Mi mɛ e nyí togun ce ɔ́, mi ka wɔn mì. Mi wɔn mì, bó nɔ́ xwlé zǎlínkpɔ́n vodún lɛ́ɛ. Vodún énɛ́ lɛ́ɛ nyí afɔklɛ́nnú nú mi ɖo ali e mi mlɛ́ lɛ́ɛ jí. Yě ɖe mi sín ali mitɔn xóxó lɛ́ɛ jí, bɔ mi wlí ali e è ma ɖe ǎ lɛ́ɛ.
È nǎ gba vodún xwé e ɖo Bɛti-Awɛni lɛ́ɛ hánnyá. Fí énɛ́ lɛ́ɛ wɛ Izlayɛ́linu lɛ́ɛ hu hwɛ ɖe. Kpɔvɛwun kpó wunkan kpó ná wú ɖó vɔ̌sákpe yětɔn lɛ́ɛ jí. Yě ná ɖɔ nú só ɖaxó lɛ́ɛ ɖɔ: “Mi cyɔ́n mǐ!” Bó ná ɖɔ nú só kpɛví lɛ́ɛ ɖɔ: “Mi mu kɔn nyi mǐ jí!”
Hwenu e yě ná gosín to yětɔn e è gba ɔ́ mɛ ɔ́, Ejípunu lɛ́ɛ ná yí yě. Lo ɔ́, Mɛfísi toxo ɔ́ wɛ ná nyí yɔdo yětɔn. Akwɛ́nú e yě ɖó lɛ́ɛ, kpatágan yětɔn ɔ́, kpɔvɛwun wɛ ná vun blá. Wunkan wɛ ná wú ɖo goxɔ yětɔn lɛ́ɛ mɛ.
É ka ɖo mɔ̌ có, bónú goyíyí ma gɔ́ gbɛzán ce mɛ, ɖó nǔ ɖaxó ɖaxó énɛ́ lɛ́ɛ e Mawu nɔ ɖe xlɛ́ mì lɛ́ɛ wútu ó ɔ́, è sɛ́ azɔn baɖabaɖa ɖé dó mì, bɔ é cí wɛnsagun Satáan tɔn ɖé ɖɔhun, bó xo mì, bó glɔ́n ali nú mì, bónú goyíyí ma gɔ́ gbɛzán ce mɛ ó.
