Ozée 10:8 - MAWUXÓWÉMA

⁸ È nǎ gba vodún xwé e ɖo Bɛti-Awɛni lɛ́ɛ hánnyá. Fí énɛ́ lɛ́ɛ wɛ Izlayɛ́linu lɛ́ɛ hu hwɛ ɖe. Kpɔvɛwun kpó wunkan kpó ná wú ɖó vɔ̌sákpe yětɔn lɛ́ɛ jí. Yě ná ɖɔ nú só ɖaxó lɛ́ɛ ɖɔ: “Mi cyɔ́n mǐ!” Bó ná ɖɔ nú só kpɛví lɛ́ɛ ɖɔ: “Mi mu kɔn nyi mǐ jí!”

Ozée 10:8 Iomraidhean Croise

Bǐbɛ́mɛ 3:8

Gbadanu wá su, bɔ Mawu Mavɔmavɔ ɖo sa ɖi gbɔn jikpá ɔ́ mɛ wɛ, bɔ yě se afɔ tɔn gbe. Énɛ́ ɔ́, yě yi hɔn hwlá dó atín e ɖo jikpá ɔ́ mɛ lɛ́ɛ tɛ́ntin.

1 Axɔ́sú 13:2

Gbeyíɖɔ ɔ́ sú xó dó vɔ̌sákpe ɔ́ jí lě e Mawu Mavɔmavɔ ɖɔ n'i gbɔn é; é ɖɔ: “Vɔ̌sákpe! Vɔ̌sákpe! Nǔ e Mawu Mavɔmavɔ ɖɔ ɔ́ ɖíe: ‘È nǎ ji vǐ súnnu ɖokpó ɖo Davídi hɛ̌nnu; nyǐkɔ tɔn ná nyí Joziyási. É ná hu sinsɛngán e ɖo vɔ̌ sá wɛ ɖo hwi vɔ̌sákpe ɔ́ jí lɛ́ɛ, bɔ è nǎ nɔ́ dó gbɛtɔ́ xú zo ɖo jǐ towe!’ ”

1 Axɔ́sú 13:34

Nǔ énɛ́ e Jelobowámu wa ɔ́ wɛ dɔn xwédo tɔn dó hwɛ mɛ. É wɛ zɔ́n bɔ è sú kún tɔn dó sín gbɛ ɔ́ mɛ.

1 Axɔ́sú 14:16

Mawu Mavɔmavɔ ná ɖe alɔ sín Izlayɛ́linu lɛ́ɛ sín kanmɛ ɖó hwɛ e Jelobowámu hu, bó dɔn yě d'é mɛ bɔ yě lɔ hu ɔ́ wú.”

2 Axɔ́sú 23:15

Joziyási gba vodún xwé e ɖo Betɛ́li bɔ Jelobowámu Nɛvati ví ɔ́ gbá bó dɔn Izlayɛ́linu lɛ́ɛ dó hwɛ mɛ é. É dó vodún xwé e ɖo só jí ɔ́ zo, bó gba vɔ̌sákpe ɔ́, bó dó vodún Acela zo, bɔ bǐ ji bo kɔn afín.

2 Tan 31:1

Ée yě ɖu xwe ɔ́ fó ɔ́, Izlayɛ́li ví e ɖo fínɛ́ lɛ́ɛ bǐ yi Judáa sín toxo lɛ́ɛ mɛ, bó gba awǐnnya e yě tun te bo nɔ sɛn lɛ́ɛ hánnyá, bó gba vodún Acela tɔn lɛ́ɛ, lobo gba vodún xwé e ɖo só jí lɛ́ɛ, bó gba vɔ̌sákpe e gbɔn Judáa lɛ́ɛ bǐ. Mɔ̌ ɖokpó ɔ́ wɛ yě wa nǔ gbɔn ɖo Bɛnjamɛ́ɛ tomɛ, bó wa ɖo Eflayímu tomɛ, bó wa ɖo Manasée tomɛ. Énɛ́ ɔ́ gúdo ɔ́, Izlayɛ́li ví lɛ́ɛ bǐ lɛ́ kɔ wá yi toxo yětɔn yětɔn mɛ, bɔ mɛ ɖokpó ɖokpó yi ayǐkúngban tɔn jí.

Ezayíi 2:19

Hwenu e Mawu Mavɔmavɔ ná sí te bó dó xɛsi gbɛ ɔ́ é ɔ́, è nǎ byɔ́ sóxo mɛ, è nǎ byɔ́ do mɛ ɖo kɔ́ glɔ́ bó ná yi do bǐ, bó ná hɔn nú xɛsi e dó mɛ wɛ é ɖe é, bó ná hɔn nú susu tɔn e nɔ kɔ́n lánlánlán é.

Ezayíi 2:21

Hwenu e Mawu Mavɔmavɔ ná sí te bó ná dó xɛsi gbɛ ɔ́ é ɔ́, è nǎ byɔ́ só vla lɛ́ɛ mɛ, è nǎ byɔ́ sónu lɛ́ɛ mɛ, bó ná hɔn nú xɛsi e dó mɛ wɛ Mawu Mavɔmavɔ ɖe é, bó ná hɔn nú susu tɔn e nɔ kɔ́n lánlánlán é.

