Ozée 11:2 - MAWUXÓWÉMA

² Lo ɔ́, yě nɔ́ hɔn yi zɔ nú mɛ e ɖo yě ylɔ́ wɛ lɛ́ɛ. Yě sá vɔ̌ nú vodún Baalu, bó dó zǎlínkpɔ́n zo nú bǒcyɔ lɛ́ɛ.

Ozée 11:2 Iomraidhean Croise

1 Axɔ́sú 12:33

Jelobowámu ɖu xwe ɖokpó nú togun Izlayɛ́li tɔn ɔ́ ɖo Betɛ́li, ɖo azǎn afɔtɔngɔ́ ɔ́ e ɖo sun tántɔngɔ́ ɔ́ mɛ ɔ́ gbe. É ɖésúnɔ wɛ sɔ́ azǎn énɛ́ ɔ́. Xwe énɛ́ ɔ́ hwenu ɔ́, é ɖésú wɛ nɔ́ sá vɔ̌ ɖo vɔ̌sákpe e é bló ɔ́ jí.

1 Axɔ́sú 18:19

Din ɔ́, sɛ́ mɛ dó nú è nǐ kplé Izlayɛ́li togun ɔ́ bǐ nú mì ɖo Kaamɛ́li só ɔ́ jí. Vodún Baalu sín hunnɔ afɔwe kanɖé wǒ (450) lɛ́ɛ kpódó vodún Acela sín hunnɔ afɔwe (400) e axɔ́si Jezabɛ́li nɔ ná nǔɖuɖu lɛ́ɛ lɔ kpó ní wá.”

Nɛɛmíi 9:30

A dɛ bo hɛn yě káká nú xwe mɔ̌kpán. Gbeyíɖɔ towe lɛ́ɛ ɔ́, Yɛ towe ɖo yě jí, bó nɔ ɖɔ xó towe lɛ́ɛ nú yě; lo ɔ́, yě ɖótó yě ǎ. Énɛ́ wu ɔ́, a jǒ yě nú togun ɖěvo lɛ́ɛ.

Ezayíi 65:7

Un ná sú nǔ e yě wa ɔ́ sín axɔ́ yě, bó ná lɛ́ sú nǔ e tɔ́gbó yětɔn lɛ́ɛ wa é lɔ sín axɔ́ yě, ɖó yě nɔ́ dó zǎlínkpɔ́n zo gbɔn só jí só jí; yě nɔ́ ba nǔɖɔ mì gbɔn só kpɛví kpɛví lɛ́ɛ jí. Nǔ e yě wa ɖ'ayǐ lɛ́ɛ ɔ́, un ná sú bǐ sín axɔ́ yě. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 18:15

Mi mɛ e nyí togun ce ɔ́, mi ka wɔn mì. Mi wɔn mì, bó nɔ́ xwlé zǎlínkpɔ́n vodún lɛ́ɛ. Vodún énɛ́ lɛ́ɛ nyí afɔklɛ́nnú nú mi ɖo ali e mi mlɛ́ lɛ́ɛ jí. Yě ɖe mi sín ali mitɔn xóxó lɛ́ɛ jí, bɔ mi wlí ali e è ma ɖe ǎ lɛ́ɛ.

Jelemíi 35:13

“Đɔ nú Judáanu lɛ́ɛ kpó Jeluzalɛ́munu lɛ́ɛ kpó ɖɔ: Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ ɔ́ ɖíe: mi ná ɖótó mì bó ná se nǔ e kplɔ́n mi wɛ un ɖe ɔ́ ǎ cé?

Jelemíi 44:5

Lo ɔ́, mi ɖótó yě ǎ, mi ké ya ná ǎ, mi jó gbɛ nyanya e zán wɛ mi ɖe ɔ́ dó ǎ, mi gɔn zǎlínkpɔ́n xwlé vodún ǎ.

Ozée 11:7

Togun ce jɛ kú ɖɔ émí ná nɔ zɔ nú mì. È ylɔ̌ ɛ ɖɔ ní lɛ́ kɔ wá nyɛ Ajalɔ̌nlɔn ɔ́ gɔ́n, yě mɛ ɖěbǔ ká se ǎ.

Ozée 2:13

Un ná ɖó awǎ e jɛ wɛ é ɖe ɔ́ bǐ te. Xwe e ɖu wɛ é ɖe lɛ́ɛ, sunwájǐxwe e ɖu wɛ é ɖe lɛ́ɛ, gbɔjɛzán e ɖu wɛ é ɖe lɛ́ɛ, kpódó agɔ̌ e ɖu wɛ é ɖe lɛ́ɛ bǐ kpó ɔ́, un ná ɖó bǐ te.

