Ozée 12:2 - MAWUXÓWÉMA

² Eflayímunu lɛ́ɛ nɔ sa ami nú Ejípunu lɛ́ɛ. Xɔ́ntɔn zun wɛ yě ɖe gbɔn mɔ̌ nɛ́. Xɔ́ntɔn énɛ́ lɛ́ɛ e zun wɛ yě ká ɖe ɔ́, nǔ wa dó jɔhɔn mɛ wɛ yě ɖe. Asilíinu lɛ́ɛ e nu alɛ xá wɛ yě nɔ́ ɖe ɔ́, jɔhɔn e nɔ xú nǔ bǐ ɔ́ wɛ yě nyǐ, bɔ yě ɖo gǔdo yětɔn ayǐhɔ́ngbe ayǐhɔ́ngbe. Yě nɔ́ fɔ́n, bó nɔ ɖo adingban ɖó wɛ, bó nɔ́ ɖo dǎka xo wɛ.”

Ozée 12:2 Iomraidhean Croise

2 Axɔ́sú 17:4

Ée é wá yá ɔ́, axɔ́sú Ozée jɛ gbě blá dó Asilíi xɔ́sú ɔ́ wú jí: é sɛ́ mɛ dó Ejípu xɔ́sú ɔ́ ɖo Sayisi ɖɔ émí kún sɔ́ ɖo nǔjɔ e émí nɔ sú Asilíi xɔ́sú ɔ́ xwewú xwewú ɔ́ ɖěbǔ ná sú wɛ ó. Ée Asilíi xɔ́sú ɔ́ se mɔ̌ ɔ́, é wlí Ozée sú dó gankpá mɛ.

Jɔ̌bu 15:2

Nǔnywɛ́tɔ́ hwɛ ɖɔhun ná lɛ́ ɖɔ gblǒ ǎ. Xósin e a nɔ ná lɛ́ɛ sɔ́ nɔ́ xwe ali ǎ.

Ɖɛhan 78:36

Lo ɔ́, yě jɛ xó víví ɖɔ jí, bó ná dó klɔ́ Mawu, yě sɔ́ nu yětɔn dó jɛ adingban ɖó n'i jí.

Nǔnywɛ́tɔ́xó 5:15

Lě e é zɔn wá ɔ́, mɔ̌ jɛ́n é lɛ́ zɔn yi; é blá wǔ mɛ! Tagba e é jɛ bó wa azɔ̌ ɔ́, le tɛ́ ká ɖ'é mɛ n'i? É wa azɔ̌ dó wǔvɔ́ kpowun.

Ezayíi 10:12

Hwenu e Aklúnɔ ná fó azɔ̌ tɔn bǐ ɖo Sinyɔ́ɔ só ɔ́ jí, bó fó ɖo Jeluzalɛ́mu ɔ́, é ná sí te dó axɔ́sú Asilíi tɔn jí; axɔ́sú énɛ́ ɔ́ nɔ́ yí go, bɔ mɛ ma sí ɖo nukún tɔn ta.

Ezayíi 10:6

Un sɛ́ ɛ dó akɔta gbejímánɔtɔ́ ɖokpó, un zɔ́n ɛ ɖɔ é ní fun ahwan xá togun e ɖo xomɛsin dó nú mì wɛ é, bó bɛ́ nǔ tɔn lɛ́ɛ bǐ wá yi xwé bó má, lobo gbídí togun ɔ́ ɖó afɔ wú babá e ɖo ali jí é ɖɔhun.

Ezayíi 24:21

Gbe énɛ́ gbe ɔ́, Mawu Mavɔmavɔ ná dɔn tó nú nǔɖíɖó e ɖo jǐxwé lɛ́ɛ, bó ná dɔn tó nú axɔ́sú e ɖo ayǐkúngban jí lɛ́ɛ.

Ezayíi 3:11

Amɔ̌, heelú adǎkaxotɔ́ lɛ́ɛ! Nǔɖé nɔ́ nyɔ́ nú yě ǎ, nǔ e yě nɔ́ wa ɔ́ sín bǎ wɛ nɔ xo yě.

