Ozée 3:1 - MAWUXÓWÉMA

¹ Mawu Mavɔmavɔ ɖɔ nú mì ɖɔ: “Lɛ̌ vɔ́ yí wǎn nú nyɔ̌nu énɛ́ ɔ́ e ɖó asú cóbó ká lɛ́ ɖo aga lɛ wɛ é. Yǐ wǎn n'i lě e nyɛ Mawu Mavɔmavɔ ɔ́ yǐ wǎn nú Izlayɛ́li ví lɛ́ɛ gbɔn é. Yě jó mì dó, bó ɖo vodún lɛ́ɛ sɛn wɛ, bó yí wǎn nú hlɛ̌n vǐwunsínsɛ́ntá tɔn e yě nɔ́ ná vodún lɛ́ɛ, có un yí wǎn nú yě.”

Ozée 3:1 Iomraidhean Croise

2 Samuwɛ́li 6:19

Énɛ́ ɔ́ gúdo ɔ́, é ná gbe ɖɔ è nǐ ná wɔ̌xúxú ɖokpó, dǎti xúxú mlímlí, kpó vǐwun xúxú mlímlí kpó mɛ ɖokpó ɖokpó. Bɔ è mǎ nú Izlayɛ́li togun ɔ́ bǐ, súnnu kpó nyɔ̌nu kpó. Énɛ́ ɔ́ gúdo ɔ́, mɛ ɖokpó ɖokpó yi xwé.

2 Axɔ́sú 13:23

Lo ɔ́, nǔ yětɔn wá jɛ wǔ blá nú Mawu Mavɔmavɔ jí, bɔ é sɔ́ hwɛ yětɔn lɛ́ɛ kɛ yě ɖó akɔ e é kó jɛ xá Ablaxámu, bó jɛ xá Izáki, bo jɛ xá Jakɔ́bu ɔ́ wú. É gbɛ́ ɖɔ émí kún ná sú kún yětɔn dó ó. Bɔ káká jɛ égbé din ɔ́, é nya yě dó gbě ǎ.

1 Tan 16:3

Énɛ́ ɔ́ gúdo ɔ́, è nǎ gbe ɖɔ è nǐ ná wɔ̌xúxú kloklo ɖokpó dǎti xúxú mlímlí ɖokpó ɖokpó kpódó vǐwun xúxú mlímlí kpó mɛ ɖokpó ɖokpó. Bɔ è mǎ nú Izlayɛ́li togun ɔ́ bǐ, súnnu kpó nyɔ̌nu kpó.

Nɛɛmíi 9:31

Nǔ ɖo mɔ̌ có, ɖo wǎn yíyí towe maɖódogbó ɔ́ mɛ ɔ́, a vǐvá kún yětɔn ǎ. A jǒ yě dó ǎ; Mawu nǔbláwǔkúnúmɛtɔ́ xomɛnyɔ́tɔ́ wɛ a nyǐ.

Ɖɛhan 123:2

Kpɔ́n lě e mɛsɛntɔ́ nɔ́ ɖo gǎn tɔn lɔ nu kpɔ́n wɛ gbɔn é! Lě e mɛsɛntɔ́ nyɔ̌nu nɔ́ ɖo gǎn tɔn nyɔ̌nu lɔ nu kpɔ́n wɛ gbɔn é! Mɔ̌ wɛ mǐ ɖo Mawu Mavɔmavɔ, Mawu mǐtɔn kpɔ́n sɛ́ dó wɛ gbɔn, káká jɛ hwenu e é ná nyɔ́ xomɛ dó mǐ wú é.

Tíntɔ́n 32:6

Ayǐhɔ́ngbe tɔn ɔ́, Izlayɛ́li togun ɔ́ fɔ́n zǎn bó sá vɔ̌ e è nɔ dó zo ɔ́ kpódó kɔnɖókpɔ́ vɔ́ kpó ɖo vɔ̌sákpe ɔ́ jí, bɔ togun ɔ́ jínjɔ́n ayǐ bó ɖu nǔ, bó nu ahan; énɛ́ ɔ́ gúdo ɔ́, yě sí te bó j'awǎ.

Hanvíví 2:5

Mi zé vǐwun xúxú mlímlí dó dó hlɔ̌nhlɔ́n lanmɛ nú mì. Mi zé atínsínsɛ́n dó dó wǔsyɛ́n lanmɛ nú mì, ɖó wǎn yíyí dó azɔn mì.

Ezayíi 45:22

Mi mɛ e ɖo wɛ̌kɛ́ ɔ́ mɛ lɛ́ɛ bǐ ní wá gɔ̌n ce; énɛ́ ɔ́, un ná hwlɛ́n mi gán. Đó nyi wɛ nyí Mawu; é sɔ́ kpo mɛɖé ǎ.

Jelemíi 3:20

Amɔ̌, Izlayɛ́li, lě e nyɔ̌nu nɔ ɖo asúxwé bó nɔ́ dó afɔ gbě ɔ́, mɔ̌ wɛ a blǒ xá mì gbɔn. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 31:20

Mawu Mavɔmavɔ ɖɔ: “Eflayímu ɔ́, vǐ vívɛ́ ce wɛ, un yí wǎn n'i tawun. Un ɖo xó tɔn ɖɔ wɛ lě ɔ́, un nɔ lɛ́ ɖo flínflín i d'é jí wɛ. Un yí wǎn n'i ɖésú. Nǔ tɔn nɔ́ blá wǔ nú mì titewungbe.