Ezayíi 32:13

Mi ví togun ce sín ayǐkúngban e bǐ sú gbě é; mi ví xwé énɛ́ lɛ́ɛ e gbe è nɔ ɖo awǎ jɛ wɛ ɖe é; mi ví toxo énɛ́ e mɛ axi nɔ jɛ ɖe é.

Ezayíi 34:13

Wunkan wɛ ko wú gbɔn xwé ɖaxó ɖaxó lɛ́ɛ gbe; asangokan kpó atínkan wunnɔ lɛ́ɛ kpó vun blá ahohó lɛ́ɛ; avǔn gbě tɔn lɛ́ɛ xwé wɛ, gowungo lɛ́ɛ sín adɔ̌tɛn wɛ.

Ozée 10:2

Ayixa yětɔn nɔ́ nɔ fí ɖokpó ǎ: hwɛ e yě hu lɛ́ɛ ji nǔɖé ɔ́, yě ná kpan. Mawu Mavɔmavɔ ná flí vɔ̌sákpe yětɔn lɛ́ɛ xwe, é ná gba awǐnnya e yě sɔ́ dó ɖó vodún ná, bó nɔ sɛn lɛ́ɛ.

Ozée 10:5

Wǔ ná kú Samalíinu lɛ́ɛ ɖó siká nyibúví Bɛti-Awɛni tɔn lɛ́ɛ wú. Togun tɔn ná nɔ aluwɛ mɛ nú vodún ɔ́, bɔ xɛsi ná jɛ vodúnnɔ tɔn lɛ́ɛ jí, ɖó susu tɔn e ná gosín tɛ́ntin yětɔn ɔ́ wú.

Ozée 10:9

Mawu Mavɔmavɔ ɖɔ: “Sín nǔ e jɛ ɖo Giveya ɔ́ hwenu ɔ́, Izlayɛ́linu lɛ́ɛ wa nǔ e yě ɖó ná wa lɛ́ɛ ǎ. Yě húzú ǎ. É nyí ganjí wɛ ɔ́, ahwan wɛ mɛhutɔ́ énɛ́ lɛ́ɛ ná kó cí ɖo Giveya.

Ozée 2:6

Un ná kú nǔbláwǔ nú vǐ tɔn lɛ́ɛ ǎ, ɖó agaví wɛ yě nyǐ.

Ozée 4:13

Yě nɔ́ sá vɔ̌ ɖo só lɛ́ɛ ta; yě nɔ́ dó zǎlínkpɔ́n zo ɖo só kpɛví kpɛví lɛ́ɛ jí, ɖo cɛ́nitín lɛ́ɛ kpó pepliyéetín lɛ́ɛ kpó, kpódó telebɛ́ntitín lɛ́ɛ kpó sá. Atín énɛ́ lɛ́ɛ sín yɛtɛn nyɔ́ ganjí. Énɛ́ ɔ́ wú wɛ vǐ yětɔn nyɔ̌nu lɛ́ɛ nɔ́ lɛ aga, bɔ vǐ yětɔn sín asi lɛ́ɛ nɔ dó afɔ gbě.

Ozée 4:15

Óo! Izlayɛ́linu lɛ́ɛ mi! Mi fɔ́n bó ɖo aga lɛ wɛ. Amɔ̌, Judáanu lɛ́ɛ mi, mi ma hu hwɛ e yě hu ɔ́ ó. Mi ma yi Gilugalu ó, mi ma yi Bɛti-Awɛni ó, mi ma ka xwlé nǔ bó ɖɔ: “Mawu Mavɔmavɔ ɖo gbɛ” ó.

Ozée 5:8

“Mi kún lanzo ɖo Giveya, mi kún kpɛn ɖo Hlama! Mi sú xó ɖo Bɛti-Awɛni. Akɔta Bɛnjamɛ́ɛ tɔn, kpɔ́n gǔdo towe.

Ozée 8:5

Nyɛ Mawu Mavɔmavɔ gbɛ́ nyibúví Samalíinu lɛ́ɛ tɔn. Un sin xomɛ dó yě ɖésú. Ayǐ ɖé ká ná hɔ́n, bɔ yě ná gɔn hwɛ hu cé?

Ozée 9:6

Hwenu e yě ná gosín to yětɔn e è gba ɔ́ mɛ ɔ́, Ejípunu lɛ́ɛ ná yí yě. Lo ɔ́, Mɛfísi toxo ɔ́ wɛ ná nyí yɔdo yětɔn. Akwɛ́nú e yě ɖó lɛ́ɛ, kpatágan yětɔn ɔ́, kpɔvɛwun wɛ ná vun blá. Wunkan wɛ ná wú ɖo goxɔ yětɔn lɛ́ɛ mɛ.

