Ozée 1:7 - MAWUXÓWÉMA

⁷ Lo ɔ́, un ná yí wǎn nú Judáanu lɛ́ɛ; nyɛ Mawu Mavɔmavɔ, Mawu yětɔn ná hwlɛ́n yě gán. Un ka ba gǎ abǐ hwǐ ǎ; un ba ná fun ahwan ǎ, un ba ahwan-yisɔ́sú ǎ, un ka ba sɔ́xátɔ́ cóbó ná hwlɛ́n yě gán ǎ.”

Ozée 1:7 Iomraidhean Croise

2 Axɔ́sú 19:29

“Amɔ̌, hwɛ ɔ́, Ezekiyási, nǔ e ná nyí xlɛ̌ nú we ɔ́ ɖíe: Xwe élɔ́ mɛ ɔ́, nǔkún flá lɛ́ɛ wɛ è nǎ ɖu; xwe wegɔ́ ɔ́ mɛ ɔ́, è nǎ ɖu nǔ ɖokpó ɔ́, amɔ̌, xwe atɔngɔ́ ɔ́ mɛ ɔ́, nǔ e mi ɖésúnɔ ná dó é wɛ mi ná ɖu. Mi ná dó nǔkún bó ná ya, mi ná tun vǐwun, bɔ é ná sɛ́n, bɔ mi ná ɖu.

2 Axɔ́sú 19:34

Un ná cyɔ́n alɔ toxo élɔ́ jí, bó ná hwlɛ́n ɛ gán, ɖó Mawu wɛ un nyí; un ná bló mɔ̌, ɖó akpá e un dó nú mɛsɛntɔ́ ce Davídi é wú.’ ”

2 Axɔ́sú 19:35

Zǎn énɛ́ ɔ́ mɛ ɔ́, wɛnsagun Mawu Mavɔmavɔ tɔn ɖokpó tɔ́n, bó hu gbɛtɔ́ adɔ̌kpo tɛ́nnɛ děgba ɖě afatɔ́n (185.000) ɖo Asilíinu lɛ́ɛ sín ahwankpá mɛ. Ée ayǐ hɔ́n zǎnzǎn ɔ́, mɛ e kpo ɖo gbɛ lɛ́ɛ ná mɔ nǔɖé kpowun ɔ́, cyɔ yětɔn jɛ́n yě mɔ.

2 Axɔ́sú 6:18

Hwenɛ́nu ɔ́, sɔ́ja Silíi tɔn lɛ́ɛ ɖidó Elizée gɔ́n. Énɛ́ ɔ́, Elizée xo ɖɛ bo ɖɔ: “Mawu Mavɔmavɔ, kɛnklɛ́n va nukún sɔ́ja élɔ́ lɛ́ɛ.” Bɔ Mawu Mavɔmavɔ va nukún yě lě e Elizée byɔ́ gbɔn é.

Ɖɛhan 33:16

Ahwanfuntɔ́ gěgé wɛ nɔ́ zɔ́n bɔ axɔ́sú nɔ́ gán ɖo ahwangbénu ǎ; hlɔ̌nhlɔ́n ɖaxó wɛ nɔ́ hwlɛ́n súnnu glegbenu gán ǎ.

Ɖɛhan 44:7

Gǎ ce wú wɛ un gán jɛ ǎ; hwǐ ce wɛ ná hwlɛ́n mì gán ǎ,

Tíntɔ́n 14:13

Mɔyízi ka yí gbe nú yě ɖɔ: “Mi ma ɖi xɛsi ó, mi ma hɔn ó, bó ná kpɔ́n lě e Mawu Mavɔmavɔ ná hwlɛ́n mi gán gbɔn égbé din é; Ejípunu e mɔ wɛ mi ɖe din lɛ́ɛ ɔ́, mi sɔ́ ná mɔ yě ɖě gbeɖé ǎ.

Tíntɔ́n 14:30

Mawu Mavɔmavɔ hwlɛ́n Izlayɛ́li ví lɛ́ɛ ɖo Ejípunu lɛ́ɛ sí gbe énɛ́ ɔ́ gbe. Bɔ Izlayɛ́li ví lɛ́ɛ mɔ Ejípunu lɛ́ɛ sín cyɔ ɖo xu ɔ́ tó.