Ozée 11:8

“Eflayímu e, nɛ̌ un ná wa nǔ towe gbɔn? Izlayɛ́li e, un ná jó we dó wɛ a? Nǔ e un wa xá Adima toxo ɔ́ wɛ un ná wa xá we a? Lě e un ɖó Sevoyímu toxo ɔ́ nyi ɔ́ wɛ un ná ɖó we nyi a? Ayi ce ɖo hun xo xá mì wɛ. Nǔ towe ɖo wǔ blá nú mì wɛ.

Ozée 2:5

É má nyí mɔ̌ ǎ ɔ́, un ná ɖe e nyi mɛ̌, un ná ɖe e nyi mɛ̌ jɔgbe. Un ná sɔ́ ɛ dó húzú gbětótló, un ná sɔ́ ɛ dó húzú axéko, un ná ɖó sinnugblá n'i káká, bɔ é ná wɛ́n vɛ̌.

Ozée 4:11

Aga kpó vɛ̌ɛn xóxó kpó vɛ̌ɛn yɔ̌yɔ́ kpó gba tamɛ nú togun ce.

Ozée 7:5

Axɔ́sú yětɔn ɖo xwe ɖu wɛ ɔ́, ahan nɔ mú yě, bɔ yě nɔ́ dó nu xó mɛ.

Amɔ́si 2:8

Yě nɔ́ mlɔ́ avɔ e yě yí ɖó gbanu ɖo wamamɔnɔ lɛ́ɛ sí lɛ́ɛ jí, ɖo vɔ̌sákpe ɖokpó ɖokpó kpá. Yě nɔ́ nu vɛ̌ɛn e yě wlí ɖo mɛ lɛ́ɛ sí ɔ́ ɖo nǔmɛsɛn yětɔn lɛ́ɛ sín xɔsá.

Amɔ́si 6:6

Mi nɔ nu vɛ̌ɛn ɖo kɔ́fu ɖaxó ɖaxó lɛ́ɛ mɛ, bó nɔ́ sá célu axivɛ́nu lɛ́ɛ. Lo ɔ́, nǔ baɖabaɖa e ɖo jijɛ dó Jozɛ́fu sín akɔta lɛ́ɛ jí wɛ lɛ́ɛ nɔ kú wǔ nú mi ǎ.

Micée 7:7

Amɔ̌, nyɛ ɔ́, un ná nɔ te kpɔ́n Mawu Mavɔmavɔ ce; un ɖeji dó Mawu wǔ, ɖó é nɔ hwlɛ́n mì gán. Mawu ce ná se ɖɛ ce.

Zakalíi 1:16

Énɛ́ ɔ́ wú wɛ nyɛ Mawu Mavɔmavɔ, Nǔbǐwúkpétɔ́ ɔ́, ɖo ɖiɖɔ wɛ ɖɔ un ná lɛ́ kɔ wá Jeluzalɛ́mu bó ná ɖe xomɛnyínyɔ́ ce xlɛ́. È nǎ vɔ́ sinsɛnxɔ ce gbá, bó ná vɔ́ toxo ɔ́ ɖó ayǐ.”

Matíe 26:50

Jezu ka ɖɔ n'i ɖɔ: “Xɔ́ntɔn, wa nǔ e gbé a tɔ́n ɔ́;” bɔ mɛ lɛ́ɛ ka zɔn Jezu jí, bó wlí i.

1 Kɔlɛ́ntinu 10:21

Mi sixú nu ahan ɖo kɔ́fu Aklúnɔ tɔn mɛ, bó lɛ́ nu ahan ɖo kɔ́fu yɛ nyanya lɛ́ɛ tɔn mɛ ǎ; mi sixú ɖu Aklúnɔ sín nǔɖuɖu, bó lɛ́ ɖu yɛ nyanya lɛ́ɛ sín nǔɖuɖu ǎ .

1 Kɔlɛ́ntinu 10:7

Mi ka ɖó ná jɛ vodún sɛn jí lě e mɛɖé lɛ́ɛ bló gbɔn ɖo yě mɛ ɔ́ ɖɔhun ǎ. Lě e Mawuxówéma ɔ́ ɖɔ gbɔn ɔ́: “Mɛ lɛ́ɛ jínjɔ́n ayǐ, bó ɖu nǔ, bó nu ahan; énɛ́ ɔ́ gúdo ɔ́, yě sí te, bó da ayihún.”

1 Piyɛ́ɛ 4:3

Đó ɖ'ayǐ xóxó ɔ́, gbɛzínzán e mɛ e ma ɖi nǔ nú Mawu ǎ lɛ́ɛ nɔ yí wǎn na ɔ́ wɛ mi ko zán ɖ'ayǐ káká, amɔ̌ din ɔ́, é kpé. Mi ko zán gbɛ mitɔn ɖo hwɛhuhu mɛ, ɖo jlǒ nyanya lɛ́ɛ mɛ, ɖo ahannumú mɛ, ɖo nǔɖuzɛjlɛ̌wú mɛ, ɖo ahannuzɛjlɛ̌wú kpódó nǔ baɖabaɖa sinsɛn lɛ́ɛ kpán mɛ.

Hwɛɖɔtɔ́ 10:16

Énɛ́ ɔ́ gúdo ɔ́, yě bɛ̌ vodún lɛ́ɛ kɔn nyi gbě, bó lɛ́ jɛ Mawu Mavɔmavɔ sɛn jí. Bɔ ya e ji wɛ yě ɖe ɔ́ blá wǔ nú Mawu Mavɔmavɔ.

Hwɛɖɔtɔ́ 9:27

Yě yi vǐwungbo yětɔn lɛ́ɛ mɛ, bó gbɛ vǐwun, bó li; énɛ́ ɔ́ gúdo ɔ́, yě ylɔ́ agɔ̌. Yě yi vodún yětɔn xwé, bó ɖu agɔ̌, lobo dó nu Abimɛlɛ́ki.