Ozée 2:5 - MAWUXÓWÉMA

⁵ É má nyí mɔ̌ ǎ ɔ́, un ná ɖe e nyi mɛ̌, un ná ɖe e nyi mɛ̌ jɔgbe. Un ná sɔ́ ɛ dó húzú gbětótló, un ná sɔ́ ɛ dó húzú axéko, un ná ɖó sinnugblá n'i káká, bɔ é ná wɛ́n vɛ̌.

Ozée 2:5 Iomraidhean Croise

Ezayíi 1:21

Étɛ́ o, Jeluzalɛ́mu toxo e ɖo gbejí ɔ́ wɛ húzú agalɛtɔ́ mɔ̌ a? Đ'ayǐ ɔ́, nǔ jlɔ́jlɔ́ kɛ́ɖɛ́ wɛ è nɔ wa ɖo toxo énɛ́ ɔ́ mɛ, hwɛjijɔ kɛ́ɖɛ́ wɛ mɛ lɛ́ɛ nɔ xwedó ɖo toxo énɛ́ ɔ́ mɛ; amɔ̌, égbé din ɔ́, mɛhutɔ́ lɛ́ɛ sín nɔtɛn wɛ é nyí.

Ezayíi 50:1

Xó e Mawu Mavɔmavɔ ɖɔ ɔ́ ɖíe: “Mi nɔ ɖɔ nyi nya nɔ émítɔn Jeluzalɛ́mu. É nyɔ́, mi bo xlɛ́ wěma e un wlán dó así n'i, bó gbɛ́ ɛ, lobo nya ɛ ɔ́ mì. Mi nɔ ɖɔ nyi sa émí kannumɔ ɖɔhun, bó ná sɔ́ akwɛ́ ɔ́ dó sú axɔ́ e un ɖu ɔ́ ná. É nyɔ́, mi bo ɖɔ mɛ e un sa mi xá ɔ́ nú mì. Ényí un sa mi hǔn, nǔ e mi wa nyi do lɛ́ɛ wú wɛ un sa mi; ényí un nya nɔ mitɔn hǔn, hwɛ e mi hu lɛ́ɛ wú wɛ un nya ɛ.

Jelemíi 11:13

Judáa e, vodún nabí e a ɖǒ ɔ́, sɔ toxo nabí e a ɖǒ é. Jeluzalɛ́mu li lɛ́ɛ bǐ jí wɛ è mɛ vɔ̌sákpe nú vodún Baalu gbɔn, lobo nɔ sá vɔ̌ n'i. Vodún Baalu ɔ́, winnyá dó mɛ tɔ́ wɛ.’

Jelemíi 13:22

A nǎ wá kanbyɔ́ hwiɖée ɖɔ: ‘Aniwú nǔ mɔ̌hun ká ɖo gbigbo mì wɛ?’ Tunwun ɖɔ hwɛ tobutóbú e a nɔ hu lɛ́ɛ wú wɛ. Hwɛ towe lɛ́ɛ wú wɛ è tún avɔ sín alin nú we ɖo togun mɛ. Hwɛ towe lɛ́ɛ wú wɛ è hwlɛ́n kan xá we.

Jelemíi 2:20

Mawu ɖɔ: “Izlayɛ́li, a ɖo gǔ fɔ́n dó jǐ ce wɛ din ɔ́, é kó lín. A dǒ gúdo mì bǐ, lobo nɔ ɖɔ fí e émí nɔ mɛ kannu jɛ ɔ́ kpé, bó ka nɔ jɛ wɛn gbɔn só bǐ jí; a nɔ ɖo wɛn gbɔn atínmú bǐ sá agalɛtɔ́ ɖɔhun.

Jelemíi 6:8

Jeluzalɛ́mu, yǐ kplɔ́n ɖo nǔ e ɖo gbigbo we wɛ lɛ́ɛ mɛ, é má nyí mɔ̌ ǎ ɔ́, un táá wá sɛ yi zɔ nú we, bó ná wá sɔ́ we dó húzú gbětótló, ayǐkúngban e jí mɛɖé má ɖe ǎ é.”

Ezekiyɛ́li 16:35

“Énɛ́ ɔ́ wú ɔ́, Jeluzalɛ́mu agalɛtɔ́, se xó e ɖɔ nú we wɛ nyɛ Mawu Mavɔmavɔ ɖe é.

Ezekiyɛ́li 16:39

Un ná jó we nú xɔnnɔ towe lɛ́ɛ, bɔ yě ná gba kɔ́ e a lǐ lɛ́ɛ bó gba vɔ̌sákpe e a xo lɛ́ɛ. Yě ná ɖe avɔ sín wǔ we; yě ná yí sikánú e a dǒ lɛ́ɛ, bó ná jó we dó nyi mɛ̌ jɔgbe.