Ezayíi 12:2

Mawu Mɛhwlɛ́ngántɔ́ ce ɔ́ ɖíe, un ɖeji dó wǔ tɔn, xɛsi sɔ́ ɖi mì ǎ, ɖó Mawu Mavɔmavɔ wɛ nyí hlɔ̌nhlɔ́n ce, bó nyí han ɖo nu ce; é wɛ nyí hwlɛngán ce.”

Ezayíi 30:18

Nǔ ɖo mɔ̌ có, Mawu Mavɔmavɔ ɖó jlǒ bó ná wa ɖagbe nú mi. É ná sí te bó ná kú nǔbláwǔ nú mi, ɖó Mawu Mavɔmavɔ ɔ́, Mawu hwɛjijɔnɔ wɛ. Nǔ nyɔ́ nú mɛ e ɖo nukún ɖó e wɛ lɛ́ɛ bǐ.

Ezayíi 49:6

É ɖɔ nú mì ɖɔ: “Azɔ̌ e wa nú mì wɛ a ɖe, bó ɖo akɔta Jakɔ́bu tɔn lɛ́ɛ sɔ́ sí te wɛ, bó ɖo mɛ e kpo ɖo Izlayɛ́li lɛ́ɛ kplá wá wɛ ɔ́, azɔ̌ énɛ́ ɔ́ kɛ́ɖɛ́ kpé ǎ. Un lɛ́ sɔ́ we dó ɖó wěziza nú akɔta ɖě lɛ́ɛ, bónú hwlɛngán ce ná yi káká fí e gbɛ ɔ́ kponu ɖó é.”

Ezayíi 7:14

Din ɔ́, Aklúnɔ ɖésú ɖo xlɛ̌ ɖokpó ná mi wɛ: Éɖíe, ɖyɔ̌vǐ ɔ́ ná mɔ xo, bó ná ji vǐ súnnu ɖokpó. É ná sun nyǐ vǐ ɔ́ ɖɔ Emanuwɛ́li, ‘Mawu ɖo kpɔ́ xá mǐ.’

Jelemíi 25:5

Mawu Mavɔmavɔ ɖɔ nú mi ɖɔ: ‘Ali nyanya e mi wlí ɔ́, mi lɛ́ kɔ sín jí, mi jó dǎka dó, bó jó nǔ baɖabaɖa e mi nɔ bló lɛ́ɛ dó; énɛ́ ɔ́, mi ná nɔ to e un ná tɔ́gbó mitɔn lɛ́ɛ kpó mi kpó é mɛ káká sɔ́yi.

Jelemíi 25:6

Mi ma sɛn vodún ó, mi ma jɛ kpo nú vodún ó. Ényí mi ma sɔ́ nǔ énɛ́ lɛ́ɛ e è nɔ sɔ́ alɔ dó bló lɛ́ɛ dó dó xomɛsin nú mì ǎ ɔ́, un ná wa nǔ nyanya ɖěbǔ nú mi ǎ.’

Jelemíi 33:26

Ée nǔ ɖo mɔ̌ ɔ́, è sixú lin ɖɔ nyi ná jó Jakɔ́bu sín vǐ lɛ́ɛ kpó mɛsɛntɔ́ ce Davídi sín ví lɛ́ɛ kpó dó a? Abǐ è sixú lin ɖɔ gǎn e ná kpa acɛ dó Ablaxámu ví lɛ́ɛ, Izáki ví lɛ́ɛ kpó Jakɔ́bu ví lɛ́ɛ kpó nu lɛ́ɛ ɔ́, un kún ná zé ɖo yě mɛ ó a? “Un sixú bló mɔ̌ gbeɖé kpɔ́n ǎ! Un yí wǎn nú yě ɖésú. Un ná lɛ́ sɔ́ yě ɖó lě e yě kó ɖe ɖ'ayǐ é.”

Ozée 1:8

Ée Gomɛ́ɛ ɖe anɔ̌ nú Lo-Hluxáma ɔ́, tínmɛ tɔn wɛ nyí mɛ e è ma yí wǎn ná ǎ é, é lɛ́ mɔ xo bó ji vǐ súnnu ɖokpó.

1 Samuwɛ́li 17:47

Bɔ mɛ e ɖo fí lɛ́ɛ bǐ ná tunwun ɖɔ Mawu Mavɔmavɔ kún ba hwǐ abǐ hwǎn cóbó ná hwlɛ́n mɛ gán ó, ɖó Mawu Mavɔmavɔ wɛ nɔ ná ɖuɖéjí mɛ; é ná jó mi nú mǐ.”