Ozée 1:1 - MAWUXÓWÉMA

¹ Wěma élɔ́ ɔ́, xó e Mawu Mavɔmavɔ ɖɔ nú Ozée Beeli ví ɔ́ lɛ́ɛ wɛ ɖ'é mɛ. Jelobowámu, Yexoázi ví ɔ́ wɛ nyí Izlayɛ́li xɔ́sú hwenɛ́nu. Hwenɛ́nu ɖokpó ɔ́ wɛ Oziyási kpó Yotámu kpó, kpó Akázi kpó, kpódó Ezekiyási kpó ɖu axɔ́sú ɖo Judáa.

Ozée 1:1 Iomraidhean Croise

2 Axɔ́sú 13:13

Yexoázi zán wá kú bɔ è sɔ́ ɛ yi ɖó Samalíi ɖo axɔ́sú Izlayɛ́li tɔn lɛ́ɛ sín yɔdo mɛ, bɔ vǐ tɔn Jelobowámu ɖu axɔ́sú ɖó tɛn tɔn mɛ.

2 Axɔ́sú 14:16

Axɔ́sú Yexoázi zán wá kú bɔ è sɔ́ ɛ yi ɖó Samalíi ɖo axɔ́sú Izlayɛ́li tɔn lɛ́ɛ sín yɔdo mɛ, bɔ vǐ tɔn Jelobowámu ɖu axɔ́sú ɖó tɛn tɔn mɛ.

2 Axɔ́sú 14:23

Hwenu e axɔ́sú Judáa tɔn Amasiyasi, Joasi ví ɔ́ ɖo xwe afɔtɔn bló wɛ ɖo axɔ́súzinkpo Judáa tɔn jí ɔ́, Jelobowámu axɔ́sú Izlayɛ́li tɔn Yexoázi ví ɔ́ yi axɔ́súzinkpo Izlayɛ́li tɔn jí ɖo Samalíi. É ɖu axɔ́sú káká nú xwe kanɖé-nukún-ɖokpó (41).

2 Axɔ́sú 15:32

Hwenu e axɔ́sú Izlayɛ́li tɔn Pekáxi, Hlemaliyahu ví ɔ́ ɖo xwe we bló wɛ ɖo zinkpo jí ɔ́, Yotámu, Oziyási ví ɔ́ yi axɔ́súzinkpo Judáa tɔn jí.

2 Axɔ́sú 15:5

Mawu Mavɔmavɔ sɛ́ azɔn baɖabaɖa ɖé dó Oziyási: é bɛ́ gudu bɔ gudu ɔ́ nɔ wǔtu tɔn mɔ̌ káká jɛ gbe e gbe é kú é. Hwenu e é ɖo azɔn ɔ́ jɛ wɛ ɔ́, è sɔ́ ɛ yi ɖó xwé ɖé gbe ɖo zɔ nú mɛ bǐ, bó sɔ́ vǐ tɔn Yotámu e kpa acɛ ɖo hɔnmɛ ɔ́ ɖó axɔ́súɖuto ɔ́ bǐ nu.

2 Axɔ́sú 15:7

Oziyási zán wá kú, bɔ è sɔ́ ɛ ɖó tɔ́gbó tɔn lɛ́ɛ sín yɔdo mɛ, ɖo Davídi Toxo mɛ, bɔ vǐ tɔn Yotámu ɖu axɔ́sú ɖó tɛn tɔn mɛ.

2 Tan 27:1

Xwe koatɔ́n (25) wɛ Yotámu ɖó bó yi axɔ́súzinkpo jí ɖo Jeluzalɛ́mu, bó ɖu axɔ́sú nú xwe afɔtɔn-nukún-ɖokpó. È nɔ ylɔ́ nɔ tɔn ɖɔ Yeluca; Sadɔ́ku ví wɛ.

2 Tan 28:1

Xwe ko wɛ Akázi ɖó, bó yi axɔ́súzinkpo jí ɖo Jeluzalɛ́mu, bó ɖu axɔ́sú nú xwe afɔtɔn-nukún-ɖokpó. É ka wa nǔ e má nyɔ́ Mawu Mavɔmavɔ nukún mɛ ǎ é. É bló lě e tɔ́gbó tɔn Davídi bló gbɔn ɖ'ayǐ é ǎ.

2 Tan 29:33

È lɛ̌ hɛn nyibú nǔwɔntɔn (600) kpódó lɛ̌ngbɔ́ afɔwó-afatɔ́n (3.000) kpó, dó sá vɔ̌ ɖě lɛ́ɛ ná.

Ezayíi 1:1

Mawu ɖɔ xó nú Ezayíi Amɔ̌si ví ɔ́ ɖo nǔmimɔ mɛ. É ɖɔ xó n'i dó axɔ́súɖuto Judáa tɔn kpó Jeluzalɛ́mu toxo ɔ́ kpó wú. Axɔ́sú Judáa tɔn Oziyási, Yotámu, Akázi kpó Ezekiyási kpó hwenu wɛ é ɖɔ xó ɔ́. Xó e é ɖɔ n'i ɔ́ ɖíe.

