Ozée 13:2 - MAWUXÓWÉMA

² Din ɔ́, Eflayímunu lɛ́ɛ fɔ́n bó ɖo hwɛ hu wɛ. Yě nɔ́ zé kpatágan yětɔn dó tun bǒcyɔ ná, yě nɔ́ tun vodún e yě ɖésúnɔ nɔ́ dó wá lɛ́ɛ. Nǔ énɛ́ lɛ́ɛ bǐ ɔ́, alɔnuzɔ́watɔ́ lɛ́ɛ sín nǔwiwa wɛ. È nɔ ɖɔ dó yě wú ɖɔ: “Yě nɔ́ hu gbɛtɔ́ dó sá vɔ̌, bó ká nɔ́ yi dó nu do nú nyibúví!”

Ozée 13:2 Iomraidhean Croise

1 Axɔ́sú 19:18

Amɔ̌, un ná jó gbɛtɔ́ děgba ɖě afɔwó-afatɔ́n (7.000) dó ɖo Izlayɛ́li; yědɛɛ lɛ́ɛ wɛ ma jɛ kpo nú vodún Baalu ǎ; yě ká kí si n'i ǎ.”

2 Tan 28:13

Yě ɖɔ nú mɛ e gosín ahwangbénu wá lɛ́ɛ ɖɔ: “Mi ma kplá ahwankannumɔ énɛ́ lɛ́ɛ wá fí ó, mi wa mɔ̌ ɔ́, mi ná dó hwɛ kɔ nú mǐ ɖo Mawu Mavɔmavɔ gɔ́n; mi jló ná dó hwɛ hwɛ jí nú mǐ ɖo Mawu Mavɔmavɔ nukɔn wɛ a? Hwɛgban e ɖo kɔ nú mǐ ɖ'ayǐ é ɖíe kó kpɛn káká bɔ Mawu Mavɔmavɔ ko sin xomɛ dó Izlayɛ́li to ɔ́ ɖésú e.”

2 Tan 33:23

Amɔ̌, éyɛ́ yí hwɛ e é hu lɛ́ɛ gbe ɖo Mawu Mavɔmavɔ nukɔn lě e Manasée yí hwɛ tɔn lɛ́ɛ gbe gbɔn é ǎ, ɖó éyɛ́ Amɔ́ni ɔ́, é fɔ́n ɔ́, nǔ wa nyi do d'é jí wɛ jɛ́n é nɔ ɖe.

Ɖɛhan 2:12

Mi sɔ́ vǐ ɔ́ su, é má nyí mɔ̌ ǎ ɔ́, Mawu Mavɔmavɔ ná sin xomɛ. Mi sɔ́ ɛ su, é má nyí mɔ̌ ǎ ɔ́, mi táá kú vawun. Đó é nɔ́ lín sin xomɛ ǎ. Nǔ nyɔ́ nú mɛ e nɔ bɛ ta ɖo glɔ̌ tɔn lɛ́ɛ bǐ.

Ezayíi 1:5

Ée mi ka fɔ́n ɔ́, mi nɔ ɖo gǔ fɔ́n wɛ ɔ́, fítɛ́ mi ka jló ɖɔ Mawu ní lɛ́ dó nǔ mi dó? Ta mitɔn bǐ wɛ kó nyí akpa, bɔ ayi mitɔn lɔ ko xo akpa.

Ezayíi 30:1

Mawu Mavɔmavɔ ɖɔ: “Heelú mi vǐ gǔfɔ́ntɔ́ lɛ́ɛ! Heelú mi mɛ e bló tito mitɔn lɛ́ɛ nyɛ mɛ vo lɛ́ɛ! Heelú mi mɛ e jɛ akɔ xá toxo ɖěvo jlǒ ce mɛ vo lɛ́ɛ! Hwɛ hu dó hwɛ jí wɛ mi nɔ ɖe gbɔn mɔ̌.

Ezayíi 44:11

Mɛ e ko ɖó alɔ ɖ'é mɛ lɛ́ɛ bǐ wɛ ná ɖu winnyá; alɔnuzɔ́watɔ́ e nɔ́ kpa bǒcyɔ énɛ́ lɛ́ɛ ɔ́, gbɛtɔ́ kpowun wɛ yě nyí. Yě ní sɛ yěɖée kplé bó wá hwɛ nukɔn; yě bǐ wɛ ná ɖi xɛsi, yě bǐ wɛ ná ɖu winnyá.

