Nǔnywɛ́xó 9:1 - MAWUXÓWÉMA

¹ Nǔnywɛ́ kpa dotín tɛ́nwe, bó dó bló xɔ tɔn.

Nǔnywɛ́xó 9:1 Iomraidhean Croise

1 Axɔ́sú 7:21

É tun dotín lɛ́ɛ gbɔn Mawu Mavɔmavɔ xwé ɔ́ sín hɔnnúwa kpá. Đokpó ɖo ɖisíxwé, bɔ ɖokpó ɖo amyɔxwé. È nɔ ylɔ́ ɖisíxwé tɔn ɔ́ ɖɔ Yakíni, bó nɔ ylɔ́ amyɔxwé tɔn ɔ́ ɖɔ Bowazi.

1 Axɔ́sú 7:6

Énɛ́ ɔ́ gúdo ɔ́, é lɛ́ gbá “Dotín xɔ”. Ga tɔn nyí mɛ̌tlu koatɔ́n (25), bɔ gblǒ tɔn nyí mɛ̌tlu afɔtɔn. É wɛ nyí hɔnnúwa ɔ́, bɔ è fɔ dotín dó bló ná, bɔ jɔhɔnsinglɔ́nnú ɖo nukɔn tɔn.

Nǔnywɛ́xó 1:20

Nǔnywɛ́ nɔ ɖo xó sú wɛ gbɔn alixo alixo. É nɔ zé gbe dó jǐ, bó nɔ́ ɖɔ xó gbɔn tokplétɛn tokplétɛn.

Nǔnywɛ́xó 2:1

Vǐ ce, hɛn xó ce lɛ́ɛ ayi mɛ, hɛn nǔ e un kplɔ́n we lɛ́ɛ dó wǔ.

Nǔnywɛ́xó 24:3

Nǔnywɛ́ nɔ́ sá xwé, ayiɖote nɔ lí xwé.

Nǔnywɛ́xó 3:1

Vǐ ce, ma wɔn nǔ e un kplɔ́n we lɛ́ɛ ó; ayi towe ní nɔ nǔ e un ɖɔ hwi ní bló lɛ́ɛ jí.

Nǔnywɛ́xó 8:1

Nǔnywɛ́ ɖo xó sú ylɔ́ we wɛ, nukúnnú mɔ jɛ nǔ mɛ zé gbe dó jǐ bó ɖo xó ɖɔ wɛ; mi se ǎ cé?

Ezayíi 55:1

Mawu ɖɔ: “Mi mɛ e kɔ xú lɛ́ɛ mi, sin ɖíe, mi bǐ ní wá! Mi na bo ma ɖó akwɛ́ ǎ hǔn, mi wá. Mi wá yí nǔɖuɖu; vɔ̌nu wɛ. Mi wá yí vɛ̌ɛn kpó nyibúnɔ́sin kpó. É byɔ́ ɖɔ mi na hɛn akwɛ́ ǎ, é ká byɔ́ ɖɔ mi ná sú axɔ́ ǎ.

Matíe 16:18

Din ɔ́, má ɖɔ nú we: Piyɛ́ɛ wɛ nyǐkɔ towe nɔ́ nyí, tínmɛ tɔn wɛ nyí awǐnnya, bɔ awǐnnya élɔ́ ɔ́ jí wɛ un ná sɔ́ agun ce jínjɔ́n, bɔ kú sín hlɔ̌nhlɔ́n ná sixú wa nǔ ɖěbǔ n'i ǎ.

Galatinu 2:9

Jaki kpódó Sefási kpó, kpódó Jǎan kpán wɛ è nɔ mɔ ɖɔ yě nyí sósyɛ́n nú agun lɛ́ɛ; ée yě mɔ ɖɔ Mawu sɔ́ azɔ̌ énɛ́ dó así nú mì ɔ́, yě ná alɔ nyɛ kpódó Baanabási kpó, bó dó ɖe xlɛ́ ɖɔ azɔ̌ ɖokpó ɔ́ wa wɛ mǐ ɖe. Énɛ́ ɔ́, mǐ bǐ ɖó gbe kpɔ́, bɔ nyɛ kpódó Baanabási kpó ná yi mɛ e ma nyí Jwifu ǎ lɛ́ɛ gɔ́n, bɔ yědɛɛ lɛ́ɛ ná yi mɛ e nyí Jwifu lɛ́ɛ gɔ́n.

1 Timɔtée 3:15

È ka nɔ tunwun ǎ; ényí wǐwá ce wá ɖo lǐnlín wɛ ɔ́, wěma élɔ́ ná zɔ́n bɔ a nǎ tunwun lě e a nǎ wa nǔ gbɔn ɖo xwédo Mawu tɔn mɛ é; xwédo e nyí agun Mawu gbɛɖe ɔ́ tɔn, bó nyí dotín kpódó sósyɛ́n kpó nú nǔgbó ɔ́ é.

Nǔɖexlɛ́mɛ 3:12

“Mɛ e ná ɖu ɖ'é jí ɔ́, un ná sɔ́ ɛ dó bló dotín ná ɖo sinsɛnxɔ Mawu ce tɔn mɛ, bɔ é sɔ́ ná tɔ́n ǎ. Un ná wlán Mawu ce sín nyǐkɔ kpódó Mawu ce sín toxo sín nyǐkɔ kpán dó wǔ tɔn; Mawu ce sín toxo ɔ́ wɛ nyí Jeluzalɛ́mu yɔ̌yɔ́ e Mawu ce ná sɛ́ dó, bɔ é ná jɛ te sín sɛ́xwé wá é. Un ná wlán nyǐkɔ ce yɔ̌yɔ́ ɔ́ lɔ dó wǔ tɔn.