Ozée 11:1 - MAWUXÓWÉMA

¹ Mawu Mavɔmavɔ ɖɔ: “Hwenu e Izlayɛ́li ɖo vǔ ɔ́, un yí wǎn n'i. Un ylɔ́ vǐ súnnu ce sín Ejípu.”

Ozée 11:1 Iomraidhean Croise

Ɖɛhan 129:1

È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Sín dɔ̌nkpɛ mɛ ce ɖokpóó wɛ kɛntɔ́ kó ɖo ahwan tɔ́n mì wɛ...

Tíntɔ́n 19:4

Mi ɖésúnɔ ɔ́, mi mɔ nǔ e un wa xá Ejípunu lɛ́ɛ é; bó ká mɔ lě e un bɛ́ midɛɛ lɛ́ɛ, lě e gangan nɔ zé vǐ tɔn dó awa jí ɔ́ ɖɔhun, bó kplá mi wá fí gbɔn é.

Tíntɔ́n 4:22

Énɛ́ ɔ́, a nǎ ɖɔ n'i ɖɔ: Xó e Mawu Mavɔmavɔ ɖɔ ɔ́ ɖíe; é ɖɔ: ‘Togun Izlayɛ́li tɔn ɔ́, vǐ súnnu ce wɛ é nyí; nukɔngbéví ce wɛ.

Tíntɔ́n 4:23

Jǒ vǐ súnnu ce dó ní yi, bó ná yi sɛn mì; é ɖó ɖɔ a gbɛ̌ ǎ. Nú a gbɛ̌ ɖɔ é kún ná yi ó ɔ́, un ná hu vǐ súnnu towe nukɔngbéví towe ɔ́.’ ”

Ezayíi 43:4

Nǔgbó wɛ, a xɔ akwɛ́ nukún ce mɛ, a ɖo ayi ce mɛ, un yí wǎn nú we. Énɛ́ ɔ́ wú wɛ un fɔ gbɛtɔ́ jó ɖó tɛn towe mɛ, un fɔ togun jó dó ɖyɔ́ we.

Jelemíi 12:7

Mawu ɖɔ nú mì ɖɔ: “Un jó xwé ce dó, un jó togun e nyí ce ɔ́ dó. Togun e un yí wǎn ná ɔ́, un jó e dó nú kɛntɔ́ tɔn lɛ́ɛ.

Jelemíi 2:2

“Yi, bó ɖɔ dó Jeluzalɛ́munu lɛ́ɛ tó mɛ ɖɔ nyɛ Mawu Mavɔmavɔ ɖɔ: Jeluzalɛ́mu, un nɔ flín wǎn yíyí e a ɖó nú mì hwenu e a ɖo ɖyɔ̌vǐ mɛ é. Un nɔ flín lě e wǎn ce yí we gbɔn hwenu e a nyí yawó é. Hwenɛ́nu ɔ́, a ɖo xwixwedó mì wɛ ɖo gbětótló mɛ, fí e jinukún ɖě má nɔ nyɔ́ ɖe ǎ é.

Ezekiyɛ́li 16:22

Hwenu e a ɖo gbɛ baɖabaɖa énɛ́ zán wɛ ɔ́, Jeluzalɛ́mu, hwenu e a nɔ ɖo afɔ dó gbě wɛ ɔ́, a ka sɔ́ nɔ flín vǔ towe a? A nɔ flín hwenu e a ɖo mɛ̌ jɔgbe, bó ɖo kanjɔ mɛ blí gbo gbɔn wɛ é a?

Ezekiyɛ́li 16:6

Un wá ɖo dǐndín gbɔn akpá towe wɛ, bó mɔ we ɖo sugbaja xo wɛ ɖo kanjɔ mɛ. A ɖo kanjɔ mɛ mɔ̌ có un ɖɔ hwi ná gán; un ɖɔ hwi ná gán dandan.