Ezayíi 45:20

Mawu ɖɔ: “Mi mɛ e kpo ɖo gbɛ ɖo akɔta lɛ́ɛ mɛ lɛ́ɛ mi, mi sɛ miɖée kplé, bó wá; mi zɔn kpɔ́ bó wá. Yě mɛ e nɔ zé bǒcyɔ yětɔn lɛ́ɛ dó jǐ, bó nɔ́ ɖo nǔ e má sixú hwlɛ́n yě ǎ lɛ́ɛ xomlá wɛ lɛ́ɛ ɔ́, yě tunwun nǔɖé ǎ.

Ezayíi 46:6

Mi kpɔ́n mɛ e nɔ zán dɔkun yětɔn bǐ, bó nɔ́ da kpatágan, bó nɔ́ da siká, bó nɔ́ yí nǔtuntɔ́ ɖokpó bɔ é nɔ́ bló nǔmɛsɛn nú yě, bɔ yě nɔ́ jɛ kpo ɖo asá tɔn mɛ, bó nɔ́ sɛn ɛ lɛ́ɛ.

Ezayíi 46:8

Mawu ɖɔ: “Gbejímánɔtɔ́ lɛ́ɛ mi, mi flín nǔ élɔ́ ganjí. Mi byɔ́ miɖée mɛ bó lin tamɛ.

Jelemíi 10:4

È nɔ kɔn kpatágan kpó siká kpó dó atín. È nɔ sɔ́ zǔnkpé bó nɔ xwe hǔnjɛ́n d'é mɛ, bónú é má dán ó.

Jelemíi 10:8

Yě bǐ wɛ jɔ xlo, bó jɔ yɛyi. Vodún sinsɛn ɔ́, nǔ yǎyá kpowun wɛ.

Jelemíi 8:5

Bɔ étɛ́wú Jeluzalɛ́mu togun ɔ́ ka bú ali, bó ká ná lɛ́ kɔ bɔ é gló? Yě kpo ɖo yěɖée blɛ́ wɛ ɖo vodún yětɔn lɛ́ɛ gúdo bó gbɛ́ kɔ lɛ́ wá gɔ̌n ce.

Ozée 10:1

Izlayɛ́li to ɔ́, vǐwungbo ɖé wɛ bɔ ayǐ nyɔ́ n'i ɖ'ayǐ; é nɔ́ sɛ́n kpɔ́ gégé ɖ'ayǐ. Lo ɔ́, lě e sínsɛ́n tɔn lɛ́ɛ ɖo kpɔ́ su gbɔn wɛ ɔ́, mɔ̌ jɛ́n é nɔ́ ɖo vɔ̌sákpe lɛ́ɛ mɛ gbɔn wɛ. Lě e nǔ bǐ ɖo nyǐnyɔ́ nú to ɔ́ gbɔn wɛ ɔ́, mɔ̌ jɛ́n é nɔ́ ba acɔ́ nú awǐnnya e yě sɔ́ dó ɖó vodún bó nɔ sɛn lɛ́ɛ gbɔn.

Ozée 10:5

Wǔ ná kú Samalíinu lɛ́ɛ ɖó siká nyibúví Bɛti-Awɛni tɔn lɛ́ɛ wú. Togun tɔn ná nɔ aluwɛ mɛ nú vodún ɔ́, bɔ xɛsi ná jɛ vodúnnɔ tɔn lɛ́ɛ jí, ɖó susu tɔn e ná gosín tɛ́ntin yětɔn ɔ́ wú.

Ozée 11:2

Lo ɔ́, yě nɔ́ hɔn yi zɔ nú mɛ e ɖo yě ylɔ́ wɛ lɛ́ɛ. Yě sá vɔ̌ nú vodún Baalu, bó dó zǎlínkpɔ́n zo nú bǒcyɔ lɛ́ɛ.

Ozée 11:6

Énɛ́ ɔ́ wú wɛ ahwanfunfun ná syɛ́n ɖo toxo yětɔn ɖaxó ɖaxó lɛ́ɛ mɛ, bó ná sú kún dó nú nǔ e wú yě gǎn jɛ lɛ́ɛ, bó ná vɔ nǔ lɛ́ɛ bǐ, ɖó tito yětɔn lɛ́ɛ wú.

