Ozée 11:9 - MAWUXÓWÉMA

⁹ Un ná zé xomɛ ɖaxó e un sin ɔ́ dó wa nǔ xá we ǎ. Eflayímu, un sɔ́ ná sú kún towe dó ǎ. Đó Mawu wɛ un nyí, un nyí gbɛtɔ́ ǎ. Mawu mímɛ́ wɛ un nyí ɖo tɛ́ntin towe. Un ná wá kpó xomɛsin kpó ǎ.

Ozée 11:9 Iomraidhean Croise

2 Samuwɛ́li 20:10

Amasa tunwun hwenu Jowabu zé hwǐ ɔ́ sín kɔ́ mɛ kpó alɔ amyɔ kpó é ǎ, bɔ Jowabu sɔ́ hwǐ ɔ́ xomɛ n'i, bɔ adɔ tɔn lúlú kɔn nyi kɔ́ mɛ. Hwǐ énɛ́ e é sɔ́ ɛ ɔ́, é sɔ́ sɔ́ ɖěe cóbónú é kú ǎ. Ée Jowabu dó énɛ́ ɔ́ sin ɔ́, é kpó nɔví tɔn Avicáyi kpó wlí ali bo ɖidó Cɛ́va Bikli ví ɔ́ gbé mɛ.

Ɖɛhan 46:5

Tɔsisa ɖé nɔ́ hɛn xomɛhunhun wá nú Mawu sín toxo ɔ́, é nɔ́ hɛn awǎjijɛ wá Mawu Ajalɔ̌nlɔn sín nɔtɛn mímɛ́ ɔ́.

Ɖɛhan 78:38

Amɔ̌, éyɛ́ ɔ́, mɛ nú nɔ́ blá wǔ n'i, bɔ é nɔ́ sɔ́ hwɛ kɛ yě, bó sú kún yětɔn dó ǎ. Hwe gěgé nu ɔ́, é nɔ́ jó xó dó; é nɔ́ lɔn bó nɔ́ sin xomɛ ǎ, é nɔ́ lɔn bó nɔ́ zé adǎn e jí é ɖe ɔ́ bǐ dó wa nǔ ná ǎ.

Ɖɛhan 85:4

A jǒ xomɛ e sin dó e wɛ a ɖe ɔ́ dó; a sɔ́ ɖo adǎn jí ǎ.

Ezayíi 12:6

Sinyɔ́ɔnu lɛ́ɛ mi, mi ɖe awǎjijɛ mitɔn xlɛ́! Mi sú xó kpó xomɛhunhun kpó, ɖó mɛ e ɖo gɔ̌n mitɔn ɔ́, Mawu mímɛ́ Izlayɛ́li tɔn ɔ́, nǔ ɖaxó wɛ.

Ezayíi 31:1

Heelú mɛ e nɔ ɖo alɔgɔ́ ba wɛ bó nɔ́ yi Ejípu lɛ́ɛ! Yě nɔ́ ɖeji dó sɔ́ e ɖo Ejípu lɛ́ɛ wú, bó nɔ́ gán jɛ ahwankɛkɛ́ví e ɖo dɔ̌n lɛ́ɛ wú, ɖó nǔ énɛ́ lɛ́ɛ sukpɔ́ ɖésú ɖo Ejípu. Sɔ́xátɔ́ yětɔn lɛ́ɛ lɔmɔ̌ syɛ́n ɖésú. Lo ɔ́, yě sɔ́ nɔ́ kpɔ́n Mɛ Mímɛ́ Izlayɛ́li tɔn ɔ́ sɛ́ dó ǎ; yě nɔ́ hɔn yi su Mawu Mavɔmavɔ ǎ.

Ezayíi 41:14

Mawu Mavɔmavɔ ɖɔ: “Izlayɛ́li, togun Jakɔ́bu tɔn, hwi mɛ e ma ɖó gǎn ɖé ǎ dohɔ́nví ɖɔhun é, ma ɖi xɛsi ó. Nyɛ Mawu Mavɔmavɔ ɔ́ ɖésú wɛ ja alɔ gɔ́ nú we gbé. Nyɛ Mɛ Mímɛ́ Izlayɛ́li tɔn wɛ ná hwlɛ́n we gán.

Ezayíi 41:16

A nǎ nyi yě dó jɔ mɛ, bɔ jɔhɔn ná dó alɔ mɛ; axásáxásá jɔhɔn ɖé ná fúnfún yě; lo ɔ́, hwɛ ɔ́, a nǎ sú xó bó j'awǎ ɖó Mawu Mavɔmavɔ wú. A nǎ nɔ́ gó ɖó Mɛ Mímɛ́ Izlayɛ́li tɔn ɔ́ wú.”

Ezayíi 48:9

Amɔ̌, un ɖó xomɛsin ce te, ɖó nyǐkɔ ce wú; un ɖe mi sín nǔ nyanya mɛ, ɖó susu ce wú; un gbɛ́ ɖɔ un kún sɔ́ ná sú kún mitɔn dó ó.

