mɛ e nɔ ɖɔ nǔ e ná wá jɛ sɔ lɛ́ɛ, bó gba bǒcyɔ lɛ́ɛ, vodún lɛ́ɛ, kpódó nǔ ɖěvo e è nɔ sɛn ɖo Jeluzalɛ́mu toxo ɔ́ kpódó Judáa to ɔ́ bǐ kpó mɛ lɛ́ɛ kpó.

2 Tan 15:2

é yi Asa gɔ́n, bó ɖɔ n'i ɖɔ: “Axɔ́sú Asa, Judáanu e mi, Bɛnjamɛ́ɛnu e mi, mi bǐ ní ɖótó mì! Nú mi ɖo kpɔ́ xá Mawu Mavɔmavɔ jɛ́n wɛ ɔ́, é lɔ ná ɖo kpɔ́ xá mi. Ényí mi ba Mawu Mavɔmavɔ ɔ́, é ná zé éɖée xlɛ́ mi, mi ka jó e dó ɔ́, é lɔ ná jó mi dó.

Tíntɔ́n 28:4

Nǔ e yě ná tɔ nú nɔví towe Aalɔ́ɔn kpó vǐ tɔn lɛ́ɛ kpó, bɔ yě ná nɔ́ nɔ mɛ, bó ná nɔ́ wa vɔ̌sánú-xwlémawutɔ́zɔ́ yětɔn lɛ́ɛ é ɖíe: akɔ́ntakpo, efódu, awu ɖaxó, dowu gaga bɔ è nǎ kó, tablá kpó gǒjíblánú kpó.

Tíntɔ́n 28:6

“Avɔlɔntɔ́ e alɔnu yětɔn mɛ́ ganjí lɛ́ɛ ná zé kan didɛ e è nɔ dó lɔn lɛ̌ɛnkanvɔ ná ɔ́ dó lɔn efódu ná, bɔ kan kwlésinnɔ, kan vɔvɔ, kpó kan vɔvɔ cɛ́cɛ́ kpó ná gbɔn mɛ, bɔ yě ná zé kan gansinnɔ dó kó ná.

Gbɛvíhan 2:9

Toxo ɔ́ sín hɔnnúwa lɛ́ɛ hɔ́, aglin mu kɔn nyi yě jí; Mawu hɛn gankpo e è nɔ dó sú hɔntogbó lɛ́ɛ wɛ́n; é hɛn bǐ cɛ́; toxo ɔ́ sín axɔ́sú ɔ́ kpódó gǎn e ɖo glɔ̌ tɔn lɛ́ɛ kpó jɛ akɔta ɖěvo lɛ́ɛ lɔ mɛ. Mɛ ɖěbǔ sɔ́ ɖe bó ná kplɔ́n sɛ́n Mawu tɔn mɛ ǎ. Gbeyíɖɔ lɛ́ɛ lɔ sɔ́ nɔ́ yí wɛn ɖě sín Mawu Mavɔmavɔ gɔ́n ǎ.

Ezekiyɛ́li 19:14

Myɔ ɖé tɔ́n sín vǐwuntín ɔ́ mɛ, myɔ ɔ́ fyɔ́ ala lɛ́ɛ kpó sínsɛ́n lɛ́ɛ kpó. Vǐwuntín ɔ́ sɔ́ ɖó ala kloklo ɖě ǎ, é sɔ́ ɖó ala kloklo e ná húzú axɔ́súkpogɛ é ɖě ǎ. Xó énɛ́ wɛ ná nyí gbɛvíhan e mɛ bǐ ná nɔ́ ji é.”

Ezekiyɛ́li 20:32

Mi nɔ ɖɔ: Mǐ jló ná cí togun ɖě lɛ́ɛ ɖɔhun, mǐ ná cí akɔta e ɖo to ɖěvo mɛ lɛ́ɛ ɖɔhun, mǐ lɔ ná nɔ́ ɖo atín sɛn wɛ, bó ná nɔ́ ɖo awǐnnya sɛn wɛ; lo ɔ́, nǔ e lin wɛ mi ɖe ɔ́ ná jɛ gbeɖé ǎ.

Ezekiyɛ́li 21:21

Hwǐ ɖíɖá, hu mɛ ɖo aɖisí, hu mɛ ɖo amyɔ, hu gbɔn fí bǐ.

