Ozée 2:7 - MAWUXÓWÉMA

⁷ Nɔ yětɔn lɛ aga, mɛ e hɛn xo yětɔn ɔ́ kɔ́n wi éɖée tɔn, ɖó é ɖɔ: ‘Un ná yi ba xɔnnɔ ce lɛ́ɛ mɔ. Đó yě wɛ nɔ́ ná mì nǔɖuɖu kpó sin kpó, gbɔ̌fúnvɔ kpó akwɛ́núvɔ kpó, ami kpó ahan kpó.’ ”

Ozée 2:7 Iomraidhean Croise

2 Tan 28:23

É sá vɔ̌ nú vodún e ɖo Damási lɛ́ɛ, có vodún énɛ́ lɛ́ɛ wɛ zɔ́n bɔ é jɛ ayǐ ɖo kɛntɔ́ tɔn lɛ́ɛ nukɔn. É bló mɔ̌ ɖó é nɔ́ ɖɔ: “Silíi xɔ́sú lɛ́ɛ ɔ́, vodún yětɔn lɛ́ɛ wɛ wá gɔ́ alɔ nú yě; nyi lɔmɔ̌ ɔ́, un ná sá vɔ̌ nú yě, bɔ yě ná gɔ́ alɔ nú nyɛ ɖésú.” Vodún énɛ́ lɛ́ɛ wɛ ká wa nǔ xá é kpódó Izlayɛ́li togun ɔ́ bǐ kpó.

Ɖɛhan 116:7

Din ɔ́, un ɖó ná mɔ vivo, ɖó Mawu Mavɔmavɔ wa ɖagbe nú mì.

Ezayíi 30:16

Mi nɔ ɖɔ: “Gbeɖé kpɔ́n! Mǐ ná xá sɔ́ bó hɔn yi!” Énɛ́ ɔ́ wú wɛ mi ná hɔn nǔgbó. Mi nɔ ɖɔ: “Mǐ nǎ zé sɔ́ e yá afɔ ganjí lɛ́ɛ.” Énɛ́ ɔ́ wú wɛ mɛ e ná nya mi lɛ́ɛ lɔmɔ̌ ná yá afɔ ganjí.

Jelemíi 14:22

Vodún e togun ɖě lɛ́ɛ nɔ sɛn ɔ́ ɖě nɔ́ ná jǐ a? Abǐ jǐnukúnsin wɛ nɔ́ ná jǐ a? É má nyí hwɛ Mawu Mavɔmavɔ, Mawu mǐtɔn ɔ́ wɛ nɔ ná a ce? Mǐ ɖo nukún ɖó we wɛ, ɖó hwi wɛ nɔ bló nǔ énɛ́ lɛ́ɛ bǐ.”

Jelemíi 2:2

“Yi, bó ɖɔ dó Jeluzalɛ́munu lɛ́ɛ tó mɛ ɖɔ nyɛ Mawu Mavɔmavɔ ɖɔ: Jeluzalɛ́mu, un nɔ flín wǎn yíyí e a ɖó nú mì hwenu e a ɖo ɖyɔ̌vǐ mɛ é. Un nɔ flín lě e wǎn ce yí we gbɔn hwenu e a nyí yawó é. Hwenɛ́nu ɔ́, a ɖo xwixwedó mì wɛ ɖo gbětótló mɛ, fí e jinukún ɖě má nɔ nyɔ́ ɖe ǎ é.

Jelemíi 2:28

Lo ɔ́, un ka na kán byɔ́ we ɖɔ: ‘Fítɛ́ vodún e a bló lɛ́ɛ ká yi? Nú yě sixú hwlɛ́n we gán ɖo adǎngbomɛ hwenu hǔn, yě ní wa bló bó! Judáa, vodún nabí e a ɖǒ ɔ́ sɔ toxo nabí e a ɖǒ é.’ ”

Jelemíi 2:36

“Mi ka nɔ yá wǔ húzú gbe mɛ nya! Lě e mi ɖu winnyá ɖo Asilíi nukɔn gbɔn ɔ́, mɔ̌ wɛ mi ná ɖu gbɔn ɖo Ejípu nukɔn.

Jelemíi 3:1

Mawu Mavɔmavɔ ɖɔ: ényí mɛ ɖé nya asi tɔn bónú é yi da súnnu ɖěvo ɔ́, asú tɔn xóxó ɔ́ nɔ́ lɛ́ lɛ́ kɔ yi nyɔ̌nu ɖokpó énɛ́ ɔ́ gɔ́n wɛ a? Nǔ cí mɔ̌ ɔ́, su wɛ è ɖu nú to ɔ́ nɛ́ ǎ cé? Izlayɛ́li, hwɛ ɔ́, xɔnnɔ towe e ɖó xó xá we din lɛ́ɛ ko sukpɔ́ bɔ a nǎ lɛ́ lɛ́ kɔ wá gɔ̌n ce wɛ a? Xó e nyɛ Mawu Mavɔmavɔ ɖɔ ɔ́ nɛ́.

