Ozée 2:2 - MAWUXÓWÉMA

² Judáanu lɛ́ɛ kpódó Izlayɛ́linu lɛ́ɛ kpó ná kplé bó ná sɔ́ gǎn ɖokpó, bó ná kpa acɛ nú to ɔ́. Đó azǎn ɖaxó ɖé wɛ Izleyɛ́li sín azǎn ɔ́ ná nyí.

Ozée 2:2 Iomraidhean Croise

Ezayíi 11:12

É ná zé asyá ɖokpó dó jǐ, bó ná xlɛ́ akɔta énɛ́ lɛ́ɛ ɖɔ émí ná kplé Izlayɛ́li ví e ahwan wlí yi toɖěvo mɛ lɛ́ɛ, kpó Judáanu e gba kpé wɛ̌kɛ́zo ɛnɛ lɛ́ɛ mɛ lɛ́ɛ kpó.

Ezayíi 50:1

Xó e Mawu Mavɔmavɔ ɖɔ ɔ́ ɖíe: “Mi nɔ ɖɔ nyi nya nɔ émítɔn Jeluzalɛ́mu. É nyɔ́, mi bo xlɛ́ wěma e un wlán dó así n'i, bó gbɛ́ ɛ, lobo nya ɛ ɔ́ mì. Mi nɔ ɖɔ nyi sa émí kannumɔ ɖɔhun, bó ná sɔ́ akwɛ́ ɔ́ dó sú axɔ́ e un ɖu ɔ́ ná. É nyɔ́, mi bo ɖɔ mɛ e un sa mi xá ɔ́ nú mì. Ényí un sa mi hǔn, nǔ e mi wa nyi do lɛ́ɛ wú wɛ un sa mi; ényí un nya nɔ mitɔn hǔn, hwɛ e mi hu lɛ́ɛ wú wɛ un nya ɛ.

Ezayíi 58:1

Mawu ɖɔ: “Sú xó kpó hlɔ̌nhlɔ́n kpó, ma gɔn xó sú ó. Sú xó nú gbe towe ní yi zɔ lanzo ɖɔhun; sú xó bó ɖɔ nǔ e wa nyi do wɛ togun ce ɖe ɔ́ n'i, ɖɔ hwɛ e hu wɛ Jakɔ́bu ví lɛ́ɛ ɖe é nú yě.

Jelemíi 19:3

A nǎ ɖɔ: Judáa xɔ́sú e mi, Jeluzalɛ́munu e mi, mi ɖótó xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ ɔ́, é ɖɔ: Un ná dó nǔ nyanya ɖé sin ɖo to élɔ́ mɛ, bɔ mɛɖé se ɔ́ tó tɔn ná sú gbɔn.

Jelemíi 2:2

“Yi, bó ɖɔ dó Jeluzalɛ́munu lɛ́ɛ tó mɛ ɖɔ nyɛ Mawu Mavɔmavɔ ɖɔ: Jeluzalɛ́mu, un nɔ flín wǎn yíyí e a ɖó nú mì hwenu e a ɖo ɖyɔ̌vǐ mɛ é. Un nɔ flín lě e wǎn ce yí we gbɔn hwenu e a nyí yawó é. Hwenɛ́nu ɔ́, a ɖo xwixwedó mì wɛ ɖo gbětótló mɛ, fí e jinukún ɖě má nɔ nyɔ́ ɖe ǎ é.

Jelemíi 3:1

Mawu Mavɔmavɔ ɖɔ: ényí mɛ ɖé nya asi tɔn bónú é yi da súnnu ɖěvo ɔ́, asú tɔn xóxó ɔ́ nɔ́ lɛ́ lɛ́ kɔ yi nyɔ̌nu ɖokpó énɛ́ ɔ́ gɔ́n wɛ a? Nǔ cí mɔ̌ ɔ́, su wɛ è ɖu nú to ɔ́ nɛ́ ǎ cé? Izlayɛ́li, hwɛ ɔ́, xɔnnɔ towe e ɖó xó xá we din lɛ́ɛ ko sukpɔ́ bɔ a nǎ lɛ́ lɛ́ kɔ wá gɔ̌n ce wɛ a? Xó e nyɛ Mawu Mavɔmavɔ ɖɔ ɔ́ nɛ́.

Jelemíi 3:13

Vɛ̌ ko tunwun kpowun ɖɔ émí hu hwɛ; tunwun ɖɔ émí kún nɔ gbejí nú nyɛ Mawu Mavɔmavɔ, Mawu towe ó, tunwun ɖɔ émí nɔ hwlɛ́n dó vodún lɛ́ɛ gbɔn atínmú sá atínmú sá, tunwun ɖɔ émí kún ɖótó mì ó.’ ” Xó e Mawu Mavɔmavɔ ɖɔ ɔ́ nɛ́.

Jelemíi 3:18

Énɛ́ ɔ́, mi Judáa togun ɔ́ ná wá gɔ́ nú Izlayɛ́li togun ɔ́, bɔ mi bǐ nǎ zɔn kpɔ́ sín to e ɖo taligbé ɔ́ mɛ, fí e è kplá mi yi é, bó ná lɛ́ kɔ wá to élɔ́ e un ná tɔ́gbó mitɔn lɛ́ɛ ɔ́ mɛ.”