Ezayíi 30:6

Xó e Mawu ɖɔ dó kanlin e ɖo gbětótló tofɔligbé tɔn mɛ lɛ́ɛ wú ɔ́ ɖíe: “To e mɛ gbɛwúvɛ́ kpó adohuhu kpó ɖe ɔ́, to e kinnikínní asú kpó asi kpó gɔ́ ɔ́, to e jakpata kpó dan ɖaxó e nɔ zɔn lɛ́ɛ kpó gɔ́ ɔ́, toví lɛ́ɛ dó dɔkun e ɖo to yětɔn mɛ lɛ́ɛ sín agban nú lǎkúnmí yětɔn lɛ́ɛ, lobo bɛ́ xweyǐgbe to e ma sixú kpé nǔɖé wú nú yě ǎ é mɛ.

Ezayíi 59:18

Nǔ e jɛ xá mɛ ɖokpó ɖokpó ɔ́ wɛ é ná bló n'i. É ná dɔn tó nú kɛntɔ́ tɔn lɛ́ɛ bɔ é ná syɛ́n ɖésú; yě ná bó ɖo zɔ fí ɖěbǔ ɔ́, é ná dɔn tó nú yě.

Jelemíi 25:31

Zǐngídi e jí é ɖe é hun káká yi fí e gbɛ ɔ́ kponu ɖó é, ɖó Mawu Mavɔmavɔ wɛ ɖo hwɛ dó akɔta lɛ́ɛ wɛ. É ɖo hwɛ ɖɔ xá gbɛtɔ́ lɛ́ɛ bǐ wɛ; é jó mɛdídá lɛ́ɛ nú hwǐ, ɖɔ hwǐ ní wa nǔ yětɔn. Xó e Mawu Mavɔmavɔ ɖɔ ɔ́ nɛ́.’ ”

Ozée 2:13

Un ná ɖó awǎ e jɛ wɛ é ɖe ɔ́ bǐ te. Xwe e ɖu wɛ é ɖe lɛ́ɛ, sunwájǐxwe e ɖu wɛ é ɖe lɛ́ɛ, gbɔjɛzán e ɖu wɛ é ɖe lɛ́ɛ, kpódó agɔ̌ e ɖu wɛ é ɖe lɛ́ɛ bǐ kpó ɔ́, un ná ɖó bǐ te.

Ozée 4:1

Mawu Mavɔmavɔ ɖo hwɛ dó mɛ e ɖo to ɔ́ mɛ lɛ́ɛ wɛ. Izlayɛ́li ví lɛ́ɛ mi, mi bo ɖótó xó e Mawu Mavɔmavɔ ɖɔ é; é ɖɔ: “Gbejínɔtɔ́ ɖě sɔ́ ɖo to ɔ́ mɛ ǎ, xomɛnyɔ́tɔ́ ɖě sɔ́ ɖo to ɔ́ mɛ ǎ, mɛɖé ká sɔ́ tunwun nyɛ Mawu ɖo to ɔ́ mɛ ǎ.

Ozée 4:9

Amɔ̌, nǔ e gbo togun ɔ́ wɛ ná gbo mɛ e nɔ xwlé vɔ̌sánú mì lɛ́ɛ. Lě e yě zán gbɛ gbɔn ɔ́ sín tó wɛ un ná dɔn nú yě.

Ozée 7:1

Mawu Mavɔmavɔ ɖɔ: “Hwenu e un jló ná gbɔ azɔn nú togun Izlayɛ́li tɔn ɔ́, hwɛ e akɔta Eflayímu tɔn ɔ́ hu lɛ́ɛ kpódó dǎka e Samalíinu lɛ́ɛ xo ɔ́ kpó wɛ un mɔ. Ajotɔ́ lɛ́ɛ byɔ́ xwé lɛ́ɛ gbe, ajotɔ́ axánsúnxó lɛ́ɛ ɖo ajo gbo mɛ wɛ gbɔn alixo alixo.

Ozée 7:11

Eflayímunu lɛ́ɛ cí ahwannɛ́ xlonɔ ɖé ɖɔhun, ayixa ɖěbǔ ɖo xo yětɔn mɛ ǎ. Ejípu wɛ yě ylɔ́, Asilíi wɛ yě yi.

Ozée 7:2

Yě lɛ̌n gbeɖé ɖɔ un ɖo dǎka e émí xo lɛ́ɛ bǐ flín wɛ ǎ. Din ɔ́, nǔ nyanya e yě wa lɛ́ɛ lɛ́ lɛ̌ dó yě. Un mɔ bǐ.

