Ozée 11:8 - MAWUXÓWÉMA

⁸ “Eflayímu e, nɛ̌ un ná wa nǔ towe gbɔn? Izlayɛ́li e, un ná jó we dó wɛ a? Nǔ e un wa xá Adima toxo ɔ́ wɛ un ná wa xá we a? Lě e un ɖó Sevoyímu toxo ɔ́ nyi ɔ́ wɛ un ná ɖó we nyi a? Ayi ce ɖo hun xo xá mì wɛ. Nǔ towe ɖo wǔ blá nú mì wɛ.

Ozée 11:8 Iomraidhean Croise

Bǐbɛ́mɛ 14:8

Énɛ́ ɔ́, axɔ́sú Sodɔ́mu tɔn ɔ́ kpó Gomɔ́ɔ tɔn ɔ́ kpó, kpó Adima tɔn ɔ́ kpó, kpó Sevoyímu tɔn ɔ́ kpó, kpódó Bɛ́la e è nɔ lɛ́ ylɔ́ ɖɔ Sowáa tɔn ɔ́ kpó sɔ́ ahwannú; yě yi tɔ́n ahwan yě ɖo tɔdo Sidímu tɔn ɔ́ mɛ.

2 Samuwɛ́li 24:16

Ée wɛnsagun Mawu Mavɔmavɔ tɔn dlɛ́n alɔ dó Jeluzalɛ́mu jí, bó ɖo jɛmɛjí ɔ́ ná sɛ́ dó wɛ ɔ́, Mawu Mavɔmavɔ mɔ ɖɔ fí e émí wa nǔ xá yě jɛ ɔ́ kpé, lobo ɖɔ nú wɛnsagun nǔhɛngblétɔ́ ɔ́ ɖɔ: “É nyɔ́ mɔ̌, zě alɔ dó do.” Hwenɛ́nu ɔ́, wɛnsagun ɔ́ kó sɛkpɔ́ fí e Alona Jebuzinu ɔ́ nɔ́ fún jinukún ɖe é.

1 Axɔ́sú 3:26

Ée axɔ́sú ɔ́ ɖɔ mɔ̌ ɔ́, nyɔ̌nu e sín vǐ ɖo gbɛ ɔ́, vǐ tɔn vɛ́ n'i, bɔ é sú xó bó ɖɔ: “Gbeɖé sɛ́mɛɖó! È ma hu vǐ ɔ́ ó, è sɔ́ ɛ jó n'i!” Nyɔ̌nu ɖě ɔ́ ká ɖɔ: “É ná gú mǐ bǐ! Mi sɛ́n ɛ ɖó we!”

2 Axɔ́sú 13:23

Lo ɔ́, nǔ yětɔn wá jɛ wǔ blá nú Mawu Mavɔmavɔ jí, bɔ é sɔ́ hwɛ yětɔn lɛ́ɛ kɛ yě ɖó akɔ e é kó jɛ xá Ablaxámu, bó jɛ xá Izáki, bo jɛ xá Jakɔ́bu ɔ́ wú. É gbɛ́ ɖɔ émí kún ná sú kún yětɔn dó ó. Bɔ káká jɛ égbé din ɔ́, é nya yě dó gbě ǎ.

2 Tan 36:15

Mawu Mavɔmavɔ, Mawu tɔ́gbó yětɔn lɛ́ɛ tɔn sɛ́ mɛ dó yě dó hwe tɔn nu, bɔ yě wǎ ɖɔ xó nú yě, ɖó é jló ná hwlɛ́n togun tɔn kpó nɔtɛn é ɖésúnɔ tɔn kpó.

Ɖɛhan 106:45

É flín akɔ e é jɛ xá yě é, bɔ nǔ yětɔn blá wǔ n'i, ɖó xomɛnyínyɔ́ tɔn d'agba.

Ezayíi 16:11

Énɛ́ ɔ́ wú wɛ un blá wǔ sín ta káká yi afɔ ɖó Mɔwabu wú; un ɖo alě ná wɛ ɖó Kíi-Ɛlɛ́si wú.

Ezayíi 63:15

Mawu Mavɔmavɔ, nɔ jǐxwé aga dɔ̌n, ɖo xwé towe ɖagbe ɖagbe ɔ́ gbe, xwé towe mímɛ́ ɔ́ gbe, bó kpɔ́n nǔ e ɖo mǐ gbo wɛ ɔ́. Fítɛ́ wǎn yíyí ma ɖó dogbó e a ɖǒ nú mǐ ɔ́ ká ɖe? Fítɛ́ hlɔ̌nhlɔ́n towe ká ɖe? Mǐ sɔ́ nɔ́ mɔ walɔ towe fífá ɔ́ kpó xomɛnyínyɔ́ towe kpó ɖě ǎ.

