Ozée 2:9 - MAWUXÓWÉMA

⁹ É ná kán wezun jɛ xɔnnɔ tɔn lɛ́ɛ gúdo, é ká ná xwedó yě wú ǎ. É ná ba yě, é ká ná mɔ yě ǎ. Énɛ́ ɔ́ gúdo ɔ́, é ná ɖɔ: “Un ná lɛ́ kɔ yi asú ce xóxó ɔ́ gɔ́n, ɖó hwenu e un ɖo gɔ̌n tɔn ɔ́, nǔ nyɔ́ nú mì hú lě e un ɖe gbɔn égbé din é.”

Ozée 2:9 Iomraidhean Croise

Ezekiyɛ́li 16:27

Énɛ́ ɔ́, un ɖe xomɛsin ce xlɛ́ we: un tɛ nǔɖuɖu we; un jó we nú kɛntɔ́ towe lɛ́ɛ, un jó we nú toxo Filisitɛ́ɛn lɛ́ɛ tɔn, ɖó Filisitɛ́ɛn lɛ́ɛ ɖésú ɔ́, nǔ blíblí e wa wɛ a ɖe ɔ́ nyɔ́ yě nukún mɛ ǎ.

Ezekiyɛ́li 16:39

Un ná jó we nú xɔnnɔ towe lɛ́ɛ, bɔ yě ná gba kɔ́ e a lǐ lɛ́ɛ bó gba vɔ̌sákpe e a xo lɛ́ɛ. Yě ná ɖe avɔ sín wǔ we; yě ná yí sikánú e a dǒ lɛ́ɛ, bó ná jó we dó nyi mɛ̌ jɔgbe.

Ezekiyɛ́li 23:26

Yě ná fɔ avɔ towe kpó sikánú towe lɛ́ɛ bǐ kpó.

Daniyɛ́li 11:13

Axɔ́sú Totaligbé tɔn lɛ́ɛ ná kplé ahwangɔnu yɔ̌yɔ́ ɖěvo lɛ́ɛ. Ahwangɔnu énɛ́ lɛ́ɛ ná sukpɔ́ hú nukɔn tɔn lɛ́ɛ. Xwe nabí ɖé wá yi ɔ́, axɔ́sú ɔ́ kpódó ahwangɔnu gěgé kpó ná lɛ́ vɔ́ wá, bó ná hɛn ahwanfunnú gěgé.

Ozée 2:3

Mi ɖɔ nú nɔví mitɔn súnnu lɛ́ɛ ɖɔ Ami, togun ce, bó ɖɔ nú nɔví mitɔn nyɔ̌nu lɛ́ɛ ɖɔ Hluxáma, wǎnyínámɔ!

Ozée 8:7

Nǔ e è dǒ ɔ́ wɛ è nɔ ya. Yě ná ɖó jinukún kwín ɖokpó ǎ. Jinukún e ná wú lɛ́ɛ ɖě ná nyɔ́ nú è nǎ mɔ linfín ǎ. É ná bó tíin ɔ́, jǒnɔ lɛ́ɛ wɛ ná ɖu bǐ.

Ozée 9:2

Lo ɔ́, jinukún e só wɛ è ɖe ɖo kɔ́xota é kpódó ami e fyɔ́n wɛ è ɖe ɖo amito mɛ é kpó ná kpé mì ǎ. Mi ɖo vɛ̌ɛn yɔ̌yɔ́ e nɔ te kpɔ́n wɛ mi ɖe ɔ́ ná mɔ nu wɛ ǎ.

Jowɛ́li 2:14

Afɔ nyɔ́ ɔ́, é sixú jó nǔ e é kó lin bó ná wa ɖ'ayǐ ɔ́ dó, bó ná nyɔ̌ná mi túnflá. Énɛ́ ɔ́, mi hɛn ɔ́, mi ná hɛn jinukún kpó vɛ̌ɛn kpó wá n'i.

Sofoníi 1:13

È nǎ hɛn dɔkun yětɔn bǐ gblé, bó ná gba xwé yětɔn lɛ́ɛ. Yě ná gbá xɔ bó ka ná nɔ mɛ ǎ. Yě ná tun vǐwun, yě ká ná ɖu ǎ.”

Malacíi 1:4

Mɛ énɛ́ lɛ́ɛ hɛn ɔ́, yě sixú ɖɔ: ‘È hɛn nǔ mǐtɔn bǐ gblé. Amɔ̌, mǐ na lɛ́ vɔ́ toxo mǐtɔn bló ɖó.’ Nǔ e ɖɔ wɛ nyɛ Mawu Mavɔmavɔ Nǔbǐwúkpétɔ́ ɔ́ ká ɖe é ɖíe: yě ní lɛ́ vɔ́ toxo yětɔn lɛ́ɛ bló ɖó; nyɛ ná lɛ́ hɛn nǔ e yě wa lɛ́ɛ bǐ gblé. Mɛ lɛ́ɛ ná sun nyǐ yě ɖɔ: ‘To e mɛ nǔ nyanya ɖo axɔ́sú ɖu ɖe wɛ é’, bó ná sun nyǐ yě ɖɔ: ‘Togun e Mawu Mavɔmavɔ ma nɔ gɔn xomɛsin dó ǎ é.’

Malacíi 3:18

Mi ná lɛ́ vɔ́ mɔ vogbingbɔn e ɖo hwɛjijɔnɔ lɛ́ɛ kpódó mɛdídá lɛ́ɛ kpó tɛ́ntin é, vogbingbɔn e ɖo mɛ e nɔ sɛn mì kpó mɛ e ma nɔ sɛn mì ǎ lɛ́ɛ kpó tɛ́ntin é.”