Ozée 2:4 - MAWUXÓWÉMA

⁴ Mawu Mavɔmavɔ ɖɔ: “Mi dó hwɛ Izlayɛ́li nɔ mitɔn ɔ́, mi dó hwɛ ɛ, ɖó é sɔ́ nyí asi ce ǎ, nyɛ lɔ ka sɔ́ nyí asú tɔn ǎ. É ní ɖe aga wuntun e ɖo nukún tɔn mɛ ɔ́ síin, bó ɖe aga wuntun e ɖo anɔ̌ tɔn jí ɔ́ síin.

Ozée 2:4 Iomraidhean Croise

2 Axɔ́sú 9:22

Ée Yolámu mɔ Jehu lě ɔ́, é kanbyɔ́ ɛ ɖɔ: “Jehu, ɖagbe jɛ́n wɛ a?” Bɔ Jehu yí gbe n'i ɖɔ: “Nɔ towe Jezabɛ́li ɔ́ kpo ɖo vodún sɛn wɛ, bó kpo ɖo azě gbo mɛ wɛ bɔ a nɔ kanbyɔ́ ɖɔ ɖagbe jɛ́n wɛ a jí a?”

Ezayíi 27:11

Atínla xú ɔ́, é nɔ́ fɛ́n j'ayǐ, bɔ nyɔ̌nu lɛ́ɛ nɔ́ wá cyán bó nɔ́ dó zo. Togun énɛ́ ɖó nǔnywɛ́ ɖěbǔ ǎ. Énɛ́ wú wɛ mɛ e ɖó e ɔ́ sɔ́ kú nǔbláwǔ ɖěbǔ n'i ǎ; mɛ e bló e ɔ́, sɔ́ hwɛ kɛ ɛ ǎ.

Ezayíi 50:1

Xó e Mawu Mavɔmavɔ ɖɔ ɔ́ ɖíe: “Mi nɔ ɖɔ nyi nya nɔ émítɔn Jeluzalɛ́mu. É nyɔ́, mi bo xlɛ́ wěma e un wlán dó así n'i, bó gbɛ́ ɛ, lobo nya ɛ ɔ́ mì. Mi nɔ ɖɔ nyi sa émí kannumɔ ɖɔhun, bó ná sɔ́ akwɛ́ ɔ́ dó sú axɔ́ e un ɖu ɔ́ ná. É nyɔ́, mi bo ɖɔ mɛ e un sa mi xá ɔ́ nú mì. Ényí un sa mi hǔn, nǔ e mi wa nyi do lɛ́ɛ wú wɛ un sa mi; ényí un nya nɔ mitɔn hǔn, hwɛ e mi hu lɛ́ɛ wú wɛ un nya ɛ.

Ezayíi 57:3

Mawu ɖɔ: “Midɛɛ lɛ́ɛ ɔ́, mi wá fí; azětɔ́ ví e mi, afɔdógbětɔ́ e mi, agalɛtɔ́ e mi, mi wá fí.

Jelemíi 13:14

Un na gba ta yětɔn ɖě dó ɖě wú. Un na dɔn tɔ́ kpó vǐ kpó sín ta kpé go. Un na jó yě ɖě dó ǎ; mɛɖé sín nǔ ká ná blá wǔ nú mì ǎ; kɛnklɛ́n ná nɔ mɛ ǎ; nǔ ɖěbǔ na ɖó mì te, bɔ un ná gɔn kún yětɔn sú dó ǎ. Xó e nyɛ Mawu Mavɔmavɔ ɖɔ ɔ́ nɛ́.’ ”

Jelemíi 16:5

Mawu Mavɔmavɔ lɛ́ ɖɔ nú mì ɖɔ: “Jelemíi, ma yi xwé e gbe cyɔ kú ɖe ɔ́ ó. Ma yi cyɔnu ó, ma yi ya avǐ xá yě ó. Đó un ɖe fífá ce sín togun élɔ́ mɛ. Un ɖe xomɛnyínyɔ́ ce kpó nǔbláwǔ kú nú mɛ ce kpó sín to ɔ́ mɛ. Xó e nyɛ Mawu Mavɔmavɔ ɖɔ ɔ́ nɛ́.

Ezekiyɛ́li 23:25

Oxoliba, un sin xomɛ dó we, ɖó asi ce wɛ a nyǐ bó ká ɖo aga lɛ wɛ; énɛ́ wú wɛ yě ná kpa awɔntín towe, bó kpa tó towe, bó hu hwi ɖésúnɔ ɔ́ ɖó hwǐ wú. Yě ná wlí vǐ towe súnnu kpó nyɔ̌nu kpó. Yě mɛ e ná kpo lɛ́ɛ ɔ́, è nǎ dó yě zo.

