Ozée 2:8 - MAWUXÓWÉMA

⁸ Énɛ́ ɔ́ wú wɛ nyɛ Mawu Mavɔmavɔ ɔ́, un ná bɛ́ wunkan dó gbo ali n'i, un ná mɛ dǒ lɛ́ lɛ̌ dó e, bɔ é sɔ́ ná mɔ ali bó tɔ́n ǎ.

Ozée 2:8 Iomraidhean Croise

1 Tan 29:16

Mawu Mavɔmavɔ, Mawu mǐtɔn, mǐ kplé azɔ̌wanú tobutóbú énɛ́ lɛ́ɛ, bó ná dó sá xwé e gbe mǐ ná nɔ́ yi sɛn hwi Mawu mímɛ́ ɔ́ ɖe é; hwi wɛ ka ɖó nǔ énɛ́ lɛ́ɛ bǐ, hwi gɔ́n wɛ bǐ gosín.

Jɔ̌bu 19:8

Mawu sú ali dó mì, bɔ dǐndín gló mì. É jó mì dó nyi ablu mɛ.

Ezayíi 1:3

Nyibú nɔ́ tunwun mɛ e ɖó e é, tócí nɔ́ tunwun mɛ e nɔ ná nǔɖuɖu i é. Lo ɔ́, Izlayɛ́li ví lɛ́ɛ tunwun mì ǎ, togun ce Izlayɛ́li mɔ nǔ jɛ nǔɖé wú ǎ.”

Ezayíi 46:6

Mi kpɔ́n mɛ e nɔ zán dɔkun yětɔn bǐ, bó nɔ́ da kpatágan, bó nɔ́ da siká, bó nɔ́ yí nǔtuntɔ́ ɖokpó bɔ é nɔ́ bló nǔmɛsɛn nú yě, bɔ yě nɔ́ jɛ kpo ɖo asá tɔn mɛ, bó nɔ́ sɛn ɛ lɛ́ɛ.

Jelemíi 7:18

Vǐ lɛ́ɛ nɔ yi cyán nakí, nú tɔ́ yětɔn lɛ́ɛ ná bɔ myɔ; nɔ yětɔn lɛ́ɛ nɔ wún linfín, bó nɔ́ nya, bó nɔ́ ɖa wɔ̌xúxú nú Axɔ́si jǐxwé tɔn. Yě nɔ́ ba ahan nú vodún lɛ́ɛ. Yě nɔ́ bló nǔ énɛ́ dó dó xomɛsin nú nyɛ Mawu Mavɔmavɔ.

Ezekiyɛ́li 23:41

Énɛ́ ɔ́ gúdo ɔ́, yě mlɔ́ ayǐ wɛn ɖo zan ɖagbe ɖagbe jí, bó sɔ́ távo ɖokpó ɖó zan ɔ́ nukɔn, bó bɛ́ zǎlínkpɔ́n kpó ami wǎnɖagbenɔ e nyí ce lɛ́ɛ kpó ɖ'é jí.

Daniyɛ́li 3:1

Axɔ́sú Nabukodonɔzɔ́ɔ zɔ́n sikábócyɔ ɖokpó. Ga tɔn yi nǔjlɛ́kpo gban (30) mɔ̌, gbló tɔn yi nǔjlɛ́kpo atɔn mɔ̌. É sɔ́ bǒcyɔ ɔ́ yi ɖó Dula sín tɔdomɛ, ɖo tokpɔn Babilɔ́nu tɔn mɛ.

Daniyɛ́li 5:23

A zě Aklúnɔ sɛ́xwé tɔn ɔ́ hwe, bó yi bɛ́ kɔ́fu e ɖo sinsɛnxɔ tɔn mɛ lɛ́ɛ, bɔ hwi kpó gbɛ̌ towe lɛ́ɛ kpó asi towe lɛ́ɛ kpó, kpó agalɛtɔ́ towe lɛ́ɛ kpó dó nu ahan ná, bɔ a nɔ ji han dó kpa susu nú vodún e è zě kpatágan dó bló ná lɛ́ɛ, ée è zě siká dó bló ná lɛ́ɛ, ée è zě ganvɔ dó bló ná lɛ́ɛ, ée è zě gan dó bló ná lɛ́ɛ, ée è zě atín dó bló ná lɛ́ɛ, kpó ée è zě awǐnnya dó bló ná lɛ́ɛ kpó. Vodún énɛ́ lɛ́ɛ ká nɔ mɔ nǔ ǎ, yě ká nɔ́ se xó ǎ, yě ká lɛ́ tunwun nǔ ɖěbǔ ǎ. A nɔ ɖo vodún énɛ́ lɛ́ɛ sɛn wɛ, bó nɔ́ gɔn susu kpa nú Mawu e sín alɔ mɛ funfún towe kpó nǔ e gbɛ towe ná nyí ɔ́ kpó ɖe é.