Ezekiyɛ́li 21:31

Nǔ e ɖɔ nú we wɛ nyɛ Aklúnɔ Mavɔmavɔ ɖe ɔ́ ɖíe: È nǎ yí tablá towe sín ta nú we; è nǎ ɖe axɔ́súgbákún sín ta nú we; nǔ bǐ nǎ húzú. Mɛ e nyí gbɛtɔ́ kpaa lɛ́ɛ ɔ́, è nǎ zé yě su, bɔ mɛ e nyí gbɛtɔ́ nukúnɖéjí lɛ́ɛ ɔ́, è nǎ zé yě hwe.

Daniyɛ́li 11:31

Sɔ́ja e é sɛ́ dó lɛ́ɛ ná sí ahwan te, ɖo ahohó mímɛ́ ɔ́ nukɔn, bó ná ɖu su ná. Vɔ̌ e sá nú Mawu wɛ è nɔ ɖe ayǐhɔ́ngbe ayǐhɔ́ngbe ɔ́, yě ná ɖó te; yě ná zé suɖunú baɖabaɖa ɖokpó ɖó vɔ̌sákpe ɔ́ jí.

Daniyɛ́li 12:11

Nǔ énɛ́ lɛ́ɛ ná bɛ́ jijɛ sín gbe e gbe è ma sɔ́ ná sixú sá vɔ̌ nú Mawu ayǐhɔ́ngbe ayǐhɔ́ngbe ǎ é, bɔ è nǎ zé suɖunú baɖabaɖa ɖokpó ɖó vɔ̌sákpe ɔ́ jí. Nǔ lɛ́ɛ ná ɖo jijɛ wɛ káká nú azǎn afayizɛ́n kanwe wǒ (1.290).

Daniyɛ́li 9:27

Xwe tɛ́nwe gúdo tɔn lɛ́ɛ mɛ ɔ́, Mawu ná ɖó azɔ̌ syɛ́nsyɛ́n kɔ jí nú mɛ gěgé, bɔ yě ɖó ná wa dandan. Yě bló xwe atɔn adaɖé ɖo xwe tɛ́nwe énɛ́ lɛ́ɛ mɛ ɔ́, è nǎ ɖó vɔ̌sísá kpó nǔníná kpó lɔ bǐ te. Nǔhɛngblétɔ́ énɛ́ ɔ́ ná yá wǔ bló nǔ baɖabaɖa lɛ́ɛ lě e é jló e gbɔn é káká jɛ hwenu e è ɖǒ, bɔ éyɛ́ tɔn ná fó dó é.’ ”

Ozée 13:10

Fítɛ́ axɔ́sú mitɔn ɔ́ ká ɖe? É ní bó hwlɛ́n mi gán gbɔn toxo ɖaxó mitɔn lɛ́ɛ bǐ mɛ bó! Tonukún mitɔn lɛ́ɛ e mi nɔ ɖɔ ná ɖɔ yě ní sɔ́ axɔ́sú ɖokpó nǔ émí, bó lɛ́ sɔ́ gǎn nú émí lɛ́ɛ ɔ́, fítɛ́ yě ɖe?

Ozée 13:11

Un sin xomɛ bó ná axɔ́sú ɖokpó mi; un ka ná yí i sín mi sí kpó adǎn kpó.

Ozée 2:11

Énɛ́ ɔ́ wú wɛ un ná yí jinukún ce sín así tɔn ɖo nǔkún-yiya hwenu, bó ná yí vɛ̌ɛn ce sín así tɔn vǐwun gbigbɛ hwenu. Un ná ɖe gbɔ̌fúnvɔ ce kpó akwɛ́núvɔ ce kpó sín wǔ tɔn; gbɔ̌fúnvɔ kpó akwɛ́núvɔ kpó e é dó hwlá mɛ̌ é.

Levíi ví 8:7

É zé awu ɖaxó ɔ́ dó nú Aalɔ́ɔn, bó sin gǒjíblánú n'i; é dó dowu gaga ɔ́ n'i, bó sɔ́ efódu dó n'i d'é jí, lobo sin kan tɔn lɛ́ɛ dó nɛgbé.