Jelemíi 31:18

Togun ce Eflayímu ɖo alě ná wɛ bɔ un se céɖécéɖé; yě ɖo alě ná wɛ ɖɔ: ‘Mawu Mavɔmavɔ, a dɔn tó nú mǐ, nyibúsú e má se xwe ǎ é ɖɔhun. Lɛ̌ kɔ nú mǐ, bónú mǐ ná lɛ́ kɔ wá gɔ̌n towe nǔgbó, ɖó hwi wɛ nyí Mawu Mavɔmavɔ, Mawu mǐtɔn.

Jelemíi 31:32

É ná cí akɔ e un jɛ xá tɔ́gbó yětɔn lɛ́ɛ, gbe e gbe un hɛn alɔ yětɔn, bó ɖe yě tɔ́n sín Ejípu, lobɔ yě ma nɔ gbejí ná ǎ é ɖɔhun ǎ. Nyi wɛ kpa acɛ nú tɔ́gbó yětɔn lɛ́ɛ có yě ká nɔ gbejí nú akɔ e un jɛ xá yě ɔ́ ǎ.”

Jelemíi 44:17

Nǔ e mǐ kó zé nu mǐtɔn dó ɖɔ ɔ́ wɛ mǐ jló ná bló, é wɛ nyí ɖɔ mǐ nǎ xwlé zǎlínkpɔ́n vodún Axɔ́si jǐxwé tɔn ɔ́, mǐ ná ba ahan n'i, lě e mǐ kpó mɛ mǐtɔn lɛ́ɛ, axɔ́sú mǐtɔn lɛ́ɛ, kpódó gǎn mǐtɔn lɛ́ɛ kpó nɔ́ bló gbɔn ɖo Judáa, bó nɔ́ bló gbɔn ɖo Jeluzalɛ́mu li lɛ́ɛ jí ɖ'ayǐ é. Hwenu e mǐ nɔ́ wa nǔ gbɔn mɔ̌ ɔ́, mǐ nɔ́ mɔ nǔ bó nɔ́ ɖu, bó nɔ́ gɔ́ xo, mǐ nɔ́ ɖu gbɛ, adǎn ɖěbǔ nɔ́ gbo mǐ ǎ.

Ezekiyɛ́li 16:18

A bǔ avɔ towe e è kó lɛ́ɛ dó yě, bó kɔn ami ce kpó nǔsáwǔ wǎnɖagbenɔ ce kpó dó yě jí.

Ezekiyɛ́li 16:8

Un lɛ́ gbɔn akpá towe, bó mɔ ɖɔ a ko wínnyá bǐ bó ko su xɔ́ntɔn ɖó. Énɛ́ ɔ́, un vlɔ́n awu ce bo cyɔ́n nú we, bó hwlá mɛ̌ nú we. Un zin alɔ dó akɔ́n ɖɔ un ná nɔ gbejí nú we, lobo jɛ akɔ xá we. Lě e a hǔzú ce gbɔn é nɛ́; nyɛ Aklúnɔ Mavɔmavɔ wɛ ɖɔ mɔ̌.

Ezekiyɛ́li 20:32

Mi nɔ ɖɔ: Mǐ jló ná cí togun ɖě lɛ́ɛ ɖɔhun, mǐ ná cí akɔta e ɖo to ɖěvo mɛ lɛ́ɛ ɖɔhun, mǐ lɔ ná nɔ́ ɖo atín sɛn wɛ, bó ná nɔ́ ɖo awǐnnya sɛn wɛ; lo ɔ́, nǔ e lin wɛ mi ɖe ɔ́ ná jɛ gbeɖé ǎ.

Ezekiyɛ́li 23:12

Asilíi tokpɔngán lɛ́ɛ, Asilíi sín hwɛɖɔtɔ́ lɛ́ɛ kpó ahwanfuntɔ́ tɔn lɛ́ɛ kpó ɔ́, é yí wǎn nú yě bɔ é vɛ́ jlɛ́. Asilíinu énɛ́ lɛ́ɛ nɔ dó awu ɖagbe ɖagbe; dɔ̌nkpɛvú wɛ nú yě; yě nyɔ́ ɖɛkpɛ ɖésú bó nyɔ́ sɔ́ kun tawun.

Ezekiyɛ́li 23:22

Énɛ́ ɔ́ wú wɛ nyɛ Aklúnɔ Mavɔmavɔ ɖo ɖiɖɔ nú we wɛ ɖɔ: Oxoliba, un ná fɔ́n xɔnnɔ towe lɛ́ɛ dó jǐ towe; yě mɛ e a gbɛ́ wǎn ná din lɛ́ɛ ɔ́, un ná kplá yě sín fí bǐ, bɔ yě ná xísí dó we.

