Ozée 10:2 - MAWUXÓWÉMA

² Ayixa yětɔn nɔ́ nɔ fí ɖokpó ǎ: hwɛ e yě hu lɛ́ɛ ji nǔɖé ɔ́, yě ná kpan. Mawu Mavɔmavɔ ná flí vɔ̌sákpe yětɔn lɛ́ɛ xwe, é ná gba awǐnnya e yě sɔ́ dó ɖó vodún ná, bó nɔ sɛn lɛ́ɛ.

Ozée 10:2 Iomraidhean Croise

1 Axɔ́sú 18:21

Ée yě kplé ɔ́, Elíi sɛkpɔ́ yě, bó ɖɔ: “Hwetɛ́nu wɛ mi ka ná sɛn nǔ we yi jɛ? Mi sɔ́ ɖokpó bó sɛn. Ényí Mawu Mavɔmavɔ wɛ ɖó acɛ nǔgbó hǔn, mi bo sɛn ɛ. É ká nyí vodún Baalu wɛ ɖó acɛ nǔgbó hǔn, mi bo sɛn ɛ!” Ée é ɖɔ mɔ̌ ɔ́, mɛɖé kɛ nu ɖo yě mɛ ǎ.

Tíntɔ́n 23:24

Mi ma jɛ kpo nú vodún yětɔn lɛ́ɛ ó, mi ma sɛn vodún yětɔn lɛ́ɛ ó, mi ma wa nǔ yě ɖɔhun ó. Lo ɔ́, mi ná gba vodún yětɔn lɛ́ɛ, bó ná gba awǐnnya e yě nɔ́ tun te bó nɔ́ sɛn lɛ́ɛ.

Nǔnywɛ́xó 11:18

Nǔ e mɛdídá nɔ mɔ ɔ́ nɔ́ ɖó ta ɖé ǎ; mɛ e ka nɔ vlɔ́n kan nú nǔ wa ɖó sɛ́nxwi jí ɔ́, tunwun ɖɔ émí ná ɖu le tɔn dandan.

Ezayíi 44:18

Mɛ énɛ́ lɛ́ɛ ɔ́, nǔɖé ɖo ta yětɔn mɛ ǎ; yě tunwun nǔ ɖěbǔ ǎ. Nukún yětɔn ɖo myɔ̌myɔ́, yě mɔ nǔɖé ǎ; ayǐ yětɔn ká nɔ́ mɔ nǔ, bónú yě ná mɔ nukúnnú jɛ nǔɖé wǔ ǎ.

Jelemíi 43:13

É ná gba bǒcyɔ e ɖo Heliopolísi ɖo Ejípu fí lɛ́ɛ, bó ná dó nǔmɛsɛn sín xwé lɛ́ɛ zo.’ ”

Ezekiyɛ́li 14:5

Gbe e un ná yí n'i ɔ́ ná hɛn hǔn nú Izlayɛ́li ví e jó mì dó, bó ɖó kan dó vodún yětɔn lɛ́ɛ wú lɛ́ɛ bǐ.

Ozée 12:11

Un ɖɔ xó nú gbeyíɖɔ ce lɛ́ɛ, un ɖe nǔ alɔkpa alɔkpa lɛ́ɛ xlɛ́ yě. Gbeyíɖɔ ce lɛ́ɛ jí wɛ un nɔ gbɔn bó nɔ́ dó lǒ.

Ozée 3:4

Đó Izlayɛ́li ví lɛ́ɛ ná nɔ axɔ́sú kpó gǎn kpó má ɖó xɔ xwe gěgé; yě ná gɔn vɔ̌ sá xɔ xwe gěgé, bó ná gɔn awǐnnya e yě sɔ́ dó ɖó vodún ná ɔ́ sɛn xɔ xwe gěgé. Yě ná gɔn nǔ e è nɔ dó kan nǔ byɔ́ Mawu lɛ́ɛ ɖó xɔ xwe gěgé.

Ozée 7:8

Akɔta Eflayímu tɔn ɔ́ cáká dó togun lɛ́ɛ mɛ. Akɔta Eflayímu tɔn ɔ́ cí atá e è ma húzú ǎ é ɖɔhun.

Levíi ví 26:30

Un ná gbɛ́ wǎn nú mi. Un ná gba vodún xwé mitɔn e ɖo só jí lɛ́ɛ; un ná mu vɔ̌sákpe e jí mi nɔ dó zǎlínkpɔ́n zo ɖe lɛ́ɛ. Un ná bɛ́ cyɔ mitɔn lɛ́ɛ kplé ɖó vodún mitɔn e è gba hánnyá lɛ́ɛ jí.