Jelemíi 18:8

Lo ɔ́, nú akɔta élɔ́ e xó ɖɔ wɛ un ɖe ɔ́ ká jó nyanya wiwa dó, bó lɛ́ kɔ sín hwɛ e hu wɛ é ɖe ɔ́ gúdo ɔ́, un nɔ jó nǔ e un ɖɔ un ná wa xá ɛ ɔ́ dó.

Jelemíi 3:12

Yi, yi bó sú xó sɛ́ dó totaligbé ɖɔ Mawu Mavɔmavɔ ɖɔ: ‘Izlayɛ́li gbejímánɔtɔ́! Lɛ̌ kɔ wá. Un ná sɔ́ nukún nyanya dó kpɔ́n we ǎ. Un nɔ kú nǔbláwǔ nú mɛ. Un na nɔ xomɛsin jí káká sɔ́yi ǎ.

Jelemíi 31:20

Mawu Mavɔmavɔ ɖɔ: “Eflayímu ɔ́, vǐ vívɛ́ ce wɛ, un yí wǎn n'i tawun. Un ɖo xó tɔn ɖɔ wɛ lě ɔ́, un nɔ lɛ́ ɖo flínflín i d'é jí wɛ. Un yí wǎn n'i ɖésú. Nǔ tɔn nɔ́ blá wǔ nú mì titewungbe.

Jelemíi 42:10

‘Ényí mi nɔ to mitɔn mɛ ɔ́, un ná vɔ́ mi gbá xɔ ɖɔhun, un sɔ́ ná gba mi xɔ ɖɔhun ǎ. Un ná vɔ́ mi tun atín ɖɔhun, un sɔ́ ná hɔn mi atín ɖɔhun ǎ. Awě e un sɛ́ dó mi ɔ́ ná lɛ́ vɛ́ nú mì.

Jelemíi 9:6

Énɛ́ wú wɛ Mawu Mavɔmavɔ Nǔbǐwúkpétɔ́ ɔ́ ɖɔ: “Un ná zé myɔ dó slá wǔ nú yě bó ná kpɔ́n nǔ e yě nyí é. Lě e un sixú wa nǔ xá togun ce gbɔn é jɛ́n nɛ́.

Jelemíi 9:7

Đɛ̌ yětɔn cí aɖǐgá ɖɔhun. Adingban jɛ́n yě nɔ́ ɖó. Yě nɔ́ ɖɔ xó ɖagbe nú nɔzo yětɔn, ayi yětɔn mɛ ɔ́, mɔ ɖó n'i wɛ yě ká ɖe.”

Gbɛvíhan 1:20

“Mawu Mavɔmavɔ, kpɔ́n adǎn e ɖo gbigbo mì wɛ é! Kpɔ́n wǔvɛ́ e mɔ wɛ un ɖe ɖo agbaza mɛ é; ayixa ce bǐ wɛ gbadó, ɖó lě e un fɔ́n gǔ dó jǐ we sɔ é wú. Ahwan hu vǐ ce lɛ́ɛ bǐ, è wǎ gɔ̌n ce ɔ́, è nǎ ɖɔ kúxwé wɛ.

Gbɛvíhan 3:32

É ná bó ɖo ya dó nú mɛ wɛ ɔ́, é nɔ́ wá kú nǔbláwǔ nú mɛ, xomɛnyínyɔ́ tɔn d'agba sɔ mɔ̌.

Gbɛvíhan 3:33

É nɔ́ jló e có é nɔ́ kɔ́n wi mɛtɔn ǎ; é nɔ́ jló e có é nɔ́ dó ya nú gbɛtɔ́ lɛ́ɛ ǎ.

Ezekiyɛ́li 33:11

Ɖɔ nú yě ɖɔ nyɛ Aklúnɔ Mavɔmavɔ ɔ́, un xwlé nyiɖée ɖɔ: Un ba gbeɖé kpɔ́n ɖɔ mɛ nyanya ní kú ǎ. Nǔ ɖokpó e ba wɛ un ɖe ɔ́ wɛ nyí ɖɔ é ní lɛ́ kɔ sín hwɛ tɔn lɛ́ɛ gúdo, bó nɔ gbɛ. Izlayɛ́li ví lɛ́ɛ mi, kɛnklɛ́n wɛ un dó nú mi, mi lɛ́ kɔ sín hwɛ mitɔn lɛ́ɛ gúdo. Étɛ́wú mi ɖésúnɔ ká ná jló bó ná kú?