Ozée 10:1

Izlayɛ́li to ɔ́, vǐwungbo ɖé wɛ bɔ ayǐ nyɔ́ n'i ɖ'ayǐ; é nɔ́ sɛ́n kpɔ́ gégé ɖ'ayǐ. Lo ɔ́, lě e sínsɛ́n tɔn lɛ́ɛ ɖo kpɔ́ su gbɔn wɛ ɔ́, mɔ̌ jɛ́n é nɔ́ ɖo vɔ̌sákpe lɛ́ɛ mɛ gbɔn wɛ. Lě e nǔ bǐ ɖo nyǐnyɔ́ nú to ɔ́ gbɔn wɛ ɔ́, mɔ̌ jɛ́n é nɔ́ ba acɔ́ nú awǐnnya e yě sɔ́ dó ɖó vodún bó nɔ sɛn lɛ́ɛ gbɔn.

Ozée 13:1

Eflayímunu lɛ́ɛ ɖo xó ɖɔ wɛ ɖ'ayǐ ɔ́, ado wɛ nɔ hu mɛ bǐ. Aɖǔsó wɛ yě nyí ɖo Izlayɛ́li. Lo ɔ́, é wá sɛn vodún Baalu bó kú.

Ozée 13:2

Din ɔ́, Eflayímunu lɛ́ɛ fɔ́n bó ɖo hwɛ hu wɛ. Yě nɔ́ zé kpatágan yětɔn dó tun bǒcyɔ ná, yě nɔ́ tun vodún e yě ɖésúnɔ nɔ́ dó wá lɛ́ɛ. Nǔ énɛ́ lɛ́ɛ bǐ ɔ́, alɔnuzɔ́watɔ́ lɛ́ɛ sín nǔwiwa wɛ. È nɔ ɖɔ dó yě wú ɖɔ: “Yě nɔ́ hu gbɛtɔ́ dó sá vɔ̌, bó ká nɔ́ yi dó nu do nú nyibúví!”

Ozée 2:5

É má nyí mɔ̌ ǎ ɔ́, un ná ɖe e nyi mɛ̌, un ná ɖe e nyi mɛ̌ jɔgbe. Un ná sɔ́ ɛ dó húzú gbětótló, un ná sɔ́ ɛ dó húzú axéko, un ná ɖó sinnugblá n'i káká, bɔ é ná wɛ́n vɛ̌.

Ozée 4:11

Aga kpó vɛ̌ɛn xóxó kpó vɛ̌ɛn yɔ̌yɔ́ kpó gba tamɛ nú togun ce.

Ozée 8:4

Yě nɔ́ sɔ́ axɔ́sú nyɛ mɛ vo. Yě nɔ́ sɔ́ gǎn ma kan nǔɖé byɔ́ mì. Yě zé kpatágan yětɔn kpó siká yětɔn kpó dó bló vodún ná. Énɛ́ ɔ́ wú wɛ kún yětɔn ná sú dó.

Xabakúku 1:16

Énɛ́ ɔ́, yě nɔ́ sá vɔ̌ nú ɖɔ yětɔn lɛ́ɛ, bó nɔ dó zǎlínkpɔ́n zo nú aja yětɔn lɛ́ɛ. Đó nǔ énɛ́ lɛ́ɛ wɛ nyí mɔ̌ bɔ yě nɔ́ sixú mɔ nǔ ɖu ganjí, bɔ nǔɖuɖu yětɔn nyí nǔɖuɖu ɖagbe.

Luki 15:13

Azǎn ɖé jɛ ǎ, bɔ yɔkpɔ́vú ɔ́ xo nǔ tɔn lɛ́ɛ bǐ kplé, bó yi to línlín ɖé mɛ, bó zán nǔ tɔn lɛ́ɛ dó akpa mɛ.

Hlɔ̌manu 1:28

Ée yě gbɛ̌ ɖɔ émí kún ná tunwun Mawu ó é ɔ́, Mawu jǒ yě dó bɔ yě nɔ wa nǔ e linlin masɔgbe yětɔn jló lɛ́ɛ é, bó nɔ́ ɖo nǔ e yě má ɖó ná wa ǎ é wa wɛ.

Sɛ́nflínmɛ 8:18

Mi ná flín Mawu Mavɔmavɔ, Mawu mitɔn; ɖó é wɛ nɔ́ ná hlɔ̌nhlɔ́n mi, bɔ nǔ nyɔ́ nú mi mɔ̌. É bló mɔ̌, bó dó ɖe xlɛ́ ɖɔ émí ɖo gbejí nú akɔ e émí zin alɔ dó akɔ́n bó jɛ xá tɔ́gbó mitɔn lɛ́ɛ, lě e é ɖ'é wú gbɔn din é.

Hwɛɖɔtɔ́ 9:27

Yě yi vǐwungbo yětɔn lɛ́ɛ mɛ, bó gbɛ vǐwun, bó li; énɛ́ ɔ́ gúdo ɔ́, yě ylɔ́ agɔ̌. Yě yi vodún yětɔn xwé, bó ɖu agɔ̌, lobo dó nu Abimɛlɛ́ki.