Ozée 2:3 - MAWUXÓWÉMA

³ Mi ɖɔ nú nɔví mitɔn súnnu lɛ́ɛ ɖɔ Ami, togun ce, bó ɖɔ nú nɔví mitɔn nyɔ̌nu lɛ́ɛ ɖɔ Hluxáma, wǎnyínámɔ!

Ozée 2:3 Iomraidhean Croise

Tíntɔ́n 17:3

Kɔ ɖo Izlayɛ́li ví lɛ́ɛ xú wɛ ɖésú, bɔ yě ɖo nǔ hlún ɖɔ dó Mɔyízi jí wɛ ɖɔ: “Étɛ́wú a kplá mǐ sín Ejípu, bó ná jó mǐ kpó vǐ mǐtɔn lɛ́ɛ kpó, kpódó kanlin mǐtɔn lɛ́ɛ kpó dó bɔ mǐ ná wɛ́n vɛ̌?”

Ezayíi 33:9

To ɔ́ ɖo aluwɛ mɛ; sin ɖo vivɔ sín to ɔ́ mɛ wɛ. Akú hɛn Libáan só ɔ́, bɔ winnyá hu i. Calɔ́ni gbé ɔ́ jí bǐ ba sin kpo bó cí gbětótló ɖé ɖɔhun. Atín e ɖo Basáni só ɔ́ jí lɛ́ɛ kpó ée ɖo Kaamɛ́li só ɔ́ jí lɛ́ɛ kpó bǐ ɖo ɖa lúnlún wɛ.

Ezayíi 47:3

Mɛ lɛ́ɛ ná mɔ we ɖo mɛ̌ jɔgbe, yě ná mɔ nǔ e hwlá wɛ a ɖe ɔ́. Un ná ba hlɔn, mɛ ɖěbǔ ná sixú hɛn mì ɖó te ǎ.”

Ezayíi 64:10

Xwé e è sɔ́ ɖó vo nú we ɔ́, xwé ɖagbe ɖagbe e gbe tɔ́gbó mǐtɔn lɛ́ɛ nɔ́ ji han dó kpa susu nú we ɖe ɔ́ bǐ wɛ ji myɔ, bɔ nǔ e vɛ́ nú mǐ lɛ́ɛ bǐ gba hánnyá.

Jelemíi 12:10

Lɛ̌ngbɔ́nyitɔ́ lɛ́ɛ dó ahwan gbě bó ɖo vǐwungbo ce vɔ wɛ. Yě ɖo gle ce gbídí ɖó afɔ wú wɛ. Gle ce ɖagbe ɖagbe ɔ́, yě zě dó húzú gbětótló, fí e mɛɖé ma nɔ́ gbɔn ǎ é.

Jelemíi 13:22

A nǎ wá kanbyɔ́ hwiɖée ɖɔ: ‘Aniwú nǔ mɔ̌hun ká ɖo gbigbo mì wɛ?’ Tunwun ɖɔ hwɛ tobutóbú e a nɔ hu lɛ́ɛ wú wɛ. Hwɛ towe lɛ́ɛ wú wɛ è tún avɔ sín alin nú we ɖo togun mɛ. Hwɛ towe lɛ́ɛ wú wɛ è hwlɛ́n kan xá we.

Jelemíi 13:26

Un na kplɔ́ avɔ towe dó jǐ káká yi nukún mɛ, bɔ mɛ bǐ ná mɔ hɛ̌n towe.

Jelemíi 14:3

Gǎn lɛ́ɛ nɔ sɛ́ mɛsɛntɔ́ yětɔn lɛ́ɛ dó tɔ nu, bónú yě ná yi dun sin, yě ká nɔ́ mɔ sin ɖě ɖo tɔ ɔ́ mɛ ǎ, yě nɔ́ yi flú, bó nɔ́ lɛ́ kɔ asígbá alɔgbá kpó winnyá kpó, lobo nɔ cyɔ́n alɔ nukún mɛ.

Jelemíi 17:6

Mɛ énɛ́ ɔ́ cí zungodwe ɖo axéko jí ɖɔhun. Nyɔ̌ná já ɔ́, é nɔ tunwun lɔ ǎ. Fí e gběhan bǐ fyɔ́ ɖe ɖo axéko ɔ́ jí ɔ́ wɛ é ɖe. Jɛ wɛ ɖo ayǐkúngban énɛ́ ɔ́ sín lanmɛ, mɛɖé nɔ́ nɔ fínɛ́ ǎ.

Jelemíi 2:31

Dinví e mi, mi ɖótó xó e ɖɔ wɛ Mawu Mavɔmavɔ ɖe ɔ́ ganjí. Gbětótló wɛ un nyí nú Izlayɛ́li to ɔ́ a? To e dó ablu ɔ́ wɛ un nyí n'i a? Étɛ́wú togun ce ka nɔ ɖɔ: ‘Mǐ ɖo jlokoko, mǐ jló ná lɛ́ kɔ wá gɔ̌n towe ǎ?’

