Ozée 12:3 - MAWUXÓWÉMA

³ Mawu Mavɔmavɔ ɖo hwɛ ɖɔ xá akɔta Judáa tɔn ɔ́ wɛ. É ná dɔn tó nú togun Jakɔ́bu tɔn ɔ́, ɖó gbɛ nyanya e é zán ɔ́ wú. Nǔ nyanya e é wa ɔ́ sín ya wɛ Mawu Mavɔmavɔ ná dó n'i.

Ozée 12:3 Iomraidhean Croise

Bǐbɛ́mɛ 25:26

Ée éyɛ́ tɔ́n ɔ́, nɔví tɔn tɔ́n, bɔ alɔ tɔn hɛn Esawu sín afɔgbɛnnu. È nɔ ylɔ́ vǐ ɔ́ ɖɔ Jakɔ́bu. Xwe kanɖé ko (60) wɛ Izáki ɖó hwenu e é ji vǐ énɛ́ lɛ́ɛ é.

2 Axɔ́sú 17:18

Énɛ́ ɔ́, Mawu Mavɔmavɔ sin xomɛ dó Izlayɛ́linu lɛ́ɛ ɖésú, lobo nya yě dó gbě, bɔ é kpo akɔta Judáa tɔn ɔ́ kɛ́ɖɛ́.

2 Axɔ́sú 17:20

Énɛ́ ɔ́ wú wɛ Mawu Mavɔmavɔ ɖe alɔ sín Izlayɛ́li ví lɛ́ɛ bǐ sín kanmɛ. É jó yě nú mɛvɔtɔ́ lɛ́ɛ, bɔ wi yětɔn kɔ́n; é nya yě dó gbě.

2 Axɔ́sú 17:23

Wǎgbɔ wǎgbɔ ɔ́, Mawu Mavɔmavɔ sɔ́ jló ná mɔ yě ɖó nukún wú ǎ, bó jó yě, bɔ è bɛ̌ yě yi Asilíi. Fínɛ́ wɛ yě kpo ɖe káká jɛ égbé. Lě e nǔ e Mawu Mavɔmavɔ ɖɔ gbɔn mɛsɛntɔ́ tɔn gbeyíɖɔ lɛ́ɛ jí ɔ́ jɛ gbɔn é nɛ́.

Jelemíi 2:9

Énɛ́ ɔ́ wú wɛ un ɖo hwɛ dó mi wɛ, bó ná lɛ́ dó hwɛ vǐ mitɔn lɛ́ɛ. Xó e nyɛ Mawu Mavɔmavɔ ɖɔ ɔ́ nɛ́.

Ezekiyɛ́li 7:3

Din ɔ́, xó mitɔn fó lo; un ná ɖe xomɛsin ce xlɛ́ mi, un ná ɖɔ hwɛ xá mi lě e walɔ e mi zǎn ɔ́ byɔ́ gbɔn é; un ná sú nǔ baɖabaɖa e mi dó sin lɛ́ɛ bǐ sín axɔ́ mi.

Ezekiyɛ́li 7:8

Din zaanɖé ɔ́, un ná ɖe xomɛsin ce xlɛ́ mi, bɔ mi ná tunwun ɖɔ un sin xomɛ dó mi. Un ná ɖɔ hwɛ xá mi lě e walɔ e mi zán ɔ́ byɔ́ gbɔn é. Un ná sú nǔ baɖabaɖa e mi dó sin lɛ́ɛ bǐ sín axɔ́ mi.

Ozée 4:1

Mawu Mavɔmavɔ ɖo hwɛ dó mɛ e ɖo to ɔ́ mɛ lɛ́ɛ wɛ. Izlayɛ́li ví lɛ́ɛ mi, mi bo ɖótó xó e Mawu Mavɔmavɔ ɖɔ é; é ɖɔ: “Gbejínɔtɔ́ ɖě sɔ́ ɖo to ɔ́ mɛ ǎ, xomɛnyɔ́tɔ́ ɖě sɔ́ ɖo to ɔ́ mɛ ǎ, mɛɖé ká sɔ́ tunwun nyɛ Mawu ɖo to ɔ́ mɛ ǎ.

Ozée 4:9

Amɔ̌, nǔ e gbo togun ɔ́ wɛ ná gbo mɛ e nɔ xwlé vɔ̌sánú mì lɛ́ɛ. Lě e yě zán gbɛ gbɔn ɔ́ sín tó wɛ un ná dɔn nú yě.

Amɔ́si 2:4

Mawu Mavɔmavɔ ɖɔ: “Judáanu lɛ́ɛ ɔ́, nǔ e yě wa nyi do, bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Yě gbɛ́ wǎn nú sɛ́n ce lɛ́ɛ; yě blǒ nǔ e un zɔ́n yě ɖɔ yě ní bló lɛ́ɛ ǎ; adingbanxó e tɔ́ yětɔn lɛ́ɛ xwedó lɛ́ɛ wɛ yě lɔ jó yěɖée dó ná, bó yi bú ali. Nǔ e wú un ma na lɛ́ kɔ sín gbeta e un ɖe tɔ́n ɔ́ gúdo ǎ é nɛ́.

Micée 6:2

Só lɛ́ɛ e mi, mi ɖótó mì; dodó syɛ́nsyɛ́n e jí ayǐkúngban ɔ́ jínjɔ́n ɔ́ lɛ́ɛ e mi, mi ɖótó mì. Mawu Mavɔmavɔ ɖo hwɛ dó togun tɔn wɛ. É ɖo byɔ̌byɔ́ yě wɛ ɖɔ yě ní ɖɔ nǔ e émí wa nyi do nú yě ɔ́ nú émí.

Hlɔ̌manu 9:11

Amɔ̌, Mawu ɖó tito tɔn, bó ná dó cyán gbɛtɔ́ lɛ́ɛ ná: é ɖésú wɛ nɔ́ jló bó nɔ́ cyán mɛ; é nyí nǔwiwa mɛtɔn wɛ é nɔ́ kpɔ́n ǎ. Bó ná dó ɖe xlɛ́ ɖɔ émí ɖo gbejí nú tito énɛ́ ɔ́, é ɖɔ nú Hlebeka ɖɔ: “Vǐ súnnu mɛxó ɔ́ ná nɔ yɔkpɔ́vú ɔ́ sín acɛ mɛ;” có é ká kó ji vǐ énɛ́ lɛ́ɛ hwenɛ́nu ǎ; hǔn yě kó wa nǔ ɖagbe abǐ nǔ nyanya ɖěbǔ hwenɛ́nu ǎ.