Ozée 4:13

Yě nɔ́ sá vɔ̌ ɖo só lɛ́ɛ ta; yě nɔ́ dó zǎlínkpɔ́n zo ɖo só kpɛví kpɛví lɛ́ɛ jí, ɖo cɛ́nitín lɛ́ɛ kpó pepliyéetín lɛ́ɛ kpó, kpódó telebɛ́ntitín lɛ́ɛ kpó sá. Atín énɛ́ lɛ́ɛ sín yɛtɛn nyɔ́ ganjí. Énɛ́ ɔ́ wú wɛ vǐ yětɔn nyɔ̌nu lɛ́ɛ nɔ́ lɛ aga, bɔ vǐ yětɔn sín asi lɛ́ɛ nɔ dó afɔ gbě.

Ozée 4:17

Eflayímunu lɛ́ɛ ɖó kan dó vodún sinsɛn wú. Mi tin dó yě.

Zakalíi 1:4

Mi ma wa nǔ tɔ́gbó mitɔn lɛ́ɛ ɖɔhun ó. Đ'ayǐ xóxó ɔ́, gbeyíɖɔ lɛ́ɛ kó kplɔ́n nǔ yě ɖo nyǐkɔ ce mɛ ɖɔ yě ní lɛ́ kɔ sín gbɛ nyanya e zán wɛ yě ɖe ɔ́ gúdo, bó jó nǔ ma sɔgbe e wa wɛ yě ɖe lɛ́ɛ dó; yě ká jló ná se ǎ; yě se tónú nú mì ǎ.

Zakalíi 7:11

Mɛ lɛ́ɛ ká gbɛ́ ɖɔ émí kún ná se ó, yě nyɛ́ abɔ̌ d'é mɛ, bó sú tó, ɖó yě táá wá se.

Luki 13:34

“Jeluzalɛ́munu e mi, Jeluzalɛ́munu e mi, mi mɛ e nɔ hu gbeyíɖɔ Mawu tɔn lɛ́ɛ, bó nɔ́ nyi awǐnnyaglo dó hu mɛ e Mawu nɔ́ sɛ́ dó mi lɛ́ɛ é! Azɔn mɔ̌kpán wɛ un ko jló ná kplé mi dó awa ce lɛ́ɛ glɔ́, lě e kokló nɔ́ kplé vǐ tɔn lɛ́ɛ dó awa tɔn lɛ́ɛ glɔ́ gbɔn é, lo ɔ́, mi jló ǎ.

Jǎan 3:19

Nǔ e ka dɔn hwɛɖónúmɛ énɛ́ wá ɔ́ wɛ nyí ɖɔ: wěziza wá gbɛ ɔ́ mɛ, gbɛtɔ́ lɛ́ɛ ka yí wǎn nú zǐnflú hú gǎn wěziza ɔ́, ɖó nǔ nyanya wiwa yětɔn lɛ́ɛ wútu.

Mɛsɛ́dó 7:51

“Mi tamɛtitɔ́, tótlítɔ́, ayisyɛ́nsyɛ́nnɔ lɛ́ɛ mi; gǔ jɛ́n mi nɔ fɔ́n dó Yɛsinsɛn jí; nǔ e tɔ́gbó mitɔn lɛ́ɛ wa ɔ́, é wa wɛ jɛ́n mi lɔmɔ̌ ɖe.

Hwɛɖɔtɔ́ 10:6

Izlayɛ́li ví lɛ́ɛ lɛ́ wa nǔ e ma nyɔ́ Mawu Mavɔmavɔ nukún mɛ ǎ é: Yě sɛn vodún Baalu lɛ́ɛ kpó Asitaatée lɛ́ɛ kpó; yě sɛn vodún Silíi tɔn lɛ́ɛ, Sidɔ́ɔnnu lɛ́ɛ tɔn lɛ́ɛ, Mɔwabunu lɛ́ɛ tɔn lɛ́ɛ, Amumɔ́ɔ ví lɛ́ɛ tɔn lɛ́ɛ kpó Filisitɛ́ɛn lɛ́ɛ tɔn lɛ́ɛ kpo. Yě jó Mawu Mavɔmavɔ dó bó sɔ́ nɔ sɛn ɛ ǎ.

Hwɛɖɔtɔ́ 2:13

Yě jǒ Mawu Mavɔmavɔ dó, bó nɔ sɛn vodún Baalu lɛ́ɛ kpó vodún Asitaatée lɛ́ɛ kpó.

Hwɛɖɔtɔ́ 3:7

Izlayɛ́li ví lɛ́ɛ wa nǔ e ma nyɔ́ Mawu Mavɔmavɔ nukún mɛ ǎ é; yě wɔn Mawu Mavɔmavɔ, Mawu yětɔn bó nɔ́ sɛn vodún Baalu lɛ́ɛ kpó vodún Acela lɛ́ɛ kpó.