Ozée 10:15

Adǎnú ɖaxó ɖaxó e mi yi wa ɖo Betɛ́li ɔ́, nǔ e mi mɔ ɖ'é mɛ ɔ́ nɛ́. Ayǐtéhɔ̌nnu su lě tlóló ɔ́, axɔ́sú Izlayɛ́li tɔn ɔ́ sín xó ná fó.”

Ozée 12:13

Jakɔ́bu hɔn yi Mɛzopotamíi, Izlayɛ́li nɔ wa azɔ̌ nú mɛ ɖěvo ɖó nyɔ̌nu wú. Nyɔ̌nu wú wɛ é húzú lɛ̌ngbɔ́nyitɔ́.

Ozée 12:9

Bɔ Eflayímu ɖɔ: “Un jɛ dɔkun nǔgbó, un ɖó nǔ gěgé nǔgbó. Amɔ̌, nǔ énɛ́ lɛ́ɛ bǐ ɔ́, azɔ̌ e un wa ɔ́ sín le wɛ; è nǎ mɔ hwɛ ɖé bó dó mì ǎ, un wa nǔ nyanya ɖě dó jɛ dɔkun ǎ.”

Ozée 13:4

Mawu Mavɔmavɔ ɖɔ: “Izlayɛ́linu lɛ́ɛ mi, nyɛ ɔ́, Mawu Mavɔmavɔ, Mawu mitɔn wɛ un nyí sín hwenu e mi tɔ́n sín Ejípu é; mi tunwun Mawu ɖěvo zɛ nyɛ wú ǎ, Mɛhwlɛ́ngántɔ́ ɖěvo tíin zɛ nyɛ wú ǎ.

Ozée 2:15

Un ná dɔn tó n'i nú azǎn nabí e é dó zǎlínkpɔ́n zo nú vodún Baalu lɛ́ɛ xɔ é; un ná dɔn tó n'i nú azǎn nabí e é dó alɔkɛ́ kpó kɔjɛ́ kpó dó ba acɔ́ ná xɔ é, azǎn nabí e é ba acɔ́ ná bó yi ba xɔnnɔ tɔn lɛ́ɛ mɔ, bó wɔn mì xɔ é.

Malacíi 1:2

Mawu Mavɔmavɔ ɖɔ nú Izlayɛ́li ví lɛ́ɛ ɖɔ: “Un yí wǎn nú mi.” Yě kanbyɔ́ ɛ ɖɔ: “Fítɛ́ nǔ e ɖe xlɛ́ ɖɔ a yǐ wǎn nú mǐ ɔ́ ɖe?” Mawu Mavɔmavɔ yí gbe bo ɖɔ: “Esawu ɔ́, Jakɔ́bu sín nɔví wɛ é nyí ǎ cé?

Matíe 2:15

lobo nɔ fínɛ́ káká jɛ hwenu e Elódu kú é. Nǔ nyí mɔ̌, nú xó e Aklúnɔ ko ɖɔ ɖ'ayǐ gbɔn gbeyíɖɔ tɔn jí ɔ́ ná dó jɛ; é wɛ nyí ɖɔ: “Un ylɔ́ vǐ ce sín Ejípu.”

Sɛ́nflínmɛ 33:3

Mawu Mavɔmavɔ yí wǎn nú Izlayɛ́li sín akɔta lɛ́ɛ. Izlayɛ́li ví súnnu e nyí étɔn, bó nɔ́ wá kplé ɖo asá tɔn mɛ, bó ná yí kplɔ́n lɛ́ɛ ɔ́, é nɔ́ cyɔ́n alɔ yě jǐ.

Sɛ́nflínmɛ 7:7

Mɔyízi ɖɔ: “Ée Mawu Mavɔmavɔ ɖó kɔ mi wú, bó sɔ́ mi é ɔ́, ényí ɖɔ mi sukpɔ́ hú togun ɖě lɛ́ɛ wú wɛ ǎ; mi sukpɔ́ sɔ togun ɖě lɛ́ɛ ɖěbǔ ǎ.