Ezekiyɛ́li 6:9

Énɛ́ ɔ́, yě mɛ e ná kpo ɖo gbɛ bɔ ahwan ná wlí yě yi lɛ́ɛ ná nɔ́ flín mì ɖo fí e ahwan ná wlí yě yi lɛ́ɛ; yě ná nɔ́ flín lě e un wa nǔ xá yě gbɔn é; nǔgbó ɔ́, mɛ ɖé lɛ́ɛ wɛ yě nyí bó ɖo gbejí nú mì ǎ; yě jǒ mì dó bó jɛ vodún sɛn jí; énɛ́ ɔ́, nǔ baɖabaɖa e yě ɖésú dó sin lɛ́ɛ ná vlɛ́ nu yětɔn.

Ozée 6:4

Eflayímu e, nɛ̌ un ná wa nǔ towe gbɔn? Judáa e, nɛ̌ un ná wa nǔ towe gbɔn? Sísí e mi ɖó nú mì ɔ́ cí akpɔ́kpɔ́ zǎnzǎn tɔn ɖɔhun. É cí amǔ e sú, bɔ zaanɖé din ɔ́, é ná kɛn ɔ́ ɖɔhun.

Ozée 7:1

Mawu Mavɔmavɔ ɖɔ: “Hwenu e un jló ná gbɔ azɔn nú togun Izlayɛ́li tɔn ɔ́, hwɛ e akɔta Eflayímu tɔn ɔ́ hu lɛ́ɛ kpódó dǎka e Samalíinu lɛ́ɛ xo ɔ́ kpó wɛ un mɔ. Ajotɔ́ lɛ́ɛ byɔ́ xwé lɛ́ɛ gbe, ajotɔ́ axánsúnxó lɛ́ɛ ɖo ajo gbo mɛ wɛ gbɔn alixo alixo.

Amɔ́si 4:11

“Un gba nǔ bǐ hánnyá ɖo mi gɔ́n, lě e un gba Sodɔ́mu kpó Gomɔ́ɔ kpó gbɔn é. Midɛɛ lɛ́ɛ ka gán sín mɛ lě e è nɔ lun myɔtín sín myɔ mɛ é ɖɔhun. Nǔ ɖo mɔ̌ có mi lɛ́ kɔ wá gɔ̌n ce ǎ.” Xó e Mawu Mavɔmavɔ ɖɔ ɔ́ nɛ́.

Amɔ́si 7:3

Ée un ɖɔ mɔ̌ ɔ́, Mawu Mavɔmavɔ lɛ́ kɔ sín nǔ e é jló ná wa ɔ́ gúdo bó ɖɔ: “Nǔ énɛ́ ɔ́ sɔ́ ná jɛ ǎ.”

Amɔ́si 7:6

Ée un ɖɔ mɔ̌ ɔ́, Mawu Mavɔmavɔ lɛ́ kɔ sín nǔ e é jló ná wa ɔ́ gúdo bó ɖɔ: “Nǔ énɛ́ ɔ́ lɔ sɔ́ ná jɛ ǎ.”

Micée 5:3

Bɔ éyɛ́ axɔ́sú e sín akpá è dǒ é ná wá, bó ná kpa acɛ dó togun ɔ́ nu kpó hlɔ̌nhlɔ́n Mawu Mavɔmavɔ tɔn kpó, kpódó susu Mawu Mavɔmavɔ tɔn kpó, bɔ togun tɔn sín ayi ná jɛ ayǐ; ɖó mɛ e ɖo gbɛ ɔ́ mɛ lɛ́ɛ bǐ ná mɔ lě e é dó agba sɔ é.

Sofoníi 2:9

Énɛ́ ɔ́ wútu wɛ Mawu Mavɔmavɔ Nǔbǐwúkpétɔ́ ɔ́, Mawu Izlayɛ́li tɔn ɔ́ zin alɔ dó akɔ́n bó ɖɔ: “Un ɖɔ bo tɛ afɔ jí ɖɔ Mɔwabu to ɔ́ kpó Amumɔ́ɔ to ɔ́ kpó ná gba Sodɔ́mu kpó Gomɔ́ɔ kpó ɖɔhun . To yětɔn ná húzú gbětótló káká sɔ́yi. Wunkan kpó jɛ kpó kɛ́ɖɛ́ jɛ́n è nǎ nɔ mɔ ɖo fínɛ́. Mɛ e ná kpo ɖo gbɛ ɖo togun ce mɛ lɛ́ɛ ná wá fɔ nǔ yětɔn lɛ́ɛ, bó ná yí to yětɔn.”