Ozée 14:3

Mi lɛ́ kɔ wá Mawu Mavɔmavɔ gɔ́n, bó ɖɔ n'i ɖɔ: “Sɔ́ hwɛ mǐtɔn lɛ́ɛ bǐ kɛ mǐ, bó yí mǐ ganjí. É sɔ́ ná nyí nyibúsú wɛ mǐ ná nɔ́ dó sá vɔ̌ nú we ǎ, nu mǐtɔn wɛ mǐ ná nɔ́ dó kpa susu nú we.

Ozée 2:8

Énɛ́ ɔ́ wú wɛ nyɛ Mawu Mavɔmavɔ ɔ́, un ná bɛ́ wunkan dó gbo ali n'i, un ná mɛ dǒ lɛ́ lɛ̌ dó e, bɔ é sɔ́ ná mɔ ali bó tɔ́n ǎ.

Ozée 4:17

Eflayímunu lɛ́ɛ ɖó kan dó vodún sinsɛn wú. Mi tin dó yě.

Ozée 8:4

Yě nɔ́ sɔ́ axɔ́sú nyɛ mɛ vo. Yě nɔ́ sɔ́ gǎn ma kan nǔɖé byɔ́ mì. Yě zé kpatágan yětɔn kpó siká yětɔn kpó dó bló vodún ná. Énɛ́ ɔ́ wú wɛ kún yětɔn ná sú dó.

Ozée 8:5

Nyɛ Mawu Mavɔmavɔ gbɛ́ nyibúví Samalíinu lɛ́ɛ tɔn. Un sin xomɛ dó yě ɖésú. Ayǐ ɖé ká ná hɔ́n, bɔ yě ná gɔn hwɛ hu cé?

Ozée 8:6

Izlayɛ́li wɛ nyibúví ɔ́ ká gosín hǔn, alɔnuzɔ́watɔ́ ɖé wɛ tun. Nyibúví ɔ́ nyí Mawu ǎ. Nǔ énɛ́ ɔ́ wú wɛ è nǎ gba nyibúví ɔ́ hánnyá.

Kɛ́nsísɔ́ 32:14

Hwɛhutɔ́ e mi, din ɔ́, mi jló ná wa nǔ tɔ́ mitɔn lɛ́ɛ ɖɔhun, bɔ Mawu Mavɔmavɔ ná lɛ́ sin xomɛ dó Izlayɛ́li ví lɛ́ɛ d'é jí.

Hlɔ̌manu 11:4

Xó tɛ́ Mawu ka ɖɔ d'é wú n'i? Mawu ɖɔ: “Un sɔ́ gbɛtɔ́ děgba ɖě afɔwó-afatɔ́n (7.000) ɖ'ayǐ nú nyɛɖée; yě mɛ énɛ́ lɛ́ɛ ɖě jɛ kpo vodún Baalu nukɔn ǎ.”

Hlɔ̌manu 2:5

A ka tlí tó; a ɖo gbesisɔ mɛ bó ná lɛ́ kɔ sín hwɛ towe lɛ́ɛ gúdo ǎ; énɛ́ wútu wɛ a ɖo tó dɔn nú mɛ ɖaxó ɖé sín nǔ sɔ́ ɖ'ayǐ nú hwiɖée wɛ nú gbe e gbe Mawu ná ɖe xomɛsin tɔn kpó hwɛjlɔ́jlɔ́ ɖiɖɔ tɔn kpó xlɛ́ é.

2 Timɔtée 3:13

Amɔ̌ gbɛtɔ́ dídá awoxotɔ́ lɛ́ɛ fɔ́n tɛgbɛ ɔ́, yě na ɖo nǔ nyanya wa d'é jí wɛ; yě ná flú mɛ ɖě lɛ́ɛ, bɔ è nǎ flú yě ɖésú.

1 Samuwɛ́li 10:1

Ée Sawúlu nɔ te ɔ́, Samuwɛ́li sɔ́ ami goví ɖokpó bó kɔn dó ta nú Sawúlu, bó kplá así kɔ n'i, bó ɖɔ: “Mawu Mavɔmavɔ ɖésú wɛ kɔn ami dó ta nú we, bó sɔ́ we axɔ́sú ɖó togun tɔn nu.