Ezekiyɛ́li 16:20

Vǐ súnnu kpó nyɔ̌nu kpó e a ji nú mì lɛ́ɛ ɔ́, a fɔ yě hu dó bǒcyɔ énɛ́ lɛ́ɛ. Hǔn afɔ e dó gbě wɛ a ɖe ɔ́ kpé ǎ,

Ezekiyɛ́li 16:25

A blǒ nǔ énɛ́ lɛ́ɛ gbɔn alikpléhɔ̌ntɛn lɛ́ɛ bǐ; a jǒ hwiɖée dó nú aligbɔntɔ́ lɛ́ɛ bǐ, bó fɔ́n bó ɖo aga lɛ wɛ, bó hɛn ɖɛkpɛ towe gblé.

Ezekiyɛ́li 20:4

“Hwɛ gbɛtɔ́ e, ɖo gbesisɔ mɛ bó ná ɖɔ hwɛ yětɔn; ma xo kpɔ́n ó. Ɖɔ nǔ baɖabaɖa e tɔ́gbó yětɔn lɛ́ɛ dó sin lɛ́ɛ nú yě.

Ezekiyɛ́li 23:43

Énɛ́ ɔ́, un kanbyɔ́ nyiɖée ɖɔ: ‘Mɛ e ko lɛ aga káká, bɔ anyǔ tɔn bǐ kó wló mɔ̌ é ɔ́, é ná lɛ́ kpo ɖo aga lɛ wɛ a?

Ezekiyɛ́li 23:45

Amɔ̌, gbɛtɔ́ hwɛjijɔnɔ lɛ́ɛ ná ɖɔ hwɛ xá nyɔ̌nu we énɛ́ lɛ́ɛ, lě e è nɔ ɖɔ hwɛ xá mɛ e dó afɔ gbě é kpó mɛ e hu mɛ é kpó é ɖɔhun. Ɖó yě dǒ afɔ gbě; gbɛtɔ́ kanjɔ ɖo alɔ yětɔn.

Ozée 1:2

Azɔn nukɔn nukɔntɔn e Mawu Mavɔmavɔ ɖɔ xó nú Ozée ɔ́, é ɖɔ n'i ɖɔ: “Yi da agalɛtɔ́ ɖokpó . Vǐ e é ná ji nú we lɛ́ɛ ná nyí agaví, ɖó mɛ e ɖo to ɔ́ mɛ lɛ́ɛ bǐ ɖo aga lɛ wɛ, yě jó nyɛ Mawu Mavɔmavɔ ɔ́ dó!”

Ozée 2:1

É ɖo mɔ̌ có Izlayɛ́li ví lɛ́ɛ ná sukpɔ́ káká bó ná cí xuta nyɛ́kɛ́n ɖɔhun; è nɔ sixú jlɛ́ xuta nyɛ́kɛ́n ǎ, è ka nɔ sixú xa ǎ. Énɛ́ ɔ́, Mawu sɔ́ ná ɖɔ nú yě ɖɔ yě kún sɔ́ nyí togun émítɔn ó ǎ, é nyɔ́ wa ɔ́, é ná ɖɔ nú yě ɖɔ yě nyǐ Mawu gbɛɖe ɔ́ sín vǐ.

Ozée 2:5

É má nyí mɔ̌ ǎ ɔ́, un ná ɖe e nyi mɛ̌, un ná ɖe e nyi mɛ̌ jɔgbe. Un ná sɔ́ ɛ dó húzú gbětótló, un ná sɔ́ ɛ dó húzú axéko, un ná ɖó sinnugblá n'i káká, bɔ é ná wɛ́n vɛ̌.

Ozée 4:5

A nǎ klɛ́n afɔ bo jɛ ayǐ kéze ɖéɖé, bɔ hǎgbɛ́ towe gbeyíɖɔ ɔ́ lɔmɔ̌ ná klɛ́n afɔ bo jɛ ayǐ zǎn mɛ. Un ná sú nɔ towe sín kún dó.

Micée 2:13

Mɛ e nɔ hun ali nú mɛ ɔ́ wɛ ɖo nukɔn mitɔn; mi jɛ miɖée sí. Mi ná gba to e mɛ mi ɖe ɔ́ sín hɔntogbó bó tɔ́n; Mawu Mavɔmavɔ axɔ́sú mitɔn ɔ́ wɛ ɖo nukɔn nú mi.”

2 Kɔlɛ́ntinu 5:16

Énɛ́ ɔ́, bɛ́ sín din ɔ́, mǐ sɔ́ nɔ sɔ́ gbɛtɔ́ sín ayixa dó kpɔ́n mɛ ɖěbǔ ná ǎ; ényí mǐ ko sɔ́ gbɛtɔ́ sín ayixa dó kpɔ́n Klísu ná ɖ'ayǐ ɔ́, mǐ sɔ́ nɔ́ zé ayixa énɛ́ ɔ́ dó kpɔ́n ɛ ná din ǎ.