Ozée 1:4 - MAWUXÓWÉMA

⁴ Bɔ Mawu Mavɔmavɔ ɖɔ nú Ozée ɖɔ: “Sun nyǐ vǐ ɔ́ ɖɔ Izleyɛ́li, ɖó é nɔ zaanɖé din ɔ́, un ná dɔn tó nú Jehu sín kúnkan lɛ́ɛ, ɖó mɛ e yě hu ɖo Izleyɛ́li lɛ́ɛ é wú; un ná ɖó xwédo Izlayɛ́li tɔn ɔ́ sín axɔ́súɖuɖu te.

Ozée 1:4 Iomraidhean Croise

2 Axɔ́sú 10:1

Akábu ɖó vǐ súnnu kpó vǐvú súnnu kpó kanɖé gban (70). Samalíi wɛ yě nɔ́ nɔ. Jehu sɛ́ wěma dó ahwangán Izleyɛ́li tɔn lɛ́ɛ, tomɛxó lɛ́ɛ, kpó mɛ e nɔ kplɔ́n nǔ Akábu ví lɛ́ɛ kpó ɖo Samalíi. É ɖɔ dó wěma ɔ́ mɛ ɖɔ:

2 Axɔ́sú 10:17

Ée Jehu jɛ Samalíi ɔ́, é hu Akábu sín mɛ e kpo ɖo fínɛ́ lɛ́ɛ bǐ. É sú yě bǐ sín kún dó lě e Mawu Mavɔmavɔ ko ɖɔ nú Elíi gbɔn é.

2 Axɔ́sú 15:29

Hwenu e Pekáxi ɖo axɔ́sú ɖu wɛ ɖo Izlayɛ́li ɔ́, Asilíi xɔ́sú Tiglati-Pilesɛ́ɛ wá tɔ́n ahwan ɛ, bó yí toxo gěgé: é yí Iyɔ́ni, Avɛ́li-Bɛti-Maaka, Yanɔwáxi, Kedɛ́ci kpó Hasɔ́ɔ kpó, bó yí Galadi yíkúngban ɔ́ kpó Galilée yíkúngban ɔ́ kpó bó yí Nɛfutali to ɔ́ bǐ. É bɛ́ mɛ e gbɔn fí énɛ́ lɛ́ɛ bǐ yi Asilíi.

2 Axɔ́sú 15:8

Hwenu e axɔ́sú Judáa tɔn Oziyási ɖo xwe gbantɔ́n-nukún-atɔn (38) bló wɛ ɖo axɔ́súzinkpo jí ɔ́, Zakalíi Jelobowámu ví ɔ́ yi axɔ́súzinkpo Izlayɛ́li tɔn jí ɖo Samalíi, bó ɖu axɔ́sú nú sun ayizɛ́n.

Ezayíi 7:14

Din ɔ́, Aklúnɔ ɖésú ɖo xlɛ̌ ɖokpó ná mi wɛ: Éɖíe, ɖyɔ̌vǐ ɔ́ ná mɔ xo, bó ná ji vǐ súnnu ɖokpó. É ná sun nyǐ vǐ ɔ́ ɖɔ Emanuwɛ́li, ‘Mawu ɖo kpɔ́ xá mǐ.’

Ezayíi 8:3

Énɛ́ ɔ́ gúdo ɔ́, un ɖó xó xá asi ce; gbeyíɖɔ Mawu tɔn wɛ. É mɔ xo bó ji vǐ súnnu ɖokpó. Bɔ Mawu Mavɔmavɔ ɖɔ nú mì ɖɔ: “A nǎ sun nyǐ i ɖɔ: ‘Dɔkun-jɛ-agba-Zɔnmɛ-bo-bɛ́’.

Ezayíi 9:6

É ná gbló ada nú acɛkpikpa tɔn, bó ná bló bɔ fífá e má ná vɔ gbeɖé ǎ ɔ́ ná tíin. É ná jínjɔ́n axɔ́súzinkpo Davídi tɔn jí, bó ná kpa acɛ dó axɔ́súɖuto tɔn nu. É ná ɖó nǔ wa ɖó sɛ́nxwi jí ayǐ, bó ɖó hwɛjijɔ ayǐ dó sɔ́ axɔ́súɖuɖu tɔn jínjɔ́n ayǐ ganjí sín din káká sɔ́yi. Nǔ e Mawu Mavɔmavɔ Nǔbǐwúkpétɔ́ ɔ́ ná bló kpó wǎn yíyí tɔn ɖaxó ɔ́ kpó é nɛ́.

Jelemíi 20:3

Ayǐhɔ́ngbe tɔn ɔ́, Pacehúu tún Jelemíi, bɔ Jelemíi ɖɔ n'i ɖɔ: “Pacehúu wɛ nyí nyǐkɔ e Mawu Mavɔmavɔ ná we é ǎ, ‘Xɛsiɖofíbǐ’ wɛ nyǐkɔ towe nyí.

Jelemíi 23:2

Énɛ́ ɔ́ wú wɛ nyɛ Mawu Mavɔmavɔ, Mawu Izlayɛ́li tɔn ɖɔ xó dó lɛ̌ngbɔ́nyitɔ́ énɛ́ lɛ́ɛ wú; un ɖɔ: ‘Mi gba lɛ̌ngbɔ́ ce lɛ́ɛ dó, mi nya yě. Mi kpé nukún dó yě wú ǎ. Énɛ́ wú ɔ́, un na dɔn tó nú mi, ɖó dǎka mitɔn lɛ́ɛ wú.’ Xó e nyɛ Mawu Mavɔmavɔ ɖɔ ɔ́ nɛ́.