Jelemíi 2:6

Yě kanbyɔ́ yěɖée vɔ́vɔ́ ɖɔ fítɛ́ Mawu Mavɔmavɔ e kplá émí sín Ejípu tomɛ ɔ́ ka ɖe é jí ǎ; yě kanbyɔ́ yěɖée ɖɔ Mawu Mavɔmavɔ e kplá émí gbɔn gbětótló mɛ, axéko jí fí e do gbɔn fí bǐ ɖe ɔ́, fí e jǐ ma nɔ ja ɖe gbeɖé ǎ ɔ́, fí e ablu ɖu axɔ́sú ɖe ɔ́, fí e mɛɖé má nɔ gbɔn gbeɖé ǎ ɔ́, fí e mɛɖé ma nɔ nɔ gbeɖé ǎ é ɔ́, yě kanbyɔ́ yěɖée ɖɔ fí e Mawu énɛ́ ɔ́ ka ɖe a jí ǎ.

Jelemíi 22:6

“Xó e Mawu Mavɔmavɔ ɖɔ dó Judáa xɔ́sú ɔ́ sín hɔnmɛ wú ɔ́ ɖíe: Galadi zungbó ɖɔhun wɛ a cí ɖo nukún ce mɛ nǔgbó; a cí Libáan só ɖɔhun ɖo nukún ce mɛ nǔgbó. Amɔ̌, din ɔ́, un ná sɔ́ we dó húzú gbětótló, toxo e mɛ mɛɖé má ɖe ǎ é.

Jelemíi 4:26

Un kpɔ́n fí bǐ, bɔ to énɛ́ e nyí atínsínsɛ́n gbo ɔ́ húzú gbětótló. È gba toxo tɔn lɛ́ɛ bǐ. Mawu Mavɔmavɔ sín xomɛsin wɛ jlɛ́ nǔ mɔ̌.

Jelemíi 51:43

È gba Babilɔ́nu toxo lɛ́ɛ bǐ. Ayǐkúngban ɔ́ bǐ nyí axéko, bǐ nyí gbětótló. Mɛ ɖěbǔ sɔ́ ɖo to ɔ́ mɛ ǎ, mɛɖé sɔ́ nɔ́ gbɔn fínɛ́ ǎ.

Jelemíi 51:5

Đó hwɛ e yě hu dó nyɛ Mawu Izlayɛ́li tɔn, nyɛ Mawu ɖokpó géé e tíin ɔ́ wɛ gɔ́ to yětɔn. Lo ɔ́, Mawu Mavɔmavɔ, Mawu Nǔbǐwúkpétɔ́ ɔ́ ɖo nukún kpé dó Izlayɛ́li kpó Judáa kpó wú wɛ.”

Ezekiyɛ́li 16:22

Hwenu e a ɖo gbɛ baɖabaɖa énɛ́ zán wɛ ɔ́, Jeluzalɛ́mu, hwenu e a nɔ ɖo afɔ dó gbě wɛ ɔ́, a ka sɔ́ nɔ flín vǔ towe a? A nɔ flín hwenu e a ɖo mɛ̌ jɔgbe, bó ɖo kanjɔ mɛ blí gbo gbɔn wɛ é a?

Ezekiyɛ́li 19:13

Vǐwuntín ɔ́ ɖíe è wǎ tun sɔ́ nyi gbětótló mɛ din e; è tun sɔ́ nyi akúgbéjí, ɖo ayǐkúngban xúxú jí.

Ozée 13:15

Nǔ na bó ɖo nyǐnyɔ́ nú Eflayímunu lɛ́ɛ wɛ ɖo nɔví yětɔn lɛ́ɛ tɛ́ntin ɔ́, jɔhɔn e nɔ xú nǔ bǐ ɔ́ ná wá, jɔhɔn nyɛ Mawu Mavɔmavɔ tɔn ɔ́ ná fɔ́n sín gbětótló mɛ wá, bó ná xú tɔjɔtɛn yětɔn lɛ́ɛ, dotɔ yětɔn lɛ́ɛ. È nǎ bɛ̌ dɔkun lɛ́ɛ yi, è nǎ hɛn akwɛ́nú lɛ́ɛ bǐ gblé.”

Ozée 2:10

É tunwun ɖɔ nyɛ wɛ nɔ ná émí jinukún, kpó vɛ̌ɛn yɔ̌yɔ́ kpó, kpódó ami kpó ɖ'ayǐ ǎ. Bɔ kpatágan kpó siká kpó e un nɔ ná ɛ ɔ́, é nɔ́ fɔ ná vodún Baalu.

Nǔɖexlɛ́mɛ 17:16

Zo wǒ e a mɔ lɛ́ɛ kpó kanlin ɔ́ kpó ná gbɛ́ wǎn nú agalɛtɔ́ ɔ́; yě ná fɔ nǔ e é ɖó lɛ́ɛ bǐ; yě ná ɖe e nyi mɛ̌; yě ná ɖu lan tɔn, bó ná zé myɔ dó fyɔ́ ɛ.

Hwɛɖɔtɔ́ 15:18

Sinnugblá ɖaxó ɖé sin Sanmusɔ́ɔn bɔ é sú xó ylɔ́ Mawu Mavɔmavɔ ɖɔ é ní wá gɔ́ alɔ nú émí; é ɖɔ: “Mawu, hwi wɛ zɔ́n bɔ un ɖó ɖuɖéjí ɖaxó élɔ́; bɔ din ɔ́, sinnugblá ná sin mì káká bɔ un ná jɛ mɛ élɔ́ lɛ́ɛ e má nɔ́ sɛn we ǎ lɛ́ɛ sín alɔ mɛ wɛ a?”