Ozée 11:4 - MAWUXÓWÉMA

⁴ Un kplá yě kpó yɛ̌yi kpó; wǎn yíyí dɔn nyɛ kpó yě kpó ɖó kpɔ́ gɛdɛ ɖɔhun. Vǐtɔ́ e nɔ dɔn vǐ tɔn dó wǔ é ɖɔhun wɛ un cí nú yě. Un ná nǔɖuɖu yě.

Ozée 11:4 Iomraidhean Croise

2 Samuwɛ́li 7:14

Un ná nyí tɔ́ n'i, bɔ é ná nyí vǐ nú mì. Nú é wa nǔ nyi do ɔ́, un ná dɔn tó n'i lě e tɔ́ nɔ kplɔ́n vǐ gbɔn é.

Ɖɛhan 105:40

Yě byɔ́, bɔ é ná xɛ e è nɔ ylɔ́ ɖɔ káyi lɛ́ɛ yě; é nɔ́ sɛ́ wɔ̌xúxú dó yě sín jǐxwé, bɔ yě nɔ́ ɖu gɔ́ xo.

Tíntɔ́n 16:32

Mɔyízi ɖɔ: “Nǔ e Mawu Mavɔmavɔ ɖɔ è nǐ bló ɔ́ ɖíe: É ɖɔ: ‘Mi bɛ́ mǎna gɔ́ nǔ ɖokpó, bó zé ɖ'ayǐ nú vǐ mitɔn lɛ́ɛ; énɛ́ ɔ́, yě ná mɔ wɔ̌xúxú alɔkpa e un ná mi, bɔ mi ɖu ɖo gbětótló mɛ hwenu e un ɖe mi tɔ́n sín Ejípu é.’ ”

Hanvíví 1:4

Hɛn alɔ ce bónú mǐ ná kán wezun. Sɛ́mɛɖó ce, kplá mì byɔ́ xɔ towe mɛ. Nǔ ná nyɔ́ nú mǐ, mǐ ná ɖu gbɛ, hwi wɛ ka ná nyí mɔ̌. Mǐ ná kpa susu nú wǎn yíyí towe, é nɔ́ mú mɛ hú vɛ̌ɛn. Đyɔ̌vǐ e yí wǎn nú we lɛ́ɛ sín hwɛ jɔ titewungbe!

Ezayíi 63:9

Yě ɖo aluwɛ mɛ ɔ́, é ɖésú nɔ́ nɔ aluwɛ mɛ xá yě, bɔ wɛnsagun e nɔ ɖo kpɔ́ xá ɛ ɔ́ nɔ hwlɛ́n yě; éyɛ́ Mawu ɔ́ ɖésú xɔ yě ɖo wǎn yíyí tɔn kpó nǔbláwǔkúnúmɛ tɔn kpó mɛ; é wɛ kpé nukún dó yě wú, bó hɛn sɔ yě ɖo hwe yětɔn nu.

Ozée 2:8

Énɛ́ ɔ́ wú wɛ nyɛ Mawu Mavɔmavɔ ɔ́, un ná bɛ́ wunkan dó gbo ali n'i, un ná mɛ dǒ lɛ́ lɛ̌ dó e, bɔ é sɔ́ ná mɔ ali bó tɔ́n ǎ.

Levíi ví 26:13

Nyɛ wɛ nyí Mawu Mavɔmavɔ, Mawu mitɔn e ɖe mi tɔ́n sín Ejípunu lɛ́ɛ to mɛ é, bónú mi ma sɔ́ nyí kannumɔ yětɔn ó. Nyɛ wɛ flí agban yětɔn e ɖo kɔ mitɔn jí ɔ́ gba, bó bló bɔ mi ná nɔ́ tɛ afɔ ayǐ bó gó.”

Jǎan 12:32

Hwenu e è nǎ sɔ́ mì sín ayǐkúngban jí dó jǐ ɔ́, un ná dɔn gbɛtɔ́ lɛ́ɛ bǐ dó wǔ.”

2 Kɔlɛ́ntinu 5:14

Wǎn yíyí Klísu tɔn ɖu ɖo mǐ jí, ɖó mǐ ɖó gǎnjɛwú ɖɔ mɛ ɖokpó géé wɛ kú dó mɛ bǐ tamɛ; é wɛ nyí ɖɔ mɛ bǐ kú xá ɛ.

Sɛ́nflínmɛ 32:12

Nǔgbó wɛ, Mawu Mavɔmavɔ ɖokpónɔ géé wɛ kplá togun tɔn; é ba vodún ɖěbǔ sín alɔdó ǎ.

Sɛ́nflínmɛ 32:14

Nyibú asi lɛ́ɛ kpó gbɔ̌ lɛ́ɛ kpó sín anɔ̌sin wɛ yě nɔ́ nu. Lɛ̌ngbɔ́ lɛ́ɛ kpó agbo lɛ́ɛ kpó, kpó gbǎgbá kloklo lɛ́ɛ kpó sín lan wɛ yě nɔ́ ɖu. Yě nɔ́ ɖu jinukún ɖagbe ɖagbe, bó nɔ́ nu vɛ̌ɛn e vǐwungbo yětɔn ná é.