Jelemíi 3:8

Un nya Izlayɛ́li gbejímánɔtɔ́ ɔ́, ɖó afɔ e é dó gbě ɔ́ wú, lobo wlán wěma dó así n'i ɖɔ un gbɛ́ ɛ, có nɔví tɔn Judáa ɔ́ ɖi xɛsi ǎ mɛ! É lɔ yi dó afɔ gbě Izlayɛ́li ɖɔhun.

Ezekiyɛ́li 23:10

Ée un jó e nú yě ɔ́, yě ɖe e nyi mɛ̌ bó wlí vǐ tɔn súnnu kpó nyɔ̌nu kpó. Énɛ́ ɔ́ gúdo ɔ́, yě sɔ́ hwǐ dó hu i, bó sɔ́ ɛ dó dó sɛ́n dó kplɔ́n nǔ nyɔ̌nu lɛ́ɛ, ɖó è dɔn nǔ e é wa ɔ́ sín tó n'i.”

Ezekiyɛ́li 23:31

Dadá towe sín afɔdo mɛ wɛ a tɛ afɔ; énɛ́ wútu ɔ́, xomɛsin ce e un kpé nú dadá towe ahan ɖɔhun ɔ́, un ná kpé nú hwi lɔmɔ̌.

Ozée 1:6

Nyɔ̌nu ɔ́ lɛ́ mɔ xo bó ji vǐ nyɔ̌nu ɖokpó. Bɔ Mawu Mavɔmavɔ ɖɔ nú Ozée ɖɔ: “Sun nyǐ vǐ ɔ́ ɖɔ Lo-Hluxáma, tínmɛ tɔn wɛ nyí mɛ e è ma yí wǎn ná ǎ é, ɖó un sɔ́ ná yí wǎn nú Izlayɛ́linu lɛ́ɛ ǎ. Un ná ɖó wǎn e un yí nú yě ɔ́ te.

Ozée 1:9

Bɔ Mawu Mavɔmavɔ ɖɔ nú Ozée ɖɔ: “Sun nyǐ vǐ ɔ́ ɖɔ Lo-Ami, tínmɛ tɔn wɛ nyí mɛ e ma nyí togun ce ǎ é, ɖó mi sɔ́ nyí togun ce ǎ, nyɛ ka sɔ́ nyí Mawu mitɔn ǎ.”

Ozée 2:13

Un ná ɖó awǎ e jɛ wɛ é ɖe ɔ́ bǐ te. Xwe e ɖu wɛ é ɖe lɛ́ɛ, sunwájǐxwe e ɖu wɛ é ɖe lɛ́ɛ, gbɔjɛzán e ɖu wɛ é ɖe lɛ́ɛ, kpódó agɔ̌ e ɖu wɛ é ɖe lɛ́ɛ bǐ kpó ɔ́, un ná ɖó bǐ te.

Ozée 2:22

Un ná da we lě e un dó akpá tɔn nú we gbɔn é. Énɛ́ ɔ́, a nǎ tunwun ɖɔ nyɛ wɛ nyí Mawu Mavɔmavɔ.

Ozée 9:17

Mawu ce ná gbɛ́ yě, ɖó yě ɖótó e ǎ. Yě ná nɔ́ ɖo flúflú wɛ gbɔn akɔta lɛ́ɛ mɛ akɔta lɛ́ɛ mɛ.

Amɔ́si 9:8

Aklúnɔ Mavɔmavɔ sín nukún ɖo nǔ e axɔ́sú Izlayɛ́li tɔn lɛ́ɛ wa nyi do lɛ́ɛ jí. Bɔ é ɖɔ: “Un ná sú kún yětɔn dó sín ayǐkúngban ɔ́ jí. Amɔ̌, un ná sú Jakɔ́bu ví lɛ́ɛ bǐ sésé sín kún dó ǎ.

Matíe 1:21

É ná ji vǐ súnnu ɖokpó, bɔ a nǎ sun nyǐ vǐ ɔ́ ɖɔ Jezu , ɖó é ná hwlɛ́n togun tɔn gán sín hwɛ tɔn lɛ́ɛ mɛ.”

Luki 1:13

Wɛnsagun ɔ́ ka ɖɔ n'i ɖɔ: “Zakalíi, ma ɖi xɛsi ó; ɖó Mawu yí gbe nú nǔ e a byɔ́ ɛ é. Asi towe Elizabɛ́ti ná ji vǐ súnnu ɖokpó nú we, bɔ a nǎ sun nyǐ i ɖɔ Jǎan.

Luki 1:31

bo tunwun ɖɔ a nǎ mɔ xo, bó ná ji vǐ súnnu ɖokpó, bó ná sun nyǐ i ɖɔ Jezu.

Luki 1:63

bɔ é byɔ́ nǔ e jí è nɔ wlán nǔ dó é ɖokpó, bó wlán ɖɔ: “Jǎan wɛ nyǐkɔ tɔn nyí.” Bɔ é kpácá yě bǐ.

Jǎan 1:42

Bɔ Andlé kplá nɔví tɔn Sinmɔ́ɔ yi Jezu gɔ́n. Jezu kpɔ́n Sinmɔ́ɔ, bó ɖɔ: “Hwi wɛ nyí Sinmɔ́ɔ, Jǎan sín vǐ ɔ́; amɔ̌, è nǎ nɔ ylɔ́ we ɖɔ Sefási (nyǐkɔ énɛ́ ɔ́ sín tínmɛ wɛ nyí awǐnnya.)”

Jozuwée 19:18

Toxo élɔ́ lɛ́ɛ ɖo ayǐkúngban yětɔn jí: Izleyɛ́li, Kesulɔ́ti, Cunɛ́mu,