Matíe 23:37

“Jeluzalɛ́munu e mi, Jeluzalɛ́munu e mi, mi mɛ e nɔ hu gbeyíɖɔ Mawu tɔn lɛ́ɛ, bo nɔ nyi awǐnnyaglo dó hu mɛ e Mawu nɔ sɛ́ dó mi lɛ́ɛ é! Azɔn mɔ̌kpán wɛ un ko jló ná kplé mi dó awa ce lɛ́ɛ glɔ́, lě e kokló nɔ kplé vǐ tɔn lɛ́ɛ dó awa tɔn lɛ́ɛ glɔ́ ɔ́ ɖɔhun. Lo ɔ́, mi jló ǎ.

Sɛ́nflínmɛ 29:22

“Ayǐkúngban e ɖo to ɔ́ mɛ ɔ́ hwemí kpó jɛ kpó hɛn bǐ gblé. È sixú dó nǔɖé ɖo to ɔ́ mɛ ǎ; atín ɖo to ɔ́ mɛ ǎ, ama ɖěbǔ ɖo to ɔ́ mɛ ǎ, bɔ é cí Sodɔ́mu kpó Gomɔ́ɔ kpó ɖɔhun, bó cí Adima kpó Sevoyímu kpó ɖɔhun. Toxo énɛ́ lɛ́ɛ ɔ́, xomɛ ɖaxó ɖé wɛ Mawu Mavɔmavɔ sin bó gba bǐ.”

Sɛ́nflínmɛ 29:23

Mɛ e ɖo akɔta ɖě lɛ́ɛ mɛ lɛ́ɛ bǐ ná sú xó, bó ɖɔ: “Étɛ́wú Mawu Mavɔmavɔ ka wa to élɔ́ nú gbɔn lě. Étɛ́wú xomɛ ɖaxó énɛ́ ká sin i.”

Sɛ́nflínmɛ 32:36

Nǔgbó ɔ́, Mawu Mavɔmavɔ ná wa nǔ jlɔ́jlɔ́ nú togun tɔn; mɛsɛntɔ́ tɔn lɛ́ɛ sín nǔ ná blá wǔ n'i, hwenu e é ná mɔ ɖɔ hlɔ̌nhlɔ́n hwedó yě bɔ yě ma sɔ́ ɖó gǎnjɛwú ɖěbǔ ǎ, bó má sɔ́ ɖó ɖɔxátɔ́ ɖěbǔ ǎ é.

2 Piyɛ́ɛ 2:6

Mawu ɖó hwɛ nú Sodɔ́mu kpó Gomɔ́ɔ kpó, bó zé myɔ dó vɔ yě ná; é bló mɔ̌, bó dó ná nǔ e ɖo ná jɛ dó mɛdídá e ná wá lɛ́ɛ jí wɛ ɔ́ sín xlɛ́ ɖokpó yě.

Judi 1:7

Mi flín Sodɔ́mu kpó Gomɔ́ɔ kpó, kpódó to e sɛkpɔ́ yě lɛ́ɛ kpó; to énɛ́ mɛ nu lɛ́ɛ wa nǔ wɛnsagun énɛ́ lɛ́ɛ ɖɔhun; yě lɛ́ jó yěɖée dó nú agalilɛ kpódó hɛ̌nnú wiwa kpó; to énɛ́ mɛ nu lɛ́ɛ ɔ́, è sɔ́ zo mavɔ mavɔ dó ɖo tó dɔn nú yě wɛ; è ɖo tó énɛ́ ɔ́ dɔn nú yě wɛ, bó dó ɖo sɛ́n dó nú mɛ bǐ wɛ.

Nǔɖexlɛ́mɛ 11:8

Cyɔ yětɔn lɛ́ɛ ná cí toxo ɖaxó ɔ́ sín alixo, fí e è ká Aklúnɔ yětɔn nyi aklúzu jí ɖe é. Nú è ma jló ná ylɔ́ to ɔ́ sín nyǐkɔ ɖésú ǎ ɔ́, è nɔ ylɔ́ ɖɔ Sodɔ́mu abǐ Ejípu.

Nǔɖexlɛ́mɛ 18:18

Ée yě mɔ myɔ e ɖo fyɔ́fyɔ́ ɛ wɛ ɔ́ sín azizɔ ɔ́, yě jɛ xó sú jí ɖɔ: “Toxo e cí toxo ɖaxó élɔ́ ɖɔhun ɔ́ ɖě tíin kpɔ́n gbeɖé ǎ!”

Hwɛɖɔtɔ́ 10:16

Énɛ́ ɔ́ gúdo ɔ́, yě bɛ̌ vodún lɛ́ɛ kɔn nyi gbě, bó lɛ́ jɛ Mawu Mavɔmavɔ sɛn jí. Bɔ ya e ji wɛ yě ɖe ɔ́ blá wǔ nú Mawu Mavɔmavɔ.