Ozée 8:10

Yě ná nǔ akɔta lɛ́ɛ bó ná dó nyɔ́ ɖo yě sí có, un ná kplé yě lo, bɔ zaanɖé din ɔ́, yě ná ji ya ɖo agban kpinkpɛn e axɔ́sú Asilíi tɔn ɔ́ ná ɖíɖá yě ɔ́ glɔ́.

Ozée 8:13

Yě nɔ́ hu kanlin dó sá vɔ̌ ɖó lan ná ɖu wú, bɔ é nyí nyɛ sá vɔ̌ ná wɛ yě ɖe. Nǔ énɛ́ lɛ́ɛ wɛ nɔ́ hun xomɛ nú nyɛ Mawu Mavɔmavɔ ɔ́ ǎ. Nyɛ Mawu Mavɔmavɔ ɔ́, un flín hwɛ e yě hu lɛ́ɛ din, bó ná dɔn tó tɔn nú yě: yě ná lɛ́ kɔ yi Ejípu.

Ozée 8:9

Đó yě yi Asilíi, tócí gbě tɔn e má nɔ́ nɔ mɛɖé mɛ ǎ é ɖɔhun. Eflayímunu lɛ́ɛ nɔ́ ná nǔ mɛ dó zun xɔ́ntɔn.

Ozée 9:15

Mawu Mavɔmavɔ ɖɔ: “Adǎnú e yě wa ɔ́ bǐ jɛ wěxo ɖo Gilugalu. Sín fínɛ́ wɛ un jɛ wǎn gbɛ́ nú yě ɖe jí. Hǔn, un ná nya yě sín xwé ce gbe, ɖó nǔ nyanya e yě wa lɛ́ɛ wú. Un sɔ́ ná yí wǎn nú yě ɖě ǎ. Gǎn yětɔn lɛ́ɛ bǐ wɛ nyí gǔfɔ́ntɔ́.

Ozée 9:9

Yě kpo nú nǔ kwíji kwíji wiwa kɛ́ɖɛ́ lě e yě bló gbɔn ɖo Giveya ɖ'ayǐ xóxó ɔ́ ɖɔhun. Mawu Mavɔmavɔ ná flín nǔ e yě wa nyi do ɔ́. É ná dɔn hwɛ e yě hu ɔ́ sín tó nú yě.

Amɔ́si 2:4

Mawu Mavɔmavɔ ɖɔ: “Judáanu lɛ́ɛ ɔ́, nǔ e yě wa nyi do, bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Yě gbɛ́ wǎn nú sɛ́n ce lɛ́ɛ; yě blǒ nǔ e un zɔ́n yě ɖɔ yě ní bló lɛ́ɛ ǎ; adingbanxó e tɔ́ yětɔn lɛ́ɛ xwedó lɛ́ɛ wɛ yě lɔ jó yěɖée dó ná, bó yi bú ali. Nǔ e wú un ma na lɛ́ kɔ sín gbeta e un ɖe tɔ́n ɔ́ gúdo ǎ é nɛ́.

Micée 6:2

Só lɛ́ɛ e mi, mi ɖótó mì; dodó syɛ́nsyɛ́n e jí ayǐkúngban ɔ́ jínjɔ́n ɔ́ lɛ́ɛ e mi, mi ɖótó mì. Mawu Mavɔmavɔ ɖo hwɛ dó togun tɔn wɛ. É ɖo byɔ̌byɔ́ yě wɛ ɖɔ yě ní ɖɔ nǔ e émí wa nyi do nú yě ɔ́ nú émí.

Matíe 16:27

Ɖó nyɛ Gbɛtɔ́ví ɔ́ ná wá ɖo susu Mawu Tɔ́ ce tɔn mɛ, nyɛ kpódó wɛnsagun tɔn lɛ́ɛ kpó, bó ná ná nǔ e mɛ ɖokpó ɖokpó wa ɔ́ sín ajɔ ɛ.

Hlɔ̌manu 2:6

Gbe énɛ́ gbe ɔ́, Mawu ná sú nǔ e mɛ ɖokpó ɖokpó wa ɔ́ sín axɔ́ ɛ.

Galatinu 6:7

Mi ma blɛ́ miɖée ó, mɛɖé nɔ wa yɛ nú Mawu ǎ. Nǔ e è dǒ ɔ́ wɛ è nɔ ya.