Ozée 2:1 - MAWUXÓWÉMA

¹ É ɖo mɔ̌ có Izlayɛ́li ví lɛ́ɛ ná sukpɔ́ káká bó ná cí xuta nyɛ́kɛ́n ɖɔhun; è nɔ sixú jlɛ́ xuta nyɛ́kɛ́n ǎ, è ka nɔ sixú xa ǎ. Énɛ́ ɔ́, Mawu sɔ́ ná ɖɔ nú yě ɖɔ yě kún sɔ́ nyí togun émítɔn ó ǎ, é nyɔ́ wa ɔ́, é ná ɖɔ nú yě ɖɔ yě nyǐ Mawu gbɛɖe ɔ́ sín vǐ.

Ozée 2:1 Iomraidhean Croise

Bǐbɛ́mɛ 22:17

un ná xo ɖɛ dó jǐ we, bɔ vǐ towe lɛ́ɛ ná sukpɔ́ sunví e ɖo jǐnukúnsin lɛ́ɛ ɖɔhun; yě ná sukpɔ́ nyɛ̌kɛ́n e ɖo xutó ɔ́ ɖɔhun. Lě e vǐ towe lɛ́ɛ ná sukpɔ́ gbɔn ɔ́ nɛ́. Vǐ towe lɛ́ɛ ná ɖu ɖo kɛntɔ́ yětɔn lɛ́ɛ jí.

Jelemíi 31:33

Mawu Mavɔmavɔ ɖɔ: “Azǎn énɛ́ lɛ́ɛ gúdo ɔ́, akɔ e un ná jɛ xá Izlayɛ́li togun ɔ́ ɖíe: Un ná wlán sɛ́n ce dó taglo yětɔn mɛ, un ná wlán dó ayi yětɔn mɛ. Un ná nyí Mawu yětɔn, bɔ yě ná nyí togun ce.

Jelemíi 32:38

Énɛ́ ɔ́, yě ná lɛ́ nyí togun ce, bɔ un ná nyí Mawu yětɔn.

Jelemíi 51:5

Đó hwɛ e yě hu dó nyɛ Mawu Izlayɛ́li tɔn, nyɛ Mawu ɖokpó géé e tíin ɔ́ wɛ gɔ́ to yětɔn. Lo ɔ́, Mawu Mavɔmavɔ, Mawu Nǔbǐwúkpétɔ́ ɔ́ ɖo nukún kpé dó Izlayɛ́li kpó Judáa kpó wú wɛ.”

Ezekiyɛ́li 11:20

Énɛ́ ɔ́, mi ná xwedó nǔ e un zɔ́n lɛ́ɛ, mi ná wlí ayi sɛ́n ce lɛ́ɛ wú, bó ná nyi, bɔ mi ná nyí togun ce, bɔ un ná nyí Mawu mitɔn.

Ezekiyɛ́li 36:11

Gbɛtɔ́ kpó kanlin kpó ná ji gba gbɔn mi Izlayɛ́li só lɛ́ɛ jí. Yě ná ji káká bɔ gbɛtɔ́ kpó kanlin kpó ná lɛ́ sukpɔ́ gbɔn mi Izlayɛ́li só lɛ́ɛ jí lě e é kó ɖe gbɔn ɖ'ayǐ é; un ná wa ɖagbe nú mi hú ɖagbe e un ko wa nú mi ɖ'ayǐ é. Énɛ́ ɔ́, mi ná tunwun ɖɔ nyi wɛ nyí Mawu Mavɔmavɔ.

Ezekiyɛ́li 36:28

Mi ná nɔ to e un ná tɔ́gbó mitɔn lɛ́ɛ é mɛ; mi ná nyí togun ce, bɔ un ná nyí Mawu mitɔn.

Ezekiyɛ́li 37:27

Un ná nɔ mi mɛ. Un ná nyí Mawu mitɔn, bɔ mi ná nyí togun ce.

Ozée 2:2

Judáanu lɛ́ɛ kpódó Izlayɛ́linu lɛ́ɛ kpó ná kplé bó ná sɔ́ gǎn ɖokpó, bó ná kpa acɛ nú to ɔ́. Đó azǎn ɖaxó ɖé wɛ Izleyɛ́li sín azǎn ɔ́ ná nyí.

Ozée 2:23

Gbe énɛ́ ɔ́ gbe ɔ́, mi ná mɔ ɖɔ nyɛ Mawu Mavɔmavɔ nɔ́ yí ɖɛ. Un ná ná nǔ e ba wɛ jǐxwé ɖe lɛ́ɛ jǐxwé, bɔ jǐxwé ná ná nǔ e ba wɛ ayǐkúngban ɖe lɛ́ɛ ayǐkúngban .

Zakalíi 13:9

Un ná zé atɔnvlɔ́ɖó énɛ́ ɔ́ dó myɔ mɛ, bó ná ɖe nǔ kwíji e ɖo yě wú ɔ́ síin, lě e è nɔ zé kpatágan dó myɔ mɛ bó nɔ ɖe nǔ blíblí e ɖ'é mɛ lɛ́ɛ síin é ɖɔhun. Un ná tɛ́n yě kpɔ́n lě e è nɔ tɛ́n siká kpɔ́n gbɔn ɖo myɔ mɛ é. Énɛ́ ɔ́, yě ná sú xó ylɔ́ mì, bɔ un ná yí gbe nú yě. Un ná ɖɔ: ‘Togun ce wɛ mi nyí’, bɔ yě ná nɔ yí gbe ɖɔ: ‘Nǔgbó wɛ Mawu Mavɔmavɔ, hwi wɛ nyí Mawu mǐtɔn!’ ”

2 Kɔlɛ́ntinu 4:1

Mawu ɔ́, ɖo xomɛnyínyɔ́ tɔn mɛ ɔ́, é sɔ́ azɔ̌ énɛ́ dó así nú mǐ; énɛ́ ɔ́ wú wɛ awakanmɛ ma kú mǐ ǎ.

1 Timɔtée 1:13

Có ɖ'ayǐ ɔ́, un ko nylá nu dó wǔtu tɔn, bó kó dó ya n'i, bó ɖɔ alǎnnú n'i kpɔ́n. Lo ɔ́, é kú nǔbláwǔ nú mì, ɖó hwenɛ́nu ɔ́, un ɖi nǔ n'i ǎ, un ka tunwun nǔ e wa wɛ un ɖe ɔ́ ǎ.

1 Piyɛ́ɛ 2:10

Mi nyí togun Mawu tɔn ɖ'ayǐ ǎ; amɔ̌ din ɔ́, togun tɔn wɛ mi nyí; é kú nǔbláwǔ nú mi ɖ'ayǐ ǎ; amɔ̌ din ɔ́, é kú nǔbláwǔ nú mi.