Ezekiyɛ́li 8:18

Énɛ́ ɔ́ wú wɛ nyi lɔmɔ̌ ná ɖe xomɛsin ce xlɛ́ yě, bɔ yě ná tunwun ɖɔ nǔ tíin; mɛ ɖé nú ná blá wǔ nú mì ǎ, un ka ná jó mɛɖé dó ǎ; yě ná bó dó hlɔ̌nhlɔ́n bó sú xó ylɔ́ mì ɖɔ nyɛ ní wá dó alɔ émí ɔ́, un ná ɖótó yě ǎ.”

Ezekiyɛ́li 9:10

Ée é nyí mɔ̌ ɔ́, mɛ ɖé nú ɖo wǔ ná blá nú mì wɛ ǎ; un ná jó mɛɖé dó ǎ. Un ná sú nǔ e yě wa ɔ́ sín axɔ́ yě.”

Ozée 1:2

Azɔn nukɔn nukɔntɔn e Mawu Mavɔmavɔ ɖɔ xó nú Ozée ɔ́, é ɖɔ n'i ɖɔ: “Yi da agalɛtɔ́ ɖokpó . Vǐ e é ná ji nú we lɛ́ɛ ná nyí agaví, ɖó mɛ e ɖo to ɔ́ mɛ lɛ́ɛ bǐ ɖo aga lɛ wɛ, yě jó nyɛ Mawu Mavɔmavɔ ɔ́ dó!”

Ozée 1:6

Nyɔ̌nu ɔ́ lɛ́ mɔ xo bó ji vǐ nyɔ̌nu ɖokpó. Bɔ Mawu Mavɔmavɔ ɖɔ nú Ozée ɖɔ: “Sun nyǐ vǐ ɔ́ ɖɔ Lo-Hluxáma, tínmɛ tɔn wɛ nyí mɛ e è ma yí wǎn ná ǎ é, ɖó un sɔ́ ná yí wǎn nú Izlayɛ́linu lɛ́ɛ ǎ. Un ná ɖó wǎn e un yí nú yě ɔ́ te.

Ozée 5:7

Yě nɔ gbejí nú Mawu Mavɔmavɔ ǎ, ɖó yě ji agaví. Din ɔ́, sun ɖokpó kó kpé bɔ è nǎ vɔ yě kpó nǔ e yě ɖó lɛ́ɛ bǐ kpó.”

Zakalíi 1:12

Ée yě ɖɔ mɔ̌ ɔ́, wɛnsagun ɔ́ sú xó ɖɔ: ‘Mawu Mavɔmavɔ Nǔbǐwúkpétɔ́! Xwe kanɖé gban (70) ɖíe wɛ a ko ɖo xomɛ sin dó Judáa sín toxo lɛ́ɛ wɛ e; a sin xomɛ dó Jeluzalɛ́mu, bó sin dó toxo ɖě lɛ́ɛ lɔ. Hwetɛ́nu wɛ a ka ná gɔn nǔbláwǔ kú nú yě yi jɛ?’ ”

Jǎan 8:41

Nǔ e tɔ́ mitɔn wa ɔ́ wa wɛ jɛ́n mi ɖe.” Ée é ɖɔ mɔ̌ ɔ́, yě yǐ gbe n'i ɖɔ: “Mǐ nyí agaví ǎ; Mawu wɛ nyí Tɔ́ ɖokpó géé e mǐ ɖó é.”

Hlɔ̌manu 11:22

Kpɔ́n lě e Mawu ɖe xomɛnyínyɔ́ tɔn kpó hunnylánylá tɔn kpó xlɛ́ gbɔn é: é nɔ́ nylá hun dó mɛ e hu hwɛ lɛ́ɛ, bó ka nyɔ́ xomɛ dó wú we; lo ɔ́, a ɖǒ ná nɔ xomɛnyínyɔ́ tɔn mɛ; é ma nyí mɔ̌ ǎ ɔ́, é ná gbo hwi lɔ síin atínla ɖɔhun.

Hlɔ̌manu 9:18

Énɛ́ ɔ́, Mawu nɔ kú nǔbláwǔ nú mɛ e jló e ɔ́, bó nɔ bló bɔ mɛ e é jló ɖɔ é ní tlí tó ɔ́ nɔ húzú tótlítɔ́.

Jaki 2:13

Đó mɛ e ma kú nǔbláwǔ nú mɛ ɖě lɛ́ɛ ǎ ɔ́, Mawu ná kú nǔbláwǔ n'i hwenu e è nǎ ɖɔ hwɛ xá ɛ ɔ́ ǎ; lo ɔ́, nǔbláwǔkúnúmɛ ná ɖu ɖo hwɛɖiɖɔ jí.