Ozée 13:3 - MAWUXÓWÉMA

³ Énɛ́ ɔ́ wú wɛ yě ná cí akpɔ́kpɔ́ zǎnzǎn tɔn ɖɔhun, yě ná cí amǔ e nɔ́ sú bɔ zaanɖé ɔ́, é nɔ́ kɛn ɔ́ ɖɔhun; yě ná cí nǔywɛ́ e jɔhɔn dó alɔ mɛ, bó fún sín kɔ́xota fí e è nɔ só jinukún ɖe ɔ́ ɖɔhun. Yě ná cí azizɔ e nɔ ɖo tíntɔ́n sín azɔgonu wɛ é ɖɔhun.

Ozée 13:3 Iomraidhean Croise

Jɔ̌bu 21:18

Jɔhɔn zé yě nǔywɛ́ ɖɔhun, bɔ mǐ mɔ kpɔ́n a? Axásáxásá jɔhɔn dó alɔ yě mɛ, afúntúntún ɖɔhun bɔ mǐ mɔ kpɔ́n a?

Jɔ̌bu 30:15

Xɛsi ɖaxó ɖé jɛ jǐ ce. Wi e ɖo ta ce ɔ́ kɔ́n jɔhɔn wɛ zé ɖɔhun. Nyɔ̌ná e un ɖó ɔ́ gbadó akpɔ́kpɔ́ ɖɔhun.

Ɖɛhan 1:4

Amɔ̌, mɛdídá lɛ́ɛ ɔ́, yě tɔn ka nɔ́ nyí gbɔn mɔ̌ ǎ. Yědɛɛ lɛ́ɛ cí wɔn e mɛ jɔhɔn dó alɔ, bó ɖo fúnfún fúnfún kpé wɛ ɔ́ ɖɔhun.

Ɖɛhan 68:2

Mawu nɔ sí te bɔ kɛntɔ́ tɔn lɛ́ɛ nɔ kɛn; mɛ e gbɛ́ wǎn n'i lɛ́ɛ nɔ hɔn ɖo nukɔn tɔn.

Ezayíi 17:13

Yě ɖo zǐngídi jí bɔ a nǎ ɖɔ tɔsisa ɖaxó ɖaxó lɛ́ɛ wɛ ɖo adǎn jí. Lo ɔ́, hwenu e Mawu ná sí te dó yě jí ɔ́, yě ná hɔn yi zɔ nǔywɛ́ e mɛ jɔhɔn d'alɔ sín só jí bó sɔ́yi é ɖɔhun, yě ná yi zɔ afúntúntún e mɛ axásáxásá jɔhɔn d'alɔ é ɖɔhun.

Daniyɛ́li 2:35

Đo nukúnxwixwe ɖokpó mɛ ɔ́, gan e ɖ'é mɛ é, ko e ɖ'é mɛ é, ganvɔ e ɖ'é mɛ é, kpatágan e ɖ'é mɛ é, kpó siká e ɖ'é mɛ é kpó bǐ gúdú, bó húzú afúntúntún, bɔ jɔhɔn d'alɔ mɛ bó dɔn yi lě e è ɖo jinukún fún wɛ ɔ́, jɔhɔn nɔ d'alɔ wɔn tɔn mɛ é ɖɔhun. Bǒcyɔ ɔ́, è sɔ́ mɔ wǔjɔnú tɔn ɖěbǔ ǎ. Awǐnnya e ká wá xo bǒcyɔ ɔ́ húzú só ɖaxó bó cyɔ́n ayǐkúngban ɔ́ bǐ.

Ozée 6:4

Eflayímu e, nɛ̌ un ná wa nǔ towe gbɔn? Judáa e, nɛ̌ un ná wa nǔ towe gbɔn? Sísí e mi ɖó nú mì ɔ́ cí akpɔ́kpɔ́ zǎnzǎn tɔn ɖɔhun. É cí amǔ e sú, bɔ zaanɖé din ɔ́, é ná kɛn ɔ́ ɖɔhun.

Sofoníi 2:2

É má nyí mɔ̌ ǎ ɔ́, xomɛsin ɖaxó Mawu Mavɔmavɔ tɔn sín azǎn ɔ́ ná wá su mi dó. Mi byɔ́ miɖée mɛ, é má nyí mɔ̌ ǎ ɔ́, mi ná wá cí nǔywɛ́ ɖɔhun, bɔ jɔhɔn ná fúnfún kpé gbe énɛ́ gbe. Mi yá wǔ, é má nyí mɔ̌ ǎ ɔ́, xomɛsin Mawu Mavɔmavɔ tɔn ná jɛ te.

Zakalíi 8:12

Un ná kɔn fífá nyi ayǐkúngban ɔ́ jí. Vǐwuntín lɛ́ɛ ná nɔ́ sɛ́n, ayǐkúngban ná ná jinukún. Jǐ ná ja ɖésú. Un ná ná nyɔ̌ná énɛ́ lɛ́ɛ bǐ mɛ e kpo ɖo gbɛ ɖo togun ce mɛ lɛ́ɛ.