Nǔnywɛ́xó 5:3 - MAWUXÓWÉMA

³ Xó e nɔ́ tɔ́n sín mɛ ɖěvo sín asi banáwatɔ́ sín nu mɛ ɔ́, nɔ́ víví ɖi wǐin, é nɔ́ fá ami ɖɔhun.

Nǔnywɛ́xó 5:3 Iomraidhean Croise

Ɖɛhan 55:21

Lɛdatɔ́ ɔ́ sí te dó xɔ́ntɔn tɔn lɛ́ɛ jí, akɔ e é kpó yě kpó jɛ ɔ́, é gba akɔ ɔ́.

Nǔnywɛ́xó 2:16

Énɛ́ ɔ́, a nǎ gló nyɔ̌nu mɛsi e nɔ ɖɔ xó víví dó flú mɛ é, a nǎ gló nyɔ̌nu e ma nyí asi towe ǎ é.

Nǔnywɛ́xó 22:14

Xó e nɔ́ tɔ́n sín nyɔ̌nu banáwatɔ́ lɛ́ɛ nu mɛ ɔ́, do gɔngɔn wɛ; mɛ e Mawu Mavɔmavɔ sin xomɛ dó ɔ́ ná jɛ mɛ.

Nǔnywɛ́xó 5:20

Vǐ ce, étɛ́wú mɛ ɖěvo nyɔ̌nu ná jló we? Étɛ́wú a nǎ ɖó he xá mɛsi?

Nǔnywɛ́xó 6:24

Nǔ énɛ́ lɛ́ɛ ná dó alɔ we bɔ a nǎ gló nyɔ̌nu banáwatɔ́, bó ná gló xó víví e nɔ tɔ́n sín nyɔ̌nu mɛ ɖěvo tɔn nu mɛ é.

Nǔnywɛ́xó 7:21

Nyɔ̌nu énɛ́ dó jɔngwín jɔngwín nú nyaví ɔ́ káká bɔ é se xó tɔn. É sɔ́ xó víví tɔn dó dɔn ɛ.

Nǔnywɛ́xó 7:5

Énɛ́ ɔ́, yě ná cyɔ́n alɔ jǐ towe ɖo nyɔ̌nu e má nyí asi towe ǎ é nukɔn; yě ná cyɔ́n alɔ jǐ we ɖo mɛsi e nɔ ɖɔ xó víví dó dɔn mɛ dó nǔ nyanya mɛ ɔ́ nukɔn.

Nǔnywɛ́tɔ́xó 7:26

Un ka wá mɔ nǔɖé: un mɔ ɖɔ nyɔ̌nu e ayixa tɔn nyí gɛ̌ bó nyí fɛ́ca, bɔ awa tɔn lɛ́ɛ nyí gɛdɛ é. A jɛ nyɔ̌nu mɔ̌hun sín alɔ mɛ ɔ́, é ná vlɛ́ nu nú we hú kú. Mɛ e nyɔ́ Mawu nukún mɛ ɔ́ nɔ́ gló e; mɛ e ka nyí hwɛhutɔ́ ɔ́ nɔ́ jɛ fɛn tɔn mɛ.

Hanvíví 4:11

Asixɔ́ntɔn ce, un kí si nú we dó nufló jí ɔ́, nufló towe nɔ́ víví ɖi wǐin akú; wǐin kpó nyibúnɔ́sin kpó wɛ ɖo ɖɛ̌ towe glɔ́. Nǔ e a dǒ lɛ́ɛ nɔ́ hwɛ́n zungbó Libáan tɔn sín wǎn.