Ezayíi 7:1

Axɔ́sú Judáa tɔn Akázi e nyí Yotámu ví, bó nyí Oziyási vívú ɔ́ sín hwenu wɛ axɔ́sú Silíi tɔn Hlesini kpódó axɔ́sú Izlayɛ́li tɔn Pekáxi Hlemaliyahu ví ɔ́ kpó ɖidó ahwan tɔ́n Jeluzalɛ́mu toxo ɔ́ gbé; lo ɔ́, yě kpé wú bó tɔ́n ahwan ɛ ǎ.

Jelemíi 1:2

Xwe e xwe Joziyási Judáa xɔ́sú, Amɔ́ni ví ɔ́ ɖo xwe wǒ-atɔn bló ɖo gǎn jí é wɛ Mawu Mavɔmavɔ ɖɔ xó nú Jelemíi azɔn nukɔntɔn.

Jelemíi 1:4

Xó e Mawu ɖɔ nú mì é ɖíe:

Ezekiyɛ́li 1:3

Mawu Mavɔmavɔ ɖɔ xó ɖé nú nyɛ vɔ̌sánú-xwlémawutɔ́ Ezekiyɛ́li Buzi ví ɔ́, ɖo Babilɔ́nunu lɛ́ɛ sín to mɛ dɔ̌n, ɖo Kebáa tɔ ɔ́ tó; fínɛ́ wɛ hlɔ̌nhlɔ́n Mawu Mavɔmavɔ tɔn wá jǐ ce ɖe.

Jowɛ́li 1:1

Mawu Mavɔmavɔ ɖɔ xó nú Jowɛ́li Petuwɛli vǐ ɔ́.

Amɔ́si 1:1

Xó e Amɔ́si ɖɔ lɛ́ɛ wɛ ɖo wěma élɔ́ mɛ; Amɔ́si ɔ́, lɛ̌ngbɔ́nyitɔ́ e ɖo Tekowa toxo ɔ́ mɛ lɛ́ɛ ɖě wɛ. Mawu ɖe nǔ xlɛ́ ɛ dó togun Izlayɛ́li tɔn ɔ́ wú ɖo axɔ́sú Judáa tɔn Oziyási kpó axɔ́sú Izlayɛ́li tɔn Jelobowámu, Yexoázi ví ɔ́ kpó hwenu. Mawu ɖe nǔ énɛ́ ɔ́ xlɛ́ ɛ ɔ́, é bló xwe we cóbɔ ayǐkúngban dán wǔ.

Jonási 1:1

Mawu Mavɔmavɔ ɖɔ nú Jonási Amitayi ví ɔ́ gbe ɖokpó ɖɔ:

Micée 1:1

Hwenu e Jotámu kpó Akázi kpó, kpódó Ezekiyási kpó ɖo axɔ́sú ɖu wɛ ɖo Judáa ɖě jɛ ɖě gúdo ɔ́, Mawu Mavɔmavɔ sɔ́ xó élɔ́ dó ayi mɛ nú Micée Mɔlɛcɛ́tinu ɔ́. É ɖe nǔ e ná wá jɛ dó Samalíi toxo ɔ́ kpó Jeluzalɛ́mu toxo ɔ́ kpó jí ɔ́ xlɛ́ ɛ.

Zakalíi 1:1

Hwenu e Daliwúsi ɖo axɔ́sú ɖu wɛ ɖo Pɛ́si ɔ́, xwe tɔn wegɔ́ ɔ́ sín sun tántɔngɔ́ ɔ́ mɛ ɔ́, Mawu Mavɔmavɔ ɖɔ xó nú gbeyíɖɔ tɔn Zakalíi Bɛlɛkya ví, Idóo vívú ɔ́; é ɖɔ n'i ɖɔ:

Jǎan 10:35

Mawuxówéma ɔ́ nɛ́ è ma ka sixú gbídí nǔ ɖěbǔ ɖ'é mɛ ǎ nɛ́. Ényí è ka ylɔ́ mɛ e ɖɔ Mawuxó ná wɛ è ɖe lɛ́ɛ ɖɔ mawu ɔ́,

Hlɔ̌manu 9:25

Nǔ énɛ́ wɛ Mawu ɖɔ ɖo Ozée sín wěma mɛ; Mawu ɖɔ: “Un ná ylɔ́ togun e ma nyí togun ce ɖ'ayǐ ǎ lɛ́ɛ ɖɔ togun ce; un ná ylɔ́ akɔta e un ma yí wǎn ná ɖ'ayǐ ǎ ɖɔ wǎnyínámɔ ce vívɛ́ná.

2 Piyɛ́ɛ 1:21

Đó mɛ ɖěbǔ nɔ sɔ́ jlǒ é ɖésúnɔ tɔn kpowun dó ɖɔ Mawuxó ɔ́ ná kpɔ́n gbeɖé ǎ; lo ɔ́, Yɛsinsɛn wɛ nɔ sɔ́ dó ayi mɛ nú gbɛtɔ́ lɛ́ɛ, bɔ yě nɔ ɖɔ xó e Mawu ɖɔ yě ní ɖɔ é.