Amɔ́si 1:5

Un ná fó Damási sín hɔntogbó lɛ́ɛ. Un ná sú mɛ e ɖo nǔ nyanya wiwa sín tɔdo énɛ́ ɔ́ mɛ lɛ́ɛ, kpó axɔ́sú gbɛɖuto énɛ́ ɔ́ tɔn ɔ́ kpó sín kún dó. Ahwan ná wlí togun Silíi tɔn ɔ́ sín kannumɔ yi Kíi.” Xó e Mawu Mavɔmavɔ ɖɔ ɔ́ nɛ́.

Amɔ́si 3:14

Gbe e gbe un ná dɔn nǔ nyanya e Izlayɛ́li ví lɛ́ɛ wa lɛ́ɛ sín tó nú yě ɔ́, un ná gba vɔ̌sákpe e ɖo Betɛ́li lɛ́ɛ hánnyá; un ná gba lanzo e è mɛ ɖó vɔ̌sákpe ɔ́ sín zwe jí zwe jí lɛ́ɛ, bɔ yě ná hɔ́ jɛ ayǐ.

Amɔ́si 7:9

Un ná gba Izáki ví lɛ́ɛ sín vodún lɛ́ɛ. Un ná gba tɛn mímɛ́ Izlayɛ́li tɔn lɛ́ɛ hánnyá, bó ná tɔ́n ahwan mɛ e ná wá yí axɔ́sú Jelobowámu sín zinkpo jí lɛ́ɛ bǐ.”

Amɔ́si 8:14

Yě nɔ́ xwlé vodún Samalíinu lɛ́ɛ tɔn lɛ́ɛ; yě nɔ́ xwlé nǔ bó nɔ́ ɖɔ: ‘Susu nú vodún towe Dan’, abǐ ‘Susu nú vodúnnú e è nɔ wa ɖo Bɛ̌-Ceva é.’ Yě mɛ énɛ́ lɛ́ɛ ná jɛ ayǐ, bó sɔ́ ná fɔ́n gbeɖé ǎ.”

Micée 1:13

Mi Lakícinu e mi, mi sin sɔ́ mitɔn lɛ́ɛ dó ahwankɛkɛ́ mitɔn lɛ́ɛ wú . Mi gbɛ́ gbe nú Mawu Izlayɛ́li ví lɛ́ɛ ɖɔhun; mi wútu wɛ yě hu hwɛ.

Micée 1:5

Nǔ énɛ́ lɛ́ɛ bǐ ná jɛ ɖó Izlayɛ́li ví lɛ́ɛ hu hwɛ, bó fɔ́n gǔ dó Mawu jí. Mɛ̌ ká zɔ́n bɔ Izlayɛ́li ví lɛ́ɛ fɔ́n gǔ dó Mawu jí? Samalíinu lɛ́ɛ wɛ. Mɛ̌ ká dɔn Judáanu lɛ́ɛ dó vodúnsinsɛn mɛ? Jeluzalɛ́munu lɛ́ɛ ɖésú wɛ.

Naxúmu 3:11

Hwɛ Ninívu toxo ɔ́, wǔvɛ́ ná mú we ahan ɖɔhun, bɔ a nǎ hɔn hwlá. Hwɛ ɖésú ɔ́, a nǎ ba fí e a nǎ hɔn bɛ dó bɔ kɛntɔ́ towe lɛ́ɛ ma ná mɔ we ǎ é.

Luki 23:30

Hwenɛ́nu ɔ́, è nǎ jɛ ɖiɖɔ nú só ɖaxó ɖaxó lɛ́ɛ jí ɖɔ: ‘Mi mu kɔn nyi mǐ jǐ!’ Bó ná ɖɔ nú só kpɛví kpɛví lɛ́ɛ ɖɔ: ‘Mi cyɔ́n mǐ.’

Sɛ́nflínmɛ 9:21

lobo zé nyibúví sín bǒcyɔ e mi bló bó hu hwɛ dó Mawu Mavɔmavɔ ɔ́ dó myɔ mɛ. Énɛ́ ɔ́ gúdo ɔ́, un gba nǔ e kpo lɛ́ɛ, bó li bǐ, bɔ é húzú linfín, bɔ un bɛ́ kɔn nyi tɔ e nɔ sa sín só ɔ́ jí é mɛ.

Nǔɖexlɛ́mɛ 6:16

bó nɔ ɖɔ nú só lɛ́ɛ kpódó awǐnnya lɛ́ɛ kpán ɖɔ: “Mi mu kɔn nyi mǐ jǐ, bó sɔ́ mǐ hwlá, bónú mɛ e jínjɔ́n axɔ́súzinkpo ɔ́ jí ɔ́ má mɔ mǐ ó; énɛ́ ɔ́, mǐ ná nɔ zɔ nú xomɛsin Lɛ̌ngbɔ́ví ɔ́ tɔn.

Nǔɖexlɛ́mɛ 9:6

Đo sun atɔ́ɔ́n énɛ́ lɛ́ɛ gbla mɛ ɔ́, gbɛtɔ́ lɛ́ɛ ná ba kú, yě ka ná mɔ ǎ; yě ná jló ɖɔ émí ní kú, kú ka ná hɔn yi zɔ nú yě.