Ezekiyɛ́li 23:4

È nɔ ylɔ́ mɛxó ɔ́ ɖɔ Oxóla, bó nɔ́ ylɔ́ bɔd'é wú ɔ́ ɖɔ Oxoliba. Mɛxó ɔ́ wɛ nyí Samalíi, bɔ bɔd'é wú ɔ́ nyí Jeluzalɛ́mu; yě mɛ we lɛ́ɛ bǐ wɛ un da bɔ yě jǐ vǐ súnnu kpó nyɔ̌nu kpó nú mì.

Daniyɛ́li 4:17

Mɛ mɔ atín syɛ́nsyɛ́n ɖaxó ɖokpó, bɔ ala tɔn lɛ́ɛ ɖi ga káká yi sɔ́ jǐnukúnsin, bɔ gbɛ ɔ́ bǐ nɔ́ mɔ.

Daniyɛ́li 4:25

Nǔ e ɖo nǎ jɛ wɛ bɔ è ɖɔ nú axɔ́sú Nabukodonɔzɔ́ɔ lɛ́ɛ bǐ jɛ.

Daniyɛ́li 4:32

Lě do gbɛtɔ́ sukpɔ́ ɖo ayǐkúngban jí sɔ é nɛ́, có yě mɛ ɖěbǔ ká nyí nǔ ɖěbǔ ɖo nukɔn tɔn ǎ. Nǔɖíɖó sɛ́xwé tɔn lɛ́ɛ kpó gbɛtɔ́ lɛ́ɛ kpó ɔ́, nǔ e jló e ɔ́ wɛ é nɔ́ sɔ́ yě dó wa. É ja nǔɖé wa gbé ɔ́, mɛɖé nɔ́ sixú gbɛ́ ǎ, mɛɖé ka nɔ́ sixú kɛ nu dó nǔ e é wa ɔ́ wu n'i ǎ.

Daniyɛ́li 5:21

È nya ɛ sín gbɛtɔ́ lɛ́ɛ mɛ, bɔ é yi nɔ gběkanlin lɛ́ɛ tɛ́ntin, bó nɔ́ ɖu gběhan nyibú ɖɔhun; ahǔn nɔ́ ɖo jija dó jǐ tɔn wɛ. É nɔ mɔ̌ káká jɛ hwenu e é wá tunwun ɖɔ Mawu Ajalɔ̌nlɔn ɔ́ wɛ kpa acɛ dó axɔ́súɖuɖu gbɛtɔ́ tɔn lɛ́ɛ bǐ jí, bó nɔ́ sɔ́ axɔ́sú mɛ e jló e é.

Ozée 1:2

Azɔn nukɔn nukɔntɔn e Mawu Mavɔmavɔ ɖɔ xó nú Ozée ɔ́, é ɖɔ n'i ɖɔ: “Yi da agalɛtɔ́ ɖokpó . Vǐ e é ná ji nú we lɛ́ɛ ná nyí agaví, ɖó mɛ e ɖo to ɔ́ mɛ lɛ́ɛ bǐ ɖo aga lɛ wɛ, yě jó nyɛ Mawu Mavɔmavɔ ɔ́ dó!”

Ozée 13:6

Mi yi ama ɖu gbé lě tlóló ɔ́, mi nɔ gɔ́ xo. Adɔgo mitɔn gɔ́ lě kpowun ɔ́, mi nɔ jɛ go yí jí. Nǔ e wútu mi wɔn mì ɔ́ nɛ́.

Ozée 14:1

È nǎ dɔn tó nú Samalíinu lɛ́ɛ ɖó yě fɔ́n gǔ dó Mawu yětɔn jí. Ahwan ná gba yě; è nǎ hu vǐ yětɔn lɛ́ɛ bó ná zɛ nyɔ̌nu yětɔn e ɖo xo lɛ́ɛ.

Ozée 2:16

Énɛ́ ɔ́ wú wɛ un ná dó yɛ ɛ, bó ná kplá ɛ yi gbětótló mɛ, bó ná sɔ́ gbe fífá dó ɖɔ xó n'i.

Ozée 5:13

Akɔta Eflayímu tɔn ɔ́ mɔ azɔn e jɛ wɛ é ɖe ɔ́. Akɔta Judáa tɔn ɔ́ mɔ akpa e ɖo wǔ tɔn ɔ́. Énɛ́ ɔ́, Eflayímu yi Asilíi bó ɖɔ xó nú Axɔ́sú Đaxó ɔ́; lo ɔ́, axɔ́sú énɛ́ ɔ́ sixú gbɔ azɔn nú mi ǎ, é ká sixú mɔ nǔɖé dó hu akpa mitɔn lɛ́ɛ ná ǎ.

Ozée 5:15

Mawu Mavɔmavɔ ɖɔ: “Un ná yi, un ná yi nɔ xwé ce gbe, káká jɛ hwenu e yě ná tunwun ɖɔ émí wa nǔ nyi do bó ná lɛ́ kɔ wá gɔ̌n ce dó é. Nú adǎn kó jɛ yě gbo jí ɔ́, yě ná ba mì mɔ.”