Ezayíi 5:24

Énɛ́ ɔ́ wú ɔ́, yě ná cí nǔywɛ́ e myɔ ɖíɖɔ́ é ɖɔhun, yě ná cí gběhan xúxú e ji kɛn ɖo myɔ mɛ é ɖɔhun; yě ná nyɔ dó ɖɔ, bɔ jɔhɔn ná d'alɔ folówa yětɔn mɛ afúntúntún ɖɔhun, ɖó yě hɔn Mawu Mavɔmavɔ Nǔbǐwúkpétɔ́ ɔ́ sín sɛ́n nyi gbě, yě gbɛ́ wǎn nú Mɛ Mímɛ́ Izlayɛ́li tɔn ɔ́ sín xó.

Jelemíi 26:3

Afɔ nyɔ́ ɔ́, yě ná ɖótó we, bɔ mɛ ɖokpó ɖokpó ná jó gbɛ nyanya e é nɔ́ zán ɔ́ dó. Un ko lin ná sɛ́ awě dó yě, ɖó nǔ nyanya e yě nɔ́ wa é wú; ényí yě ká ɖótó we ɔ́, un ná gbɔ bó jó dó.

Jelemíi 30:11

Un ɖo kpɔ́ xá yě bó ná hwlɛ́n yě gán. Akɔta e mɛ un gba yě kpé gbɔn lɛ́ɛ ɔ́, un ná sú akɔta énɛ́ lɛ́ɛ sín kún dó. Amɔ̌, yědɛɛ lɛ́ɛ ɔ́, un nǎ dɔn tó nú yě lě e é jɛ xá gbɔn é, un ka ná sú kún yětɔn dó ǎ. Un sixú jó yě dó, xomɛvɔ́ wɛ yě ɖe ɖɔhun ǎ.” Mawu Mavɔmavɔ wɛ ɖɔ mɔ̌.

Ozée 12:1

Mawu Mavɔmavɔ ɖɔ: “Togun Eflayímu tɔn nɔ ɖó adingban lɛ́ lɛ̌ dó mì. Akɔta Izlayɛ́li tɔn ɔ́ nɔ́ blɛ́ mɛ lɛ́ lɛ̌ dó mì. Akɔta Judáa tɔn ɔ́ ká kpo ɖo xwixwedó nyɛ Mawu wɛ, bó ɖo gbejí nú nyɛ mɛ e nyí Mǐmɛ́ bǐ ɔ́ é.

Ozée 14:4

Asilíinu lɛ́ɛ wɛ ná sixú hwlɛ́n mǐ gán ǎ. Mǐ sɔ́ ná nɔ́ xá ahwansɔ́ jí ɖě ǎ. Mǐ sɔ́ ná nɔ́ ylɔ́ nǔ e mǐ sɔ́ alɔ mǐ ɖésúnɔ tɔn dó bló lɛ́ɛ ɖě ɖɔ Mawu mǐtɔn ǎ, ɖó hwi wɛ nɔ kú nǔbláwǔ nú tɔ́cyɔvǐ lɛ́ɛ.”

Malacíi 3:6

“Nyɛ Mawu Mavɔmavɔ ɔ́, un nɔ húzú ǎ, midɛɛ lɛ́ɛ ɔ́, mi ka gɔn Jakɔ́bu ví titewungbe lɛ́ɛ nyí ǎ.

Kɛ́nsísɔ́ 23:19

Mawu nyí gbɛtɔ́ bó ná ɖó adingban ǎ. É nyí gbɛtɔ́ví, bó ná lɛ́ kɔ sín nǔ e ná wa wɛ é ɖe ɔ́ gúdo ǎ. Nǔ e é ɖɔ ɔ́, é ná bló ɖ'é jí a cé? Xó e é ɖɔ ɔ́, é ná bló ɖ'é jí a cé?

Sɛ́nflínmɛ 13:17

Mi ná kplé dɔkun e ɖo toxo énɛ́ ɔ́ mɛ lɛ́ɛ bǐ ɖó tokplétɛn, bó ná flɔ́ myɔ d'é mɛ, bó ná dó toxo ɔ́ zo. É ná cí vɔ̌ e mi nɔ dó zo nú Mawu Mavɔmavɔ, Mawu mitɔn, lobo nɔ dó sɔ́ ɛ su ɔ́ ɖɔhun. Asangokan jɛ́n ná vun blá toxo énɛ́; è sɔ́ ná bló toxo énɛ́ ɔ́ ɖó gbeɖé ǎ.

1 Samuwɛ́li 26:8

Avicáyi ɖɔ nú Davídi ɖɔ: “Mawu jó kɛntɔ́ towe nú we égbé. Gbɔ nú má yi sɔ́ hwǎn tɔn bó xwe dó lanmɛ n'i dó ká ɛ nyi kɔ́ mɛ. Hwǎn ɖokpó jɛ́n un ná sɔ́ ɛ, un ná sɔ́ ɛ we ǎ.”