Ozée 10:7 - MAWUXÓWÉMA

⁷ Acɔnkwín! È blǒ xá Samalíi nɛ́, è blǒ xá axɔ́sú tɔn nɛ́, é ɖo sisa yi wɛ afúntúnkplɔ̌ ɖo sin nukún mɛ ɖɔhun.

Ozée 10:7 Iomraidhean Croise

1 Axɔ́sú 21:1

Nǔ e wá jɛ ɖo nǔ énɛ́ lɛ́ɛ gúdo ɔ́ ɖíe: Nya ɖé tíin, bó nɔ nyí Nabɔti, bó nyí Izleyɛ́linu. Nya énɛ́ ɔ́ ɖó vǐwungle ɖokpó ɖo Izleyɛ́li ɖo axɔ́sú Samalíi tɔn Akábu sín hɔnmɛ kpá.

2 Axɔ́sú 1:3

Wɛnsagun Mawu Mavɔmavɔ tɔn ɖokpó ka ɖɔ nú Elíi Ticibéenu ɔ́ ɖɔ: “Sɔ́ nǔ, bó yi kpé mɛ e axɔ́sú Samalíi tɔn sɛ́ dó lɛ́ɛ, bó kanbyɔ́ yě ɖɔ: ‘Mawu ɖo Izlayɛ́li ǎ wú wɛ mi xwe nǔ kan gbé ɖo Eklɔ́ni vodún Baalu-Zebúbi gɔ́n a?’

2 Axɔ́sú 15:30

Ozée Ela ví ɔ́ blá Pekáxi sín gbě bo hu i, bó ɖu axɔ́sú ɖó tɛn tɔn mɛ. Yotámu Oziyási ví ɔ́ ɖo xwe ko bló wɛ ɖo axɔ́súzinkpo Judáa tɔn jí hwenɛ́nu.

2 Axɔ́sú 17:4

Ée é wá yá ɔ́, axɔ́sú Ozée jɛ gbě blá dó Asilíi xɔ́sú ɔ́ wú jí: é sɛ́ mɛ dó Ejípu xɔ́sú ɔ́ ɖo Sayisi ɖɔ émí kún sɔ́ ɖo nǔjɔ e émí nɔ sú Asilíi xɔ́sú ɔ́ xwewú xwewú ɔ́ ɖěbǔ ná sú wɛ ó. Ée Asilíi xɔ́sú ɔ́ se mɔ̌ ɔ́, é wlí Ozée sú dó gankpá mɛ.

Ozée 10:15

Adǎnú ɖaxó ɖaxó e mi yi wa ɖo Betɛ́li ɔ́, nǔ e mi mɔ ɖ'é mɛ ɔ́ nɛ́. Ayǐtéhɔ̌nnu su lě tlóló ɔ́, axɔ́sú Izlayɛ́li tɔn ɔ́ sín xó ná fó.”

Ozée 10:3

Bɔ din ɔ́, yě ná ɖɔ: “Mǐ sɔ́ ɖó axɔ́sú ɖě ǎ, ɖó mǐ ɖó sísí nú Mawu Mavɔmavɔ ǎ; lě e nǔ wá ɖe gbɔn nú mǐ din ɔ́, étɛ́ wɛ axɔ́sú ɖé ká sixú wa nú mǐ?”

Ozée 10:8

È nǎ gba vodún xwé e ɖo Bɛti-Awɛni lɛ́ɛ hánnyá. Fí énɛ́ lɛ́ɛ wɛ Izlayɛ́linu lɛ́ɛ hu hwɛ ɖe. Kpɔvɛwun kpó wunkan kpó ná wú ɖó vɔ̌sákpe yětɔn lɛ́ɛ jí. Yě ná ɖɔ nú só ɖaxó lɛ́ɛ ɖɔ: “Mi cyɔ́n mǐ!” Bó ná ɖɔ nú só kpɛví lɛ́ɛ ɖɔ: “Mi mu kɔn nyi mǐ jí!”

Ozée 13:11

Un sin xomɛ bó ná axɔ́sú ɖokpó mi; un ka ná yí i sín mi sí kpó adǎn kpó.

Judi 1:13

Yě cí xu e ɖo xixo wɛ kpó adǎn kpó ɔ́ ɖɔhun, bɔ winnyánú wiwa yětɔn lɛ́ɛ nɔ cí fún e nyɛ wɛ xu ɔ́ ɖe é ɖɔhun. Yě cí sunví e ɖo flúflú wɛ lɛ́ɛ ɖɔhun, bɔ Mawu sɔ́ tɛnmɛ ɖokpó ɖ'ayǐ nú yě káká sɔ́yi, ɖo ablu gɔngɔn ɔ́ mɛ.