Zakalíi 10:2

Vodún e kan nǔ byɔ́ wɛ mi nɔ ɖe lɛ́ɛ ɔ́, adingban ɖó nú mi wɛ yě nɔ́ ɖe. Bokɔ́nɔ lɛ́ɛ ɔ́, nǔ e kan wɛ yě nɔ́ ɖe bó nɔ́ ɖo ɖiɖɔ nú mi wɛ lɛ́ɛ ɔ́, nǔvú ɖó wɛ yě nɔ́ ɖe. Dlɔ̌ e tínmɛ nú mi wɛ yě nɔ́ ɖe lɛ́ɛ nyí nǔɖé wa nú ǎ. Hwihwɛ́ e xo mi wɛ yě nɔ́ ɖe ɔ́, blɛ̌blɛ́ mi wɛ yě nɔ́ ɖe. Énɛ́ ɔ́ wú wɛ togun ɔ́ ɖo flúflú wɛ wǔbláwúblá, kanlin e ma ɖó nyinyitɔ́ ǎ é ɖɔhun.

Zakalíi 13:2

Hwenɛ́nu ɔ́, Mawu Mavɔmavɔ Nǔbǐwúkpétɔ́ ɔ́ ɖɔ: “Un ná sú vodún lɛ́ɛ sín kún dó ɖo to ɔ́ mɛ, bɔ mɛ ɖěbǔ sɔ́ ná nɔ́ flín yě ǎ. Mɔ̌ ɖokpó ɔ́, un ná sú mɛ e nɔ ylɔ́ yěɖée ɖɔ gbeyíɖɔ ce lɛ́ɛ sín kún dó, bó ná ɖe nǔ e nɔ́ zɔ́n bɔ mi nɔ yí wǎn nú vodún sinsɛn ɔ́ sín ayi mitɔn mɛ.

Luki 21:24

Yě ná kú hwǐ kú; ahwan ná wlí kannumɔ yětɔn yi to lɛ́ɛ mɛ to lɛ́ɛ mɛ, bɔ mɛ e ma nɔ sɛn Mawu ǎ lɛ́ɛ ná gbídí Jeluzalɛ́mu dó afɔ wú, káká yi jɛ hwenu e gan mɛ yětɔn ná vɔ dó é.”

Jǎan 19:15

Jwifu lɛ́ɛ ka sú xó, bó ɖɔ: “È hu i! È hu i! È ká ɛ nyi aklúzu jí.” Pilátu ka kanbyɔ́ yě ɖɔ: “Má ká axɔ́sú mitɔn nyi aklúzu jí wɛ a?” Vɔ̌sánú-xwlémawutɔ́gán lɛ́ɛ yí gbe n'i ɖɔ: “Mǐ sɔ́ ɖó axɔ́sú ɖěvo zɛ Dadá Hlɔ̌ma tɔn wú ǎ.”

Eblée 10:26

Đó ée mǐ mɔ nukúnnú jɛ nǔ e nyí nǔgbó ɔ́ wú ɔ́, nú mǐ lɛ́ jló bó kpo ɖo hwɛ hu wɛ hǔn, vɔ̌sísá ɖěbǔ sɔ́ tíin bó ná ɖe hwɛ sín kɔ nú mǐ ǎ.

Hwɛɖɔtɔ́ 17:5

Mika ɔ́, é ɖó sinsɛn sín tɛnmɛ ɖokpó ɖo xwé tɔn gbe; é lí vodún ɖěvo, bó kpa bǒcyɔ ɖé lɛ́ɛ, lobo sɔ́ vǐ tɔn lɛ́ɛ ɖokpó bɔ é nyí sinsɛngán tɔn.

Hwɛɖɔtɔ́ 18:14

Énɛ́ ɔ́, mɛ atɔ́ɔ́n e wá ba do nú Layici to ɔ́ ɖ'ayǐ lɛ́ɛ ɖɔ nú nɔví yětɔn lɛ́ɛ ɖɔ: “Mi tunwun ɖɔ vodún ɖé kpó bǒcyɔ ɖé lɛ́ɛ kpó, kpódó vodún ɖěvo e wú è kɔn gan dó ɔ́ kpán ɖo xwé élɔ́ lɛ́ɛ ɖokpó gbe a? Din ɔ́, nǔ e mi ná wa ɔ́, mi sí wɛ é ɖe.”

