Nǔnywɛ́xó 4:2 - MAWUXÓWÉMA

² ɖó nǔ ɖagbe kplɔ́n mi wɛ un ɖe. Mi ma hɔn xó ce lɛ́ɛ nyi gbě ó.

Nǔnywɛ́xó 4:2 Iomraidhean Croise

1 Tan 28:9

Vǐ ce Salomɔ́ɔ, hwɛ ɔ́, a ɖǒ ná tunwun Mawu nyɛ tɔ́ towe tɔn, lobo sɛn é ɖokpónɔ géé, kpódó ayixa towe bǐ kpó. Đó Mawu Mavɔmavɔ nɔ́ mɔ nukúnnú jɛ ayixa lɛ́ɛ bǐ mɛ, é tunwun nǔ e lin wɛ è ɖe lɛ́ɛ bǐ. Ényí a ba ɛ ɔ́, é ná jó éɖée dó bɔ a nǎ mɔ ɛ. Lo ɔ́ ényí a jǒ e dó ɔ́, é ná jó we dó bǐ gbídígbídí.

2 Tan 7:19

Amɔ̌, nú mi lɛ́ kɔ sín gǔdo ce ɔ́, nú mi ma bló nǔ e un zɔ́n mi lɛ́ɛ ǎ ɔ́, nú mi ma nyi sɛ́n ce lɛ́ɛ, bó xwedó nǔ e un ɖɔ lɛ́ɛ ǎ ɔ́, nú mi sɛn vodún bó ɖe kɔ́ nú yě ɔ́,

Jɔ̌bu 11:4

A glá káká bó ɖɔ: “Xó e ɖɔ wɛ un ɖe ɔ́ nǔgbó wɛ. Wǔɖíɖí aji ɖɔhun wɛ un ɖe ɖo Mawu nukɔn.”

Jɔ̌bu 33:3

Lě e é ɖé gbɔn ɖo ayi ce mɛ ɔ́, ɖɔ nú we gbé wɛ un ja. Xó jɔ xó séé wɛ ɖo nu ce mɛ ná tɔ́n sín wɛ.

Ɖɛhan 119:87

Kpɛɖé wɛ kpo bɔ yě ná hu mì; nyɛ ɔ́, un ka gɔn sɛ́n towe lɛ́ɛ nyi gbeɖé ǎ.

Nǔnywɛ́xó 3:1

Vǐ ce, ma wɔn nǔ e un kplɔ́n we lɛ́ɛ ó; ayi towe ní nɔ nǔ e un ɖɔ hwi ní bló lɛ́ɛ jí.

Jelemíi 35:8

Mǐ nyi sɛ́n e tɔ́gbó mǐtɔn Yonadávu Hlekávu ví ɔ́ dó nú mǐ é; mǐ nu vɛ̌ɛn kpɔ́n ǎ, asi mǐtɔn lɛ́ɛ ɖě nu vɛ̌ɛn kpɔ́n ǎ, vǐ mǐtɔn súnnu kpó nyɔ̌nu kpó ɖěbǔ nu vɛ̌ɛn kpɔ́n ǎ.

Sɛ́nflínmɛ 32:2

Kplɔ́n ce lɛ́ɛ ní ja jǐ ɖɔhun. Xó ce lɛ́ɛ ní ja ahǔn ɖɔhun. Ní gba, fo ɖo gbigba kɔn nyi gbě jí wɛ ɖɔhun. Ní ja kwín kloklo, jǐ ɖo jija wɛ katakata kɔn nyi gběhan jí wɛ ɖɔhun.

1 Timɔtée 4:6

A kplɔ́n nǔ énɛ́ lɛ́ɛ nɔví lɛ́ɛ ɔ́, a nǎ nyí Klísu Jezu sín mɛsɛntɔ́ ɖagbe, bó ná ɖe xlɛ́ ɖɔ nǔɖiɖixó kpódó nǔkplɔ́nmɛ titewungbe e a xwedó lɛ́ɛ kpán wɛ nyí Yɛsinsɛn sín nǔɖuɖu nú we.

Titu 1:9

É ɖó ná hɛn xó jɔ xó, xó ɖeji d'é wú e sɔgbe xá ɖěe è kplɔ́n ɛ ɔ́ dó ayi mɛ syɛ́nsyɛ́n; énɛ́ ɔ́, é ná nyí mɛ, bó ná sixú zé nǔkplɔ́nmɛ titewungbe ɔ́ dó ná akɔ́nkpinkpan mɛ ɖě lɛ́ɛ, bó ná nɔ́ ɖe mɛ e nɔ kpé ta do nú xó ɔ́ lɛ́ɛ sín nǔwanyido xlɛ́ yě.