Micée 5:13

Un ná hɔn atín e mi nɔ sɛn lɛ́ɛ nyi gbě, bó ná gba toxo ɖaxó mitɔn lɛ́ɛ.

Sofoníi 1:5

Un ná sú mɛ e nɔ xá xɔ ta, bo nɔ sɛn sun kpó hwe kpó lɛ́ɛ sín kún dó. Mɛ e nɔ ɖɔ émí ná nɔ gbejí nú nyɛ Mawu Mavɔmavɔ, bɔ é ká lɛ́ yá ɔ́, yě nɔ́ ɖɔ émí ná nɔ gbejí nú vodún Mɔlɛ́ki lɛ́ɛ ɔ́, un ná sú mɛ énɛ́ lɛ́ɛ bǐ sín kún dó.

Zakalíi 13:2

Hwenɛ́nu ɔ́, Mawu Mavɔmavɔ Nǔbǐwúkpétɔ́ ɔ́ ɖɔ: “Un ná sú vodún lɛ́ɛ sín kún dó ɖo to ɔ́ mɛ, bɔ mɛ ɖěbǔ sɔ́ ná nɔ́ flín yě ǎ. Mɔ̌ ɖokpó ɔ́, un ná sú mɛ e nɔ ylɔ́ yěɖée ɖɔ gbeyíɖɔ ce lɛ́ɛ sín kún dó, bó ná ɖe nǔ e nɔ́ zɔ́n bɔ mi nɔ yí wǎn nú vodún sinsɛn ɔ́ sín ayi mitɔn mɛ.

Matíe 6:24

“Mɛ ɖé sixú sɛn gǎn we ǎ; ɖó é ná gbɛ́ wǎn nú mɛ ɖě, bo na yí wǎn nú mɛ ɖě; abǐ é ná se tónú nú mɛ ɖě, bo na vɛ́ tóli nú mɛ ɖě. Mi sixú sɛn Mawu bo lɛ́ sɛn dɔkun ǎ.”

Luki 16:13

“Mɛsɛntɔ́ ɖé sixú sɛn gǎn we ǎ: ɖó é ná gbɛ́ wǎn nú mɛ ɖě, bó na yí wǎn nú mɛ ɖě; abǐ é ná se tónú nú mɛ ɖě, bó ná vɛ́ tóli nú mɛ ɖě. Mi sixú sɛn Mawu, bó lɛ́ sɛn dɔkun ǎ.”

Jaki 1:8

ɖó, ɖo nǔwiwa tɔn lɛ́ɛ mɛ ɔ́, ayi tɔn nɔ nɔ fí ɖokpó ǎ; é ka ɖó jiɖiɖe dó nǔ e wa wɛ é ɖe ɔ́ ɖě wú ǎ.

Jaki 4:4

Nǔ gbejímánɔ-númawutɔ́ élɔ́ lɛ́ɛ! Mi tunwun ɖɔ è zun xɔ́ntɔn xá gbɛ ɔ́, Mawu sín kɛntɔ́ wɛ è nyǐ ǎ cé? Mɛ e jló ná nyí gbɛmɛ fí sín nǔ lɛ́ɛ sín xɔ́ntɔn ɔ́ nɔ sɔ́ éɖée dó húzú Mawu sín kɛntɔ́.

1 Jǎan 2:15

Mi ma yí wǎn nú gbɛ ɔ́ ó; mi ma ka yí wǎn nú nǔ e nyí gbɛ ɔ́ tɔn lɛ́ɛ ɖěbǔ ó. Ényí mɛɖé yí wǎn nú gbɛ ɔ́ hǔn, é ɖó wǎn yíyí nú Tɔ́ ɔ́ ǎ.

1 Samuwɛ́li 5:4

Ée ayǐ lɛ́ hɔ́n ɔ́, yě lɛ́ fɔ́n zǎn, bó lɛ́ mɔ Dagɔ́ni ɖo agbɔ̌nnusúxwedo ɖo akɔjijɛgbá Mawu Mavɔmavɔ tɔn sá mɛ, bɔ ta tɔn kpó alɔ tɔn we lɛ́ɛ kpó ɖo kpekán ɔ́ ta, bó ɖo jǐ lɔ́n yi wɛ, bɔ golyo ɔ́ ɖo vo.