Ozée 11:7 - MAWUXÓWÉMA

⁷ Togun ce jɛ kú ɖɔ émí ná nɔ zɔ nú mì. È ylɔ̌ ɛ ɖɔ ní lɛ́ kɔ wá nyɛ Ajalɔ̌nlɔn ɔ́ gɔ́n, yě mɛ ɖěbǔ ká se ǎ.

Ozée 11:7 Iomraidhean Croise

Jelemíi 8:5

Bɔ étɛ́wú Jeluzalɛ́mu togun ɔ́ ka bú ali, bó ká ná lɛ́ kɔ bɔ é gló? Yě kpo ɖo yěɖée blɛ́ wɛ ɖo vodún yětɔn lɛ́ɛ gúdo bó gbɛ́ kɔ lɛ́ wá gɔ̌n ce.

Ozée 14:4

Asilíinu lɛ́ɛ wɛ ná sixú hwlɛ́n mǐ gán ǎ. Mǐ sɔ́ ná nɔ́ xá ahwansɔ́ jí ɖě ǎ. Mǐ sɔ́ ná nɔ́ ylɔ́ nǔ e mǐ sɔ́ alɔ mǐ ɖésúnɔ tɔn dó bló lɛ́ɛ ɖě ɖɔ Mawu mǐtɔn ǎ, ɖó hwi wɛ nɔ kú nǔbláwǔ nú tɔ́cyɔvǐ lɛ́ɛ.”

Ozée 11:2

Lo ɔ́, yě nɔ́ hɔn yi zɔ nú mɛ e ɖo yě ylɔ́ wɛ lɛ́ɛ. Yě sá vɔ̌ nú vodún Baalu, bó dó zǎlínkpɔ́n zo nú bǒcyɔ lɛ́ɛ.

Ozée 7:16

Nyɛ Mawu Ajalɔ̌nlɔn ɔ́ gɔ́n wɛ yě lɛ́ kɔ wá ǎ. Yě cí da e má ɖo ganjí ǎ ɖɔhun. Gǎn yětɔn lɛ́ɛ ná cí ahwan, ɖó mɛ ma sí xó e nɔ́ tɔ́n sín nu yětɔn mɛ lɛ́ɛ wú. Nǔ e ná zɔ́n bɔ yě ná nyí nǔkiko ɖo Ejípu é nɛ́.”

Jelemíi 3:11

Mawu Mavɔmavɔ ɖɔ nú mì ɖɔ: “Nú è sɔ́ Izlayɛ́li gbejímánɔtɔ́ ɔ́ kpó Judáa afɔdógbětɔ́ ɔ́ kpó ɖó te ɔ́, è nǎ mɔ ɖɔ Izlayɛ́li kún wa nǔ nyi do sɔ mɔ̌ ó.

Nǔnywɛ́xó 14:14

Mɛdídá ɔ́, nyanya e é wa ɔ́ sín le wɛ é nɔ́ ɖu; gbɛtɔ́ ɖagbe ɔ́, ɖagbe e é wa ɔ́ sín ajɔ wɛ é nɔ mɔ.

Ɖɛhan 81:11

Nyɛ wɛ nyí Mawu Mavɔmavɔ, Mawu towe; nyɛ wɛ ɖe we tɔ́n sín Ejípu. Kɛ nu gblogblo, un ná bɛ́ nǔɖuɖu d'é mɛ bɔ é ná gɔ́.

Ozée 4:16

Izlayɛ́linu lɛ́ɛ fɔ́n gǔ nyibúsixwɛ e è ma sixú dé ǎ é ɖɔhun. Amɔ̌, din ɔ́, nyɛ Mawu Mavɔmavɔ ná kplá ɛ yi ama ɖu gbé lɛ̌ngbɔ́ví ɖé ɖɔhun ɖo ayǐkúngban wɛnjɛ ɖé jí.

Jelemíi 14:7

Togun ɔ́ ɖɔ: “Mawu Mavɔmavɔ, ényí nǔ e mǐ wa nyi do lɛ́ɛ na bó ɖó hwɛ nú mǐ hǔn, kɛnklɛ́n bó kpɔ́n dó nyǐkɔ towe wú, bó bló gbɔn ɖě nú mǐ, ɖó agɔ e mǐ jɛ dó we lɛ́ɛ gégé; hwɛ wɛ mǐ hu dó we.

Ezayíi 26:10

Lo ɔ́, ényí è kú nǔbláwǔ nú adǎkaxotɔ́ lɛ́ɛ ɔ́, ayi yětɔn nɔ́ mɔ nǔ ǎ, yě ná bó ɖo to e mɛ è nɔ wa nǔ ɖó sɛ́nxwi jí ɖe ɔ́ mɛ ɔ́, nǔ agɔ jɛ́n yě nɔ́ wa; Mawu Mavɔmavɔ, yě tunwun susu e a ɖǒ ɔ́ ǎ.

Jelemíi 2:19

Nǔ nyanya wiwa towe ná wa nǔ xá we; gbejí ma nɔ towe ná dɔn tó nú we, bɔ a nǎ mɔ ɖɔ nyɛ Mawu Mavɔmavɔ, Mawu towe e a jǒ dó ɔ́, tɛn ce mɛ e a ma tunwun nú mì ǎ ɔ́ ná vlɛ́ nu nú we; é ná nylá nú we ɖésú. Xó e nyɛ Aklúnɔ Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.”

Jelemíi 7:25

Sín gbe e gbe tɔ́gbó mitɔn lɛ́ɛ gosín Ejípu ɔ́, un fɔ́n ɔ́ un nɔ ɖo mɛsɛntɔ́ ce gbeyíɖɔ lɛ́ɛ sɛ́ dó mi wɛ káká wá jɛ égbé.

Jelemíi 7:26

Mi ká se ǎ, mi ɖótó xó ce ǎ, nǔ e mi xwe ɔ́ jɛ́n mi wa. Mi gbɛ́ hɛn hú tɔ́gbó mitɔn lɛ́ɛ.”