Ezekiyɛ́li 16:4

Gbe e gbe è ji we é ɔ́, mɛɖé gbo hɔ̌nkan nú we ǎ; è zě we dó sin mɛ bo lɛ wǔ nú we ǎ, è zě jɛ dó tíntɛ́n wǔ nú we ǎ; è bǔ avɔ dó we ǎ.

Ozée 1:2

Azɔn nukɔn nukɔntɔn e Mawu Mavɔmavɔ ɖɔ xó nú Ozée ɔ́, é ɖɔ n'i ɖɔ: “Yi da agalɛtɔ́ ɖokpó . Vǐ e é ná ji nú we lɛ́ɛ ná nyí agaví, ɖó mɛ e ɖo to ɔ́ mɛ lɛ́ɛ bǐ ɖo aga lɛ wɛ, yě jó nyɛ Mawu Mavɔmavɔ ɔ́ dó!”

Ozée 2:2

Judáanu lɛ́ɛ kpódó Izlayɛ́linu lɛ́ɛ kpó ná kplé bó ná sɔ́ gǎn ɖokpó, bó ná kpa acɛ nú to ɔ́. Đó azǎn ɖaxó ɖé wɛ Izleyɛ́li sín azǎn ɔ́ ná nyí.

Ozée 2:8

Énɛ́ ɔ́ wú wɛ nyɛ Mawu Mavɔmavɔ ɔ́, un ná bɛ́ wunkan dó gbo ali n'i, un ná mɛ dǒ lɛ́ lɛ̌ dó e, bɔ é sɔ́ ná mɔ ali bó tɔ́n ǎ.

Ozée 3:1

Mawu Mavɔmavɔ ɖɔ nú mì ɖɔ: “Lɛ̌ vɔ́ yí wǎn nú nyɔ̌nu énɛ́ ɔ́ e ɖó asú cóbó ká lɛ́ ɖo aga lɛ wɛ é. Yǐ wǎn n'i lě e nyɛ Mawu Mavɔmavɔ ɔ́ yǐ wǎn nú Izlayɛ́li ví lɛ́ɛ gbɔn é. Yě jó mì dó, bó ɖo vodún lɛ́ɛ sɛn wɛ, bó yí wǎn nú hlɛ̌n vǐwunsínsɛ́ntá tɔn e yě nɔ́ ná vodún lɛ́ɛ, có un yí wǎn nú yě.”

Ozée 4:5

A nǎ klɛ́n afɔ bo jɛ ayǐ kéze ɖéɖé, bɔ hǎgbɛ́ towe gbeyíɖɔ ɔ́ lɔmɔ̌ ná klɛ́n afɔ bo jɛ ayǐ zǎn mɛ. Un ná sú nɔ towe sín kún dó.

Ozée 8:9

Đó yě yi Asilíi, tócí gbě tɔn e má nɔ́ nɔ mɛɖé mɛ ǎ é ɖɔhun. Eflayímunu lɛ́ɛ nɔ́ ná nǔ mɛ dó zun xɔ́ntɔn.

Ozée 9:10

Mawu Mavɔmavɔ ɖɔ: “Đ'ayǐ xóxó ɔ́, un mɔ Izlayɛ́linu lɛ́ɛ, yě cí vǐwun e ɖo gbětótló mɛ é ɖɔhun. Un mɔ tɔ́gbó mitɔn lɛ́ɛ, yě cí fígi sín sínsɛ́n nukɔntɔn lɛ́ɛ ɖɔhun. Lo ɔ́, ée yě jɛ Baalu-Peɔ́ɔ tlóló ɔ́, yě jɛ vodún Baalu sɛn jí, bó jó yěɖée dó nú vodún hɛ̌n, bɔ yě kpó asú yětɔn vodún ɔ́ kpó bǐ húzú nǔ gbɛ́hɛn.

Amɔ́si 8:13

Gbe énɛ́ ɔ́ gbe ɔ́, kɔ ná xú ɖyɔ̌vǐ ɖagbe ɖagbe lɛ́ɛ kpó dɔ̌nkpɛvú lɛ́ɛ kpó káká bɔ yě ná xú gǒ.

Hwɛɖɔtɔ́ 16:23

Axɔ́sú Filisitɛ́ɛn lɛ́ɛ tɔn lɛ́ɛ sɛ ta kplé gbe ɖokpó, bó ná ɖu ɖuɖéjí e yě ɖó ɔ́ sín xwe, bó ná sá vɔ̌ ɖaxó ɖokpó nú vodún yětɔn Dagɔ́ni. Yě ɖo han ji wɛ ɖɔ: “Vodún mǐtɔn jó Sanmusɔ́ɔn, kɛntɔ́ mǐtɔn ɔ́ nú mǐ.”