Hwɛɖɔtɔ́ 8:27

Jedenyɔ́ɔ zé siká ɔ́ dó bló bǒcyɔ ɖokpó ná, bó sɔ́ ɖó gletoxo tɔn e è nɔ ylɔ́ ɖɔ Ɔfla ɔ́ mɛ. Izlayɛ́li ví lɛ́ɛ jɛ vodún énɛ́ ɔ́ sɛn jí, bɔ é húzú afɔklɛ́nnú nú Jedenyɔ́ɔ kpó hɛ̌nnu tɔn kpó.

1 Samuwɛ́li 14:3

Vɔ̌sánú-xwlémawutɔ́ e ɖo yě mɛ, bɔ nǔ e è nɔ dó kan nǔ byɔ́ Mawu lɛ́ɛ ɖo así tɔn ɔ́ nɔ́ nyí Axiya. Axitúvu ví wɛ, bɔ tɔ́ tɔn nɔví nɔ́ nyí Ikavodi. Ikavodi ɔ́, Pínxási ví wɛ, bó nyí Eli vívú. Eli ɔ́ wɛ nyí vɔ̌sánú-xwlémawutɔ́ e nɔ Silóo ɖ'ayǐ é. Ahwanfuntɔ́ ɖě ká tunwun ɖɔ Jonatáan yi fí ɖé ǎ.

1 Samuwɛ́li 15:23

Đó mɛ e gbɛ́ gbe nú Mawu ɔ́, hwɛ ɖokpó ɔ́ wɛ é hu xá mɛ e kan nǔ é. Mɛ e dó tókúse nǔ e Mawu ɖɔ ɔ́ mɛ ɔ́, hwɛ ɖokpó ɔ́ wɛ é hu xá mɛ e nɔ sɛn vodún é kpó mɛ e nɔ sɛn bǒcyɔ lɛ́ɛ kpó. Ée a hɔn xó Mawu tɔn sɔ́ nyi gbě ɔ́, élɔ́ ɖe we sín axɔ́súzinkpo jí.”

1 Samuwɛ́li 2:18

Nyaví Samuwɛ́li ɔ́ ká nɔ́ ɖo vɔ̌sánú-xwlémawutɔ́ sín awu mɛ, bó nɔ ɖo azɔ̌ wa nú Mawu Mavɔmavɔ wɛ.

1 Samuwɛ́li 21:9

Davídi ɖɔ nú Aximɛlɛ́ki ɖɔ: “A ɖǒ hwǐ ɖé, abǐ hwǎn ɖé ɖo fínɛ́ ǎ cé? Đó nǔ e axɔ́sú ɔ́ zɔ́n mì ɔ́ myá nukún káká bɔ un sixú sɔ́ hwǐ ce ǎ, un ká sɔ́ ahwanfunnú ce ɖěbǔ ǎ.”

1 Samuwɛ́li 22:18

Bɔ axɔ́sú ɔ́ ɖɔ nú Dowɛgi ɖɔ: “Sí te bo hu vɔ̌sánú-xwlémawutɔ́ lɛ́ɛ.” Bɔ Dowɛgi hu mɛ e ɖó acɛ bo nɔ dó vɔ̌sánú-xwlémawutɔ́ sín awu é kanwe atɔ́ɔ́n (85) gbe nɛ́ gbe.

1 Samuwɛ́li 23:6

Hwenu e Abiyatáa Aximɛlɛ́ki ví ɔ́ hɔn xwe Davídi gɔ́n ɖo Keyila ɔ́, é hɛn nǔ e è nɔ dó kan nǔ byɔ́ Mawu ɔ́ alɔ mɛ.

1 Samuwɛ́li 23:9

Davídi se nǔ baɖabaɖa e lin dó wǔ tɔn wɛ Sawúlu ɖe é, bó ɖɔ nú vɔ̌sánú-xwlémawutɔ́ Abiyatáa ɖɔ: “Sɔ́ nǔ e è nɔ dó kan nǔ byɔ́ Mawu ɔ́ wá.”

1 Samuwɛ́li 30:7

É ɖɔ nú vɔ̌sánú-xwlémawutɔ́ Abiyatáa Aximɛlɛ́ki ví ɔ́ ɖɔ: “Sɔ́ efódu ɔ́ wá.” Abiyatáa sɔ́ wá n'i.